君御燒味

营业中

休息中

第二次幫襯君御喇～例牌都係叫油雞肥叉飯😊今次2點3左右到嗌外賣，所以唔多人排隊，好快就可以拎走。油雞方面，啲肉唔會好韌好鞋，係我想食既口感！而且肉多過骨，要讚👍🏻👍🏻叉燒方面，雖然我叫左肥叉，但偏向半肥瘦，好彩唔係好瘦，如果唔係我會好sad😂😂咬落去都有口感，唔係鞋烚烚架～***正常係有姜蓉，只係我唔食所以走左姜蓉***員工方面，我覺得都偏向有禮貌，不過不失～唔會係黑口黑面，而且落單到拎外賣成個過程都好快。如果想lunchtime堂食，我覺得都唔係問題。重點：40蚊竟然就有兩個餸揀，天后黎講價錢好合理！

我呀姨成日推薦呢一間天后嘅燒味店話佢啲燒味整得幾好食俗語話高手在民間所以今日就黎試試佢蜜汁腩叉 $130/斤半肥瘦真係幾好食個蜜汁叉燒醬整得唔錯肉質幾腍 唔會又硬又乾身脆皮燒肉 $130/斤都整得唔錯，唔會好乾不過少少偏鹹見佢有潮州墨魚下次試吓先😍

本身免不過都不來，只因態度差，黑面，你來幫趁好似欠咗佢咁。今日另一間街坊燒味冇開就嚟咗買，講左叫切細舊冇做，义燒又硬又咸，直情咸到苦😨 小朋友食完係咁飲水😵‍💫 咩事啊～

天后呢一間燒味店門口經常排長龍，我之前都有食過，價錢相宜，而燒味嘅質素都唔錯，今日年三十晚更加有好多人喺外面買斬料翻屋企加餸，證明有好多街坊都投信心一票。而我就選擇咗堂食燒鴨燒肉雙拼飯。好可惜今日舊燒肉個皮唔脆，同埋皮同肉中間個肥膏有啲厚。反而個燒鴨皮就好正，中間嘅脂肪咬落去感覺唔肥之餘，仲有一種Juicy嘅感覺同濃厚嘅鴨味，推薦大家下次去食要點燒鴨！大家仲記住要叫加蔥油，撈飯一流。是日午餐：燒鴨燒肉雙拼飯（$40，但年三十晚要加$5，不過都仲好抵嘅）

今日經過一間天后嘅老牌燒臘舖，以前我都係呢間嘅常客，但係自從轉咗手失左水準之後我就少咗幫襯，啱呀冇幫襯俾多次機會佢，果然有好轉，今日下午茶時間叫咗個鴨脾豬仔骨湯瀨，個粉嘅湯底係少少味精湯底，但係食落去之後都唔係好口渴都OK，鴨髀算係咁樣，個鴨髀都幾齊整，連嗰舊陰肉都有俾埋，冇偷走到，但係啲豬仔骨就比較失望，骨多個肉，最慘就係全部都係碎骨，基本上食落口都淨係食到嗰浸味，基本上都係食唔到任何肉，五十零蚊一個鴨髀瀨，不過不失，不過豬仔骨就不建議再嘗試。

次次lunch time 經過呢間店都會見到超多人排隊，心唸係咪真係咁好味，今日我決定試下啦叉燒燒鵝雙拼飯HKD55一打開就哇～咗出來有陣陣煙燻味，係冇俾到我頭頭尾尾嘅！每一啖都係肉份量完全可以滿足我呢個食肉獸！叉燒係一成肥，唔會好似出面果D又乾又柴，抵食啊！最正一定係燒鵝，俾咗鵝髀位，皮脆肉多，我一定會再瘋狂幫襯！

呢間燒味出名好多人都知，近日疫情嚴峻，我午餐都只好外賣，早兩日試過附近嘅食神叉燒，今日又試吓呢度嘅燒肉叉燒瀨。呢度嘅瀨粉很滑，質感唔錯，而外賣嘅燒肉叉燒都好瘦，一點肥都沒有，不過縱使如此，燒肉叉燒都很腍很鬆化，老人家都食到，唔似望落去咁實崩崩，而且燒肉嘅皮係脆嘅，叉燒甜度適中，以雙併$38嘅價錢，確實唔錯。敗筆之處係呢度嘅瀨粉係用發泡膠碗，不出所料，一開蓋已聞到一陣熔發泡膠味，影響咗成碗瀨粉😞。

買3盒燒味雙拼外賣，整體而言不錯。我係肥叉燒鴨雙拼，肥叉終於斬左肥叉給我，好食到不得了。（依間叉燒都不錯，只想強調依間有時都給唔到d想食的位置）。但燒鴨斬出來好多都係骨，點食？好過分！希望店主能夠改善。

侄仔侄女話買北角某間燒味飯做午餐唸住過開北角買呢間天后 唔差啦門口堆晒人 等攞燒味心唸咁好食咩？排住隊卑錢等外賣買左4個燒味雙拼飯盒 每盒＄38 我估應該係價錢吸引叉切雞 叉燒肉 叉油雞 燒鴨切雞開盒 開飯哇真係個個都負評d雞 燒鴨 全部都係骨多叉燒又切到老厚咁量又少 飯就多唔記得影相 唔係有圖有真相唔會再幫親.........仲要卑侄仔話屋企樓下個間好吃過佢啦又＄35😑😑😑😑😑😑 唸住卑好嘢食 點知 徒勞無功無奈

今天在這家買了兩客飯外買，一個义雞飯，另一個燒肉飯。义雞飯义燒全是頭頭尾尾，雞全是骨無肉，燒肉咸到嘔，於是打電話落這間舖頭了解，聽電話的店員就說幾十蚊ge飯係咁㗎啦。無言。這間店舖换了老闆之後，食品，態度十分之劣，請各位小心中伏。

買半斤燒肉，「全部」都係頭頭尾尾，實在太過份。買嘅時間係lunch time，唔會係買剩先俾呢啲。其他鋪頭通常都係撘「少少」頭頭尾尾，冇佢呢間咁離譜！完全不能接受！大家買外賣記得check 清楚先離開！

君御燒味一直有唔少街坊捧場，大時大節都見到門外有長長嘅人龍喺度等外賣！呢間燒味舖亦深受明星歡迎，有時經過都會見到明星等外賣或者見到明星坐喺入面食㗎！👀呢度出名係價錢平，$38就食到個雙拼飯！門外嘅枱有放啲超平嘅雞腳、臘腸、臘鴨髀等，可以買返去自己煮！另外，佢哋嘅油雞&叉燒都出名好食😛 等外賣等咗大概8分鐘，店員都好有禮貌同友善咁將外賣遞比我，都幾有人情味！❤️ 蜜汁叉燒皇(半斤) $60識叫一定叫半肥瘦！☺️  叉燒嘅肥膏唔算多，脂肪比例幾好。呢度嘅叉燒特色係唔會燒得太脆，只有少少燶邊！肉質鬆軟多汁，外賣盒內有超多蜜汁喺叉燒底部，點滿蜜汁嘅叉燒色澤更靚、香甜美味！😋好食度：⭐️⭐️⭐️⭐️ (4/5)❤️ 脆皮燒肉(半斤) $65拎到返屋企個脆皮已經淋晒🙁...味道正常👌🏻好食度：⭐️⭐️⭐️ (3/5)餐廳推薦度：⭐️⭐️⭐️✨ (3.5/5)呢間燒味舖喺區內都相當有人氣，一search天后燒味舖絕大多數搜尋結果都係君御燒味👀 我試完覺得都值得推薦嘅，比較推介佢哋嘅燒味雙拼飯，超抵食！

前日中午行過天后君御見到燒雞潤，好少有得賣問下師傅話最低消費$30，見到啲叉燒半肥瘦有燶燶哋，就改咗買一盒叉燒飯加燒雞潤。我同師傅講吾該： （半肥瘦燶燶邊邊义燒，燒雞膶小飯加姜蓉）抱住冇乜期望嘅心情打開個飯盒真係開心左半日，Bingo👏🏻👏🏻 全齊，好好味😋😋😋😋真係好小寫OpenRice都要讚下👍🏻$38元我仲打電話去話比收銀姐姐知，要讚下個師傅，希望次次都係咁有heart!順便講下👇🏻灣仔再興飯店，同埋柴灣出名叉燒乳🐷嗰間，次次都係俾啲柴皮白雪雪叉燒我，如果冇半肥瘦就落單嘅時候話俾我聽冇咪得 ，唔使買咗盒飯都唔知食唔食！

君御燒味已經幫襯咗很多年，每次都是堂食，叉油雞飯係必點之選，例湯也很足料，絕配。堂食價錢、份量對比起附近的燒味舖的確很優惠、大件夾抵食，物有所值，味道也很好。近一年運動事件加上疫症，少了堂食唯有轉買外賣，但食物質素、味道竟然每況愈下。試過兩次買半隻燒鴨都是少了一嚿髀位，今日買半斤半肥瘦叉燒竟然半盒都係全肥油，完全不能食用，不知所謂幫襯外賣嘅客人記得在門外檢查清楚才好離開

Encore 買個燒味外賣。叫左盒三寶飯($45一盒)加盒叉油雞飯。屋企人個盒三寶飯真係好吸引，一打開盒，超滿，d餸舖滿晒，超抵食。燒肉：夠咸香，有五舊。燒鴨：正常。豉油雞：雞肉幾滑，成隻雞髀，正。咸蛋：正常野，送飯一流。油菜：正常。自己就食（半肥瘦）叉油雞飯，少飯（之前食三寶食淨好多飯），多蔥油。d特別要求真係有落到單喎。蔥油：真係好多，幾乎係平時既三倍份量，送飯撈埋d叉燒汁，超正，我真係好中意食蔥油。叉燒：全瘦叉，都唔係半肥瘦既。君御最好味既我覺得係佢既叉燒，今日有d失望，瘦叉始終係差d,有d位比較柴。油雞：甘少既...得三舊雞胸肉。我中意食雞脾雞翼滑溜既肉多過雞胸囉。偷食隔離三寶其中一件雞脾肉，滑好多囉。