和牛燒肉‧純 (已搬遷)

靜待烤網預熱通紅，放上一塊雪花分明既厚切和牛，燒得滋滋作響，夾起油亮香氣四溢既牛扒輕點醬料放入口中...... 不得不承認東張西望既宣傳攻勢幾成功，我就係其中一個睇到流哂口水想去試試既觀眾，訂座都幾爆滿，最後星期日食早少少6點先有空位。日本產和牛上牛排肉 ($205)店員教路要將油脂最豐富既部分留返最後先燒，由淡味食到濃味，所以忍手唔燒最吸引既西冷住。 上牛排肉雪花紋幾靚，本來預期味道甘香，意外地牛油香味唔太突出，反而牛味幾濃、扎實有彈性，幾欣賞佢夠厚切有口感。日本產豚肉眼 ($98)豚肉已經用燒汁調味過，唔洗點醬都好夠味，算係嫩滑有肉鮮味，但未留下深刻印象。牛舌 ($108)薄切本來都冇咩期望，估唔到薄得黎都可以咁爽口彈牙，同樣唔洗點汁都好夠味，以此質素終於明白點解厚切版差不多貴個double，有機會都想試試。特上日本產和牛西冷 ($550)我最期待既畫面出現了！ 和牛西冷既油脂分佈好靚，雪花同肉佔既比例近乎一比一，以熊熊烈火燒到表面焦香、牛油受熱流淌既景象實在太治癒，岩岩變色內裡仲係嫩紅就食得喇。  挑剔如我唔鐘意食瘦肉、亦唔鐘意成口油，好欣賞呢塊西冷肉汁豐盈、甘香幼嫩，近乎入口即溶。 靚既牛肉其實唔洗點調味，簡簡單單鹽同黑椒已經充分引出和牛既鮮甜甘香，感動到連肥膏都食埋。醬汁方面有日式燒汁同埋一小塊檸檬，雖然好味但個人覺得用係靚牛上有少少浪費，反而台面自取既鹽同黑椒就好百搭，同濃郁牛味相得益彰。 單點左幾款肉會放埋一齊上，另附彩椒、南瓜、冬菇同粟米等，全部都好新鮮清甜，如果份量加倍、減輕肉感就更佳。乳酸 ($58)可以自選加唔加酒，我健康人生唔加酒就覺得偏梳打水味淡左少少。日式燒烤基本上都係自助形式冇咩服務可言，但幾欣賞店員上菜時會大約介紹下和牛分類同埋燒肉次序，換左幾次網都好快手，有求必應。 燒肉最怕就係用餐後成身都好臭，但呢度抽風做得幾好，餐桌餐具都清潔得幾好唔會油膩，完全可以清爽地離場，值得一讚。 本來獲安排坐吧台位置有少少不悅，估唔到坐落都幾舒服，環境安靜可以傾到計，雖然食物份量唔多，但食食下都幾飽，心滿意足。…查看更多

今晚相約阿媽食晚飯，同佢去食和牛晚餐。早早就訂了6點，都好full喔！這間日式情調的餐廳，入去感覺好正，好似去咗日本咁坐位有bar枱及長方正方枱，坐椅舒服，設計用日式風格感覺！服務好好，細心介紹又幫客人開爐、收碟！殷勤服務大師傅預備食材中....好專心喔！餐牌設計好精美，D相又靚，未食已經好吸引了，細節都做得咁好，更期待晚餐的來臨我們點了和牛及豚腩肉，上枱好吸引！擺放如藝術品好吸引！原來是用山形牛（以優質米及自然水作飼料及飲用水，所以牛肉的質素好上盛）難怪咁好靚的肉色及紋理！特上日本產和牛肉眼扒肉眼是最高級的部分，適度的脂肪及平均分配的肥瘦部分，肉質細嫩，是最美味的一部分。高質素的日本山形牛肉眼，好軟腍，嚐到入口化開的感覺！師傅只用少少海鹽及胡椒就可，食到肉的原汁原味（日本產和牛三角牛排肉） 上肩的三角肉，包含了肩腹部份切成三角形，含最高的雪花，原來是燒肉的特選牛！不膩的脂肪含量，油量較少，厚厚和牛却嫩滑軟熟得不得了，燒好的牛唔會太油但口感好腍好滑又香（日本產和牛上牛排肉）上牛排肉脂肪油份較多，肉質香嫩，好滑好美味！燒烤後滲出油脂好香，以此油脂作燒蔬菜菇類一流（日本產豚腩肉）一卷卷的豚腩肉配上師傅秘製燒汁，排成一卷卷，但打開是薄薄豚腩肉！好易燒好易熟，燒出油脂，豚肉味好濃郁、有豐富口感，香脆可口，原來山形阿信豬都好優質健康，因為飼養過程嚴格，所以特別美味，而且不飽和脂肪更能預防動脈硬化燒肉放在網邊，火路好夠熱，可以好快鎖住肉汁，一片片好吸引的和牛！服務員提醒我們記得不要一次過放太多，否則好難控制、容易燒過了燒蔬菜好細心地提供一些蔬菜伴上，有粟米、冬菇、南瓜、紅黃椒，好新鮮甜美又健康配搭飲品選了潤喉微甜的柚子蜜及消膩去油的熱烏龍茶，好適合配燒肉的飲品！…查看更多

又努力工作左一個月，出左糧就當然同男朋友去搵下好西食。由於我地都好鍾意食日本野，所以今次就揀左而間和牛燒肉。一入到去就感覺到好日本式既設計，而我地就揀左坐bar枱。餐牌見到有幾個套餐可以揀，不過我地都擔心太多而最後決定散叫。每人都會有個醬汁同檸檬。<日本產豚肉眼，$98>我地都主要食牛，不過都揀左一份豬黎試下。豚肉唔會好肥，而且燒完之後好香口，點埋醬汁，味道都好夾。<胸外腹，$98>本身已經醃制左，個醬汁味道可以帶到個牛味，會比較有牛味同好有咬口。<日本產和牛上牛排肉，$205>一望埋去個色澤好靚，脂肪都分佈得好平均。燒既時候啲油份都出哂黎，食落好腍同好香，正！<特上日本產和牛肉眼，$550>重點項目就係而塊和牛肉眼，一望已經知道與別不同。油份比較高，有入口即融既感覺，係香港食和牛黎講算係好頂級。<Lychee Chu Hi + Kyohou Chu Hi，$58一杯>同男朋友一人叫左一杯巨峰同荔枝梳打，巨峰味道比較重，而荔枝就比較清，不過都可以去左燒肉太滯嘅感覺。總括黎講，食材都係好高質，份量都好多，原本男朋友想叫飯，不過食肉已經夠哂飽。如果有興趣去食高質既日本燒肉都可以去而間餐廳一試。…查看更多

男朋友說今日想吃燒肉，所以請客的當然是老闆！之前去過尖沙咀的分店，比起銅鑼灣真的大很多。點了四種肉，主打都是牛，還有想試一下豬。今晚就比我做殘廢女，男友負責燒肉，我就負責食和影相。*特上日本產和牛肉眼 ($550)一看就知道是最肥美的部份；和牛已經是肥，而且是肉眼部份，所以入口即溶，很重油脂味！*日本產和牛上牛排肉 ($205)最愛是這個上牛排肉，雪花分佈平均，而且柔軟得來又有口感。*日本產和牛排肉 ($120)和牛排肉比起上牛排肉更加肥美；雪花的分佈是更多，所以柔軟得來是入口即溶的。*日本產豚肉眼 ($98)豬要燒熟一點，肉在有比較之下，一定沒有牛那麼軟。*梅酒 ($65)男友點的*小紅莓汁 ($40)小紅莓汁不會太酸太甜，可中和一下油膩感。…查看更多

和牛，一想到那粉嫩均勻的雪花，入口即溶的口感，已叫人砰然心動，以往可以叫得上是和牛的就只有日本國產牛才算是，但隨著技術發展，現時已有不同國家和產地出產「和牛」，加上和牛本身所分級數亦頗繁複，以至品質口感往往會有所不同，現已不能一概而論和牛就等如入口即溶的極品牛肉。近年在外邊吃和牛，往往並不能盡如人意，皆因有時質素頗為參差，間間食肆都說自己賣的是和牛，那究竟是什麽級數那個產地，大都沒有詳盡列明，又或所言孰真孰假也不得而知。最近和朋友慶生來到銅鑼灣一間標榜售賣日本產和牛的燒肉店，從網上的評價可知此店只純賣 真 · 和牛，全都註明是日本國產牛，店主還仔細在餐牌上劃分出不同的部位和貫輸一些和牛的基本知識予顧客，十分專業，看起來頗有信心保證。。餐廳位於銅鑼灣一商業大廈內，地方雖不算太大，但座位寬敞舒適，店內一貫傳統日式燒肉店的裝潢，每張餐枱都很寬闊，可以放上多碟食材而不覺擠迫；而且店內抽風亦做得不錯，食完也不會滿身油煙味。細閱餐牌，這裡除了有不同部位的日本國產和牛外，還有黑豚豬和日本產雞肉，當然亦有一些其他海鮮蔬果或主食定食供應，有平有貴適隨尊便。今次專誠為和牛而來，這王牌食材一定在Must try list裡面，就算貴一點也是值得的。我們選了日本產和牛上牛排肉、上肉眼、牛舌、日本產豚腩肉和柚子胡椒豚頸肉，還有日本產火炙牛肉刺身，海鮮煎餅和牛肉湯飯。日本產火炙牛肉刺身，生吃牛肉未必人人接受得到，但對筆者這個牛肉控來說卻是一道難以抗拒的美食。和牛經微微炙燒過後切成薄片，外層微熟內裡粉嫩，色澤鮮艶亮麗，帶著大理石般的油脂花紋，佐著酸汁和洋蔥幼絲一起放入口中，味道酸甜清新，嫩滑細緻，帶著獨特的肉香脂香，是一道較為清爽的和牛前菜。日本產和牛上牛排肉，一上枱大家已嘩聲四起，全因見到那粉紅的色澤和均勻的雪花油脂，讓人急不及待想即時略燒便放入口中。日本產有級數的和牛果然零舍不同，放入燒爐內輕輕燒熟兩面，肉質鮮嫩Juicy，入口軟綿無渣，油脂慢慢在口腔內溶化，油香滿瀉，肉味相對不算濃郁，只是簡單的以鹽和黑胡椒調味已是一道極品的燒肉。日本產上肉眼，即和牛肩肉眼，紋理分佈同樣平均，只是油花較上牛排肉為少，肉質相對有彈性，牛味亦算濃厚，加入少許鹽和黑胡椒吊出了其油香鮮味，那幾近入口即溶又帶點柔軟咬口的質感，讓人百吃不厭。和牛牛舌切得薄身，輕輕一燒便已熟透，質感爽口有彈性，肉味不算濃郁，但那獨特的鮮味與口感實在誘人。平時筆者不太愛好牛舌，但今次也破例吃上了兩三件，那美味程度可想而知。日本產豚腩肉，淋上少許自家燒汁，肥瘦相間的賣相十分誘人，放落燒爐時肉片好像有生命般吱吱作響，繼而見到油脂徐徐溶化滲出，肉香渺渺飄來，望見都讓人口水直流。豚腩肉燒得微微焦香，入口肉味濃厚，油香滿滿，沒有一般的豬臊味，鬆軟中帶點嚼勁，十分不錯柚子胡椒豚頸肉，食燒肉又怎少得了豬頸肉，那滲滿油脂又爽脆的口感往往讓人樂此不疲，而這店的日本產豚頸肉用上了柚子胡椒醃製，燒香後除了應有的爽口和肉香之外，還帶上了柚子的清新和胡椒的辛辣，添上了清爽之餘亦提昇了豬頸肉的濃香，那滋味完完全全俘虜了筆者的味蕾。海鮮煎餅，除了主角和牛之外，當然亦要一些澱粉質填填肚，我們點了海鮮煎餅，雖然算是韓國菜式，但這裏也做得不錯，餅身煎得香脆，煙韌中帶咬口，用料亦有齊海鮮加香蔥辣椒，香口惹味。和牛肉湯飯，原本筆者看到賣相之後，對這個湯飯不寄予厚望，皆因其用料和份量跟想像中有點距離，只見濃湯中只放了些蔬菜和牛肉碎，連一整片的牛肉也沒有，有點失望，但原來那牛肉湯才是這道菜的主角，湯汁濃郁滿有牛香，和著青菜、牛肉碎和飯粒一起入口，清淡爽口中不失牛肉鮮美，味道雖不算十分突出，但很有在家的風味，吃後中和了一點之前吃肉後的油膩感，作為一道用作結尾的菜式頗為合適。整頓飯質素上乘，日本國產和牛實在有其獨到之處，那種入口溶化的口感和濃濃的牛香，讓人吃得齒頰留香，心花怒放，專門店的魅力確實是與眾不同；而且除了和牛之外，此店其他肉類的品質也絕不馬虎，十分專業。加上雅緻的環境和店員親切到位的招呼，就算收費屬中高檔價也算很合理，正所謂一分錢一分貨，絕對值回票價，以後要吃到真 · 和牛，不用次次遠飛大和，在銅鑼灣也多了這個好選擇。…查看更多

上星期男友同咗我去位於銅纙灣嘅和牛燒肉純，本身諗住唔會太特別，因為食過D貴嘅和牛，點都唔及係日本當地食，不過食完之後覺得有驚喜，所以想分享下。係日本同香港都有分店， 提供多款100%日產和牛，當中包括佐賀、宮崎、 飛驒、鹿兒島、櫪木、長崎等地，可以俾大家試盡不同嘅和牛！而且他們屬於日本JA全農旗下指定和牛供應店，所以很安心他們提供的和牛質量，確保安全又有保証。由於第一次食這間店，所以點菜前都有問店員意見，擔心點得太多份量也不完，最後點了三款和牛加一款豚肉，另外跟男友每人一杯飲料。梅酒 HK$60(推薦指數：3/5)由於梅酒嘅味道較淡，再加上冰塊後，很快就令味道變得更淡，所以個人覺得梅酒質量屬於一般，不過下次再點的話，可能選sake來配燒牛可以更match。Peach Chu Hi HK$55(推薦指數：3.5/5)這杯梳打桃汁味道不錯，但有點略甜，不過再吃熱哄哄的燒肉時，能飲用冰凍嘅梳打，著人教人吃得好暢快。四款肉一來到時，忍不著要相機食先，因為廚師的擺法跟在日本一樣啊，還有一些伴菜放在旁，甜椒和冬茹燒好後同樣好好食呢。圖上：特上日本產和牛肉眼 HK$550(推薦指數：5/5)圖下：日本產和牛上牛排肉 HK$205(推薦指數：5/5)圖上：日本產豚肉眼 HK$98(推薦指數：3/5)圖下：和牛紅肉 HK$120(推薦指數：3.5/5)四款肉類各具特式，而這裡是自己享受燒肉樂趣的，所以當店員送上肉時，就為我們逐一建議燒烤時間，就不用擔心燒得過時，所以吃起來真的好滋味。豚肉眼偏瘦，所以吃起來不會感到太油膩，吃起來口感偏爽，點來中和和牛的油脂就最好不過。和牛紅肉有「健康肉」的稱號，因為比較瘦，所以吃起來沒有像和牛肉眼入口即溶的口感，所以比較有咬口，不過點它來中和吃和牛的油膩感同樣亦是不錯。老實說，日本產和牛上牛排肉以HK$205有6塊厚切的，實在非常抵食，吃起來油脂經已好豐盛，而且肉中亦沒有很多筋，入口又香又軟滑，真的好好味，由於肉味挺濃，所以單吃亦經已好出色，也可沾少少海鹽提升味道。特上日本產和牛肉眼真的是超好吃，雖然點的時候覺得價錢有點貴，但是一放進口裡細咬幾下後，就覺得值回票價了！油脂分佈平均，而且吃起來時整個咀巴都是滿滿嘅牛香味，有入口即溶嘅感覺，跟在日本吃到的實在沒有分別。埋單每人約六百，雖然飲品較普通，但以和牛質素來說都挺抵食，跟男友點了四款肉類經已吃到肚漲漲了。如果你吃量大一點，可以再加點一個白飯或者salad相信好足夠，和牛燒肉純已經列入了我個人再次會幫襯嘅清單了。…查看更多

講起燒肉，韓式燒肉就食得比較多，日式燒肉真係可以寥寥可數，所以今晚便和他黎到銅鑼灣既「和牛燒肉‧純」來一個日式燒肉晚餐，來滿足一下「肉」望。.入到去，我地被安排坐係近師傅位的吧檯，屬高櫈位。另外仲有幾張二人檯、四人檯等。.一坐低店子就會提供一條濕毛巾、醬油同檸檬塊等，前方就係燒烤既位置。.睇到餐廳貼上用上「全農和牛」既證書，原來係由JA全農直屬經營，新鮮和牛屠宰至運到香港只須十日，貨源保證新鮮。.原來咁岩銅鑼灣店剛好係重新開業，所以都有推出特別既套餐，好似呢個二人前，純特製和牛套餐就$1350，包湯、前菜、沙律、燒肉、主食和甜品等，心大心細唔知揀邊款肉，套餐可能會適合你，不過小妹都係揀左散叫幾款肉食。.坐低後先叫左兩杯飲品，我個杯係巨峰提子。.日本產和牛上牛排肉 (燒汁、鹽燒) $205脂肪比例較重，所以肉質較軟腍，咀嚼中充滿著脂肪香，油脂豐腴，感覺很邪惡。.日本產和牛排肉 (燒汁、鹽) $120肉質咬落爽口鬆化，牛味重，脂肪位較少，但入口絕對不差，咀嚼中還是感受到那股肉香。.日本產雞肉 (味增、鹽) $98雞肉入口帶甜醬油味道，醃得有點似韓式甜醬既味道，肉質嫩滑，上味仲加有蔥花提味。味道方面當然無牛肉咁突出，但也不錯吃。.厚切牛舌 $188每件牛舌都切得厚厚一塊，咬落去爽口有嚼勁，每食一件都感覺超爽口。…查看更多