和一麵蔵專門 (已結業)

那天，相約一位住在上環的朋友到中環 <和一麵蔵專門> 食晚餐！她預先訂枱，我早到先入座；女店員安排一張靠牆的桌子給我，靠牆那張椅子坐得幾舒服，沒有什麼問題！那麼！當她坐在對著走廊的椅子時，便大聲叫坐得不舒服！ 原來，椅子表面斜向椅背！難怪她坐得不舒服！女店員立即走過來，問有無可以幫忙？為免場面尷尬，我立即跟她調位，事情便可解決！女店員不時主動走來加茶，服務已是不錯！這裡地方不大！簡約日式風格！之前，發現這裡的洗手間門外，以紅色及藍色日本木屐作辨認，相當有趣！ ( 可惜，今次張相影得不滿意！真抱歉！ )跟朋友說開，我上次幫襯已經是一年之前食下午茶！記得當時下午茶直至 6:00pm，現在下午茶直至大約 3:00，因為 3:30 休場！朋友推介 2 人晚餐，既抵食又豐富！日式 2人晚餐 $178 / 2包括：前菜 X 2、同款口味拉麵 / 烏冬 X 2、壽司 8 件、炸物一份。 前菜：魚生切得厚薄適中！朋友說三文魚夠新鮮！爽身甘美！配上沙律菜，非常清爽！醃白蘿蔔的汁料酸甜醒胃！白蘿蔔煮的夠腍身，入口即溶！ 最緊要食起來無渣！用上一個印有眼睛圖案的魚形小碟子盛載，可愛有趣！田

三文魚好新鮮,海膽加紫菜正,或海膽加青瓜好清新好好味仲有烏冬好好味日本桃味汽水好味銀雪魚滑,炒什菜正平日在中環食晏及晚飯都是不錯的選擇

每次晏收工都會到和一和男朋友食,這裡不用等位,在中上環晚上八時后兩個人不用三佰元可以食一個套餐,有前菜,刺身,鍋物,拉麵,十分之低食須然地方細少,但晚上想靜靜地食晚飯都是一個不錯的選擇

見這店開張以來都沒光顧過, 門面都裝修很風味似的, 於是便來試試看, 今天來的時候是下午茶時段, 看到放在外面的餐牌架, 下午茶餐都很便宜, 每個餐的份量都好像很多的入去坐底後看見店員的服務和說話談吐都知道出事了, 走進了一間港式日本餐廳我點了2號餐($30), 有櫻花魚生飯(三文魚, 帶子, 蔥花碎吞拿魚, 甜蝦, 墨魚, 蟹籽), 餃子兩隻, 麵豉湯先講櫻花魚生飯, 整個份量很少, 夾埋魚生得碗子的一半滿,三文魚很難得的竟然有筋, 咬了幾口才能咬斷, 味道亦不新鮮帶子味道反而幾好, 好有帶子味, 但只有薄薄的一片蔥花碎吞拿魚, 蔥花同碎吞拿魚的份量完全不合比例, 碎吞拿魚真的少得超級可憐, 一舊wasabi比兩粒碎吞拿魚還要大味道又不新鮮甜蝦味道過得去墨魚介花不夠, 令口感不太好,蟹籽算新鮮, 粒粒通透的,飯粒不夠粘, 醋味適中同餐牌的相片有很大出入餃子裡的應該是韮菜豬肉, 是炸的, 令我最驚訝的是餃子底下的竟然是豉油而不是餃子汁雖則餃子不是炸得太油膩, 但豉油都令餃子味道變得太咸了麵豉湯味道一般, 內裡只有蔥花和豆腐粒, 連最普通的海帶也沒有吃的時候看到隔離枱的套餐跟一個手卷,

每天吃午飯也很頭痛，公司沒有雪櫃也沒有微波爐，只能每天到外吃飯，吃飯時間人又多、價格又貴，通常也是下午茶的時候才出外食，這次在OPENRICE找了這一間，看到食評寫她的拉麵挺好，就決定來這裡一試~下午2:30到達，店裡只有2張桌子是沒客人的，服務員奉上的餐牌沒有下午茶，我就問一下：「請問下午茶何時開始呢﹖」服務員就很不耐煩的望一下手錶再回答：「等一陣啦」第一個感覺實在不好 大概5分鐘後就收到下午茶的餐牌，裡面有8個套餐，份量也很多，只需$30！不收加一，要飲品的話只需加$3就可以了，真的很化算，難怪這裡午飯過後也不停的有客人~由於食評讚這裡的拉麵，決定叫唯一一個拉麵餐：8號餐 - 自家製叉燒井黑豚角玉子拉麵併三文魚手卷。服務員知道我點了這個餐，就幫我拿了醬油碟並替我倒豉油，剛才的不開心稍為舒緩了一點~ 三文魚手卷 - 看起來平平無奇，對它也沒多大奇望，三文魚有點點三文魚味，但有點溫溫的，感覺有點奇怪；反而紫菜很出色，吃到最後的時候也是香脆的~ 自家製叉燒井黑豚角玉子拉麵 - 拉麵的靈魂當然是湯底及拉麵的質感，先喝湯底，真的比想像中好，豬骨湯底比起一般的店子已算頗香濃，但當然不夠八千碗或

見有新拉麵店開張, 就俾個機會佢去試下店子小小, 廿個位左右, 侍應都係一堆少女要個鰻魚天婦羅連卷物(片) o既set。相中那六個水滴型的飯糰雖然味道欠奉, 但勝在造型有心思碗飯都幾香口, 有米氣。兩件炸鰻魚, 唔油膩, 同平時食開o既燒鰻魚口感味道都好唔同, 是淡淡的魚肉口感, 挺有新鮮感有o的沙律前菜, 有碗麵豉湯, 一粒雪米滋咁, 加埋一成九十幾, 絕不便宜。雖然o個陣佢做儲印仔promotion, 但都係唔多吸引

三月十四日 (星期一)老公仔之前和同事來過,覺得這裡的拉麵不錯於是帶我一試座落於繁忙的德輔道中,老公仔話午市時定必擠滿人所以我們提早到達座位真的並不寬敞最後和其餘兩位食客吃分坐四人桌老公仔介紹拉麵,我當然要一試點了一個黑豚肉拉麵(白骨湯底)麵質很彈牙,湯底濃而清香黑豚肉也不錯,軟稔度適中,頗入味老公仔上次試了拉麵,今回另選牛肉生薑燒定食不過牛肉似乎燒得過濃,很嚡口燒汁也不入味,令到整過套餐啖而無味看來,這裡只宜吃拉麵

是同事介紹的一家拉麵店，價格划算，點了拉麵套餐，包括前菜，拉麵，甜品！拉麵可以選不同的湯底，吃的時候覺得很好味道， 但是吃後就覺得非常口渴，估計應該是湯底有太多的味精！由於那天趕著離開去看話劇，走得太匆忙,忘了甜品， 但是服務員也沒有提醒我們還有甜品，真的有點不老實

呢度店子不大，我哋等咗成二十分鐘先有位。我order咗炸雞拉麵豬骨湯底($69)，而朋友就要叉燒玉子烏冬($69)，湯底可以自選。先嚟一客沙律，生菜都算新鮮，加上芝麻醬，味道ok。炸雞唔夠脆又唔滑，味道一般，拉麵口感一般，湯底有粟米，海帶，芝麻，味道都OK嘅。朋友嘅烏冬都幾滑亦有啲煙韌，味道不錯。最後有綠茶糯米糍，味道一般。

之前，經過德輔道中，見到和一麵蔵，下午茶幾抵食！ $33 已有交易！一向我知道呢間嘢食唔平！趁早放工，走嚟試吓！店員放低個 Menu ，好似用皮做，幾揼本！而且耐用啲！黑豚肉生薑燒大碗飯 $33我見呢個飯有薑為材料，落單之前，問清楚店員辣唔辣？知道唔辣先叫。大碗程度相等於"吉野家"大碗飯。 黑豚肉肉質嫩滑，唔韌，夠入味！份量出奇地多！起碼有 8 塊！ 成碗見唔到薑嘅蹤影，以薑汁同黑豚肉一齊煮，只有好香薑味，食不出其辣味！啱哂唔食辣嘅我！加埋洋蔥，洋蔥都好入味同夠腍！但係唔似吉野家咁腍！ 飯係珍珠米，略嫌薑味燒汁唔多夠，否則仲正呀！面豉湯 有少許蔥粒、豆腐粒；反而缺乏一點口感！因為無咩海帶，豆腐太細粒！尚算滑！但係，咸咗少少！自從去完日本飲過當地嘅面豉湯，幾時都覺得日本麵豉湯最好飲！返到香港之後，覺得好多日本餐廳嘅面豉湯偏咸！雜莓花茶好濃蜜糖味，甜甜地，花茶味不突出！只屬一般！我發現洗手間門外，以紅色及藍色日本木屐作辨認，十分有趣！

好少寫食評, 今次忍唔住要寫出黎上人月31號, lunch見呢間有位就入去食環境都ok, 我地2個人叫左醬油湯叉燒玉子拉麵同牛骨湯唐揚物拉麵其間有2個客人大聲擾攘話要投訴侍應態度差...不過我又見唔事發經過所以不予置評先黎左我個個叉燒玉子拉麵叉燒: 一般, 冇咩特別 玉子: 只係烚到半熟既蛋, 唔係d人所講既糖心 / 味付拉麵: 煮到好 "林", 好似發水公仔麵咁湯底: 聲稱冇味精, 冇咩醬油味跟住我個friend既牛骨湯唐揚物拉麵湯底: 我地明明叫左牛骨湯, 佢同清湯一樣, 又冇味道。問侍應係咪俾錯我地, 佢地堅持牛骨湯係清澈同冇咩味道...可能係我見識少, 我以為牛骨湯會好似豬骨湯咁濃郁, 原來牛骨湯係好似清水咁跟住食完埋單, 佢地冇俾甜品我地 (見到隔離?都有)我地食左$150, 俾$500紙 (只係找$350..), 侍應話$500紙太大, 找唔到我地唯有用散紙, 我地冇1蚊, 得2個5亳, 佢地又話唔收...大紙又唔收亳子又唔收, 想點呢...?

入到去我同朋友想坐果張三人枱 個侍應話三個人先坐得,要我地坐4人枱,坐埋一邊 咁都算啦,求其食啦,間野都好迫下 點知有對外國人入黎 坐果張三人枱佢又比人坐 我問個侍應佢地係咪兩個人,點解佢地又坐得 個侍應話佢地大份,所以比佢地坐,我話咁我唔食啦,咁我地走啦 佢話好呀,之後我再問佢係咪外國人大哂? 佢叫我收聲 之後我話要投訴,叫佢地老細出黎 我問佢叫咩名 佢唔講,其他舖頭有兩個樓面 我問佢地,佢地扯貓尾 話啱啱黎做,唔知個侍應叫咩名 之後個廚房個男人走出黎問咩事,全部都扯貓尾今時今日咁嘅服務態度, 真係好唔掂......

之前睇完U magazine介紹, 到灣仔吃過一次印象是不便宜但美味絕對值那個價錢近月再到灣仔巴路士街那間一次已經完全不同@@感覺像是屋邨那些廉價日式店子.....相信大家都明白是甚麼味道了~ haha在中環上班之後發現來新開了一間昨天Lunch time就去試了~先說Lunch time的等候時間因為約了朋友在中環中心等我先到和一等位拿號碼牌時有4個人在前面~我先到中環中心找朋友回來不過5分鐘, 已經有位了@@一坐低, 想不到有沙律和前菜南瓜~沙律有沙律油~ 很好味!!!南瓜涼涼的, 很甜, 我平常不吃南瓜但這個吃完還想吃!!! 不得了~ 超美味拉麵點了兩個~一個是U magazine推介的叉燒玉子拉麵溏心蛋很好味!!!! 叉燒說不上是肥瘦很均勻的美味但又不會太難咬開最重要是拉麵入口.... 果然是好吃的拉麵!!!湯底味道很好~ 也不會太油太飽豬骨比較美味~另一個是炸雞拉麵~ 選了味噌湯底炸雞沒有太多粉, 但也很香~ 很美味~麵由於比較後才吃, 軟了一點湯底也沒有豬骨美味~雖然店了比較小也有不少是2對人坐在4人檯怛也不太過侷促, 不會手臂貼手臂~侍應不多, 但收碗加茶這些反應也很快~

上周襯食晏時段改動，專程一試永吉街附近的一間新拉麵店，和一麵藏。此店正常時段一個拉麵或定食都要六七十元，下午茶時段幾款飯/麵連飲品(罐裝汽水或花茶)都只不過係$33，還免加一，對向來被逼一點鐘食晏，早就習慣用上半百元吃一餐中環午餐的我來說，慳得多了。此麵店面積細細，只得座位28席，店員卻很多，單是樓面都有三四人，看著她們經常無處容身都幾有趣。檯與檯之間幾乎無空位相隔，不過中環寸金尺土也不能見怪，何況店裡選用的座椅算是「大碼」的，坐下也算舒適。墊檯紙聲稱店方採用日本手製拉麵、宮崎和牛等高級食材，又用豬骨、鮮雞熬製湯底不加味精，初次光顧的我不禁加倍期待。雖然此店價位比味千稍高，但食過就知物有所值得多。即使這碗是下午茶時段的特價拉麵，倒也不像味千般偷工減料(p.s.雖則味千正價都沒甚材料可言...)，用足原個拉麵麵餅(p.s.味千用半個，超癲)。主菜為兩片叉燒和半隻溏心蛋，賣相和味道都相當正宗，而配菜材料則竟然仔細得有蔥、京蔥、洋蔥、海帶、紫菜和玉米粒等，以價論貨就算不是「激安」都肯定是「良心價格」。麵條分不出是屬於那派系，只能肯定那不是我最愛的博多系幼直麵條，因為它是微曲的XD。麵條本身粗