味苑 (已結業)

有晚同老婆閒遊, 行到晚餐時間搵地方食飯, 呢頭可能外國人多, 西式野都較多, 唔係好啱心水.無意間行到呢間中餐餐館, 都幾多人, 可以試下.除左中式叫餸, 仲有D涼伴前菜, 有款醬油蘿蔔新上市, 排到好似朵花, 醬油醃至每片蘿蔔, 唔咸帶少少醋酸, 蘿蔔好爽口, 好開胃.清湯比較多煮成牛腩, 呢度用豬既蝴蝶腩煮, 炆得夠腍夠入味, 唔韌好軟滑, 蘿蔔索左肉鮮味特別甜同爽口, 清湯帶黑胡椒味, 微辣幾醒神.蟲草花蝦滑浸菜苗, 蝦滑打得好爽口, 蟲草花夠多好香, 菜苗新鮮翠綠, 感覺清新.