吞食本色 (已結業)

呢間雲吞鋪真係同其他鋪頭唔一樣, 佢地只係食雲吞同麵, 但款式勁多, 多到唔知點選擇好, 我個人覺得下火同蛋黃呢兩款係最好味,又其係下火佢入面就係打邊爐個湯底(皮蛋同莞茜)現在都好想再食多次, 雖然佢個地方實在太難搵,但都直得

08.08.10 (日) 與主﹑40B & D300J 相約到海防博物館參觀，好日都唔過港島區當然事先上OR搵食，搵到此店，原來此店幾近博物館...一樣咁偏僻 博物館六時關門回程順路到此店鬆一鬆兼涼冷氣，時近黃昏進店竟沒客人只得一店員小姐坐堂。叮....腦又閃閃個念頭....唔會又浪得虛名呱 望一望水Bar上一個個木製既雲吞牌扁又真係好多款式啵，多款到人心大心細唔知揀邊款好，小姐話一碗十粒仲可以鴛鴦(即兩款口味各五粒)以价高款計，麵底加五蚊。我們四人唔太餓最終揀咗三款SHARE 唔要麵底唔要鴛鴦 湯碗上枱看上去無賣相可言(家庭式)，清湯底真係好清淡，雲吞細細粒話十粒望落就唔多覺，不過食落又確實好多肉咁都幾滯，十粒份量真係啱架喇。蛋黃....係幾香喎，好似咸蛋蒸豬肉FEEL蒜香....係幾香喎，算幾有創意鮑魚....食咗都唔覺有飽魚，只怪鮑魚本身無味兼且鮮肉味重豆漿....唔甜無豆香，6蚊杯也不太過，總比飲汽水好的埋單 $74 (多謝 D300J)

今晚同老婆及亞女去試食,鋪仔細細.入去時得一個人客.跟住坐低叫咗三款雲吞.包括有:西洋菜鮮肉雲吞,蜆肉鮮肉雲吞和漁港鮮蝦雲吞.每款都加了麵條.都幾好味,各款雲吞都好爽.每款都有8-10粒.細細粒.啱咀型.好過其他鋪頭大大粒.啲蝦同豬肉塞滿個口.懶大隻.口感完全唔同.啲湯都算幾好.食落冇咩味精.幾唔錯.三碗野加一杯豆漿約$80.另外,有人買雲吞翻屋企煮.$20一盒.一買就兩盒.返屋企煮4分鐘就得啦.都幾好,值得推薦.

行過見到呢間特色小店，見門口有白菜仔鮮肉雲吞，又有蟹粉鮮肉雲吞，真係好多古靈精怪的組合，就入去試下。雙併- 白菜仔鮮肉雲吞4粒+蟹粉鮮肉雲吞4粒+烏冬2份烏冬要2份因為我見得一個烏冬唔夠飽。白菜仔鮮肉雲吞-幾新鮮既組合，估唔到個味道夾wo，幾清新既感覺，令人想慢慢細味。蟹粉鮮肉雲吞咬開得好少蟹粉，不過都夠帶出雲吞鮮肉既鮮味，味道都幾好。廿零蚊有蟹粉食都算係咁，不過下次我會試其他囉。因為見到芹菜鮮肉雲吞，真係想知係乜味。店仔好細，地方唔大，好在我得一個人先有位坐。老細話可以買番去自己煮，如果打邊爐既話我都會考慮同班FD試下唔同味道。因為佢D組合實在係好特別。

上星期日(dec 9, 07),突然好想食安x,但見到條人龍,即刻變節。來這裡叫個雙拼(豆苗鮮肉+帶子鮮肉)雲吞麵。個雲吞2隻都不錯,size細細粒,1個好足豆苗味,另1個就有鮮味,而且個皮又好薄,好滑。但個麵就唔多得,雖不是腍,但什麼爽呀,彈呀就欠奉,+上湯底無味還是淨食或外賣雲吞穩陣d。以前食過其他味(真好多選擇),都不錯

想試這間小店很久，但因為lunch time成日都很多人，之前試不到，昨天終於試了。有很多不同的雲吞供選擇，全部都很特別，我點了蛽肉鮮肉雲吞麵，有很多粒，有十粒吧，很細粒的，豬肉很鮮味，配以蛽肉很特別，湯都很清，真的很不錯。二十多元貴了一點，不過有機會都想試其他特色雲吞。

(8/4/07)咁入的地方,真係要靠介紹宣傳,&熟客。店員與店員很打牙較,應該增加待客態度,可有好印象。蠔仔雲吞、南瓜雲吞。(因為d餡真係好細粒,好似日本雲吞咁)細心食下,南瓜的,味重d。蠔仔的,如果食仲隻無蠔仔,同普通肉餡沒大分別。湯就是街頭小食,生菜魚肉湯的普通胡椒湯。睇介紹因不同味的雲吞煮的時間唔同,所以廚房用了十多格灼雲吞的篩。

今日lunch友人想吃雲吞結果來到這家店人雖少但不覺得冷清本人叫左粟米鮮肉同鮑魚鮮肉雲吞$16來到既時候,我用筷子攪下隻碗原來係無麵的,友人哈哈大笑之後再叫了一碗烏冬$4 另上份量好像少了一點,但友人剛好雲吞的確皮薄下次可再來嘗嘗其他款=)

今日下午來, 是小店形式, 全部是不同餡料的雲吞。現在上網才知道可叫鴛鴦, anyway, 下次再試啦共要了1) 香芹鮮肉雲吞+麵2) 淨蜆肉鮮肉雲吞雲吞皮薄, 香芹味比較好另外賣了下火和南瓜味(生的), 店員附上的cooking的時間表, 回家煮就不會太老或不熟。下火雲吞, 皮蛋味好出, 但芫茜味就不夠喇!南瓜鮮肉雲吞, 有南瓜的清甜, 也出到肉味, 都不錯

聽同事講, 這裡極有家庭風味. 今天終於試了, 老實講, 我覺得未如傳說中特別, 倒是像我同事說極有家庭氣氛--- 因為很慢. 入去叫完才開始包, 包完才煮, 可能還要等水煮滾, 一碗煮好的雲吞好像等了十五分鐘以上, 趕時間千萬不要進去. 眼看價錢不貴, 但話說每碗十粒, 對女孩來說份量好像已經頗多, 所以我沒有加面, 同事是男孩子就有加, 他的決定對的. 因為雲吞好細粒, 我們兩個都是沒有"飽"著離去, 也好, 下午工作全無睡意. 還想找餅吃...十粒雲吞最大的特色是, 可以點鴛鴦, 即二款, 每款五粒, 菜肉雲吞+ 蟹粉鮮肉雲吞, 不過, 或許我還不是味覺專家, 吃了什麼估下估下就分得出來. 除了待應們很有禮貎外, 如果為了找吃, 這裡只是中規中矩.

中午到這間店吃午飯, 一行六人分別叫了蟹粉雲吞,洋葱雞肉雲吞和菜肉雲吞。我叫的蟹粉雲吞爽口鮮味, 相信它的用料新鮮, 湯也是出奇的鮮甜, 值得推介。店主給人藝術家的感覺, 但為人豪爽。

一碗十幾蚊就有十粒雲吞啦!要加麵加$4...款式都幾多ga...似係自創,出面都未必食到,應該係即叫即做, 都幾新鮮呀!d雲吞細細粒但足料ga!...款式有: 下火雲吞(即皮蛋加豬肉) 蜆肉鮮肉雲吞 及弟雲吞 蟹粉鮮肉雲吞 洋蔥雞肉雲吞 茄蛋鮮肉雲吞 南瓜鮮肉雲吞 芹菜鮮肉雲吞(仲有其他款ga...但唔記得晒咁多lu)

不知為甚麼openrice.com會說這家食店close了, 其實這家食店並沒有close到呀!!!!!!!!!!! 因為我在上星期才去了吃. 老闆也很好人呢!! 我與同事去吃, 同事見牆上掛有一些聖經的福音之類, 就問他是不是信主, 他說是呢!! 此店供應很多種不同種類的雲吞, 一碗有十粒, 雖然聽落好似好多, 但其實每顆雲吞都是很"的式"的, 坦白說, 對於我這種大食之人來說, 其實是不大夠食. 但清清新新的, 感覺也不錯. 這家小店很令人感覺到有人情味和誠意, 不似得安利這些. 我們走時老細還很熱情的跟我們說拜拜, 跟安利這些做到出晒名的麵店截然不同. 我想我都會繼續制襯的, 當然是要我那天不大肚餓的時候. 希望有一天我也能夠開到類似這樣一家有誠意的小店吧, 用心來做食物, 希望客人吃得開心, 而不是只從賺錢著眼.另外, 這店是星期二休息的, 如果想去的話就要留意了.

好多唔同款式既雲ton...我最中意食既係香西皮蛋雲ton...味道真係幾ok雖然地方細左d...但$$好抵13蚊埋單喳!!!個老闆幾nices ~~

12月09日18:3012月11日13:30星期五傍晚，無心戀戰，提早到東大街搵食。經過了銘園、呂仔記、金記、安利、王林記....等。仍拿不定主意，最後被這小店名字吸引了進去。這店提供近四十種不同餡料的廣東式雲吞。要了蠔仔雲吞，但因蠔仔存量不足，便加入了鮑魚和豆苗雲吞。一碗十粒，中粒雲吞，廣東薄滑雲吞皮，配合不同材料。蠔仔雲吞：鮮美，推介。鮑魚雲吞：內有絲絲鮑魚，非我所好。豆苗雲吞：清新，推介。湯底：極鮮甜，但偏鹹，喝後三十分鐘仍未見口渴，但仍有餘香。店主說湯是用大地魚和蝦殼做材料，怪不得那麼鮮甜，他還說這不是秘方，祇是水上人的傳統湯料，他還笑說本身是水上人。店地方小，七張小，可坐十四人。但我絕不會做第十個客，因部份雲吞是即包，全部即煮。最重要的是這店是ONE MAN BAND，慢工出細貨，但不適合性急的我^m^店內掛上數幅油畫，並有價錢，臨走時好奇一問，是否出自店主手筆，原來真是他的作品。星期日，中午，我和小魔怪買完校服後，再到這店，再試了南瓜和鮑魚，最後在小魔怪建議，外賣了金菇肥牛和冬菇雲吞，給太座和母親一試。結果有一半的落入他肚內^m^兩次去都沒有其他客人，而安利和王林則慣性要等