和牛割烹小田

营业中

休息中

嗰日喺中環搵午餐食，無意中發現咗呢間日本餐廳，呢度充滿咗日式風格，裝飾優雅。餐廳係主打 Omakase 套餐，不過都有 Lunch Set。我和同事就決定喺呢間餐廳試吓佢哋嘅 Lunch Set。 🔶和牛咖哩飯配溫泉蛋🔶 咖哩嘅味道香醇，甜度較高，唔會好辣。和牛嘅肉質更加細嫩，咬落去肉汁豐富，好味可口。白飯口感煙韌，黏性大，甜味濃，再同咖哩和牛互相配合，形成咗一道美味嘅佳餚，再加上口感清爽滑嫩嘅溫泉蛋，簡直就係錦上添花🔶小田和牛炭燒昆布生牛肉片🔶 每一塊牛肉片嘅口感都柔軟嫩滑，油花分佈均勻嘅肉片經炭火燒烤後鎖住咗豐富嘅肉汁，輕輕咀嚼，從脂肪滲出嚟嘅油脂香味，每一啖都係完美嘅享受。 食完我哋嘅 Lunch 之後，我同同事相約下次要嚟試吓佢哋嘅 Omakase。

尋晚喺和牛割烹小田食咗 Seasonal Omakase。喺度推介畀大家😌一開始嚟碗日式濃湯，非常香濃嘅一碗湯，師傅冇落任何調味料，係純天然嘅鮮味。之後仲有其他好食嘅前菜，炭燒茄子，魚卵拌魷魚配青瓜等等，樣樣都非常新鮮可口。之後師傅就呈上咗精選牛肉，牛肉肉質飽滿，細緻而均勻嘅脂肪，入口即化，甜中帶腥，令我食得回味無窮。喺我仲回味緊嘅時候，師傅又呈上咗炭燒時令蔬菜解膩。跟住就係我個人比較鍾意嘅一道菜，小田和牛壽喜燒。以濃郁嘅湯底同軟滑嘅和牛同蘑菇結合，配搭頂級日本雞蛋，充滿住豐富嘅層次同口感。之後呢道菜都令我食得讚不絕口，醬油蝦海膽和牛他他飯，和牛細緻滑溜充滿牛香味，有咬口得嚟冇腥味，醬油蝦肉質爽口，海膽味道甘甜，口感非常和諧。已經食咗一半飽嘅時候師傅畀我哋食咗橙皮啫喱配甜梨，味道清新，甜香濃郁，仲有少少酒香味。之後嘅小田和牛漢堡都唔錯。但係焦點始終都係炭燒夏多布里昂牛里脊。軟嫩嘅肉質，油脂含量極低，味道非常濃郁，外焦內軟嘅口感食落去非常享受。食完魚子飯同甜品之後，就結束咗今次嘅 Omakase，食得好滿足。

之前朋友有提過位於中環嘅和牛割烹小田嘅omakase感覺唔錯，我哋就決定去嗰度食晚餐。服務員好熱情，推薦我哋dinner omakase，我哋都未試過，就決定點嚟試下。菜單上嘅每個菜品味道都唔錯炭燒牛扒配蔬菜：牛扒食起嚟唔會太硬，燒得非常香，仲好有嚼勁，配上爽脆嘅蔬菜一齊食 關東煮牛胸肉配蘿蔔：牛胸肉同蘿蔔都煮得非常軟，入口即化，而且湯底濃郁海膽和牛壽司：和牛係一大塊嘅，牛肉肉質有嚼勁，上面仲放咗鮮滑嘅海膽，和牛蘑菇松露魚子飯：飯煮得非常香，仲吸收咗和牛、蘑菇、松露同魚子嘅味道，每一口都非常鮮甜，加上配菜一齊食仲有一碗清甜嘅面豉湯作為搭配，非常暖胃。和牛壽喜燒：和牛非常鮮嫩多汁，特別下飯！仲加上其他野菜，食起嚟更加清新！呢度最有特色嘅就係佢哋嘅日本蛋豆腐布甸：呢度嘅布甸係放楓糖漿嘅。豆腐非常有彈性，仲好滑嫩，淋上楓糖漿，甜而不膩冷凍茄子：茄子經過冷凍後，仲保持咗茄子嘅甜味，而且食起嚟冷冷地，非常清爽！炭燒昆布生牛肉片：牛肉片燒得剛剛好，有淡淡嘅炭燒香氣，沾上昆布一齊食，更加鮮甜！

上個星期同朋友去咗中環「和牛割烹小田」食晚餐，係Fine dining形式嘅seasonal omakase，一路食一路都覺得好滿意，驚喜不斷。首先係日式濃湯，簡單但有深度，冇過多嘅調味，湯底好鮮甜。炭燒茄子魚卵拌魷魚配青瓜西京味噌秋葵，幾精緻，魚卵同魷魚嘅質感好有層次，味噌嘅味唔會太重，啱啱好。精選牛肉就係用味噌、昆布同胡麻蔥汁調味，牛肉好嫩滑，調味簡單但突顯咗牛肉本身嘅質感，同昆布嘅味道幾夾。最記得嘅係醬油蝦海膽和牛他他飯，蝦同海膽都好新鮮，和牛入口軟嫩，呢啲配搭真係好完美。炭燒夏多布里昂牛里脊又係好出色，炭燒味濃郁但唔會過火。之後嘅小田和牛蘑菇松露海膽魚子飯，松露味好香，加埋蘑菇嘅濃郁同海膽嘅滑嫩，仲配埋麵豉湯，一齊食好暖胃。最後嘅小田和牛壽喜燒，用咗日本第一嘅Kodawari蛋，和牛片片嫩滑，蛋嘅香濃加埋好加分，真係無得輸👏成個晚餐過程舒服、唔誇張，但食得出餐廳對食材嘅講究，絕對值得試下！

➡️小田和牛炭燒昆布生牛肉我真係好鍾意食呢道菜！😭 牛肉外皮輕輕燒過，肉質仍然屬於半生狀態，食落口感外皮香脆內裡嫩🤤 濃郁嘅肉香味仲帶住淡淡嘅昆布味，食落鮮味十足！唔駛太多調味已經好滿足，肉質食落軟中有韌性，好高質！下面鋪滿咗新鮮蔬菜，清爽可口，可以好好咁平衡牛肉帶嚟嘅油膩感🥰➡️ 和牛咖哩飯配溫泉蛋和牛牛肉本身軟嫩多汁，唔會好鞋，食落仲帶住少少嫩嘅口感真係好鍾意！😍 配上各種配料：蔬菜、香菇、蔥仲有溫泉蛋，一齊送飯食，簡直就幸福感爆棚！半生熟嘅溫泉蛋，同軟嫩嘅和牛仲有飽滿嘅米飯充分融合，鮮甜中帶住蛋香味仲有濃濃嘅牛肉味，口感又特別順滑～🤤 呢一份定食份量畀得好足好有誠意，食飽飲足後感覺即刻精神滿滿💪🏼

好耐都冇返屋企，就打算今晚帶家人去位於中環嘅和牛割烹小田食日式菜。呢度仲有fine dining，睇落非常唔錯。家人都想試下呢度嘅omakase，我哋就揀咗seasonal omakase。呢度嘅菜品都非常新鮮，擺盤精緻，非常美味！呢度嘅濃湯有住非常天然嘅味道，跟我之前飲嘅完全唔一樣，呢度嘅湯飲咗唔會渴，仲特別清甜，非常驚艷我！仲有老豆最愛嘅梨子，非常鮮甜爽口，仲帶有橙皮嘅清香同微微嘅酒香，食起嚟嘅味道非常特別，老豆食到讚不絕口。仲有老媽子食一口就話好味嘅和牛飯，牛肉細嫩多汁，加上海膽帶有甘甜嘅味道同醬油蝦子彈牙嘅口感，整體嘅體驗都非常棒！我就比較鍾意和牛漢堡，入面放咗特製嘅番茄肉醬同芝士，酸酸甜甜嘅，仲有牛肉本身嘅香氣，食起嚟就好開胃，令人停唔落嚟！仲有炭燒嘅牛脊同精選嘅牛肉一樣，非常滑嫩，入口即化，加上味噌同昆布嘅調味，每一種搭配都別有風味！魚子飯配麵豉湯，真係特別暖胃，魚子非常鮮，仲有蘑菇、海膽同松露作為配料，整體嘅口感非常豐富！我最鍾意麵豉湯，熱乎乎嘅，味道香濃鮮美，非常好飲！仲有炭燒蔬菜咬起嚟好香，爽脆可口，同我喺日本食嘅燒蔬菜味道一模一樣，真係特別懷念呢個清甜嘅味道。喺香港

今日特登嚟到中環，就係為咗食佢哋嘅季節性omakase😋 試過之後，只能夠話果然冇令我失望！開胃菜先上咗呢三樣青菜，炭燒味十足嘅茄子食落軟糯可口～秋葵嘅清香同味噌濃郁嘅鹹甜味道融合埋一齊，獨特又好味😋魷魚就食落好新鮮，而且好有咬口👍🏼青瓜嘅爽脆同魚卵嘅鹹香更加增添咗唔少風味，三樣都好開胃～精選牛肉配味噌師傅發辦嘅精選牛肉部位，好似開盲盒咁～😂 但係都非常美味，炭火嘅溫度控制得啱啱好，每一啖都可以感受到肉質嘅細緻同香味👍🏼 配上昆布同胡麻蔥汁味道更加好～炭燒夏多布里昂牛里脊高級嘅牛肉輕輕用炭火燒烤過，外皮微微焦後就已經係最佳狀態，外焦裡嫩嘅口感令人回味無窮😭 牛肉嘅肉汁同香味超濃郁！小田和牛蘑菇松露海膽魚子飯呢道真係好驚喜！食材好新鮮，松露嘅鮮香同鮮嫩多汁嘅肉肉～ 飯嘅軟硬啱啱好，同其他食材巧妙噉融合埋一齊🤤 仲配埋一碗麵豉湯，飲咗成個人暖笠笠嘅～炭燒時令蔬菜新鮮嘅時令蔬菜用咗炭火燒烤，食落有淡淡嘅炭燒味同蔬菜嘅清新完美結合～ 清爽又唔油膩☺️橙皮酒香啫喱配甜梨我真係好鍾意呢道甜品😻 啫喱食落有一股好濃郁嘅橙皮酒香仲有甜梨嘅清甜，食落好有層次感～

尋日早上，忽然發現薪水入咗戶口，好開心，打算等下午餐去食好啲慶祝一下自己努力咗咁耐。喺網上發現到呢間日本餐廳幾唔錯，就決定咗等下嘅午餐去呢度食。-入到店之後，服務員帶我去位坐，翻睇咗菜單。同時亦都聽咗服務員介紹啲菜品，決定點佢哋嘅set lunch，午餐配套有沙律、飯、湯同甜品。-我點咗佢哋嘅【小田和牛炭燒昆布生牛肉片】。佢哋嘅肉質細膩，入口即化。炭燒嘅香氣配埋昆布，提升咗牛肉嘅鮮味，既有豐富嘅油脂感。一口落肚，口感十分豐富，牛肉嘅咬勁十足，贊！-蘿蔔燉牛腩嘅set亦都好唔錯。飯好香，湯又鮮甜。就算冇肉配，單單湯配飯我都食得落。-蘿蔔燉得啱啱好，唔會太爛，口感仲有喺度。牛肉亦都燉得好入味，咬落去鮮嫩多汁。肉質十分軟嫩，咬勁十足，配埋飯，肉中帶點甜，超級好食。-食物都好唔錯，食得好飽好滿足。

原本想食omakase嘅，但去到已經係01.50pm，唯有叫啲lunch set嚟食住先啦。因為miss咗omakase所以一開始都幾失望嘅，不過lunch set都好好食，真係估佢唔到！下次一定要早啲嚟試吓佢哋嘅omakase，一定都幾唔錯！環境裝修好有日本風格，座位好闊落，打卡都係一個唔錯嘅選擇，地點都好方便，餐廳衛生整潔，服務態度都好好。前菜-炭燒昆布生牛肉片，其實類似於牛肉沙律。菜同粟米都好新鮮，口感好爽脆，多汁。入面仲落咗啲魚籽，一啖一個爆喺個口度。牛肉片都唔會馬虎，雖然話係牛肉片但厚度都仲係好有誠意。5成熟嘅肉片配埋自家製嘅沙律醬汁，酸酸甜甜嘅味道，好好食！主角-炭燒肋眼和牛扒，肉味好濃，帶有香氣十足嘅炭燒味，好惹味。肉質都好鬆軟，切件好嘅肉塊大細適中，容易食。而且仲可以保持到肉入面嘅水分，唔會好乾。我叫咗5成熟，唔會太生都唔會太熟，啱啱好。成個set仲送埋一個味增湯同埋啲小菜。

和牛盛宴，來自鹿兒島小田牛😋😋😋好耐冇食好嘢，朋友帶左我去中環呢間 @wagyukappoodahk ！第一次食和牛割烹，叫咗seasonal omakase，要共有11道菜，絕對值回票價！🍭季節の八寸🍭本日の厳選お肉🍭季節の焼き野菜🍭小田牛サーロインすき焼き 日本一こだわり卵🍭和牛トロタク井🍭箸休め🍭炭焼きハンバーグ 自家製ミートソースパルメジャーノ🍭シャトーブリアン🍭和牛とキノコのトリュフご飯ウニいくら🍭本日のデザート可以食到唔同部位，唔同烹調手法嘅小田牛😍 當日品嘗了三角バラ、サーロイン及chuck tender三個唔同部位，各有不同口感～～ 11道菜，每道都好有驚喜！由壽喜燒、到炭燒、煙燻，加上唔同食材配搭，真心正！

慶祝朋友生日，去咗中環嘅和牛割烹小田，試下佢哋嘅seasonal omakase.呢間餐廳由日本廚師主理，每一道菜都好用心。開場嘅日式濃湯好暖胃，味道清香舒服。跟住有炭燒茄子，魚卵同魷魚拌埋青瓜西京味噌，口感好有層次，清爽又唔油膩。甜品係橙皮酒香啫喱配甜梨，酸酸甜甜好清新🍊🍐自家製番茄肉醬芝士小田和牛漢堡，牛肉好嫩滑，配埋肉醬同芝士味道啱啱好🧀。之後嘅炭燒夏多布里昂牛里脊，配上味噌同昆布，肉質好juicy。仲有一道海膽魚子飯，鋪滿蘑菇同松露，配埋麵豉湯，整餐飯食完好有滿足感。炭燒嘅時令蔬菜都唔錯，保持住蔬菜嘅鮮甜。呢餐生日晚餐幾有心思，食物質素唔錯，又唔會太誇張！👍

朋友今日生日，就諗住帶佢去中環嘅和牛割烹小田食日本菜。我哋跟住服務員嘅推薦揀咗Seasonal Omakase嚟試吓。菜單入面有濃湯、前菜、特選牛肉、野菜、壽喜燒、和牛飯、refresher、漢堡、牛里脊、魚子飯湯、同埋甜品。濃湯飲落非常香甜，冇任何調味料嘅味道，完全唔會膩！前菜有茄子、魷魚同秋葵。茄子有微微嘅炭燒味，甜甜地，特別好味！魷魚上面仲放咗魚卵，非常鮮，口感彈牙，而秋葵加埋其他配料食起來好清爽！每一道都令人食欲大開！牛肉有味噌、昆布同胡麻蔥汁作為搭配，非常鮮美。每一個唔同嘅搭配都有自己獨特嘅風味。我最鍾意嘅係配胡麻蔥汁，喺口中爆香嘅感覺！炭燒嘅野菜非常清香，好爽口！Refresher係甜梨，帶有橙皮同酒嘅香氣，食起來非常清新！仲有好有趣嘅和牛漢堡，入面放咗特製嘅番茄肉醬同芝士，非常惹味，令人回味無窮！炭燒牛里脊亦都係有味噌同昆布作為搭配，非常濃郁嘅牛肉香氣，配埋呢啲作為搭配，味道更加鮮甜！朋友最鍾意嘅就係和牛海膽魚子飯，特別鮮！魚子好Q彈，而蘑菇又好彈牙，多層次嘅口感喺口中咬住，真係太絕啦！仲有濃郁嘅面豉熱湯，熱乎乎嘅，非常暖胃。我哋食到好開心，係個非常難忘嘅生日晚餐！

第一次試呢間餐廳既Omakase服務同食物都好好 而且環境舒服我地試咗Seasonal Omakase樣樣賣相都好靚質素非常高👍🏻日式濃湯飲落香濃又順滑三款開胃菜都清新又開胃之後師傅就呈上鮮嫩多汁嘅精選牛肉🐮同香脆清爽嘅炭燒時令蔬菜🥬小田和牛壽喜燒同醬油蝦海膽和牛他他飯特別鍾意醬油蝦海膽和牛他他飯爽張鮮蝦加上鮮甜海膽同牛味濃既和牛💯橙皮酒香啫喱配甜梨味道清爽且果香濃郁 用作間場解膩真係好岩和牛漢堡味道都十分豐富有和牛嘅肉香味 加上番茄肉醬同芝士 🧀另外炭燒夏多布里昂牛里脊都好好味鮮甜軟嫩嘅肉質夾帶淡淡煙燻香味最後一道菜係和牛松露海膽魚子飯米飯吸收晒海鮮嘅精華搭配和牛松露海膽魚子飯 食落口感層次豐富😋最後仲有甜品擺盤非常精緻 豆腐軟嫩美味而紅酒啫喱口感Q彈清爽帶紅酒香味!

連續兩個月無休息，一定要食好野平衡下心理！omakase一會係我首選！第一道就系我老公最鍾意嘅和牛，和牛牛排配蔬菜。呢個牛排處理得好完美，外酥內嫩，沾埋旁邊嘅醬汁，整體更加美味。呢個有啲湯嘅和牛胸肉配蘿蔔，燉嘅時間啱啱好。肉質同蘿蔔都唔會太爛，仲保持住佢哋嘅口感。每口牛肉都帶有濃郁嘅湯汁，非常好食。壽司入面嘅料好特別，入面系海膽同和牛肉。海膽同和牛都非常軟嫩，有口感，紫菜就好酥脆，合埋一齊食，口感更加好。呢碗飯最豐富，入面嘅料超多，有和牛、蘑菇同埋魚籽。混合埋一齊，每一口都俾我味蕾享受。呢盤嘅和牛配埋日本第一Kodawari蛋真系一流。一開始我仲有啲抗拒生嘅蛋，結果配埋濃郁牛肉味嘅牛肉食，味道非常特出。再嚟就系帶住好香味道嘅炭燒茄子。軟嫩帶啲酥脆嘅感覺真系好正。生牛肉片處理得好乾淨，色澤鮮亮，食落去口感好滑順。配埋新鮮嘅蔬菜一齊享用就非常唔錯。有呢個咁驚喜嘅晚餐，個人即刻recharge返！

兩公婆嚟咗中環嘅萬年大廈，唔知食乜好，就喺網上尋找日本餐，俾我哋搵到呢間人氣好旺🔥嘅日式餐廳。餐廳主打 Omakase，不過我同老公決定食佢哋嘅 Lunch Set，下次先嚟食佢哋嘅 Omakase🥓蘿蔔炆牛腩 （9.5/10）⭐️⭐️⭐️⭐️牛腩肉好有咬口而且肉汁好豐富，仲會有適當嘅油脂，食落去好鮮味。蘿蔔同牛肉食落去又甜又微辣又入味又軟腍，添碗白飯，淋埋啲湯汁，好滿足😋🥩小田和牛炭燒昆布生牛肉片 （9.5/10）⭐️⭐️⭐️⭐️小田和牛燒得啱啱好，每一啖都散發住淡淡嘅炭香味，加上肉質軟腍滑溜，脂肪均勻，配埋特製醬汁，帶嚟豐富嘅口感同獨特嘅風味，食落令人好上癮😍鍾意食和牛嘅大家千萬唔好錯過呢度好食嘅和牛👍🏼