和氣食堂 (黃大仙中心南館)

营业中

休息中

為左個甜品宇治抹茶芭菲而嚟，估唔到甜品以外其他食物質素亦很不錯，好抵食呢！溫泉玉子牛油果凱撒沙律好大份嘅沙律，有牛油果，車厘茄，青瓜，洋蔥，沙律菜，溫泉蛋，食材新鮮，沙律開胃美味。櫻花蝦鯛魚湯泡飯好多人點嘅一個泡飯，店員會喺你面前將熱湯加落碗中預先放好的飯和餸上，然後就會有泡泡不斷滾呀滾，最後啲湯會被飯吸哂，食之前就可再加啲湯。餸有海帶，大蝦，同櫻花蝦。另有三小碟配料可自行加落泡飯，有蔥，大地魚，同炒過嘅玄米。我覺得加左同唔同配料個湯嘅味道好唔同，加左會香好多。泡飯整體味道不錯，蝦頭竟然有蝦膏，正！另外點埋白咖哩烏冬配嘅兩件炸雞好滑好軟。第一次食，呢度嘅白咖喱原來就係正常咖哩烏冬上面加左層奶泡，都幾得意。而下面嘅咖喱都幾辣，正合我意。應該加左薯蓉喺咖喱裡面，食完之後已經非常飽。牛油果芒果三文魚班戟估唔到班戟皮同三文魚都夾喎，裡面仲有蟹柳。鹽味燒牛舌牛舌燒得剛好，一啲都唔韌。好好食！唔係太飽真係想點多份。重頭戲：宇治抹茶芭菲雪糕底夠濃夠苦，加埋下面嘅紅豆同粟米片就剛剛好唔會太甜。上面嘅麻糬，丸子等都好味，夠煙韌。食完個甜品呢餐就滿足了！

嚟到黃大仙， 諗住食啲日本菜，我就一定會諗起和氣食堂 ， 因為之前食過 ，覺得價錢合理，高質嘅日本菜，平價嘅收費，值得再嚟品嚐。 可能今日時間比較早，所以都唔需要排隊，已經可以入座，侍應生很快就來跟單，效率高，而且上菜快。先來一個三文魚牛油果沙律 ，佢啲牛油果好新鮮、三文魚很肥美，食起上嚟加埋啲沙律菜，同埋啲沙律醋，非常合適。鯛魚湯泡飯 ，啲飯放喺個石頭鍋裡面，加入 熱辣辣嘅湯滾起，飯面有鯛魚和韭菜，當熱湯 加入時帶出韭菜嘅香味，飯嘅香味好清甜，嘅鮮香味真係好好味 芒果三文魚加州卷，芒果鮮甜，三文魚新鮮，一個好好嘅配搭。田園麵豉燒日本米茄子，用焗爐焗出嚟的麵豉醬茄子，麵豉有少少甜味帶出茄子嘅清甜香味 ，真是恰到好處 。最後梗係唔可以少甜品呀， 我最鍾意嘅就係宇治抹茶芭菲，佢啲配料好好味綠茶雪糕，好香、唔係太甜，好有綠茶味，甜品裏的紅豆又好淋 ，真係一個好好嘅選擇，如果下次你嚟到，都要試吓呀

和氣食堂的午餐有好多選擇，想食丼、壽司、烏冬、拉麵、咖喱飯都有，餐飲有特濃朱古力、 紫薯鮮奶、杏仁奶茶，多到每樣都想試下。食左個蕃茄湯雞扒烏冬餐，仲有3件壽司，有玉子壽司，三文魚壽司同埋加州卷， 蕃茄湯底係好濃嘅茄膏湯底， 係又調節個濃度所以食起上嚟唔會好稀。朋友食刺身烏冬加軟殼蟹壽司，大讚油甘魚刺身鮮甜唔腥。另一個餐係燒黑豚肩飯，黑豚厚薄適中，燒過後香口，仲叫左特濃朱古力，無唂咕噤重可可味， 朱古力味好重。

嘩嘩嘩原來黃大仙都幾大幾多野行架喎小弟真係孤陋寡聞， 咁岩尋晚同女友人去左黃大仙買d野先第一次踏足呢頭。 順便係度食埋飯先發覺原來呢個黃大仙商場好大好多野食 咁尋晚大家心情靚做咩都和和氣氣。咁岩又見到間日本菜叫和氣食堂應晒景咁就入去試下咁間鋪機裝橫係偏典雅日本風幾舒適的。 野食方面我地今餐以黑松露為主所以叫左黑松露番茄沙律同埋黑松露香芒甜蝦卷先講個黑松露沙律！佢既酸汁鮮番茄配黑松露真係好正 個甜蝦蓉配黑松露好香好特別 之後都叫做安格斯牛肉炒飯同海膽冷竹炭麵 overall都唔錯好味的說仲有叫左個黃金芝士炸豬排佢炸得好香芝士味濃郁！又係既。 最後我地食到飽飽地但又仲差小小，就叫左個蕨餅白玉宇治抹茶雪糕做甜品個雪糕好香滑又不失抹茶味⚠好鬼

黃大仙呢間和氣食堂，真係唔錯，價錢又唔貴，我會再嚟食番餐，好野永遠令人記得!陳仔佢係黃大仙人，約埋我同豬仔來食和氣，嗰晚好多人等位，都知好野嚟! D炸野無得，雞軟骨好香口，煙煙韌韌，炸池魚仔，我都係第一次食， 好有魚味，又唔腥，香口，可以一啖連骨食晒，正呀! 芝士薯條，D芝士味淡淡而出，帶甜甜地播，都好食。芝士厚燒玉子，蛋底嫩滑有蛋味，呢個芝士味較濃混住蛋汁，重突出到蛋味。燒黑豚肩丼飯飯，燒黑豚肩D肉味特別香又特別出，肉質帶少少彈口，好有肉汁，加埋D蔥花和泡菜食，真係好好食，愛食燒肉丼，呢款好正。火焰左口魚黑松露沙律，稍稍火炙過左口魚，有好濃魚味，配D香醋汁和少少黑松露香，D沙律菜好新鮮，整體好夾! 那千回火烏是我的最愛! 雞翼，係日本德島唔知咩阿波咩雞啊! D雞翼唔肥，D肉好有雞味，又有肉汁，個皮好薄，無咩油，烤超好食，唔食真走寶!

又食日本🇯🇵野喇～～～～～！軍艦五點非常之豐富。一眼睇落去已經有好新鮮感。海膽同埋帶子等等，當然食落都係一樣。總共有五件。有蟹膏配上帶子同埋鮮蝦兩者都味道鮮甜，兩樣鮮甜嘅食材夾埋一齊爆鮮啊！之後仲有吞拿魚拖羅，三文魚子，同埋海膽，夠晒豐富。而四點刺身盛，材料真係夠晒豐富，仲有好少見嘅生蠔。配檸檬汁食非常之新鮮而且大小剛好。三文魚夠口又鮮甜，仲有章紅魚同埋大甜蝦樣樣都係好新鮮。食魚生最緊要真係新鮮！呢度絕對做到啊。之後有串燒雞翼，有五大隻大大嘅全翼好豐富！燒得都好靚，唔會話好燶又唔夠火候，味道適中既。不過可以如果再濃d啲或者配啲燒汁就會更加香口。之後甜品就叫咗糯米糍紅豆宇治抹茶牛奶🥛雪糕。糯米糍開頭見到五顏六色以為都唔會特別好食。點知味道又OK喎幾清新。宇治抹茶雪糕係真係好香濃好香抹茶味，抺茶控一定大愛呀！之前喺呢間餐廳都冇特別留意佢，點知真係別出心裁，額外驚喜！喜出望外呀！呢度啲食物真係好好食好新鮮呢度啲食物真係好好食好新鮮物有所值好推薦大家嚟食服務態度都幾好，絕對物有所值！！👍👍好推薦大家嚟食🤟服務態度都幾好😽今餐好滿意呀！

中午想食好味又抵食嘅日本嘢，所以去咗和氣食！叫咗個親子丼定食，跟餐有三文魚刺身、茶杯蒸蛋同一杯熱飲！成個定食整體都唔錯，而且中午唔駛加一！女仕食就會覺得比較大份，男仕食就會覺得夠包！

呢晚約左個朋友一齊食晚餐，佢好堅持要食日本野，然後問我有無咩好介紹，當下我唔知點解淨係諗起和氣，問一問佢 佢話OK，咁我地就照食和氣了。餐牌食物選擇:基本上都係同以前差唔多，野食既選擇都算多，基本上呢到既日本野食，好多都係幾大路，反而太多選擇真係令人有d難揀，樣樣都想食咁。溫泉蛋牛油果凱撒沙律 $58先黎既係溫泉蛋牛油果凱撒沙律，睇張相都見到其實和氣既沙律份量真係算多，感覺上呢個份量係可以4個人share，我覺得和氣既菜不嬲都唔差，但溫泉蛋同牛油果係高質之選，味道同出面既好唔同，真係食得出佢既質素。白咖哩烏冬 $88其實咖哩烏冬我個人係麻麻，呢白咖哩烏冬我係一定要介紹比個朋友試下，因為你出面真係好小見到有白色咖哩，味道真係好特別，配埋幾件炸雞，成件事係好豐富，鍾意食咖哩既人一定要試呀！廣島蠔寄世鍋 $128和氣係有幾個鍋，呢個廣島蠔寄世鍋 唔單止係有廣島蠔架，仲有蝦蟹同其他海鮮，CP值係極高，你呢個價錢食到鍋，仲要有咁多海鮮，同埋個湯底係真係鮮甜，好好味呀！田樂面豉燒日本米茄子 $42小食類我地叫左個日本米茄子，其實我本身就麻麻地茄子，但我個朋友見到menu幅圖就好想食，跟住我個人覺得

今日收工後，同老公係屋企附近，黃大仙南館食日本嘢，呢間嘢，長期多人攞飛排隊，但眼見今日少咗人，所以我哋決定排隊等一陣😋餐牌果然好多選擇。。。小食又有。。。壽司又有。。。刺身又有。。。拉麵又有。。。鍋物又有甜品又有。。。包羅萬有，可以慢慢揀我哋最終揀咗五樣食物，但份量都幾大，所以最終將個飯打包拎走😆至於價錢，我個人認為，份量大，價錢適中👍🏻先來一客，芝士厚燒玉子，賣相OK，味道都唔差😋有濃濃芝士味再來一客，北寄貝沙律小食，個沙律醬幾特別👍🏻然後係特長鰻魚壽司，真係幾足料喎又下次一定會再嚟，試吓其他菜式👏🏻

突然好想食海膽。就去了和氣。3點半都要等一陣位。我們2大一細等了5分鐘。完院滿座。估不到。睇睇餐牌。有海膽飯不過就無下午茶價錢$88都合理，另叫多個蟹柳拉麵。先來叫煮關刀。有魚蛋、羅白、蛋半隻同魚腐。都不錯。我連小小湯都飲晒.之後再來炸雞有2舊。即炸無得話差。最後就上海膽飯。飯算多。飯面已經是滿滿三送魚。飛魚子同海膽。實左太多。首先試試海膽。新鮮。慢慢咁小小小小入到口腔。真係好甜美。成碗飯都比我差不多食晒。到另一碗蟹柳拉麵。湯底麵不錯。麵夠淋身。蟹柳都多。下午茶來講算是大碗都係48蚊。值得再來。最緊要係小丞哥有登坐。我又食得開心

成日經過呢間餐廳都見到長長嘅人龍，都好想試下佢，但每次都怕要等好耐，所以無勇氣拎籌。終於前幾日終朋友食晚飯，六點幾經過見無長龍，就決心入去試下呢間日本餐廳餐廳嘅環境裝潢都好有日本feel，啲牆紙同色調都係走和風，感覺幾舒適火焰左口魚邊牛油果沙律好多牛油果！燒咗嘅左口魚配魚子醬加沙律菜嘅味道好豐富，又好fresh！👍👍👍😄鹽味燒牛舌肉質好彈牙，燒得啱啱好，好juicy~3點刺身盛三文魚腩刺身好厚好肥美！油甘魚都一樣厚身，好新鮮，水晶蝦好彈牙，配埋佢醬食更突顯到佢嘅鮮味😍白咖哩烏冬最上面一層雪白嘅顏色似蛋白，質感似忌廉🤣用筷子推開就會見到啡色嘅咖哩，整個探索過程好新奇有趣😆味道都okay，咖哩略帶甜味。千回火鳥宇治抹茶芭菲啲麻糬同丸子好煙韌，抹茶雪糕好好好濃郁好好味💓

早幾日完成左公司嘅大活動，決定夜晚去屋企搵下好嘢食慶功，上網見呢間日本餐廳好高評分，而且見啲相都好吸引，就同屋企人嚟試下地點好方便，係正地鐵站上面嘅黃大仙中心，因為7點前嚟到，都唔使等位，而且餐牌有好多選擇剩係刺身都有好多款先叫一個沙律🥗清新下先，揀左火焰左口魚牛油果🥑沙律，我一邊撈下盆沙律一邊已經聞到好重嘅黑松露味道，材料亦好豐富，配上沙律醋好開胃，我第一次食左口魚發覺原來係比較爽嘅，食完沙律覺得好想再繼續食其他嘢，因為沙律味道配搭得好食日本嘢當然唔少得刺身啦，點左個四點刺身盛，睇得出刺身好新鮮，有三文魚、生蠔、蝦同另一種魚生，全部食落去都好鮮甜尤其係生蠔好肥美，簡單配上檸檬汁就已經襯托出鮮味另外叫咗個熟食，係黑豚肩燒丼，呢個丼飯簡直喜出望外，因為黑豚肩真係燒得好香，有一種炭燒嘅感覺，而且肉味好濃，再配上甜甜嘅醬汁，成個丼飯好出色而櫻花蝦鯛魚湯泡飯亦都好正，熱辣辣嘅石鍋承載着好多材料，包括有櫻花蝦同帶子，職員會幫手倒鯛魚湯去泡飯鯛魚湯嘅味道好鮮甜，而且我哋可以自己再倒脆米去配搭，湯飯加上幾種海鮮絕對能夠提升鮮味，食完覺得好暖胃最後到甜品時間，抺茶永遠係女仔嘅至愛，點左個宇治抹茶阿法奇

今日悶悶地試吓間日本野，鋪面同一般無咩特別。無諗過食完後有驚喜。白咖哩烏東。呢個白咖哩同出面唔同，唔係白色嘅。起初以為佢俾錯我，做咩上個moss cream甜品俾我，我都無叫到。原來cream下面係烏東，攪暈之後，cream 嘅滑，與咖哩結合。撈埋烏東，又提升左口感，烏東又滑，又煙un，好味，讚。和牛壽司，真係好味，如果全生，唔熟，我個人就唔多喜歡。但呢個面有輕輕燒過，放入口，和牛真係好滑，正。黑松露鵝肝壽司，多種食材放埋一齊，一口食到多層次不同食物嘅味道。口感好豐富。食完好滿足。甜品就值得讚一下。綠茶芭菲好多店鋪都有，但綠茶雪糕要做得好味，就唔係間間做到。呢間綠茶雪糕綠茶味夠晒濃，丸子彈牙，雪糕底紅豆同埋脆脆，紅豆唔係太甜，唔會搶左雪糕味道，兩者好配合。紅豆配綠茶向來無得輸，絕配。另外，雞翼薯條，本來平凡不過食材，廚師都有花心思，將雞翼面層塗蜜糖之類調味料，冷盤上，配左加糖嘅熱薯條，冷熱相配合，真係估佢唔到，又幾有特式，幾好味，唔會覺得好膩，唔錯。至於沙律就一般般啦！但我想講欠缺左一杯熱而濃綠茶。可能剛剛沒熱滾水，暖水加茶包，無茶味，呢個要改善。

見到食評咁好, 話魚生好新鮮, 唸住試下, 咁就叫左個最貴既lunch set。個餐黎到個賣相係吸引既, 海膽同魚生係新鮮, 再試埋係赤蝦, 竟然有陣腥臭味, 埋門先臨尾香, 有點失望。一個百四蚊既lunch set竟然係腥臭味, 接受唔到。反而個燒豬肉飯幾好味

黃大仙中心通常諗起食壽司都會去板x,因為位置太當眼，但食得多都開始厭，始終選擇唔多。其實行去南館選擇都唔少，日式料理唻講和氣嘅選擇應該係全黃大仙最多。求其影咗幾頁餐牌。溫泉玉子牛油果凱撒沙律公司樓下啲沙律細細一盒都要七十幾蚊，呢度58。新鮮，亦都多唔同嘅菜。千回火鳥一上檯已好香，皮脆但唔油。壽司都唔錯，火炙鵝肝壽司真係俾到大大舊鵝肝，都只係58三點刺身盛黑豚腩燒丼和氣嘅熟食係寧舍出色，燒肉非常香，份量亦好足。特濃牛奶芭菲重奶味，好滑，都只係52。沙律刺身主菜甜品都喺同一間餐廳用一個平嘅價錢搞掂，難怪平日都咁多人等位。