吞POT 雞煲火鍋.住家菜 (已結業)

幾個月前朋友帶我嚟過食火鍋，嗰陣印象都唔錯，咁啱屋企人就嚟生日，想帶佢地過嚟試吓呢度最出名嘅雞煲翅。近排個天氣好奇怪，時熱時凍咁，食雞煲翅就最啱👍🏻夠晒養生又暖胃。呢個湯用嚟打邊爐真係有啲嘥🤣因為濃到好似滴雞精咁🤩裏面嘅雞同翅都好多，一上枱真係要飲返碗先，好鮮味。跟住我哋就開始打邊爐，呢度嘅手切牛都唔錯，牛味濃郁，油花都均勻。其他配料例如鯇魚腩等等亦都滿意呀。另外叫咗個辣酒煮花螺嘅小食，好有鑊氣，一啲都唔韌，好彈牙。大家都食不停口。今晚真係大滿足。屋企人第一次食都狂讚好😆😆😆