和牛燒肉‧純 (已搬遷) 新店位置

餐廳相當近銅鑼灣地鐵站，非常方便。餐廳地方唔大，但好驚喜兩個人竟然比左間四人包廂房。點咗個二人套餐 「日本產和牛&海鮮豪華拼盤」，$1980，但份量都幾多下。和牛有四個部位，分別係西冷、上肩眼、牛排肉、上牛排肉，冇渣之餘，入口甘香，個個部位都咁好味！海鮮都有四款，有蝦、帶子、鱈場蟹腳、鮑魚，最愛鱈場蟹腳，超鮮甜，其實其他海鮮都好好味，而且大隻。好喜歡二人包廂房，私隱度超高，店員服務好好，大滿足嘅一晚！