和井鐵板燒專門店 (已結業)

之前有一次行行下街, 見到有間鐵板燒, 望入去見環境幾整齊, 就入左去試下.價錢OK 喎, 唔貴, 叫套餐尤其抵, 一個大蝦肉眼扒餐(二人前) 都係390 蚊左右, 我印象中佢係無收加一既.之後去過2, 3次, 都係招呼好好, 每次都有好既提議俾我地, 添茶亦好密, 食物又新鮮, 唔錯.大蝦肉眼扒餐(二人前) 包括:豆腐沙律(酸酸甜甜, 好醒胃)燒大蝦(蝦好大隻, 好新鮮, 每人一隻, 每隻都可以切開6件左右, 仲有蝦頭都幾好食, 不過無咩蝦膏) 原條龍利魚柳(魚味唔太夠, 可能俾牛油同香草蓋過左, 不過都好惹味)香蔥煙肉炒飯(好味道)蒜片安格斯肉眼扒(師傅會先問你要幾成熟, 個人認為以鐵板燒計, 5成比較好, 入口即溶, 肉汁流晒出黎, 好正!)炒雜菜(師傅會連埋上一道牛肉切落黎既肥肉一齊炒, 菜好鮮甜, 好味)豆腐大蜆麵豉湯(OK, 隻蜆都真係幾大)甜品(食唔出係咩, 不過就有呍呢拿味, 都幾好, 再大件D就好喇)整體黎講, 係值得再去既, 不過, 如果兩個女仔都唔太大食的話, 叫以上呢個二人前, 係應該食唔晒既, 可以考慮要其他再平D既餐, 份量同內容都會少D, 咁就唔駛浪費喇.

昨日朋友三人享用晚膳。點選了一個龍蝦套餐(二人前)，老闆說可以幫我們改作三人前，但因我們想試試其他菜式，所以拒絕了，但還是要多謝他的好意。套餐包括︰1) 刺身拼盤--- 三文魚、吐拿魚、章魚、鮑魚厚切各二。材料頗新鮮，而且很肥美。2) 魚夫沙律--- 蝦、青口、蟹柳、魷魚，全是熟的。加上少許新鮮菜蔬。除魷魚外，其他都是敗筆。3) 鐵板燒龍蝦--- 大約一斤重的龍蝦，點少許海鮮專用的醬油，鮮味十足。有質感但不粗糙，非常吸引。加十元還可以把蝦頭熬湯(麵豉湯或清湯)。我們要了清湯，材料有蝦頭、椰菜、菌、豆腐、蔥花各少許。味道不錯，但熬的時間不夠。4) 黃金炒飯--- 很香，而且飯是粒粒分明，不會黏成一團。5) 燒龍脷柳(原本是燒三文魚) --- 有芝士和蒜香，但沒有魚的味。6) 燒雞扒(原本是燒牛柳) --- 有雞味，而且很香，但油份多了點兒。7) 炒雜菜--- 椰菜、菌、豆芽等，不過不失。8) 麵豉湯--- 豆腐、蛤蜊、菌、紫菜，偏鹹。9) 牛奶布丁--- 很香濃，而且滑溜溜的，但份量偏少。額外點選:10) 活帶子刺身--- 帶子皇，友人很欣賞牠的鮮甜，但個人覺得有少許腥。服務方面︰老闆和

如果唔係同事介紹, 都未必會知有呢間舖頭. 開張大約有7 個月呢, 3 位主廚.今日光顧時是女廚師serve 我和我朋友.大約7pm 到還是今晚第一木台客呢.裝修很不錯, 但越食越覺得他們的宣傳可以做得好一點呢...我也希望他們有更多的客人幫襯呢..因為食物既水準真的很不俗, 可以大有發為呢! 今晚order 左tiger prawn 同Canada Angus steak 套餐\\\, around $360.另加帶子$78 同鵝肝$98, yummi!1. 凍豆腐沙律2. 三文魚sashimi3. 好大隻既老虎蝦(廚師好好心機用刀將殼同腸一同切去, 再切4 件上碟, 好鮮味, 好爽口)4. 龍脷柳(呢樣比較impress, 煎好甘香, 香料帶出魚的鮮味)5. 帶子( 好大隻...有成隻CD 碟咁大既殼, d 肉仲可以分裙邊, 潤, 同帶子肉3 part食, 用少少酒煮, 再放回殼中上木台)6. 法國鵝肝(好大件, 成個抹黑板的粉擦般大, 好有質感, 外皮煎到香脆, 內裡的鵝肝好滑好香口, 簡直係極正既享受, 廚師仲煎左了蛋件, 將鵝肝放於蛋件上, 令蛋件也吸收了鵝肝的精華...正!

尋日去左和井食, 叫左個鮑魚二人套餐,$298 睇佢個樣係威係勢, 嘩..想不到啲野超難食, 牛柳好'鞋', 招牌炒飯唔好食, 啲炒菜好生, 仲叫左個出名的三文魚軟螜蟹反卷, 嘩..塊三文魚得少少,仲要有少少灰色的, 軟螜蟹又唔見左隻腳,啲飯好濕..埋單4百蚊, 仲要收每位三元茶錢同加一服務貴, 奉勸各位唔好食!!!!!!!!!!

尋晚同女友行開旺角...就去試下新野...間鋪細左少少...我地原本坐普通枱...後來有人等位...佢地想我地轉坐bar枱...d侍應都好有禮貌...冇所謂啦...都係方便下人因為自己已經成日都食西冷同肉眼...又想食銀鱈魚...所以點左個羊扒二人餐($268)一開始係豆腐沙津...有少少wasabi...雖然我唔鍾意食wasabi...但都成碟食晒...清清地...幾好跟住就上左銀鱈魚...細件左少少...食唔到魚味...而且唔知點解有少少凍(明明睇住佢燒完即上枱)...失望...然後就上左冬菇茄子...老實講...自己去BBQ都整到...冇咩特別...冬茹之後係金菇牛肉卷...呢樣就真係幾好食...可惜又係得兩件仔...終於到主菜羊扒...一人有一件剩肉同一件連骨肉...但係可以將兩件擺埋一齊...一啖食晒...size細得可憐...但肉質就真係好嫩...味道亦好...可惜真係太細件...再o黎係煙肉蛋炒飯...用鐵板炒飯都冇咩期望...有d飯粒"痴"埋一舊...d蛋同飯完全分開...仲有少少燶味tim...失敗...最後係炒雜菜...我相信我母親炒得好佢好多...奇怪...食晒個

$$$ 略貴一點，食物十分新鮮。推介坐在bar 枱 (即鐡板側)，絶對領你覺得值回票價。晚餐平均消費每人$200 up ，二人最低消費可以選擇叫一人餐，再另加一至兩款鐵板....

估唔到我係第一個寫食評, 可能佢真係開冇耐. 地方乾淨光猛, 雖然有三塊大鐵板, 但就唔會煙霧迷漫, 食完出d衫都冇一陣味. 午餐抵食, 最平$28, 有沙律, 炒飯/麵, 兩件三文魚壽司和炒什菜, 仲有熱餐飲/味噌湯附送, 真係幾抵食, 加多$10, 仲有兩條/4件金菇牛柳卷, 食物質素不錯, 味道不會太鹹, 視覺上又有享受, 鐵板桌有15個位, 稍為迫了點, 不過在旺角區, 這間食肆都算坐得舒服啦.