君蘭冰室

营业中

休息中

首先係要客人自己去取餐🙄(大家樂咁)仲要佢哋唔係平地，有一級嘅，所以員工不停咁叫小心台階🙄第二，出餐時間好耐🤨明白啱啱新開張混亂係正常嘅，但係你明知混亂就唔好出咗杯嘢飲，然之後要等廿幾三十分鐘先出到食物拉🙄出嚟嗰杯嘢飲已經凍哂，就算幾好飲嘅奶茶咖啡都變得難飲😓一係就一早飲晒杯嘢，但最弊就係嘢食都未到呢🤨我叫蛋撻餐，佢哋想焗一焗先拎出嚟,本來係好既，但係又係等咗廿分鐘先出到嚟，出到嚟嘅蛋撻，因為可能再焗唔能夠離殼，最後要用匙羹刮出嚟食😓明白你哋想做好啲但係能力唔夠就最好做返一間正正常常嘅茶餐廳，最少有送餐服務🥹其實呢間餐廳出品係唔錯嘅，但係服務同時間嗰方面真係要認真搞搞佢！

今日行開朗豪坊見到新開張就入嚟試下，服務員帶位後話用QR點餐，之後等叫號自己出去取餐？叫左個蔥油雞扒飯同2個蛋撻，雞扒個味道都一般，蛋撻都ok,但最特別要客人自助取餐？我眼見服務員有7個人，佢地除左執枱後，冇枱執就企哂起出餐口？佢地會放好哂食物在餐盤上，然後按號碼叫客人取,所以我就真係唔明，餐廳地方唔算大人手又夠，點解唔直接送餐比客人？最好笑，我見到有個客人自己行去取餐後，佢個位比人坐左😅，因為佢得一個人，所以冇人睇位！所以自取餐真係會有這些情況發生！如果平日Lunch時間人多時，如果得一個人嚟食就麻煩D........

本人並不經常寫食評，可是這個真的很差。作為茶餐廳嘅質素，手機落單，自己出去攞。短短40分鐘嘅午餐。聽到三台客嘅投訴。 地下台階容易跌親。總之，只是又唔清晰，地方亦都唔見得好安全，食物亦都無特別唔會有下次。 六個人去堂食午餐，需要分開六次出去攞餐。但係得一個號碼。叫咗凍飲，話因為環保但係就冇飲筒，並沒有紙飲筒可以提供。 見到阿婆嗌兩餸飯，但係佢又唔俾佢堂食。叫阿婆過去馬莎嗰度食。但指示並沒有任何說明。。。