吞POT 雞煲火鍋.住家菜

营业中

休息中

打邊爐大家係咪都覺得係只有夜晚先有呢？本身我都係咁諗，但原來呢間吞POT 雞煲火鍋.住家菜唔單止有午市，而且價錢仲抵啲添🤩咁岩今日星期日去，見到超多人喎💰所以都試左幾款配料😍✅三秒象拔蚌✅西班牙頂級黑豚豬腩片✅餃餃陣(自制韭菜餃+自家制鮮蝦雲吞+自制蟹粉蟹肉雲吞+魚皮餃)火鍋湯底佢都有幾款揀，而今次兩款入面我自己推介佢地既蕃茄薯仔濃湯鍋🍅因為都食得出唔係用味精去調配🥔有屋企飲湯既感覺，而配料咁抵就緊係要試多幾款啦🥳特別係肉類同海鮮除番一碟都係幾十蚊，而且 份量都無變👍🏼 好抵食，仲要食物好高質，食材好新鮮豐富，又多選擇，唔怪得日頭都咁多人幫襯👍👍👍👍👍最重要服務超好，不停問你需唔需要加湯，幫你補給等等⋯⋯呢個食物質素再加貼心服務真心滿足⭐⭐⭐⭐⭐

而家個個都北上消費食嘢，但係我就冇乜興趣，都係鍾意喺香港周圍搵好嘢食開心啲。好似今日咁嚟到吞pot，成個用餐體驗都好好🥰今日我哋想食得清清地，所以叫咗皮蛋芫荽湯拼招牌魚湯。減肥都食得😉配料亦都揀啲冇咁邪惡嘅，海蝦，豆腐都唔錯。海蝦size大隻又彈牙👍🏻豆腐 吸曬鮮味既湯底，好正，引得人人爭住食😍肉類方面就揀咗羊肉片，肉質嫩滑 ，羶味少。香港其實仲有好多好正嘅食肆等我哋去發掘，吞POT就係其中一間，環境好，食物夠高質，服務都唔錯呀，所以推介呢間比大家，可以試試😆😆😆

琴日過咗嚟吞Pot食雞煲，兩個人食半隻雞啱啱好，再加啲火鍋配料就完美。一上枱個雞煲香氣十足，夠晒熱辣辣。食落好惹味，啲雞好滑又有雞味，就算雞胸部位都唔會鞋口。而且切得都幾大舊，唔會好似坊間咁碎濕濕。配料方面，我就最推薦十全大寶丸同埋3秒象拔蚌，五款手打丸類各兩粒，不同顏色每款都好吸引。手拆蟹粉墨魚丸真係不得了。象拔蚌好鮮味，爽彈有咬口。整體嚟講，水準keep到，價錢又相宜，真係一間唔錯嘅火鍋店，唔怪得網上好評如潮LA，自己試過真心高汁，必定有二訪！

平時通常黎到都系食雞煲翅，今日想簡單啲，叫個鴛鴦鍋打邊爐，吾好以為普通湯底就冇誠意，相反，真係落足料👍🏻蕃茄薯仔濃湯配招牌螺片濃雞湯，兩者都好濃郁，裏面既配料亦都不少，真系值得讚。配料方面，我地今次吾食牛，叫左西班牙黑毛豬！放落蕃茄個邊湯底，真係絕配！10分美味，又嫩又有咬口。另外廣島蠔亦都吾少得，肉質肥美滑溜，耐煮性高，吾使擔心過熟，夠灑鮮味。朋友話聞到辣酒花螺好香，即刻叫左碟，上枱真系香噴噴，夠哂鑊氣，食落吾系太辣，但系夠麻，可以食得好爽。飲埋啤酒真系人生一大樂事。每次黎到吞pot都吾需要擔心質素問題，水準keep到，價錢又吾太貴，值得推介。

最近，我有幸在香港品嚐了一次令人難忘的麻辣雞煲打邊爐。這家餐廳位於旺角，環境舒適，服務親切，讓人感到賓至如歸。湯底與配料 麻辣雞煲的湯底是這道菜的靈魂。這裡的麻辣湯底香氣撲鼻，辛辣適中，讓人一試難忘。湯底中加入了大量的花椒、辣椒。雞肉選用的是新鮮的雞腿肉，肉質鮮嫩多汁，與麻辣湯底完美結合，入口即化。配菜選擇 除了雞肉，這裡的配菜也非常豐富。各種手切牛肉、芝芯牛丸、餃子等，讓人眼花繚亂。特別推薦他們的響鈴與麻辣湯底搭配得恰到好處。用餐體驗 整個用餐過程中，服務員非常細心，不僅會幫忙調整火候，還會不時添加湯底，確保每一口都是最佳口感。餐廳的環境也非常適合與朋友或家人聚餐，大家圍坐在一起，邊吃邊聊，氣氛十分融洽。總結 這次的麻辣雞煲打邊爐體驗讓我非常滿意。無論是湯底的味道，還是配菜的選擇，都讓人感滿意。如果你也喜歡麻辣口味，不妨來這裡試試，相信你也會愛上這裡的美食。

我最鍾意食啲好鮮味嘅食物，朋友同我講話呢度嘅雞煲翅係必食，我就更加急不及待想試一試。充滿期待嘅雞煲翅終於到了😍湯底呈鮮黃色，滴雞精咁樣🤣真係好濃郁，啲雞仲越煲越入味，出奇地又唔會鞋口。飲得出冇落味精，讚👍🏻廣島蠔，海中蝦兩款海鮮都幾好食，廣島蠔最怕就係未溶雪，呢度處理得好好👍🏻熟咗都仲好鮮甜。海中蝦亦都好生猛，食落彈牙。貪得意叫咗一份餃子拼盤試吓😂五顏六色好開心，而且出奇地大粒，食一粒都飽😋其實係見附近左右都嗌，我哋都要叫番碟，都幾鬆脆，而且唔會食到成口油。整體朋友真係冇介紹錯，好食得來又唔貴。

夏天雖然熱辣辣，但係打邊爐係冇分季節既！我就最鍾意周圍試唔同嘅火鍋，琴日就去咗吞pot食晚飯😆呢度除咗火鍋之外，都有唔同嘅雞煲選擇，最愛辣嘅我地就揀咗重慶麻辣雞煲。一上枱啲雞其實差唔多煮熟晒，好快就可以食得，雞件吸晒啲雞煲醬料，又滑又惹味👍🏻朋友話爆芝響鈴係必食！！！😍咁就當然幾飽都要試下啦，啲芝士真係湧晒出嚟，唔使放湯都咁好食，仲脆啲添。幾個朋友share就啱啱好。另外仲叫咗杯青瓜特飲解辣，幾fresh，夏天飲真係幾爽。總結每樣嘢都幾好食，下次會再嚟試埋其他特色火鍋湯底👍👍👍

諗住係一心食雞煲，點知黎到原來有咁多選擇，結果就放棄左食雞煲，揀左個極品雞煲翅試試，睇下係咪真係值呢個價🐓極品雞煲翅👉🏻半隻$298👉🏻全隻$378🧆十全大寶丸(五款共10粒)$168🥬唐生菜$42🧄泰式生蝦刺身$80一睇menu見到個生蝦刺身咁抵食，緊係唔可以miss la，而上菜見到生蝦刺身本人都真係幾surprise，因為佢地完全唔hea，而且食落肉質都好彈牙，齋食前菜都加左唔少分當個翅上到黎就決定要encore🙈真係估唔到咁足料，仲要啲配料質素都很可以😍 呢個真係好足料，好大塊，⻣膠原好多，食完靚左添呀！哈哈

說好既生日飯局，約左好耐，今晚終於成行喇！人大咗各有各忙，約出嚟食飯都唔係一件容易嘅事，難得聚會梗係要食好啲👍🏻😀我哋平時食得比較清淡，所以湯底都想食得清啲，叫咗招牌魚湯拼芫荽皮蛋湯。望落好似好寡，實質一啲都唔係，魚湯底好鮮味皮蛋湯夠清熱下火。配料方面我幾推薦豆腐，竹笙。兩者都非常吸收湯底嘅精華😋另外我哋都叫咗一碟牛三郎，因為湯底冇咁濃味，咁就更加食得出肉本身嘅牛味。一次過食晒三種部位，滿足。每次上嚟食飯都好有保證，食物又好，員工服務態度亦都不錯，所以次次Gathering 都一定㨂呢間，每次都好評如潮，果然無㨂錯

原本想食泰國菜嘅，但平時食開果間今日冇開就轉左去打邊爐其實佢今晚d野食係ok嘅個花膠湯仲幾好飲，但唔知係咪太多味精啦！飲左兩杯大杯飲品都解唔渴。1.螺片花膠雞煲d雞同膠都幾好食2.佢有兩款魚皮， 酥炸魚皮同自家魚皮，我就揀左酥炸魚皮都幾好食3.牛肉(ps朋友話好食），西班牙豬肉都幾正其他都冇特別……只係個三款滑，好（梅）。埋單就1316蚊！！至於服務方面，可能我都係8點幾先入去，佢地又做左成日，可能開始攰，感覺佢地唔係好想理你，叫親佢地都係好愛理不理嘅感覺。

雞煲好入味,辣度適中,份量亦好足夠5人食好夠平均分配, 有好多其他配料選擇5色丸好大粒、好味、爽口彈牙凍檸茶係特大杯, 唔太甜, 肥牛好好味,無咩脂肪金菇、菜亦好有味, 上菜速度亦好快佢位處高層, 可望到旺角既風景, 亦望到少少日落景色, 難得的體驗另外, 餐廳無限時用餐時間, 呢個值得一讚冷氣舒適, 惟空間有限, 乘坐感覺不太好整體而言, 用餐感覺良好, 價錢經濟, 有75折優惠值得推薦👍🏻

香港近年也流行食雞煲，呢間位於油麻地嘅雞煲店，最大特色是位置好高，望出去好舒服😌我哋試咗辣酒花螺雞煲，裡面嘅螺好入味，比雞更好吃。食完了雞煲，就加湯打邊爐😊推薦芝士響鈴，入面係芝士，比一般嘅響鈴更香。丸唔錯，好多選擇，而且都係手打，有鵝肝、蟹子、黑松露等味道，都好特別，而我最鍾意都係芝士牛肉丸。另外蔬菜拼盤都幾抵，種類好多。餐廳仲有好多款式嘅午市套餐，除咗我哋好似所有人都食緊套餐，我估味道一定好唔錯。

我哋5:30左右去到，原來而家做緊優惠，只要7:30前離座或者9:30後入座，所有配料或者小食都有半價😆好吸引！即刻叫多幾樣嘢食食下😝等咗一陣麻辣雞煲就好快嚟到，熱辣辣好香好惹味，平時唔係好食得辣嘅我都食到，辣得都幾過癮，調味做得唔錯。另外食雞煲點少得牛肉，我哋叫咗頂級牛小排，食得出係靚牛，油脂分布均勻，肉味濃郁，份量亦都慷慨☺️最後大推爆芝響鈴😜雖然好邪惡，但係真係必食，其他地方冇咁足料，呢度即叫即炸，脆卜卜好好食。7:30前我哋都飽到食唔落🤣大家記得留意特價時段，半價真係10分抵食。

雞煲係全晚最好食推滋保花膠 煮完啲雞唔會嚡熠熠 湯底好飲重慶麻辣揀咗小辣 還可以 冇咩特別.火鍋開始出事啲丸類份量少又難食 牛丸得六粒細細粒一盆收80海鮮唔新鮮都預咗 但D蠔又苦又有沙 成浸罨味好難食 本身見隔籬枱啲蠔大大件所以叫咗 食咗一啖之後就後悔 因為完全唔想繼續咬落去牛同豬就普普通通 冇咩驚喜 但係都放得落口份量正常.最難頂係班女職員態度一入到嚟佢哋唔算忙 企曬喺度但唔知做咩隔住半個場同我地講野態度係完全唔想serve, 全程西面 講野細聲又擰轉個頭扮聽唔到好彩後尾轉左男waiter 態度好咗好多至少唔使食到成肚火.總結如果嗌得啱嘢食 避開啲陷阱其實都算抵食埋單如果唔計嘢飲250 per head (10人份量）唯獨係職員態度差到以後唔會想再嚟我哋入咗去5分鐘已經講話一定冇下次😂😂

講起食火鍋，我真係有種說不完嘅熱愛。剛剛喺旺角呢一帶，發現咗一間鍋物店，閂起眼食覺得自己就係火鍋界嘅探險家，發現新大陸咁激動。我揀咗個蕃茄沙嘴湯底，啱啱好，蕃茄嘅酸甜夾雜住沙嘴嘅濃香，簡直係火鍋界嘅神仙組合😇！喇住啲餸一入底，每樣食材都似乎融合咗湯底嘅精髓。話說返騸牛，佢嘅肉質真係腍到不得了，喺口裏化開，留低淡淡嘅甘香。同蕃茄底一齊嚟，真系幾夾！仲有海中蝦，呢啲大隻嘅蝦，啖啖肉感加上那股甜頭，我差啲想直接同佢求婚咁愛。😍丸子愛好者嘅我，點可以錯過十全大寶丸？芝心牛丸真正係「寶中寶」，一咬落去，芝士嘅流心似乎爆發出千千萬萬嘅味蕾星火，好正！呢間舖陳設得簡單樸素，但係提供嘅每樣食材都「有料到」，講真，咁多選擇，即使一個星期嚟都唔驚悶！食物新鮮、味道豐富，店員服務咁貼心溫暖，唔知點解，個個都系笑咪咪，整個食體驗好過癮，唔係普通嘅開心。下次再嚟，必須再大戰一番，攻略未完既新滋味啦！🤤👍🔥