吞POT 雞煲火鍋.住家菜

营业中

休息中

明天放假，下班當然要約朋友晚飯輕鬆一下。這次去旺角吞pot，想起這裡的美味雞煲。這裏於的火鍋醬料費每位$12，職員在我們點餐後，隨即捧著九宮格過來，保證醬料潔淨、精緻。特別一提，這裏的麻辣醬非常好味！平時香濃醬汁的雞煲吃得多，這個胡椒豬肚雞鍋$208，是用湯煮的，又別有一番風味。胡椒豬肚湯底，味道鮮甜，有胡椒香；豬肚煮得夠軟，沒有腥味，很好吃；半隻雞肉的份量，二人吃非常足夠，連湯都幾乎喝光，當然還可以加湯吃火鍋。裏面配料還有蘿蔔、粟米、芽菜、芫茜，只吃雞煲其實都夠飽。不過饞嘴的我們，還是要加一些配料，滿足口腹之慾。羊肉片$108，沒想到賣相這麼精緻，羊肉不算太薄身，吃著有咬口，香而不羶，用胡椒湯煮非常相配。手打生拆蟹粉粉墨魚丸$112，是這裏的招牌配料。原來裏面真的包滿蟹粉，墨魚丸外層爽口，裏面香軟的蟹粉非常有口感！我會說這是精緻美味的吃法。芋絲$48，不想浪費湯底，要點吸收味道的配料。芋絲本身沒味道，就是爽口；煮過湯就能吃到胡椒豬肚湯的鮮甜濃香，是精華所在。Hoegaarden蜜桃白啤$18，有蜜桃香甜味但不會太甜，男士女士都適合。吃熱辣辣火鍋，來一口清新的啤酒，很舒爽！二人埋單加一

這次在呑 Pot用餐，整體體驗令人滿意。位於九龍彌敦道的這家店，環境舒適，適合朋友聚會。點了多樣菜式，包括辣酒花螺雞煲、安格斯牛小排、白鱔片等，份量充足，味道也很不錯，用餐時同朋友開咗兩支啤酒飲，打邊爐配啤酒就最好不過。其中，辣酒花螺雞煲香辣可口，雞肉鮮嫩，螺肉入味，辣味適中，十分開胃。安格斯牛小排肉質鮮嫩多汁，烹調得恰到好處，讓人回味無窮。白鱔片則滑嫩鮮美，是一道值得推薦的佳肴。自家炸響鈴、酥炸魚皮這兩種都是即叫即炸，上枱十分鬆脆可口，鮮淮山中和一下油膩鮮味十足。整體來說，這次用餐的費用約九百多元，價格高低見仁見智，但菜品質素和服務水準都值得肯定。若想品嚐美味的火鍋和多樣小菜，呑 Pot絕對是一個不錯的選擇。建議三五成群一齊去食得開心啲。

招牌螺片濃雞湯飲左個湯底勁鮮甜 頂級安格斯牛小排 我地另外叫埋手切封門柳牛小排好濃牛味 同入口即溶 封門柳就比較有咬口象拔蚌 好新鮮 淥幾秒食得十全大寶丸每一粒都有餡 十分之驚艷芝士牛肉丸同埋黑松露丸係我覺得最好食但係食嘅時候記得小心焫親嘴🤣超級多芝士呀除咗打邊爐嘅嘢之外，佢嘅炸物都非常之好食炸魚肉春卷好香口熱辣辣芝士響鈴本身會驚佢好漏，但係原來呢個組合係Perfect 喺特價時段所有配料仲要係半價咋，所以性價比真係超高所有食材都好新鮮 上菜又快環境非常之好望住個靚景打住邊爐超級正嘢飲大大杯一杯就夠飲啦叫到成枱都係嘢食又有海鮮又有新鮮牛都唔使$1000超抵食❤️

高質火鍋普遍每碟價錢都唔平，但喺旺角呢間指定時間竟然全部配料、小食半價🥺嗌返兩碟封門柳同牛小排都只係$218，變左買一送一咁，而且份量一啲都唔少，肉味濃稠夠曬新鮮，當然後者口感軟腍啲鱔片都值得嗌，比出面鮮甜度高，鐘意食響鈴可以試埋，寫明即叫即炸，入口夠鬆，加上可能叫咗芝士，半溶狀態食起黎好膩另外呢到雞煲全部用新鮮雞，雖然切得比較大件，但肉質仲保持到幾滑，特別醬汁方面味道幾平衡，一啲都唔鹹，但又入曬味

這次在呑 Pot用餐，整體體驗令人滿意。位於九龍彌敦道的這家店，環境舒適，適合朋友聚會。點了多樣菜式，包括辣酒花螺雞煲、安格斯牛小排、白鱔片等，份量充足，味道也很不錯，用餐時同朋友開咗兩支啤酒飲，打邊爐配啤酒就最好不過。其中，辣酒花螺雞煲香辣可口，雞肉鮮嫩，螺肉入味，辣味適中，十分開胃。安格斯牛小排肉質鮮嫩多汁，烹調得恰到好處，讓人回味無窮。白鱔片則滑嫩鮮美，是一道值得推薦的佳肴。自家炸響鈴、酥炸魚皮這兩種都是即叫即炸，上枱十分鬆脆可口，鮮淮山中和一下油膩，鮮味十足。整體來說，這次用餐的費用約九百多元，價格高低見仁見智，但菜品質素和服務水準都值得肯定。若想品嚐美味的火鍋和多樣小菜，呑 Pot絕對是一個不錯的選擇。建議三五成群一齊去食得開心啲。

上星期朋友帶我去到吞POT雞煲火鍋🍲，價錢公道，雖然只是樓上鋪，但上到去原來可有大窗戶遠眺旺角街頭景色都幾開揚， 比我想像中舒適。其中亮點✨是雞煲：滋補螺片花膠、麻辣重慶、花雕藥膳都好惹味！火鍋湯底：招牌螺片濃雞湯、麻辣鍋、芫茜皮蛋等頂級肉類：手切封門柳、安格斯牛小排、雪花肥牛、西班牙頂級黑豚豬梅肉等，肉控必愛🥩！海鮮：日本廣島蠔🦪、三秒象拔蚌、東風螺等，鮮味十足！特色小食＋配料：辣酒煮花螺、泰式生蝦刺身🌶️🍤、滑嘟嘟、十全大寶丸等，選擇極多

好耐冇見友人, 又真係好耐冇打邊爐, 大家就約埋一齊食飯見下。呢間餐廳在旺角地鐵站附近, 行幾分鐘就到, 位置方便。餐廳唔算大, 但窗邊嘅檯可以望到日落 一坐低店員就俾我地加調味料, 加多啲醬料唔好執輸由於朋友唔食得辣, 兩個人又食唔到太多, 最後嗌咗半隻胡椒豬肚, 湯底大概15分鐘之後到, 成個湯好足料, 有好香嘅胡椒味, 又唔會話太辣, 我飲咗兩三碗先開始食雞。店員同我哋講因為啲雞已經熟, 所以可以即食, 啲雞係好滑, 唔會覺得好鞋, 同埋食得出係新鮮唔會有好大陣雪味食完個煲其實都有七八成飽, 之後我地叫咗頂級安格斯牛小排和潮州魚蛋 安格斯牛肉上碟非常精緻, 重點係花紋分佈得好平均, 牛味濃郁, 肉質鮮嫩潮州魚蛋好彈牙有嚼勁。如果人多可以叫多啲野食, 有機會會再黎 

香港人鐘意食雞煲邊爐，一年四季都好多人食。我地兩個人叫3樣野～.首先係主角滋補螺片花膠雞煲！花膠有六大舊，厚得黎好彈牙，啖啖膠原蛋白！😍雞肉就算浸湯煲住都仲keep到嫩滑👍🏻而最正係個湯，好濃稠而且好夠味，飲到哂螺片同雞既香味！雖然我地仲叫左好多野食，但每人都忍唔住飲左兩碗湯。.食完雞煲，店員會埋黎幫我地加湯轉邊爐，食邊爐一定唔少得靚牛肉，我地叫左封門柳☺️牛肉用左蝴蝶切法，食到嫩滑又食到爽口彈牙，增加口感👍🏻而封門柳本身肉味夠濃，碌幾碌就食得，兩個人食一大碟好滿足！🤤.網上好多人推介佢地既手工丸，我地叫左十全大寶丸～五款手工丸每款兩粒，分別係：生拆蟹粉墨魚丸、黑松露墨魚丸、其金海膽墨魚丸、香煎鵝肝蝦丸同埋芝心牛丸。有啲手打丸出面冇見過，咬開入面好多都包餡，最推介係鵝肝丸，個口感好特別同好濃鵝肝味😆.最後我地叫左青瓜梳打同大咸檸七，黎到見到杯飲品都好大杯！青瓜梳打出面未見過，呢個組合想像唔到係點😆佢有青瓜味糖漿，飲落好清新，估唔到好夾好好飲🤔推介未試過既朋友可以試下！大咸檸七都同樣有好大舊既咸檸檬，飲得出濃濃既咸檸七味，滋潤又解膩❤️.俾錢發現仲有折 正阿🤭

呢間餐廳位於23樓,主要食打邊爐為主,我地叫左一個呢度出名既花膠雞煲,滋補螺片花膠雞煲入面有半隻雞肉.而且仲有好厚肉又軟滑既花膠,我地仲叫左一份頂級安格斯牛小排小編最鐘意食牛肉,呢份牛小排又點可以錯過呢,牛既花紋分佈好平均又好味。黎呢度又有日落靚景睇,呢度仲有多款打邊爐配料同食物,我地仲叫左一碟白鱔片,鱔片無骨又軟熟,而且肉質好嫩滑。好似入口即溶咁呢度仲養左好多魚魚缸入面既魚好大條同吸睛。醬汁配料多。

今次同朋友聚會揀左食雞煲打邊爐， 叫左滋補螺片花膠雞煲一隻，雞肉嫩滑、花膠及螺片份量足，湯底鮮甜且天然，愈煲愈香不會過鹹，十分滋補養生！ 可以食左啲雞同花膠先～ 西班牙頂級黑豚豬梅肉用來打邊爐，肉質嫩滑、油花分布均勻，入口鮮甜帶有淡淡堅果香，無豬羶味，厚切大塊食落滿足感高！ 脆肉鯇片用來打邊爐，魚肉超爽脆彈牙、入口細膩無腥味，薄切片只需涮10秒，原味鮮甜，蘸醬後更提鮮，魚腩部位油花豐富，肥而不膩，食落好脆！

我真係好鍾意返工😂，所以做嘢從來唔會吞pop，但係放咗工就會去吞POT😆。位於旺角嘅吞POT 雞煲火鍋 @lazypot，晚市主要食雞煲🐓同埋打邊爐🍲，窗邊位置可以望到日落🌅，感覺都幾chill下😍。辣酒花螺雞煲 (半隻) $238選擇BB麻辣，但真實幾辣😅，半隻雞份量足，雞肉🐓十分嫩滑又入味😋，花螺雖然嬌滴滴，但係肉質緊緻彈牙，肉味鮮香，香香辣辣越食越想食，加上勁多乾蔥、薑及蒜等配料，味道零舍香又惹味。點選辣雞煲可另加鹵水大腸 (半份) $60大腸非常肥美，鹵得十分入味，煮得啱啱好😋，入口質感軟腍得黎又有咬口，仲滲出陣陣油脂香味，鍾意食肥腸嘅話，必點👍。頂級安格斯牛小排 $218牛小排🥩肉質軟腍嫰滑，肉味突出，帶微微油脂香味😋。

重要嘅事要講先 19:30前離座/21:30後入座火鍋配料同小食係半價㗎‼️就啱時間食就最抵啦～鍾意呢度好近地鐵站🚉方便就腳而且仲可以居高臨下咁望住街景食 好寫意胡椒豬肚雞煲 上菜嘅時候雞件已經煮熟一上枱就食得 唔使等 雞肉好嫩滑豬肚煮到好腍 湯底有濃郁嘅胡椒香 好暖胃跟粟米、芹菜同枝竹 配料好豐富手打牛丸有成粒乒乓波咁大 有濃郁嘅牛肉香味 夠晒彈牙 又充滿肉汁豬頸肉肥瘦均勻 冇豬臊味 好爽口象拔蚌好新鮮 份量好足 記住唔好淥咁耐啊 最後淥埋個烏冬 吸晒啲汁食就一流唔記得咗講 呢度嘅麻辣醬真心好食 係最大嘅亮點🤤

今日同friend去旺角打邊爐，試咗個蕃茄薯仔濃湯鍋，一上枱就聞到超香蕃茄味，湯底濃郁得嚟帶啲微酸，好開胃！薯仔煮到淋晒，索晒湯汁，正到爆！ 叫咗幾款料都幾高質，潮洲魚蛋彈牙有魚香，頂級雪花肥牛油脂分布均勻，淥兩淥就食得，入口即化！冬瓜片同娃娃菜吸晒湯底精華，清甜得嚟又解膩。飲品叫咗大檸茶，酸甜冰凍，同火鍋好夾，飲完即刻冇咁熱氣！ 成餐飯食得好滿足，湯底同配料都keep到水準，價錢合理，旺角區算係抵食。餐廳枱同枱之間算係闊落，適合同朋友吹水聚餐。下次一定會再encore！

吞POT 雞煲火鍋.住家菜好耐都冇食雞煲，早排有幾日凍凍地就約埋朋友去呢間食雞煲/打邊爐既店🤣-🥢 重慶麻辣雞煲 (半隻) $208揀左小辣，一打開蓋已經有好香既麻辣味🥰辣味岩岩好，靈魂醬汁真係不得了！超級惹味🤤雞件唔算多骨，雞肉好嫩滑啖啖肉👍另外洋蔥都炒到好淋好甜💕食到咁上下就可以加湯轉打邊爐😛-🥢 自家炸響鈴 (6件) $68即叫即炸，吸晒湯汁好好味😝-🥢 水魷 $68正常發揮，勝在份量夠多好抵食👍-🥢 炸午餐肉 $58-🥢 冰菜 $52冬季限定，烚一烚已經食得，脆卜卜既菜好特別😋-🥢 十全大寶丸 $170五款手打丸類各兩粒，不同顏色每款都好吸引。分別有手拆蟹粉墨魚丸/手打黑松露墨魚丸/手打黃金黑墨丸/手打香煎鵝肝蝦丸/手打芝心牛丸🥰覺得蝦丸最有驚喜😝鵝肝味好香有油脂💕

If you’re a spice lover, look no further than Lazypot in Mongkok!I recently dined here and indulged in their Stirred Chicken Pot, and it was absolutely divine! 🌶️😋The chicken is perfectly tender, marinated with a blend of spices that create a mouthwatering kick. The rich, flavorful broth is infused with chili oil and aromatic herbs, making each bite an explosion of savory heat.Once I polished off the chicken, the staff added more broth to create a hot pot experience.This is where the fun really b