吞POT 雞煲火鍋.住家菜

营业中

休息中

今日又出咗旺角因為天氣轉所以要去行街買衫順便搵啲朋友食下飯傾吓計因為朋友喺太子住所以問吓佢有咩好嘢食佢就帶咗過嚟彌敦道726號去到樓下見到好多食店自己就最鍾意打邊爐所以就選擇左23樓 吞 Pot 雞煲火鍋 住家菜朋友話呢間係成幢大廈佢最鍾意食加上我哋早嚟可以7:30前結帳，火鍋配料同埋小食全部都係半價，性價比真係好高上到去地方都好闊落，而且樓層比較高，一大塊落地玻璃望出去彌敦道景色都好頂級安格斯牛小排$278牛肉份量好多，好大碟，而且脂肪嘅比例分布得好均勻，色澤好紅潤，好新鮮，入口牛肉味香濃，而且肉質好嫩滑，有入口即溶嘅感覺，放入湯到六3秒已經食得珊瑚蚌$125珊瑚蚌好大隻，隻隻都好鮮甜，爽口彈牙，清新鮮甜嘅口感，一試難忘脆肉鯇腩鯇魚肉質結實，味道鮮甜，加上爽脆嘅口感，鮮味十足，沒有魚腥味自創爆芝響鈴$75( 6 件）即叫即炸嘅響鈴炸到金黃色熱辣辣，加上入邊多到爆嘅芝士，配搭埋一齊口感好特別，芝士嘅味道同響鈴好夾真係好好味仲要每一件都好大舊果然係招牌菜美國桶蠔$178 蠔既size非常大隻仲好有海鮮味，夠晒鮮甜又唔腥就算熟咗之後個份量依然都係好大隻非常滿足同朋友慢慢傾偈一路慢慢食，對住

今日約左班舊同事一齊打邊爐，之前食開都係集團式火鍋餐廳，今次一於試試其他餐廳打邊爐，最後就決定了<呑Pot雞煲火鍋.住家菜>。由於我比約定時間遲左半小時先到，所以由佢地選擇湯底同火鍋配料，諗返都覺得有點不好意思。湯底方面，我地選擇了滋補螺片花膠湯，岩晒我地一班著重養生既少女，食完皮膚一定滑一滑。等左約五分鐘，湯底煲滾了，我地立即撈一撈，試試湯底既味道。對於一向習慣食豬骨湯既我，今次一嘗螺片花膠湯，絕對令我驚喜，湯底味道非常鮮甜，除了品嘗到濃郁既雞湯味道外，仲有一種媽媽既感覺，因為材料非常足料，每一口都吃到花膠同一片片既螺片，通常只有係屋企先飲到如此足料既靚湯，感覺特別溫暖。至於火鍋配料，我特別鍾意食美國特級肥牛，肥牛既肉脂分佈平均，非常新鮮嫩滑，最重要係食落入口即溶，一點也不韌另外，爆芝響鈴值得推介。呢款係火鍋店獨有的自創菜式，望落雖然同普通響鈴沒有分別，但食落口就會發現有芝士爆出來，岩哂我呢d芝士愛好者，感覺非常特別呢！除此之外，我地仲叫左竹笙，冬菇，芝心牛丸同雜菜籃等，成餐非常豐富，非常滿足。

最近天氣凍咗咁多最啱就係打邊爐唔想咁悶想有返啲新意就可以試吓呢一間吞pot佢係雞煲加打邊爐 想知道一下就可以揀呢一個花膠螺片雞煲 四個人叫半隻雞都已經好夠 飲一啖個湯真係好足料 我哋每個人都飲完又飲食到啲雞咁上下就可以叫人幫手加啲湯變成打邊爐我哋叫咗一碟手切肥牛 蔬菜拼盤 竹笙 芝士牛丸最值得一試嘅一定係芝士響鈴響鈴新鮮炸起送到上嚟仲係熱辣辣入面包左一塊芝士 浸落去啲湯度唔單止吸收晒個湯嘅精華 仲食到濃濃嘅芝士味呢度嘅蔬菜拼盤好大份入面有好多唔同嘅蔬菜 仲有好多唔同嘅菇肥牛唔會切到好薄 估唔到嗌咗最平嘅牛肉但係牛肉質素都唔錯牛肉味好重好好食芝士牛丸係手打嘅 食呢個嘅時候真係要小心啲唔好咬得太大啖 唔係就會俾啲芝士辣到個咀

呢間食肆位於旺角726大廈，呢座大廈有好多不同嘅菜館。今晚試食呢間最出名係『辣酒花螺雞煲』『花膠雞煲』。但係呢班女竟然冇試到，反而叫咗個最普通嘅雞煲。唉，只係叫咗BB辣，我食咗一嚿就放棄咗！呢個辣度比我哋想像中更加辣，但係四位嗜食麻辣嘅靚女話正吖，大大嚿啖啖肉，雞好滑。食完個雞煲，下湯後，打邊爐後味道變得口味重。呢度嘅自創爆芝響鈴真係掂！成個牛角包咁大，中間夾住芝士，淥一淥真係正。自家製炸魚皮，上枱熱辣辣，大大嚿好食噃。開心快樂園餐，真係大人同小朋友都啱食！黑豚豬梅肉，冇咩特別，睇個樣啲色水就唔係好靚啦蜂巢豆腐，大大粒雲呑墨魚滑，皇帝菜大大粒水餃🥟白鱔片，呢個真係麻麻哋，淥完出嚟又細又薄肉，唔靚！由於地方唔大，想去食嘅朋友記得訂位

今日天氣開始急降七度，最啱嘅就係去打邊爐，平時我去開旺角嘅726嗰邊上樓食西餐同韓燒嗰日無意中見到23樓有一間火鍋店，今日就嚟試吓，見到宣傳單張寫住7:30前買單仲有半價，真係非常抵食所以今日特登5:30就到目的地，有半價性價比真係非常高我會再嚟光顧現在只是5:30，但都幾乎坐滿人火鍋嘅配料非常齊備，基本嘅炸蒜👍🏻沙嗲醬👍🏻辣椒👍🏻豉油👍🏻同葱花都有齊泰式生蝦刺身$75生蝦刺身最好味嘅就係佢嘅醬汁酸酸甜甜帶有少少辣生蝦非常爽口鮮甜食落又夠凍就知非常新鮮每一隻生蝦刺身上面都有一片蒜片同少許芫荽，連埋一齊食更加令到蝦嘅味道提升芫荽皮蛋湯底$85，湯底唔單止有芫荽同皮蛋，入邊仲有大量嘅菇，芫荽加皮蛋係香港人常見嘅湯底，香港人俗稱下火湯底，有助增進食欲又開胃夠晒健康，每一啖都有湯底味道，帶著濃濃既芫茜味珊瑚蚌125每次打邊爐我都會叫珊瑚蚌如果喺屋企就會用XO醬嚟炒食落爽口彈牙帶有鮮味其實珊瑚蚌都算係一款健康食品又冇膽固醇又冇脂肪冰鮮食品來講都算係有質素非常推介，頂級安格斯牛小排$278安格斯係牛隻上腰部嘅脊肉肉質厚實肉味亦都比較濃郁口感豐富顏色呈現一種櫻桃色嘅色澤味道香濃完美嘅脂肪比例用嚟打邊

天氣轉凍特別想食火鍋🍲OpenRice見到呢間做緊優惠週末lunch嚟食d火鍋配料有半價😋見佢原價都唔係貴 就決定試食呢間！佢雞煲都有好多款揀有辣嘅 亦都有養生嘅今次第一次嚟食就試最常食嘅重慶麻辣先落單之後都等左一段時間個食煲先到不過一到就即刻食得👍🏻叫左BB辣都夠辣 亦都好香 係唔係好夠麻火鍋配料就叫左最出名嘅芝士響鈴、蝦滑、牛骨髓、粉絲、脆肉鯇腩兩個人嚟講叫得太多🤣叫少兩款都得芝士響鈴好特別 平時火鍋冇得食芝士亦都唔係好漏其他食物正正常常蝦滑幾好食今次overall都幾好食用左優惠之後每人$260 食到勁飽又有窗邊有大玻璃窗嘅位坐會再嚟食想試埋佢其他雞煲😋

入冬啦，天氣涼涼地，最好就梗係打邊爐啦。呢間係樓上舖，一入門口就見到缸好大嘅觀賞魚喺度遊來游去，好得意。坐位都幾食寬敞，每張枱之間都有充足嘅距離，夠晒安心。今日係我第1次食雞煲火煱，竟然有驚喜喎。我地叫咗個滋補螺片花膠雞煲，個湯係好濃嘅奶白色嘅，試咗1啖之後發現好濃好正，而且真材實料，除咗雞之外，仲有幾舊大大舊花膠，所以即刻每人飲咗1碗，先至再揾待應加湯再淥嘢食。打邊爐當然一定要嗌牛肉啦，因為係朋友發板，所以我唔知佢叫咗邊款牛肉，但質數幾高，入口軟嫩，而且夠肉香。另外，丸呀菜呀我地都有食。除咗牛好味之外，爆芝響鈴和手打芝心牛肉都好好食，芝士控一定會鍾意。整體質數不錯，而且不限用餐時間，可以慢慢食，慢慢傾。

又到左打邊爐的季節了，自從疫情後，好耐都無試過同朋友食雞煲了。我地一班女孩子都比較著重養生，所以今次就來到吞pot 試佢啲養生雞煲!!!醬料嘅選擇非常多，一共有九款，總有一款岩你心水。滋補螺片花膠雞煲一坐低即刻點左雞煲先，雞煲熱辣辣滾起，香氣撲鼻，入面有好多花膠同螺片，非常足料。花膠大大舊，而且又有滋補養顏功效，真係忍唔住要飲多幾碗呀!!!自創爆芝響鈴呢個響鈴係我最期待的，必叫之選!! 響鈴大大舊，入面仲充滿芝士，淥完之後仲吸收晒湯嘅精華，真係好滿足呀！特級美國肥牛肥牛油脂分佈平均，牛味濃，大碟抵食！手打芝心牛丸呢個都係我喜愛之一，一咬落去就爆曬啲芝士出來，而且口感彈牙，正！野生竹笙竹笙又係食雞煲必點的，因為又係會吸晒啲湯，非常滋味！菜菜籃最後緊係要點返啲蔬菜平衡下。呢個菜菜籃有生菜，小白菜，金菇，冬菇和秀珍菇，很豐富而且非常新鮮。非常滿足的一餐！

成日都會喺太子附近，因為喺附近返工，今日見凍凍地天氣轉涼就去打邊爐，我記得之前食過一間幾好味，價錢又好合理嘅，叫做呑POT雞煲火鍋住家菜喺彌敦道726號，成幢大廈都係食店，最吸引嘅就係23樓，因為我自己鍾意打邊爐同埋食雞煲門口個魚缸好靚，一邊打邊爐一邊望住咁靚嘅魚，望出去個景仲靚，係咁靚嘅地方食嘢特別開胃泰式生蝦刺身 75元，好抵食有成十二隻蝦，隻隻都新鮮爽甜，蝦肉爽口彈牙，配上少少泰式辣醬，一流。頂級安格斯牛小排 278元，牛肉一到睇到都知道好好味，好大碟牛肉，牛肉肥瘦均勻，而且充滿油香，牛肉味好重，入口即溶，味道真係好好。咁靚嘅牛肉仲要一大碟都係二百幾蚊好抵脆肉鯇腩 93 元，鍾意食魚嘅人一定要食呢個，魚肉非常結實，爽口彈牙，而且仲係好新鮮珊瑚蚌 125 元 ，都係唔會失望，新鮮爽口，而且仲要好大隻，份量好足。自製爆芝響鈴 6件 75元 呢個簡直係必食嘅推介，招牌菜冇得輸，響鈴即叫即炸，新鮮熱辣，大大嚿嘅響鈴拖一拖水就食得，響鈴炸到金黃色好香脆，中間仲要包住啲芝士，加埋啲清湯味，真係好好味西柚特飲 36元 清新嘅西柚味配上一片檸檬，酸酸甜甜又開又解渴係咁舒適嘅地方食飯，估唔到買單仲

天氣愈黎愈涼啦😌 又係打邊爐嘅好季節啦食得多麻辣火鍋 有時都想養生一點😂位於旺角彌敦道726號 好似無特別大廈名但就成層都係餐廳😍 今次就試左吞Pot雞煲火鍋🤤環境真係唔錯 最吸引係可以對住個夜景話明想養生D 當然要揀個養生湯底啦😍一坐低就有個醬料拼盤自己落最正係有麻辣醬😍▫️滋補螺片花膠雞煲🐔 ($208/半隻)兩個人食黎講 份量真係幾大😳雞煲材料有花膠、螺片、秀珍菇首先個湯底好濃好好飲🥰 花膠超大舊 好彈牙 建議浸多一陣先食 會更加入味 🤤▫️頂級安格斯牛小排🥩 ($258)本身睇餐牌價錢覺得有D貴但佢真係好大碟😲 充滿油花嘅牛小排灼到七成熟啱啱好 肉質爽口肉味濃▫️自創爆芝響鈴 ($75/6件)響鈴食得多 無諗過可以加埋芝士🤤要比一般浸耐少少 咬落中間芝士爆開個味好濃郁呀🤪 不過食多幾舊真係有D漏😂叫多碟油麥菜同兩枝大啤🤪 真係飽到行唔郁 對住個夜景吹下水好快就消化完啦😂😂

旺角726哩棟大廈不嬲好多餐廳天氣涼左想去Shabu shabu 下於是約左屋企人黎吞pot😸😸個名真係好搞笑如果有得日日吞pot 你話幾好😹😹餐廳系23樓，環境吾錯，幾舒服有火鍋/雞煲可以揀：👇🏻我哋揀左最出名滋補螺片花膠雞煲嗌左半隻雞（$208hkd)花膠雞煲平時已經少見，雖然只係半隻雞，但係超足料，認真，好多花膠，仲要每舊都大大舊，好彈牙。螺片同菇都好多，雞肉分量正常，雞肉鮮嫩，重點係個花膠雞湯好鮮甜，係咁飲黎養顏🤣🤣🤣我哋仲嗌左一大支青島（$34）兩個人分都分左兩杯半😂😂😂我哋兩個人食，本身諗住嗌個菜單，最後太飽，所以冇嗌到😂 多d人食應該可以試多d配料😂餐廳職員幾有禮貌，做野都快手下次再同朋友黎食😇😇

因為媽媽想打邊爐嘅關係，特登搵咗呢間有養生選擇嘅雞煲嚟食，so far勁驚喜同真係勁足料！再加埋每樣野都份量好大，同媽媽都食到捧住個肚走😂首先湯底方面揀咗滋補螺片花膠雞煲，湯底係完全就咁飲都冇問題，勁入味，螺片同花膠嘅味道都融入左個湯底度，都忍唔住飲左兩碗😋😋😋另外花膠一上枱嘅份量都嚇親我，係多到嚇親😂仲要一啲都唔馬虎，每舊塊大大舊，另外雞肉都好嫩滑，份量好多，真係淨食呢個煲到飽😂但我哋都有叫到其他嘢食嘅，首先有個特級雪花牛肋片，對於兩個人仲有一大鍋足料雞煲來講份量真係有啲大，但一上到枱見到啲雪花均勻咁落喺每一塊度，每一塊都大大塊，即刻勁吸引，食落牛味好足夠，肥瘦啱啱好，因為我個人唔係好鍾意太肥嘅牛，所以呢個對我來講啱啱好🤤🤤🤤🤤仲有十全大寶丸🍢，因為呢款有齊晒樣特色嘅手打丸，所以就心郁郁叫咗嚟食，真係各有各驚喜，個人最鍾意手打黃金海膽黑墨丸😍入面真係食到海膽，而且成個感覺都好match☺️手打香煎鵝肝蝦丸都有驚喜，不過就略嫌鵝肝有啲太細粒🤣仲叫咗貴妃蚌，份量好大份，但就有少少腥🤪同埋炸魚皮，即炸熱辣辣咁上，好好味！配埋個咁龍嘅湯底一齊食，超級入味，不過呢個炸魚皮單食都唔錯，因為應該落咗

一班人嚟咗呢度打邊爐，所以個餐單同晚餐一樣係晒係散叫嘅～見到人地啲午餐set超大份！！仲要係每一款都勁大份，下次試下先～好多配醬俾我哋揀～因為我地今次係打邊爐嗌咗花膠雞湯底同埋雜菌魚嘅湯底～兩個都幾濃幾好味～不過雞個個好油，有啲怕油姐～ 我哋乜嘢都嗌咗啲，包括牛頸隻、豚肉，手打丸同埋海鮮滑～佢啲手打丸幾好味～正常足料嘅質素肉類同菜都係，夠新鮮呢度嘅環境幾舒服，一路打邊爐都唔會覺得好熱或者好大浸味不過環境可能會迫少少～順帶一提，幾鍾意呢度啲碗同埋餐具，幾好攞上手/剩住

朋友想食雞煲，因為佢女女有100cm，又唔係點食嘢嘅人，所以我地揀咗哩間單點雞煲火鍋店。我地2個人嗌咗辣酒煮花螺雞煲，花螺幾好食。鋪頭做緊小食及配料半價優惠！提醒大家，最後煮蔬菜嗰陣記得叫服務員換湯底，我地就係唔記得，d菜又吸油，辣到食唔落！by the way，服務員唔主動提供開水，要叫幾次先黎，哩樣嘢有待改進！

約左食得辣既朋友食飯 梗係揀辣野食🤩兩個女人去食雞煲 揀左香辣雞煲保守d 揀左中辣🤣第一次幫襯 唔敢叫大辣 可以揀半隻/一隻我地揀左半隻呢個雞煲香且辣🤤🤤 有指天椒同洋蔥 （我叫左走芫荽）醬汁好惹味食第一舊都覺得辣 但辣得黎又想追住食半隻都好多 兩個人食都好夠 好飽食到最後果舊 個咀都紅晒🤣🤣🤣我地叫左鹹檸七夠鹹 又帶點酸 配雞煲好match ! 我地仲叫左「十全大補丸」有5款唔同既手打丸 都幾得意手打生拆蟹粉墨魚丸手打黑松露墨魚丸手打黃金海膽黑墨魚丸手打香煎鵝肝蝦丸手打芝心牛丸本身比較期待蟹粉同海膽丸但我覺得最驚喜係芝心牛丸&黑松露墨魚丸🤩可能因為雞煲湯底味好濃 蟹粉同海膽味就唔算突出而芝士同黑松露 都無比湯底辣味蓋過同埋係手打嘅關係 全部都好彈牙