影片
以上资料只供参考，请与餐厅确认详情
餐厅相当近铜锣湾地铁站，非常方便。餐厅地方唔大，但好惊喜两个人竟然比左间四人包厢房。点咗个二人套餐 「日本产和牛&海鲜豪华拼盘」，$1980，但份量都几多下。和牛有四个部位，分别系西冷、上肩眼、牛排肉、上牛排肉，冇渣之余，入口甘香，个个部位都咁好味！海鲜都有四款，有虾、带子、鳕场蟹脚、鲍鱼，最爱鳕场蟹脚，超鲜甜，其实其他海鲜都好好味，而且大只。好喜欢二人包厢房，私隐度超高，店员服务好好，大满足嘅一晚！
继续阅读
朋友生日，当然要揾一间好味又有体面嘅餐厅，做咗一阵research 就拣咗呢间位于铜锣湾嘅日本烧肉店，食材非常新鲜，和牛真系做到入口即溶🥹今次拣左2人份量嘅特选宫崎牛肉眼套餐，有特选和牛、特选三筋牛排肉、和牛上牛排肉和和牛牛排肉。和牛质量非常高，口感极其鲜嫩。😙😙🔵特选宫崎牛肉眼肉眼脂肪分布平均，肉质细嫩，而且韧度适中。由于牛味十足，落少少海盐已经够晒味！🥰.🟠特选和牛轻轻烧一烧就食得，一放入口即刻溶化，肉质鲜嫩多汁又丰富，好正😋.🟣和牛上牛排肉 & 和牛牛排肉牛味浓，肉汁特别多，而且有口感，系高质嘅牛排肉！🥰.🟠日本产豚腩肉豚肉味好浓郁，烧起上嚟香脆可口，散发住浓郁的香气😋😋
继续阅读
之前朋友食过呢间和牛烧肉店话好味介绍我食，于是我就约埋女朋友一齐去试下，烧肉店有尖沙咀店、铜锣湾店，我今次去铜锣湾店，贪呢度离地铁站出口比较近，行少啲😂🥗豆腐沙律前菜：沙律菜新鲜爽口，豆腐都很嫩滑，用咗胡麻酱、木鱼花同脆面包粒、车厘茄、黄椒等，食落好开胃，为呢餐美味嘅烧肉打开序幕。✨杂锦天妇罗 $200有炸虾、青辣椒、蕃薯、南瓜同冬菇，全部都系新鲜炸起，食落香酥松脆，唔会好厚粉，唔错。✨鸡蛋汤 $96蛋花汤蛋味香浓，仲有冬菇，味道清甜好好饮呀。✨特选日本产和牛&豪华烧肉拼盘 $1280▶️厚切牛舌▶️特选日本产和牛西冷▶️日本产和牛上牛排肉▶️特选日本产和牛牛排肉▶️日本产和牛肩眼可以食到和牛唔同嘅部位，全部选用高质靓和牛，每块和牛油花色泽都好靓，肉质软腍入口即溶，肉味仲好浓郁，牛排肉肉汁最丰富，好好味呀。可跟个人喜好沾一点烧肉汁、柠檬汁、岩盐或者唔沾酱都同样美味，和牛嘅香浓肉汁再加一碗白饭美味之余可还增添饱肚感。总结：服务唔错，店员有礼貌又细心，每次唔使客人开声已经主动加茶同换网。和牛质素高，每块和牛油花色泽都好靓，非常软嫩，入口即化，好好味呀，环境方面都坐得舒服可以再回访。
继续阅读
几年前都去过食呢间烧肉店，早几天相约好友再去，水准依旧都keep到👍🏻环境舒服😌服务又好，坐低睇睇餐牌就点左几款美食😋豆腐沙律沙律用左胡麻酱木鱼花碎很美味，沙律菜很新鲜，豆腐很细清🥗特选日本产和牛牛排肉入口即时溶化，啖啖牛香，鲜味十足👍🏻特选日本产一口和牛粒一口和牛粒要烧多少少时间，充满着牛味，十分美味可口😋厚切牛舌切得好厚身，又大块又唔会好难咬日本产厚切豚腩肉 油脂度岩岩好，可以烤焦一点，边脆口点更加惹味呢海鲜石头锅饭好足料热辣辣既石头锅饭，放左一阵就有饭焦，十分香口
继续阅读
▪️精选三色和牛定食 $280今次试左有三种牛肉部份既ʟᴜɴᴄʜ ᴍᴇɴᴜ，分别有和牛上牛排肉，和牛肩眼，和牛牛排肉，主要分别之处就系油脂分布同埋肉味浓度嘅分别，上牛排脂肪相对较少，肩眼肉肉味相对浓郁，牛排肉脂肪比较多，入口即溶🥩总括而言午餐价钱唔算太高，牛肉质素不错，想食烧肉，但又觉得晚餐价钱偏高嘅话，不妨一试呢度嘅午市套餐。♡好味指数 🌕🌕🌕🌕🌑✔︎性价比🌕🌕🌕🌕🌑✔︎环境服务🌕🌕🌕🌕🌑✔︎打卡指数🌕🌕🌕🌑🌑✔︎推介指数🌕🌕🌕🌕🌑✔︎回头指数 🌕🌕🌕🌕🌑
继续阅读