君御燒味

营业中

休息中

天后有間好出名嘅平民燒味店，朋友話一定要試吓！唔似其他當紅餐廳排晒隊，全部都係街坊熟客，仲聽到有人打電話來order。飲茶時間我叫咗個油雞燒肉米。原來我呢碗係最後一碗嘅燒肉，都未夠五點已經賣晒啲燒肉，睇嚟真係好出名喎！燒味同粉麵另上，米粉好大份，見到都覺得飽。油雞唔算特別出色，反而蔥油就有啲驚喜，最後我用晒來撈米粉食，正呀。燒肉果然係出色，皮係比其他店嘅脆，肉則非常嫰滑，一層皮、一層肥膏、一層肉，師傅切到細細嚿，一啖一粒啱啱好。米粉同湯係配角，所以質素都係一般😂下次嚟天后，都要買君御嘅燒肉返屋企加餸先得！