和幸日本燒肉料理 (已結業)

07年2月某日和女朋友在沒有訂位的情況下去到,例行等一兩分鐘，坐下叫了一份但馬和牛，黑毛和牛，和牛刺身，魚立魚湯，劍魚腩刺身,一支720ml的上善如水。先講但馬和牛燒是合格的，黑毛和牛可以不試，和牛刺身俾想像中好，魚立魚湯不錯，原來最好味的竟然是劍魚腩及上善如水。坐卡位，尚算舒適，服務亦算合格但對餐單上的食物智識不足，答非所問。

0的野食幾好,但服務差呢.....有一個男服務員j君,我叫佢介紹有咩特別野飲!!佢答我咩:佢話果汁唔係紙包,仲要你用串你0的態度講...我未無叫野飲,叫佢比幾杯茶..叫左幾次都未比,之後又叫j君比啦!!佢將三杯茶圍住我隻碟甘放.....算啦,幾個fd出黎食甘飯想開人甘我地都忍啦!!個個j君仲叫埋其他人,我地叫咩都話唔比,我fd聽到咪興,叫佢過黎,問佢咩名啦!!佢好似想打交個態度講叫j君...最終未要搵佢manager叫佢道歉...講真佢唔係茶餐廳嗎>?仲要起碼二,三百蚊一個人,服務態度唔得,佢0的牛係好食...但服務唔得,點去第二次呀但其實整體係唔錯...0的女服務員好好,好細心介紹0的牛比我地聽.....但係0的男服務員差

夜晚去左問叫和幸的日本燒牛肉度食，好好味，不過有ｄ貴！樓下果個妹妹招呼都幾殷勤，上到去都唔駛等位．我地叫左肉類併盤，鵝肝山芉餅，白燒鰻魚，海膽石燒飯，雞翼（梅子味），牛肋骨肉．仲送左個和牛添．除左飯之外，全部都係自己燒，有得食有得玩．之後叫甜品．嘩，原來甜品都有得玩呀，有草莓燒同燒芝士餅．果芝士餅好好食，簡直一試難忘！！仲有好味既炸雪糕泡芙（士多啤梨同朱古力），同埋蜜桃雪葩．招呼都幾好，主動幫我地較細個冷氣，又成日幫我地加茶．臨走時除左近果ｄ待應嗌多謝之外，好遠果個都嗌過黎話多謝！相片: http://clementnet.spaces.live.com/blog/cns!3C21C00591BFCEF0!636.entry

係雜誌睇到伊間餐廳廣告，好似幾吸引咁，所以同我女朋友過黎食野．一入去，樓下睇門口個位大眼姐姐，係度玩手指，我女朋友話：係伊度喎，和幸｝佢先衝過黎大大聲問：〔你地係咪和幸〕答左佢幾位，聽唔到，又答多一次，佢黑起口面問係咪２位，答完你又問，阻住我搭ＬＩＦＴ，仲要黑口黑面，好似嫌我趕住上去咁，咁我想問係咪問唔到唔使食飯，老闆應該培訓下伊ｄ員工，所以我一入去第一個感覺，覺得伊間野可能唔係好野，只不過擺住個心想試下新野，點知食落Ｄ野食都ＯＫ　，只不過貴左Ｄ，如果唔夠飽想叫多碟肉食，，都幾肉赤，要成８，９０蚊一碟，推界有但馬和牛，同埋佢地碟和牛抄飯都幾好食．但係燒冬姑麻麻地，食左碟併盆，冬姑，炒飯，都要差唔多７００蚊，好貴．另外要講ＧＥ缺點係，Ｄ服務生唔夠清楚餐牌Ｄ野，仲有成日就黎煩住我，幫我燒野食，伊個侍應過黎燒左一陣，我話唔使，第二個又走過黎燒，都幾煩，我好想同佢講，你燒哂我燒乜？整體黎講，Ｄ食物ＯＫ，服務員Ｄ禮服都ＯＫ，只不過煩左Ｄ，最壞印象係門口知客．

我昨天去食, 覺得食物質數好好味, 價錢ok啦, 而待應服務都好好. 食左一個芝士年糕, 外面脆卜卜，入面軟林林，好好味．雖然要收前菜及爐錢，我覺得都ｏｋ，當然唔收就最好啦．

kenlo,LM,想同你講...其實一d高級d,正宗d既日本料理通常都會有前菜而且會收前菜費這是通行都知而且會做既事~

當閣下到此燒肉店用膳，要有心理準備會像酒樓一般要收$10前菜費，這點己覺很不合理，但最可恥的是在本人用膳後落樓才發覺在電梯旁有一人般高的宣傳板宣稱食滿$300後，即有一客黑毛和牛贈送，但本人在整頓飯中根本沒有侍應生提到或把和牛送來，雖然本人是完全不知道它們有這贈送，但不知就代表可以〝則則膊〞嗎，這簡直是欺騙的手段！奉勸大家一句，到此用膳，緊記問清問楚，否則就如本人一樣，遭受欺騙！加上,還要收取前菜45元、侍應不會加茶給您,好像乞求侍應?會加的。食品無特別!

當閣下到此燒肉店用膳，要有心理準備會像酒樓一般要收$10前菜費，這點己覺很不合理，但最可恥的是在本人用膳後落樓才發覺在電梯旁有一人般高的宣傳板宣稱食滿$300後，即有一客黑毛和牛贈送，但本人在整頓飯中根本沒有侍應生提到或把和牛送來，雖然本人是完全不知道它們有這贈送，但不知就代表可以〝則則膊〞嗎，這簡直是欺騙的手段！奉勸大家一句，到此用膳，緊記問清問楚，否則就如本人一樣，遭受欺騙！

今晚我同2個朋友(女)到呢間餐廳食飯，原先想Check佢個website睇Menu先，點知Website完全入唔到，我朋友(女)係之前行經銅鑼灣時收到呢間餐廳單張先想去食，今晚去到啦，我朋友想食(單張上提及)全部都冇，只係有一個X'mas Set Menu同一A La Cart，後尾同個經理講，先叫到一客蟹腳同一客和牛刺身，叫埋X'mas Set Menu(有沙律、刺身拼盤、海鮮湯、烤肉拼盤、鵝肝石頭飯、兩杯Drink同2份dessert)再叫幾款A la Cart(鹽燒和牛、雞翼、海膽刺身、燒元貝等食物)，埋單$1724.00唔算抵食，加上Waitress對產品認識又唔夠，連cocktail同mocktail都可以搞錯，雖然個經理Service得好好，最後由埋單到離開餐廳，老闆娘派晒咭片，埋Lift送我離開，但始終唔能夠令我平息心中的怒氣............

哈!我係第一個寫呢間店食評上兩星期同一家三口銅鑼灣路經呢間燒肉店,就上去試吓,裝修幾IN,食物都幾好味道,份量都唔算太小,食燒肉拚盆抵D,不過侍應好生手,禮貌尚可,加上半價就Very Good!不過唔知做到幾時!!!