味十味 (已結業)

去完和民後,意猶未盡,又再去味十味!實在好鬼飽,不過勝在食啖「氣」,志在飲多兩罐麥啤,又叫左一格「炸牛蒡」,一個雞串等等好好味,其他日本客對我地眼望望我就自得其樂仲細細聲同佢地講:「釣魚台係我地架!」哈哈!二人前

漏左個菜,就係洋蔥伴煙三文魚,呵呵!好好味啊!waitress又夠Nice~讚啦~

值得推薦!叫了四款串燒,包括鹽燒海老,羊肉串,雞腎,雞軟骨,燒原隻雞翼,好有水準!一個炸牛蒡(植物),好好味!一個日式咖喱牛尾飯(中),一個支豆,兩罐啤酒,兩支李白清酒!食物招呼都不俗,面積雖細,九成係日本人!(註)不過最適合飲酒吹水人士!無魚生壽司供應!真正ge居酒屋!日本feel一流!無左【左卯木】又一處落腳好地方!

第一次嚟呢度食飯，留下極佳印象...俾咗好多choices俾女友揀，最後決定嚟呢度，英名嘅選擇^_^..典型日本居酒屋格局，有一半係日本客，有D以為自己响涉谷入面D居酒屋添侍應服務態度一流，自動自覺為你添茶及換碟，亦自會响適當嘅時候先會出現，抵讚...先嚟一個紅酒蕃茄伴火腿卷。蕃茄先係主菜。用嘅係日本溫室茄，好鮮甜，面上滲上海鹽，味道更突出，火腿並不太鹹，配上紅酒汁，係一個完美嘅配搭...再嚟四款串燒--- 麵豉雞翼有濃濃嘅麵豉味，燒得香軟，不過如果表皮再焦D會更好；大阪燒豬肉丸味香濃，特別係豬肉丸混合咗蒟篛粒，口感好特別(初時以為係冬菇添)；雞軟骨燒得表皮微焦，夠爽口，抵讚；芝士雞肉卷D芝士燒到半溶，令人唾延欲滴....最後嚟個白酒蜆仔意粉。味道比想像中嘅辣(落得多黑椒之故)，辣得反而蓋過白酒味道，美中不足，不過扁意粉淥得好，有al dente感覺，ok...值得一提係呢度嘅特別啤酒--- Yona Yona Ale Beer，係輕井沢特產，麥味濃，有咲水果香味，但又卻夠勁度，送串燒一流...值得推薦嘅地方...

今晚想品嘗真正由日人主理的爐端燒，經此網找到此店，於是決定一試。店不太大，我獨個兒坐在吧檯位置，先要了個熱清酒。這店似是家庭式經營，男在外做串燒，女的在內做法日fusion料理。選擇不太多，但也有套餐。串燒點了燒雞心、芝士雞肉棒及雞皮，另外點了鵝肝及麻芥醬羊排。串燒燒得有心機而用料上盛，鵝肝及羊排用心製作，尤其是伴鵝肝的黑醋汁及草莓醬，味道十分清新，連伴碟的沙律菜也鮮嫩過人，而沙津汁也是自家製的。在此店真的可以體驗到日本家庭式小店對食品烹調的心思及誠意。

呢間餐廳係年中嘅時候去, 去到先知無魚生食, 但環境裝修都幾好, 細細間, 檯得五六張啦, 咪試下囉. 帶檯係日本人, 我估佢係老板娘. 服務幾好. 我地兩個人坐係吧檯, 睇住師傅係你面前燒, 叫咗兩杯白酒, 加一些小吃, 串燒已經唔記得食咗咩嘢, 最後朋友叫咗個法式燉蛋, 係佢至愛, 又幾好味. 埋單七百幾, 咁嘅環境加服務, 又係日本人主理, 算ok啦. 如果鍾意食串燒嘅朋友可以一試.