呼吸星球

营业中

休息中

謝謝朋友 book 檯，星期六晚7點，是滿座的。陳設是懷舊裝飾，有點花多眼亂。喜歡那吊扇。因為未齊人，先點了咖啡等。金耳薄身花杯襯玫瑰牛奶咖啡，咖啡不過不失，偏甜，不算香。小食。哈密瓜配薄切牛，有驚喜，哈密瓜的鮮甜能托出牛香，是密瓜配黑毛豬的食法。欠一杯清新的 reisling。牛肉定食非常好。有兩個部分，有近腿（?），較瘦但有口感；有近腰，多油脂有肉香。飯則中上，醬油合格。前菜沒有很突出。沖繩塩，用來灑在牛肉上，提升肉味。主餐牌頁，另有飲品和酒類，沒有拍照。侍應是 helpful 的。上定食時有合適介紹。last order 9pm。愉快的一晚。

無預早訂位，一開門11點就即刻衝入去，所以都安排到個窗口靚位12時開始好人客人，無訂位要排隊，有心來要預早定小店沿用白宮冰室舊址，再加入好多昭和時代日系元素，睇得出好有心機食物價格比想像中有少少貴同份量不大，但幾好味。好鍾意佢啲日式餐具，非常精緻

聽講自從土瓜灣開通左地鐵站之後，呢間餐廳就更加多人。當日我同朋友兩個其實已經book咗位，不過因為遲咗10分鐘先到，所以都要等返半個鐘左右。其實論環境來講都明白點解咁多人想來打卡嘅，因為入面放咗好多復古元素嘅物品，佈置都幾靚。嗰時我哋係下晝時間去，本身諗住唔試套餐應該唔會話好貴，點知望到個餐牌覺得佢係屬於貴價cafe，首先佢哋嘅餐牌好似係主打日式和牛，但套餐普遍係200至$300一份，如果你話平平哋百零蚊嘅話就只可以叫到咖喱飯，我自己覺得唔係好值囉，最後叫咗個近$200嘅和牛漢堡料理，但老實講塊漢堡係真係好食嘅，由於碗飯真係太細碗，所以佢哋都可以添飯，不過添飯唔會加返飯素俾你。我覺得女仔食都還好，男仔食一定唔夠飽，因為塊扒本身都唔係好大。最後叫咗一個窩夫甜品share，反而呢個就幾好食，而且賣相非常精美，打卡一流。總括而言我覺得呢間餐廳試過一次就好，始終價位有啲高，不過食物質素係唔差嘅~~

前身為舊式冰室，保留原有的冰室卡座、牆磚、花窗、招牌和吊扇，加上店主的珍藏古董擺設，彷如時光倒流，每件舊物都令人感受到昔日香港情懷，因此吸引不少人來打卡。午餐以日式為主，食物定價偏高，份量也較少，朋友形容為迷你版😆特選鹿兒島和牛燒肉碗盛飯 $198(特選兩項部分)和牛油脂分佈均勻，入口油香四溢且牛味濃，肉質粉嫩。燒汁水煎自家手打漢堡扒飯 $128用上50%石垣和牛，漢堡厚肉多汁濃郁牛味，燒汁鹹度適中。

走舊時香港風，彷彿走入了時光隧道。保留了原有的冰室卡座，有不同懷舊擺設吸引不少人黎打卡70-80年代的窗花、木馬、舊玩具，彷忽將時間凝結在令人懷念的花樣年華時代。相隔著一扇木門，咖啡既香氣將鬧市既喧鬧阻擋，把咖啡店劃成一個忘憂的空間，讓人可以暫時忘掉生活上的疲憊。Venus(🌹Rose latte)在☕咖啡裏聞到玫瑰花香， ☕濃縮咖啡加了🥛牛奶打成的奶泡以及玫瑰糖漿， 加上🌹玫瑰花瓣裝飾🥰薄荷朱古力洋溢著朱古力的香濃及薄荷的清香ps:店員好有禮貌同細心👍🏻💕

因屯馬線開通，就去一去新站玩下。行了牛棚後發現有間在整體環境夾夾不入的餐廳，餐廳外觀超日本感覺，故就入去一試。一開門見到店內裝修超驚喜，裝修好靚，超有懷疑feel....店內還陳列好多懷舊玩具，鐘錶等，打卡一流。至於食物方法，食物偏向日式，一盤的食物放非常精緻。這店專食石恆牛，感覺沒有平時食的和牛咁多油份，好食。飲品方面，試了木星coffee....對於咖啡有要求的人，可能未必滿足需要，但加埋環境，的確人超放鬆

踏進呼吸星球，彷彿回到了60年前的白宮冰室，當年的花窗、店內的古董，都記載著這個城市的故事與情緒。一系列特色咖啡以星球命名，Pluto 冥王星是薄荷咖啡，為牛奶咖啡添上一股涼意。而 Jupiter 木星則代表沖繩海鹽黑糖口味，香醇的黑糖香與微鹹的海鹽，交織出暖心的喫茶店感 。

之前見上網推介呢間餐廳，揀咗一個晚上同朋友去試吓。星期六，七點前去到餐廳，唔需要等位就可以直接入去。一入到餐廳彷彿就好似進入左另外一個世界一樣，入面擺咗好多懷舊嘅物品，非常別緻。店員非常細心，知道我哋第一次嚟餐廳，主動推介左幾款食品俾我地。一場嚟到餐廳係想試主打既石垣牛，可惜買晒啦🥲。所以改咗火炙鹿兒島和牛小碗飯，朋友就叫左個火炙半熟鹿兒島和牛燒肉定食。另外再加左一個柚子介醬高湯玉子卷燒share。小砵嘅份量既飯再配上一個前菜，和牛好嫩滑，配上個汁非常好味！而且小砵嘅份量細細地，仲可以有胃口試埋其他嘅野。至於玉子燒加咗高湯，味道好濃郁。再加上柚子醬，非常有層次感。好味😋另外仲叫左杯荔枝燒酎梳打，酒味唔算太重，幾清新！

話說之前放假嚟左個土瓜灣半日遊。行完牛棚藝術村、十三街，就去左鄰近嘅呼吸星球。咖啡店保留左舊式冰室嘅容貌，鐵閘、吊扇、花窗玻璃、冰室卡位，亦佈滿古玩擺設，彷彿走進時光隧道。平日下晝嚟到都幾乎滿座，建議大家預早訂位。日常小碟、定食、燒肉、甜品一應俱全，想醫肚或者過下口忍都完全無問題。咖啡店設有最低消費：每人一杯飲品。▪️濃調開心果仁牛奶手工雪糕 $89開心果控表示有啲失望。開心果味偏淡，勝在質地軟滑，底下有啲果仁碎、微辣嘅脆薯片豐富口感同味道。不過八十九蚊一球雪糕真係貴左啲。▪️Baileys coffee $98冰咖啡加入baileys，口感順滑，咖啡香氣突岀，朱古力同baileys無被蓋過風頭。咖啡冰磗載沉載浮，可以保持温度之餘，亦唔會越飲越淡，咖啡香氣隨時間變得越嚟越突出。比利酒風味冰咖啡甜度低，比想像中成熟沉穩、大人口味得多~整體嚟講，食物定價偏高，今次淨係試左咖啡同甜品，唔算有太大驚喜。不過裝潢的確幾靚充滿情懷，卡位亦幾舒適，如果大家鍾意打卡，影多幾張靚相 hea返耐啲 都抵返嘅~

✨估唔到食物都好味✨.最近屯馬線開通，就決定土瓜灣呼吸星球打卡٩(ˊᗜˋ*)و星期日當日真係勁熱，熱到我曾諗住放棄唔等，因為約3點去到都一樣有人等緊位，幸好只需等5張枱以及男朋友嘅堅持，大概都係等咗15分鐘就可入座😻.- 京蔥燒汁手打漢堡定食 $188 *50%石垣雌和牛使用- 咖哩牛肉飯定食 $198 *石垣雌和牛使用去到餐廳，除咗食物價格偏貴外，每人必須點一杯飲品，原本覺得好唔值呢個價，因為大部分打卡餐廳嘅食物都好一般甚至難食(´•ω•̥`)但我發現今次呢間嘅定食原本用咗石垣牛，而且我同男友一致覺得兩款定食都幾好食，首先手打漢堡好香亦Juicy，至於咖喱比一般普通日式咖喱好味，少少辣好啱我胃口！男友叫咗杯咖啡，味道正常冇特別；我就叫咗茉莉綠茶，意想唔到又幾好飲😋.所以覺得呢個價都可以接受～而且店內復古裝潢充滿特色，即使坐唔到窗邊位都一樣影到相呢💕.食完餐飯後都能夠理解點解呢間會有咁多人去，唔單止為影相打卡，而係食物都有質素😋btw店主原來好有型！.

因為有frd嘅frd喺度番pt，意外知道咗呢間店～waffle真的很好味呢！同埋本來我嗌咗木星coffee 但發覺frd嗰杯玫瑰coffee更好飲（甜d）所以就交換咗一切都很perfect

野食唔好食 遲去就咩都無 焗你揀d貴既來食 但性價比就真係好一般 唔值 環境如果俾卡位你都還好 無俾卡位你真係連環境都唔使食😂卡都唔使打😂 淨影野食本身都唔夠吸引你去打卡😂有心機既裝修 完～

同朋友一齊去咗食dinner叫咗漢堡扒同埋一個柚子嘅dinner 飲咗朱古力同埋藍苺yogurt 夜晚間舖頭唔係話好光 係有情調 但食物相就唔係好影到 waitress好有禮貌 ♥︎ 呢樣真係超級加分

📍呼吸星球 Fullcup Planet Cafe • HK• 咖喱牛肉飯定食 · 石垣和牛• 極上石垣和牛燒肉定食 · 特選兩項部位• 柚子介醬高湯玉子卷燒• Venus · rose latte• Deluxe Chocolate• 香蕉朱古力雪糕小窩夫一間充滿懷舊復古氣息的咖啡室🚂剛好兩款主食都點了石桓和牛🐂咖喱是薄片牛肉肉質軟腍，咖喱帶點辣度整體都頗惹味🍛燒肉是有兩項特選部位，一項瘦而肉味濃，一項肥而油脂香，簡單灑上少許海鹽作調味已很美味🤤另外柚子介醬高湯玉子卷燒也超級好吃的🥚玉子燒非常嫩滑多汁，沾點柚子介醬可增添鹹香外更滲著淡淡柚子味！推薦推薦！至於飲品rose latte🌹入口已充斥著玫瑰香氣而咖啡飲落亦很順口；deluxe chocolate是一杯香濃的朱古力奶。最後是香蕉朱古力雪糕小窩夫🧇意外地窩夫是外脆內軟的，配著濃郁的朱古力雪糕和香蕉，不錯的飯後甜品！

今日本身預約咗，去到老細話未有枱，咁我就等咗30分鐘先有位。入座前我就同老細講 ,預約咗都要個客等咁耐 ,之後個老細好不負責任咁講：其他食客食幾耐我控制唔到， 咁我就話餐廳可以有限進餐時間。之後個老細就話，我唔洗你教我做生意，我依加唔做你生意😡😡😡😡😡😡同埋我預約咗你唔係一早應該預留張枱比我咩 咁唔係預約嚟有咩用!!!!!大家千祈唔好去食 貼錢買難受 一間服務態度咁差嘅餐廳 大家真係唔洗去試😡😡😡😡