君御燒味

营业中

休息中

趕住開會，快快趣買個外賣返去食。近近地就買燒味飯。叫左盒三寶飯($45一盒)。一打開盒，好滿呀，d餸舖滿晒，超抵食。有成五六舊燒肉：皮唔夠脆。五六舊燒鴨：正常。三舊豉油雞：雞肉幾滑，仲要比左個雞髀我，正。半個咸蛋：送飯一流。油菜兩條：正常。蔥油：送飯一流。包保你食完，有排都唔餓。

住係天后，炮台山附近，食盡呢區嘅燒味，最好食同最低食非佢莫屬！我敢講，天后/炮台山成個區，佢地嘅燒味係最平但最好食！仲越泥越進步添！我同老公分別叫左油雞燒肉飯同叉燒飯，加一碗湯同油菜share！ 佢個叉燒飯先33蚊，叉燒肥瘦適中，啖啖肉，唔會好似炮台山個間賣D黑色燒燶舊邊邊俾人食，仲要俾夠飯，搭兩條菜心！33蚊係邊度搵呀！加個湯都係7蚊，係香港人最愛嘅青紅蘿蔔湯！我個碟油雞燒肉飯都好好食，師傅切嘅厚度同刀工對於燒味其實都好講究，如果切得唔好，就算再好嘅食材都會差咁D，今晚雖然唔多客，但係師傅都有三個企曬係度，每次客人落order都好認真切每一舊燒味！至於燒肉我有少少強逼症，如果可以每舊燒肉都連住塊脆皮就好了！希望下次有！另外，簡單一碟油菜都令我有驚奇，唔會煮到淋曬，軟硬適中，配上少許蠔油滾油，非常配合燒味飯！ 我同老公一啖飯，一啖湯，一啖菜，就咁就過左一個完美嘅晚上！平平淡淡又一天！

今日lunchtime經過天后呢間燒味舖，見到君御燒味唔洗排有位坐，即刻又行入去！午市單併$33、雙併$35 粉、麵、飯同價。叫完之後好快就有得食😍可能因為中午，人流多既關係🙊 因為碟飯都幾大碟下，所以女士們可以叫少飯！.分蹄叉燒飯 $35賣相唔錯好足料! 好鐘意食呢度既分蹄 ，唔會太肥有咬口！今日俾左瘦叉，都唔會好乾，燒得好食😋.我仲加配左個老火湯 $7 湯渣好多，真材實料，而且唔油👍🏾. 東區好食既燒味暫時有兩間！呢間係其中一間！性價比非常高👍🏾👍🏾👍🏾

午飯時間經過天后這間燒味店，午市單併$33、雙併$35 粉、麵、飯同價。不想吃飯於是叫了瀨粉併燒鴨。可能是中午，叫飯反而起得快，瀨粉或因要另加煮熟時間多了。朋友叫的叉油雞飯很快上枱，嚿嚿肉加上薑蔥油，魔鬼的誘惑。燒鴨瀨粉，瀨粉好似煮得時間奈了些，質感是軟韌半像米線，總覺與平時的瀨粉口感不同，還是喜歡傳統瀨粉。湯底味道不錯，加入蔥花帶起點香味。燒鴨皮不見有黑毛，拔得乾淨故全部可吃，脆皮下面有一浸肥油，入口油化開。從健康飲食角度來說，久不久吃一餐也可以。

近日終於迎黎秋風, 收工終於有閒情係條街四圍搵食今日經過天后, 係電氣道行真係乜野都有得食突然口癢想食乳豬, 就開始四圍搵燒味鋪行過呢間君御燒味, 見到門口一堆C9等緊外賣, 直角話我知應該係街坊店應該唔會伏, 入閘一試門口有一位四眼靚仔伙計, 好有禮貌招呼每一個客人入去係燒味店呢類 光速餐既世界, 有哥仔充滿笑容同你講「歡迎光臨」, 再充滿笑容同你講「多謝幫襯」呀哥, 呢D 叉燒佬邊度搵呀?入到去見到人客都幾多, 但環境乾淨, 餐牌都唔望, 即刻叫碟「乳豬叉燒飯」因為係食夜市, 好彩重有乳豬賣碟飯黎到, 乳豬睇落已合格有突但叉燒佬既心情似乎受香港複雜既環境所影響, 比舊叉燒有少少太瘦雖然已經晚市, 但食落乳豬皮仍然非常鬆脆, 有好香既碳燒味乳豬厚肉而嫰口, 街坊店黎講已算超水準表現平時係中環番工, 有時口癢食碟乳豬飯, 輕則80大元重則過百埋單, 但都食唔到滿意既乳豬而係天后呢度, 51蚊一碟乳豬雙拼飯有呢個水準, 贏晒啦呱散叫左杯凍檸茶, 茶味算香濃, 埋單走人離場時重遇四眼靚仔小哥, 應該係老闆, 全場飛非常落力靚哥仔隨單附送一客「笑容」同「多謝幫襯」心入面突然相信呢間係香港島最

我幫襯咗呢間本土小店已經多年，都算係一個街坊客！ 近來氣氛不是太好，本著支持本土小店嘅精神， 諗住買兩個飯盒，一個係畀樓下嘅伯伯。 但遇著一個態度惡劣， 黐住5cm長長眼睫毛嘅女收銀員，真係激到一肚氣， 我不嬲都好少寫劣評，但今次真係忍唔到！ 我只不過要求分開兩袋，你聽唔明，你可以問清楚，用廣東唔得，可以用國語，英文來問，但係唔係要用一種鄙視嘅眼神和語氣來串你啲街坊客呢？ 如果事頭婆同埋比較年長嘅店員，就唔會咁！ 可能佢係店主個女，唔想落鋪頭， 但唔好落嚟到米啦！ 我好後悔之前推介俾朋友同埋啲客！

之前食過 覺得好好味 叉燒燒肉都好有驚喜 但今日黎食 叫左個三寶 （叉燒 燒肉 燒鵝）一黎到 份量比之前少左之餘 燒鵝係得返層皮 （有1舊好啲既有片薄過3mm既肉仲算係痴住係舊骨度）咁就同佢查詢啦 點知個牙姐好興咁講 「你唔食啲咩 就要預早講嫁啦 師傅唔知你唔食啲咩嫁嘛」個下 真係無言 咁我係咪食個時要同佢單聲 燒鵝要肉牙 唔該 然後有個收錢既牙嬸 講返同一句說話 但態度就好好多 我都係重覆講 唔係我有咩唔食 而係得返層皮點食 講完後 結果都冇變 由得你 唔理你 而且今日啲食物質素好差 完全比唔上上次食既品質 勁失望 P.S. 隻咸蛋仲要係有一大達黑色...

好耐冇食過燒味飯，今日就去到君御外賣做义雞飯加蔥因為d度d燒味一定有保障（門口日日都排灑隊）。今日嘅义雞飯加凍檸茶夾埋都係$44⋯ 切鷄胸肉又滑又有雞味，配埋蔥油簡值無話可說。义燒醃得夠入味，味道亦調配得好好，不太甜又不太咸。雖然白飯只係配角，但不太硬不太淋，再加上這裡的醬油和蔥油⋯ 係真心好食囉！買個雙拼飯$35再加$9凍檸茶成為$44，係咪好低先⋯

個朋友介紹話而間燒味好味就專登係金鐘過嚟食同朋友叫左個雞鴨撈麵 同四寶瀨。首先講個撈麵 -樣唔錯 。麵都夠爽 ，不過不失 ，但個人覺得燒味同撈麵唔太夾 ，又入唔到味。再者四寶瀨粉口感麻麻 化得太漲 ，明顯放左一段時間先上枱。重點係燒肉得骨無咩肉特別要講燒肉既皮燒到好焦 又黑又苦，真的比較令人失望但令人有意外驚喜既係碗老火湯，不竟佢唔係套餐餐湯，叫湯係要加$10既，所以好足料，唔係水同味精湯，都算值得一試同推薦。最後兩個人埋單約$130，以而個質素我就覺得唔太抵食啦

又來了天后找東西吃了！看到君御燒味沒有人龍，當然馬上走進去！🍽 白切雞飯雖然叉燒和燒肉是這裡最有名的，但是我更加喜歡它們的白切雞。雞的調味濃得好像在吃豉油雞一樣，雞皮油脂滿滿，而且雞肉嫩滑，完全不會老👍🏻另外不可或缺的薑蔥也是非常好吃，一定要用來撈飯🤤大家可以選擇加配老火湯，今天太飽了所以我沒有叫。但是你會看見幾乎每一枱都有一碗，不僅湯渣很多，真材實料，而且一點都不會油，令人想起家裡的味道。

今晚未訓得著，寫個食評先 😅有一日睇雜誌介紹，話天后有一間燒味飯店好抵食 😆😆同我返工個度好近，當然去試下 😊分蹄燒肉飯 🤩 $34 賣相唔錯，都非常足料 😊一個人分量 男女都夠 👍🏻鐘意食呢度 d 分蹄 ，唔會好肥，有咬口，煙煙 unun 咁，·好出色 🥰🥰🥰燒肉個皮都脆，舊肉唔會太肥，口感都幾好，但分蹄比較出色 😬葁蓉撈飯一流，唔會好油 ！我唔算成日食燒味飯，同埋食過 d 好油既燒味飯，所以呢問我會 bookmake 左佢！

原本經過的時候都沒有特別想進去吃，但是看見Youtube上推薦了這間叉燒很好吃，又便宜的燒味，立刻拉著男友🐽來吃🍽 雙拼飯雖然半肥瘦叉燒是最好吃的人間美食，但是我還是選擇了健康的瘦叉燒🙈這次的份量沒有單拼的多，但是也還可以接受（因為實在太便宜了！）瘦叉燒也沒有乾柴的口感，醬汁很濃很好吃，我下次一定要試一下半肥瘦，相信會更好吃！另外配上我最喜歡的白切雞，可以向店員要求雞胸等部位👍🏻👍🏻雞肉很嫩，雞皮油脂滿滿十分好吃🤤 旁邊的薑蓉更是不能忽略，眨眼間就吃完了。

天后有間好出名嘅平民燒味店，朋友話一定要試吓！唔似其他當紅餐廳排晒隊，全部都係街坊熟客，仲聽到有人打電話來order。飲茶時間我叫咗個油雞燒肉米。原來我呢碗係最後一碗嘅燒肉，都未夠五點已經賣晒啲燒肉，睇嚟真係好出名喎！燒味同粉麵另上，米粉好大份，見到都覺得飽。油雞唔算特別出色，反而蔥油就有啲驚喜，最後我用晒來撈米粉食，正呀。燒肉果然係出色，皮係比其他店嘅脆，肉則非常嫰滑，一層皮、一層肥膏、一層肉，師傅切到細細嚿，一啖一粒啱啱好。米粉同湯係配角，所以質素都係一般😂下次嚟天后，都要買君御嘅燒肉返屋企加餸先得！

資訊太多的年代，低調就好易睇漏眼。於炮台山突然想食燒味，上 openrice search 到呢間好多個笑嘅店。望落食物樣唔差同留言望落幾真，所以過去幫襯。午飯時間店內八成男人，兩成OL，全滿。多人就應該食唔到。乳豬一流，皮超脆，唔會過肥而肉有咸香，無話見你生面口俾衰位你燒肉其實都好食，但錯過我先食乳豬，是返唔到轉頭的撈幼麵彈牙無怪味，份量超多，我諗同呢度八成男食客有關東區可以坐低又好食的燒味暫時只有呢間！

第二年既渣馬全馬，亦都係第二次既渣馬後的君御。上年好lucky, 燒鵝叉燒飯，師傅畀左隻燒鵝脾我，雖然今年無脾，但依然出色。香港既燒味對於外國人黎講係吸引，但睇旅遊書介紹或者，大多數會介紹返d出名而且價錢都有番咁上下既店。而君御係我首選介紹畀喜歡燒味既外國朋友。性價比非常高，我個人最喜愛肥叉！！！要真係肥先好味。果種肥滋滋既美味，絕對會令你感動。Set左跑完渣那可以食肥叉，我覺得我既目標好明確。