和井鐵板燒專門店 (已結業)

經過旺角街頭，唔難見倒呢間鐵板燒嘅banner，食過鐵板燒嘅朋友都知，食得鐵板燒要食埋海鮮鵝肝，無千令蚊都食唔倒好嘅水準～響街口咁啱有個亞姐派coupon，滿$600減$100本身已經決定黎試下，啱曬！夜晚10點左右先黎到和井，入面得返兩檯客，響門口睇下餐牌有咩好食，貎似廚師兼老闆走出黎誠邀我地入去，仲話佢地無味精健康啲 叫左一個巨蝦套餐，加一客鵝肝～頭盤係日式沙律，三文魚刺身～沙律菜幾新鮮，三文魚亦算肥美～唔錯～巨蝦真係好巨，肉質彈牙好新鮮，廚師用牛津同蝦膏煮左個汁，仲問我地食唔食辣，落左少少辣粉，但調味料掩蓋唔倒蝦嘅鮮味～正！我地無黎錯～平日食飯我絕對唔會點龍脷柳，今次套餐入面有無得選擇，竟然有意外驚奇～ 外脆內滑，值得一試～牛扒我唔記得係咪安格斯，叫左5成熟，燒得啱啱好～唔錯我最愛嘅鵝肝出場，好厚身，燒到外脆內軟有少少流心，廚師將佢1分為4，本來我男朋友話我鐘意食，叫我食3份，佢試一啖就夠...點知佢食左一啖之後改變主意 証明真係好好味～仲有燒野菜，係脆肉瓜冬菇、炒雜菜、黃金炒飯，全部都好食～ 甜品係唔知乜嘢布甸，呢個就一般般～埋單9百幾用左街頭派嘅$100coupon～ 8百幾

都有一段時間冇黎，但係味道更勝從前，食物水準依然非常好👍 講下食左d咩先，呢個活帶子皇係是日新鮮推介，好好味，好爽口！鐵板老虎巨蝦，係每一次must order既野 師傅將蝦頭d膏拎埋出黎，擺係蝦肉上面，連埋d膏放入口，超正，點解可以咁好食 鐵板生蠔，好肥美，加埋洋蔥煙肉一齊食，真係好好味好滿足，個肚好滿足，人都好滿足

把鬼，成餐食完都講唔出食咗d咩，如果覺得200幾蚊可以食得好d嘅朋友，請勿幫襯店內員工服務尚可，但勁hardsale，而且餐牌選擇唔多，所以諗住試咗368套餐先，但真係不值一提本人對食物接受度頗大，呢度嘅食物唔難食，亦都唔係好食，只係用料同煮法都唔值呢個價:1.豆腐沙律 - 冇特別2.珍寶'生'蠔 - 唔難食，但明顯唔係生蠔，係雪藏嘅，仲要用個假殼裝住3.原隻燒魷魚筒 - 好靭，上碟果陣我仲以為係食剩嘅，分量少到可憐4.鐵板前菜 - 一隻冬菇對切加兩片翠玉瓜，講完5.生薑豚肉燒 - 好油嘅火鍋豬肉片炒洋蔥6.鐵板炒飯 - 什豆煙肉炒飯，分到兩碗7.炒什菜 - 份量最多，唔難食8.活魚湯 - 好腥9.甜品 - 雞蛋布甸，百佳有得賣自家制其實出面好多高檔嘅餐廳份量都唔多，但食材新鮮，係一定食得出，收得呢個價用咁嘅材料煮，仲要mark住邊度邊度嚟，想下次再幫襯你都好難

終於放暑假啦，經朋友介紹訂枱食鐵板燒＜噤辛苦食餐勁嘅＞，一行五人一早到，衰咗：無上面吧枱，唸住坐order枱吹水好d，點知個個話要對住師傅，第一讚：服務員提議邊食邊等，盡快安排轉枱，結果好快仲系L型轉彎位，掂呀。入正題；嘩……第二讚南非活大鮑魚：我塊面噤大隻---一d都唔"奀"，好有鮑魚味 酒煮蜆：幾特別呀，清酒煮完個湯都好甜 生猛活龍蝦：肉爽，龍蝦頭湯鮮燒銀雪魚：必食，面香煎內香滑肥鵝肝：無吹水，齒頰留香已經好飽，不過炒飯 炒菜都唔錯，最後連甜品食晒，第三讚：唔該晒師傅，好細心，辛苦晒。

我是給店外的$148減至$88套餐廣告吸引入去的.入到去睇餐牌唔見有$88套餐, 只見到一個$148一人套餐. 上面寫的套餐食物, 跟門口的$88套餐是一樣.於是我就點了兩個$148套餐, 仲有了兩樣小食. 到結帳時收$500元.我看清楚張單.問店員點解收我$148套餐, 不是$88元套餐嗎? ..店員之後說$148跟門口$88套餐食物是一樣的, 除非落單時講明叫$88套餐. 如果不講就當$148套餐, 所以要俾$148,  為何食物一樣, 但有兩個價錢, 我真的被騙了. 好彩我習慣食每一道菜都影相及留單記錄, 我已決定去消委會投訴了! 也不想再幫襯這間了.

首先, 食鐡板燒要俾茶介, 我真係未聽過, 你估而家飲茶食點心呀 , 位位5蚊連加一, 都唔平架, 我食緊日本鐵板燒wor, 又唔係中餐! 再者, 餐牌都無寫有茶介, 更加無人同我講過! 被"arc"囉~原全冇茶味, 味道好啖, 但成杯野都係好污濁咁, 賣相唔靚, 而且唔夠熱最離譜的係食物的份量: 最平的二人餐都要368, 一人餐得一款, 重要話賣曬, 冇得轉, 迫我地要選二人餐再加一人份, 或者八百幾蚊的三人餐, 咁我地三個人, 咪試下最平的二人餐加多位先囉, 要俾多一半錢, 話三個人份量, 點知d野食出到黎, 份量係等於一人份量, 點知? 咪就係因為隔離枱的國內朋友, 佢地叫咗同款二人餐的一人份 (嗱嗱嗱, 我地冇得叫一人餐架, 國內朋友就有得二人餐變一人餐架, 點證明係一人餐, 睇到沙拉得一份囉) 但上枱的燒豚肉, 魷魚, 抄雜菜, 抄飯等所有的鐵板燒都同國內朋友上枱的份量一模一样, 同時上枱的, 毎枱一碟, 可以即時比較, 分唔到都幾難, 你問我咁點計係三人份量餐, 我只係可以答到, 只有蠔係三隻囉, 俾多幾百蚊食一隻蠔wor, 真係好過份, 俾三個人錢重要食得一人份量, 有冇

黎到女人街搵食， 被和井門外的侍應熱情的推介，而且餐牌價公相宜，於是一試。原本想試百多元的餐，經侍應游說叫了一個貴一點的2人SET(都要六百幾)....@@明明是想食門口攞出來個個平D...中左伏....不過都比秋田便宜得多。由於九點後人不多，面前的師傅主要招呼我們﹐師傅調味岩岩好，基本上佢話咩都唔駛點就食得，非常親切。先來沙律，沒有什麼特別..這個湯飲了有魚味，不是一般的味精湯質感有D硬，唔知雪左幾耐。呢粒帶子好大粒，好鮮好好食，調味岩岩好，真係乜都唔駛再點就入口，入口個種鮮甜味道真係好想叫多碟....銀雪魚都好正，煎到金黃色，而且份量都好多，呢度係一人份量，都好多下呢個配菜係冬菇配牛油果，個D汁吾得..牛肉薄切，呢個D牛好薄，中間夾左D荵，一啖食入口，無入口即溶咁誇張但係真係幾好食 (五成熟)呢個炒飯料好少，但量多，以為吾好食，但原來都好正，D煙肉好出味，整體不錯。最後甜品啦，呢個就係成餐飯的敗筆，唔好食

因訂了桌，所以不用等位位於女人街內，位置方便地方不大，環境一般今晚叫了一個和牛套餐(二人用)，再加了烏冬及一板海膽，總共二大二小享用，份量可接受講到食物，整體幾好和牛厚燒，非常好吃，燒得剛剛好，肉汁夠多，入口即溶燒大蝦，很大隻，夠新鮮，同樣燒得剛剛好，不會出現乾身情況燒鵝肝，都幾大件，好吃但炒飯就相對比較硬身，不知是否太多人關係，沒有時間及耐性了，因發覺其他客人追單追得幾厲害整體評價好，一定要再幫襯。看到有人叫個龍蝦套餐，好似好正，下次要試下。

對上來和井已幾年前既事，今次book定，緊係指定要坐bar台睇師夫整野食啦，是日兩個人去叫左個$7xx蚊既龍蝦set (無記低有咩), 同其他set大同小異，係睇主菜想食龍蝦、牛等... 叫完個 Waitress 又話加d $$ 龍蝦重磅d, 又話加d $$ 可以同你用蝦頭煲埋湯飲，最後都照加加加~~~~ 味道係OK得，重要見住隻龍蝦活生生咁燒熟，心裡點都加晒分，個老師夫又幾好傾，佢地會有一個環節熄晒廚房既燈，然後一下大光煮食表演一下。要影相就準備定。推介佢地個烤蒜片 。因為又叫酒，龍蝦加大，又加湯，加一，埋單$13xx ，比我預期中貴.....

服務態度太hard sales,不斷sales你食貴嘢，又話$150個餐不夠飽，叫你食夠$600個餐，但門口大大隻字寫$88個餐，入到去即收埋隻字不提，問職員即答不好食，咁選懌$150又話不夠飽，最後俾佢焗選咗個$300嘅！唉，平心以論食物質素ok但環境地點及服務點收咁嘅價錢，我俾都唔甘心啦，我本人就無下次，好食都咁講，若果店主看到本人所講，唔該睇睇劉華之服務廣告啦。

wanna give it a try for a long time and it happened that we saw their advertisement in MK, so there we were!we ordered the 'tiger shrimp' set for 2 ($5XX) plus the special that night: big scallop ($138/each)1) Salad: ok2) Sashimi: 6 pieces of salmon, ok3) Scallop: quite big, but not the jumbo size. The chef said the flavor of scallops is lighter, so better eat it first. It tasted fresh and sweet! I love it!4) Tiger shrimps: the meat was firm and sweet. Surprisingly, the shrimp heads had a lot of

今日係本小姐生日, 一於去試下鐡板燒, 去之前當然要CC Openrice 有咩推介啦!! 見和井d comment唔錯, 所以決定試下和井來慶祝生日。7.00p.m. 到和井, 因為時間尚早, 得一個客人, 所以包場咁滯由於想睇師傅表演, so選左bar枱坐 ^.^~坐低後就叫咗個大蝦二人餐, 點餐後, 侍應更細心地解釋3種醬汁的食法!!豆腐沙拉 : 個汁酸酸辣辣, 挺開胃!三文魚刺生 : 刺生入面有冰, 要隔一陣先可以放入口, 麻麻地 巨蝦 (主角一) : 我地+$60 改食大蝦, 隻蝦真係超大隻, 爽口彈牙師父將隻大蝦在鐵板上剝殼去腸，手法純熟。我最怕成隻蝦食, 見師父斬件上, 開心到不得之了!!而且蝦蝦很鮮味, 加上我至愛的冬菇&翠肉瓜, 簡直係perfect!!! 安格斯牛扒 (主角二)塊安格斯牛扒未煎之前已經見到好令, 好多雪花。開始煎牛扒lu!~ 師父灑了點酒, 用火鎗一燒，板上的那塊肉著火了^^精彩!!師傅將牛扒切粒, 牛粒的肉質好嫩,，五成熟剛好，肉汁勁juicy，入口鬆鬆軟軟，加埋蒜片, 簡直係一流。 cho

2個人點了帶子餐，食材新鮮美味，盡見司傳的功力。豆腐沙拉~賣相稍遜，份量較少，但味道不俗雙色刺生~三文魚厚肉鮮味，另一種魚也很好吃燒帶子~兩大隻，配以濃濃的酒香汁，帶子十分新鮮，味道一流銀雪魚配冬姑翠肉瓜~銀雪魚外脆內滑，味道合宜，而燒鮮冬姑配翠肉瓜很大件，有趣的配搭美國安格斯牛肉薄燒~我們選了5成熟，剛好! 牛肉很嫩滑，包著乾蒜燒製，充滿肉汁，是最愛的一道菜黃金炒飯~乾身，料多，味道很適中，好味道日式炒雜菜~很大碟，好食魚奶湯~濃濃的，香噴噴的，待應多送一碗給朋友紅豆雪糕配牛奶蛋白布丁~第一次吃這種搭配的甜品，得意! 蛋白布丁略為甜，但滑滑香香的，好得意!待應服務態度很友善，經常向客人瞭解對食物味道的意見。看見鐵板司傳烹調的專注，與客人打成一片的閒聊，整體感覺十分不俗。環境雖然一般，但食物水準高，也可欣賞司傳的烹調技術，也是賞心悅目。離開時實在感覺很滿足!

之前問下好朋友的食評意見，有咩好介紹。佢即刻推介左旺角女人街的鐵板燒，（ＢＴＷ乜女人街都有鐵板燒既咩？！果然係有個女廚師整野我吃。）講返賣點係：約＄500的2人餐有鐵板show睇，又有大蝦頭食。結果我就上openrice搵下搵下，發現和井同我朋友的口供吻合，於是我就去左try鳥。加上係openrice見大家都讚口不停，所以後來更放棄buffet吃了它，來慶祝生日。吃了560元的一個大蝦套餐(已包茶芥@$5 +加一服務)，比預期失望，因為材料不是特別名貴。此價錢大可換來更名貴的食材，例如龍蝦。所以食物雖然ok，但不是物超所值。如果2人餐係360元，我就覺得ok，因為一分價錢，一分貨ma。結果男朋友晚上肚潟了（不是負評，可能是他個人問題），如果可以從頭再選擇，還是吃自助餐好，因為同一價錢有更多選擇﹗而我其後再和該朋友交流是次和井經驗，佢話我知原來佢推介間店係叫<上野>，不是和井。果刻我當堂石化鳥。。。 日式沙律: ：份量比較小，味道普普通通，個汁酸酸的加上百福小粒豆腐和雜菜，食物不新鮮。建議雪多兩分鐘先拿出來，才可增加食慾。 三文魚剌身：六片剌身都唔掂，因為三唔，唔

剛去探完朋友, 都8點幾, 和大豬兩人都好餓;朋友推介食女人街一鐵板燒, 和井也;去到仍有位, 好采, 馬上坐下.都係不太大間的小店, 和此區很多食店都是一樣.姐姐推介有個兩人餐, 乜都有咁滯, 唔洗諗, 就叫個set 喇.小食先上很標準的沙律, 絕對冇問題.之後便陸續上其他, 海鮮方面, 帶子一流, 很甜, 也不用加多調味師傅開大蝦都十分熟手, 其實好多時, 單係看開蝦手藝, 已或多或少看得出師傅功力係點!和帶子一樣, 本身好新鮮, 所以好爽口好好食.相對之下, 蟶子就差了一點, 有少許腥, 或可以更好吧.銀雪魚本身多油, 油膩一點無可避免, 生熟剛好, 中心仍好滑, 一讚.牛都很出色要幾生熟都掌握很宜, 點少少醬入口即溶, 正~食埋炒飯甜品, 夠晒飽了~炒飯唔油, 也要一讚.係個蟶子差左d, 其他都很不錯. 服務也好友善快手. 300蚊也算合理.