呼吸星球

营业中

休息中

土瓜灣這個地方真的鮮有到訪過，因為早前學車的關係多來了這個地方，順道把收藏良久的餐廳吃個夠，這間以懷舊主題，主打和牛的就是其中之一火炙燒肉定食 $348來這店就是衝著她的石垣牛而來！店家嚴選沖繩石垣雌牛極上優質部位，而且標榜牧場直送保證新鮮！這款牛的口感更加細緻，和牛切成薄片再用火炙方式處理班半熟狀態，上菜時仍是粉嫩的，店員千叮萬囑要快手打卡不然就錯過最好吃的時機！事不宜遲要放入口，完全入口即溶，雪花分布均勻油脂豐腴，牛味濃郁也多肉汁，火燒過令味道更突出！白飯也絕對不能錯過，全因石垣牛的肉汁跟油份滲透到飯中，令平凡的白飯變得香口惹味！怕膩嗎？細心的店家早已準備了柚子汁一併奉上，酸甜的味道中和了油膩感而變得清新啊～ 除了石垣牛丼飯，定食還有薯仔沙律、蕃茄漬跟味噌湯，味道絕不馬虎每款味道獨特好吃，薯仔沙律加入玄米脆脆增加口感、番茄漬用話梅醃製更開胃，味噌湯亦帶微微酒香！吃得出廚師對每款食品的用心，不過份量方面說實話是偏少，加上定價不便宜，想要來光顧就要看大家覺得是否值得了【季節限定】士多啤梨楊桃鮮打冰茶 $56想喝一杯但沒有想法，店員就推薦這杯季節限定～ 用上新鮮的士多啤梨跟洋桃製成的水果

雖然我不是在土瓜灣區長大，更不喜歡去冰室，但對於美荷樓呼吸冰室的事略知一二。亦得悉轉型了的呼吸星球餐廳也面臨結業的危機。原因是市建局宣布重建土瓜灣五街，餐廳亦難逃重建的命運。對於香港不停有餐廳逐一結業，真的有點感到可惜。今次「山長水遠」來光顧的主要原因除了希望在搬或結業前品嘗一下朋友口中的「美食」。另一原因是上次去沖繩試了當地牛肉一試難忘，亦希望重溫那種味道。然而，當天不知是廚師失準或是我個人口味的關係，我真的感到有點失望。懷舊擺設及物品，如英女皇皇冠紅郵筒、復古轉盤式電話等，真的非常有打卡的價值。整個復古的環境猶如「小型博物館」一樣。當日選了:🌟火炙三角燒肉定食 A4 和牛中的三角肉部位切成薄片，肉質嫩滑經火炙令油脂味，的而且確是十分軟滑的，但略嫌下面的飯被煮得太淋。而全部肉舖在飯面上令飯有一種油膩的感覺。🌟牛肩芯大切燒肉 這個有一個大盛增量版可選擇，不過我哋想嘗試更多種類，所以只點了中份量。極上角位二段，油脂豐富，肉質柔軟綿滑，原塊厚切，加上自家燒汁，口感不俗。不過同樣的問題，是當日的飯真的偏濕，我自己喜歡日本珍珠米煮成恰度好處，粒粒飽滿彈牙的感覺，所以感覺有少少落差。🌟陳皮山楂雜

土瓜灣呢個區，真係舊中帶新，新中帶舊。在當中的13街，餐廳”呼吸星球”像是奇特的新餐廳，偏偏內裡又是懷舊風，裡面太多奇珍異寶，有排影同睇，而且又靜冷氣又舒服。不過，餐廳價格高得誇張，一個100g和牛飯三百起跳，還未算杯杯近百的飲品。據稱這裡以前是做較平的cafe，但後來重建問題轉了手，以和牛店重開。如果飽吃一餐晚膳，建議預600-700一位。

睇電視介紹土瓜灣以前"白宮冰室"個舖位改成咗懷舊嘅日式餐廳,好想即刻去試。從門口嘅裝修已經覺得好有日本feel,好似置身於日本嘅小巷裏面。打開門嘅感覺就完全唔同,係近年至流行嘅mix and match: 有懷舊玩具、有卡位、有長枱、有五光十色嘅吊燈、星球掛飾、單車、騎木馬、懷舊馬賽克地板、日系裝飾、英式擺設…...林林總總，目不暇給。連家燕媽媽後生嗰陣嘅鐵皮日曆板都畀佢搵到,佩服!打完一輪卡,終於點餐。我哋叫咗日式燒酒青檸梳打,好飲!另外,梗係咗最受歡迎嘅"火炙三角燒肉定食",有麵豉湯、漬物、薯蓉同一碗鋪滿和牛片嘅飯,賣相一流,味道仲一流個和牛全靠嗰個柚子汁,點完嚟食即刻減去和牛嘅油膩感,仲帶出鮮味添! 可惜食到尾你會見到個碗充滿肥油,覺得好邪惡咁。不過和牛唔肥又唔好食喎,噢,我呢一刻嘅心情真係好複雜呀…...雖然心情複雜,都要食甜品㗎。我哋叫咗兩杯雪糕,一個芝麻,另一個係"梨酒牛奶雪糕小杯",其實係用梨酒淋喺雲呢拿雪糕上面囉,賣相幾靚，但價錢比味道高🙄你明啦。總結,小貴但好食👍

雖說餐廳充滿特色，擺設，飾物樣樣都別出心裁，但食物質素和上菜速度實在有待改善。一個定食等45分鐘或以上，但已不是午餐時段，如休閒地過的話可以耐心等待。抹茶鮮奶的確不錯，抹茶味香濃，但食物質素只屬一般。

標榜所有定食所用既肉都係和牛，定價閒閒地都2,3百蚊或以上一個仲要唔包飲品，唔係好記得叫左邊隻，但我個款無油香無肉味，完全靠個汁先食得完個飯，我杯mocha仲甜到一個點仲叫自己做特濃!所有嘢都overpriced!而且都幾多限制下，只收現金(如果你賣呢個價位既定食而只收現金我就覺得有點兒那個)/繁忙時間只限食90分鐘/有最低消費每人90蚊!性價比極低，鍾意懷舊景如我都唔建議幫襯!

土瓜灣呢間星球系特色Cafe一直想試，但見到有關服務及價錢方面都有不少負面聲音，自己都試過打電話去問嘢，接聽電話的男職員態度麻麻，所以一直卻步未去食.今次約朋友食飯，諗起這Cafe，終於決定俾次機會佢試吓. 地點距離地鐵出口都有啲距離，但見到Cafe外觀同內裡裝修也覺得好似另一個世界咁，好似走咗入時光隧道，返回六七十年代. 食物價錢的確唔平，雖然見到部分價格已經調低左. 叫咗石垣手打漢堡定食$198、沖繩海鹽黑糖拿鐵、沖繩海鹽黑糖朱古力及手工雪糕伴麻糬蜜瓜窩夫，跟定食飲品及手工雪糕甜品有九折，漢堡定食漢堡夠淋身，肉質多汁，調味剛好，適合送飯，海鹽黑糖朱古力飲品，三樣嘢味道好夾，天氣凍凍地非常之適合飲用，蜜瓜窩夫🧇賣相吸睛，手工雪糕有咬口，香甜，奶味唔會過重，服務方面好好，消除咗之前嘅憂慮👍🏻.食物賣相、服務、環境各方面都好好，雖然價錢仲有啲貴，但都值得幫襯.

食物同裝潢都非常用心同特別，去過嘅朋友都知環境好好好啱坐，由香港冰室懷舊風到歐洲古董舖擺設，以至日系/沖繩的感覺全部都有，喜歡打卡的話大推。自己比較在意食物，依度就主打肉類。飲品有好多選擇而且罕見，試過頗多都幾好飲。野食用料非常好，煮法”simple but not easy”. 十分推薦的餐廳。但也有兩大缺點：1.地點不方便，在土瓜灣較近煤氣鼓/翔龍灣的位置，地鐵要行頗遠（15-20分鐘？）大部份巴士也要行兩三個街口才到。附近環境也很多是地盤或貨物運送，與店內完全是兩個對比，有種格格不入的結界感。但如果坐在近窗邊的座位，當巴士或重型貨車經過時會感受到震動。如果晚上光顧，附近感覺非常冷清，也有一點不安全感。2.食物雖然非常好吃，但性價比頗低，價格偏高（特別是午餐的話）份量也偏細，一些燒牛肉飯套餐（本人為正常食量的男士）也需要叫大份才飽（但大份的價錢偏貴）。總括而言還是很喜歡這間餐廳，間中也會帶朋友幫襯，記住不要看價錢就可以。

好有復古味道嘅咖啡廳，擺滿咗好多懷舊嘅玩具擺設，店主喺美食方面都好用心，材料用料以及擺設上都絕不馬虎。整間店舖都好有日本風情，又同店主閑聊過，一切嘅做法同對食品嘅追求都源於佢喺日本學師。對食材嘅用心絕對係一間好店舖嘅必要條件，雖然價錢係比較貴，但係又有得打卡，又可以品嚐美食，絕對係物有所值。如果想要打卡的話，就一定要點返杯Rose latte ，用嘅餐具都各有特色會配合返唔同嘅食材。高湯玉子都係必點推介，好味嘅玉子燒絕對不能馬虎，厚實得來亦都鬆軟有韻味。推薦大家可以嘗試一下。

😋味道：8.6/10 🏡環境：9.5/10💰性價比：7/10 👍🏻推薦度：8.5/10.🐼超級復古的裝修！餐廳有多樣懷舊嘅裝飾、用品🎞️感覺真係好似去咗另一個星球咁 好啱打卡📸主打牛肉的日式餐廳 可以見到擺盤、烹調都好有心思 賣相都好精緻🤍食物都幾好 不過定價太高了 嚟過打過卡就好~🍜火炙燒肉定食 $298 (8.5/10)餐廳使用沖繩石垣牛 用料高質✨肉嘅油脂分布均勻 入口就感受到肉融化開用火直接炙燒 令肉香味更出🤤配上一旁嘅清新柚子汁可以解膩除此之外 仲有薯仔沙律 蕃茄漬同麵豉湯整個定食好豐富 令人好滿足🥰🥟高湯玉子 $128 (9/10)同平時食嘅玉子好唔同 一切開已經好多湯咬落蛋軟綿同好多汁好香蛋味 加埋柚子芥末醬酸酸鹹鹹融和一齊成個食好滿足❣️🍵【土星】綠茶拿鐵 $63 (9/10)個人認為呢杯嘢飲定價比較高不過真係好高質😚上面嘅手打抹茶cream好濃嘅抹茶味下面有啲咖啡香撈埋一齊飲又幾正 好有層次😋🍨開心果仁手工雪糕小杯 $69 (7/10)開心果味唔算濃不過上面嘅薯片就好特別配上軟綿綿嘅雪糕 口感好有對比食吓食吓幾上癮🤣

土瓜灣係一個充滿懷舊嘅地區，好鍾意喺度發掘有趣嘅食店，其中呼吸星球就係其中一個好地方。由於lunch同晚餐價錢都相差一大截，所以夜晚呢度客人比朝早少。我哋揀咗正中央嘅枱，方便欣賞店入面每個細節。呢度主打和牛，我哋4個人，每人叫咗一個餐，餐牌上面其實都只有四款，兩款石垣島，另外兩款鹿兒島，再加兩個小食。小食方面，特別鍾意知蕃茄，酸酸甜甜，食完特別開胃。黎到主角，賣相相當精緻，據店員介紹，一款比較重牛味，個人比較偏好（唔記得咗邊款，不過可以到時問返店員），不過份量唔算多，大食量/男士可能要叫大份果款。

二訪 𖠿上次已是一年前，蜜瓜窩夫雪糕出色，今次專程來試最出名嘅和牛，有6款選擇，日本牧場直送，有肥美、瘦嫩；有汁燒、鹽燒。如果不喜歡食油脂滿滿嘅款式，記得要叫店主推介瘦嫩嘅俾大家。店主極力推介牛肩芯位，仲話唔好食搵返佢，再煮過俾我哋。不過試完的確不負所望。𖢲火炙燒肉定食 𖤐ˊ˗沖繩石垣牛肩芯位，厚身幼嫩，半肥瘦，完全無筋，但又不至入口即溶，不油膩，大推！ ˘ڡ˘𖢲烤雞定食 ⸜♡⸝分量挺大，有4大件雞，煎香表面，非常嫩滑Juicy，有驚喜！選用日本米，煙靭有咬口粒粒分明。𖢲沖繩黑糖咖啡⸜♡⸝𖢲蘋果蜜桃特飲註：只限現金付款

呢到環境唔錯，也適合打卡，食物都幾好味但是價錢真的偏貴，仲要只收現金，問過冇payme，又冇得用信用卡，真係冇咁方便如果大家咁岩無咁多現金係身，就要出去隔離商場/ 便利店撳錢啦！唔知會唔會加返其他付款方式呢？希望餐牌可以有更多選擇，例如設有Lunch set 或Tea Set

呢到真係超級懷舊呀🌟🌟🌟如果著埋80年代穿搭黎打卡勁有♥️花樣年華♥️既感覺！可能店員都習慣好多人黎打卡影相，所以都好識做會自動匿埋🤣或者叫佢地幫手影相都可以架😍我原先想叫手打漢堡飯，係餐牌望落好似係最著名最好食嘅一款！但好可惜店員話SOLDOUT😢😢當時都只係下午4點幾😢咁快無哂，真係好受歡迎🌟最後叫左想吃既蘋果日式咖喱雞肉飯，係定食套餐黎，包括幾樣前菜都好好味，最好食既蕃茄仔，入口好甜好滑嘟嘟，想一食再食🤣🤣

新年一個人到訪外太空兔年新一貼，先同大家拜個年，祝福大家兔氣揚眉，食極唔肥，身體健康。猶豫了滿久，到底兔年新一貼應該post什麼，到底出反存貨還是去一間未去過的餐廳打個卡，今次應該用什麼方法演繹，走什麼風格好，還是依舊隨心隨筆寫好了，今次這間餐廳，令到我充滿靈感去為它寫一篇文章，身為一個小小創作者，這是一件值得興奮的事情，唔想為寫而寫，想有目的或得到啟發而寫。今日到訪土瓜灣的呼吸星球，其實一個人蠻怕去這些網紅打卡店，不過做完運動就是想喝一杯咖啡，一點甜，一入店，幸好沒什麼人，裝修的確滿滿懷舊感，令人頓時有點置身於其他星球，被有型老闆安排了坐喺窗邊二人枱位置，令我可以望住街境邊放空自己，邊吃著我的下午茶，這是一種小確幸，曾經我也希望之後我的工作便是坐係咖啡店的窗邊位置，望著人來人往的人們，邊悠閑處理我的工作，哈。呼吸星球，除咗滿佈充滿昭和日本復古裝修，彩色玻璃，碎花懷舊窗簾，加上沖繩風獅爺裝飾配合反石垣島和牛主題，還有大量令人花多眼亂的懷舊裝飾，有吊扇、玩具、英女王相片、舞獅大頭佛、蓮花、單車等，好像置身於一間博物館。而最大特色的風景，對我而言是那一位型格老闆，我估佢係老闆，見到呼吸咖啡