名門冰室 (已結業)

朋友介紹下，試了名門味道出色的早餐！單餸配出前一丁麵，送冷熱飲品，凍飲更不另收費廚師兼老闆即叫即製，麵身煮得剛好，不會過份焾。炸雞扒亦十分香脆，新鮮可口。疫症措施下沒有堂食，也可外賣幫襯一下良心小店食物質素亦有水準，全由老闆兼主廚處理，用心製作午市外賣仲做緊買3送1優惠大家快啲去試試…查看更多

近排去得紅磡多，聽講呢間冰室嘅老闆好霸氣，梗係要試下。喺午餐時間大概1230左右去到，門口有人排隊亦有人等外賣。小店得大約20個位左右。入到去見到老闆喺度煮野食。去嘅當日午餐有黑椒豬軟骨飯，沙嗲鴛鴦扒飯，紅咖哩雞飯同埋招牌蔥油豬扒飯。小編嗌咗鴛鴦扒飯，由於太肚餓嗌埋多飯，上枱時嚇親自己，個飯真係幾大下。但結果小編都係食哂㗎☺️牛扒豬扒夠味又夠淋，幾好食。沙嗲汁都夠香濃，但唔知係咪嗌咗多飯就略嫌太少汁。但整體都好味。廚房係睇到老闆整野食，透明度夠哂地方細小但唔污糟…查看更多

路經隆基大厦本想往發記食碗車仔麵, 需然發叔已退休幾年, 但尚幸現店也有發叔7成左右水準, 但當然沒有發叔咁抵食夾大件啦但經過名門門口時見到今日午餐有印尼咖哩牛腩飯, 對腳就好自然入咗名門這碟印尼咖哩牛腩飯絕無欺場肯定係老闆兼大廚誠意之作 咖哩濃香微辣, 需然選用的腩碎有點嚡, 但絕不影響這午餐的美味老闆竟然用心到連碟白飯也用心形模壓出來, 真係望落都加多2分, 咁美味而份量足的午餐連埋杯凍檸賓才 $36, 絕對抵食又好食咁有heart 嘅小店真係要多多支持:)…查看更多

夏日炎炎, 真係唔想離開公司有同事外賣, 所以加多份係紅磡既外賣其實真係好抵食蔥油豬扒飯確係好香豬扒大大塊仲送指定凍飲但外賣要加一蚊失敗係因為個飯盒冇間隔所以最後果幾啖會會充滿豉油同蔥油…查看更多

點解間間空蕩蕩，但名門就要排隊呢，幾次都太趕等唔切，專登8:30都要排隊囉！比其他茶餐廳名門既早餐，menu 係有點特別既。今朝時間非常充裕，可以慢慢嘆個出前一丁早晨，路過見到名門難得有位唔洗等，即時衝入去坐低先。menu 同以前唔同左喎，不過我記得名門既出前一丁唔好食，試試辛辣麵先。到底何時食湯麵用叉架呢？唔該比對筷子我！終於比我親眼見到師傅真係將丁麵沖過水，不出我所料，難怪出前一丁麵質不爽不滑又粉口啦，一食便知道。自家叉燒出前一丁，湯底落埋生菜一齊煮，湯及麵都有充滿菜甜味，非常有阿媽既味道，兒時阿媽都係好喜歡如此煮理。生菜鮮嫩極爽甜，超讚！自家叉燒醃味甜美，充滿肉香，炆得透徹軟腍，半肥瘦又不乾不硬，雖然完全無燒過，但好食喎。麵質粉而腍，不滑不彈，水平以下。鮮牛肉出前一丁，可唔可以唔好一早煮定個麵底或者將出前一丁麵餅沖過水呢？依家又腍又粉口又無味，好難食呀！生菜超級鮮嫩爽甜，無得頂！鮮牛好食，醃味甜美而散發著牛香，good！雖然略略乸過，好采不過份，味道質感蠻滿意。湯底瀰漫著香濃牛肉味，恰似牛肉濃湯，好好飲。辣椒油就麻麻地喇，不香不辣，咸咸地囉。太陽蛋豬扒辛辣麵，居然可以煮辛辣麵煮得那麼好，高手游刃有餘，技術高超，可能比我還好！湯汁已滲入麵條之中染得淡紅，麵質嚥韌富彈性，味道質感均細緻，掛上特濃辛辣湯汁，滿分無得彈。果然係香茅豬扒，預料之內，醃味甜美可口，不咸不濁，香茅味清香得宜又突出，肉質彈彈又水潤，優質！麵條捲實太陽蛋塞入口，甘甜蛋漿黏黏的跟香辣湯汁麵條融合，美味極致，滋味無窮！雞扒榨菜辛辣麵，侍應肥姐話加腸仔 $10 有兩條，但我想食多士，兩條太多喇，雖然食到啫。諗住搏阿姐唔記得叫雞扒併腸仔，被發現左唔併得添，好記性果然專業，哈哈。炸雞扒碎上略咸，辛好浸湯食還可以。外層乾硬，好采內裡既肉還嫩。榨菜連濃湯帶麵啜入口，滿足。火腿蛋厚多？火腿厚蛋多？火腿蛋厚多？誤會晒呢，原來只係厚麵包，並不是厚炒蛋，失望啊。火腿蛋厚多，意料之外好食喎，係好好食！拿起成手都係牛油既？點解牛油搽兩面咁搞笑，最初以為底面倒轉左夾添，水吧阿姐真風趣，咁好客益我，勁多牛油，正呀！好耐無食過有質數既三文字炒蛋，蛋味濃郁又香口，調左味有咸香，混上火腿肉汁更好味。厚多士居然外層脆脆而裡面好軟塾，加上大量半溶牛油非常滋味。…查看更多

門外寫住海南雞飯外賣只需 20 蚊，但堂食要 38 蚊？差不多半價喎，邊有得賺呀？今日又會咁冷清既？幸運女神綣顧有位坐，可以試試海南雞飯啊！因為舖面細細只得二十個位左右，一直無機會親臨拜訪呢！有緣今日 lunch 能相會，路過有位即入。我甚少食飯，但既然名門敢話四大皇牌就試試。現時經濟環境、天價租金係紅磡仲可以 $36 蚊大大碟飯連凍飲真係好難得，價錢實惠。泰式無骨豬髀飯，始終硬係要寫錯個髀字，我係 openrice 都講足十年喇！鬼咁盟塞，唔係脾臟呀！嘩，心形白飯呀！有諗頭有創意，見到都笑晒，Good！外觀吸引，但敗絮其中，飯粒又濕又爛，黏兩口送豬髀肉，放棄。外熱內冷豬髀肉，滷味芬芳清爽，豬皮膠膠滑滑，瘦肉彈彈有嚼勁，味道質感都做得好好，甜美可口，係衰在中間凍冰冰呢！淋上自家調配魚露辣椒醋醒神醒腦又開胃，好好味！魚露屬越南架麻？無骨海南雞飯，白切雞非常鮮嫩，薄薄雞皮彈滑不肥膩，微弱雞甜味沾上醬料同吃還算滿意，無骨食得方便又食得更快。三種醬料，蔥油、老抽、辣椒魚露醋。泰式應該只有酸辣汁喎，而新加坡應該薑油唔係蔥油喎，搞到我真係好混亂呀！心形白飯本來好有睇頭，奈何一食就露餡了！白飯又濕又爛，恰似漿糊一樣黏實我的嘴，淨睇外表好正常，真的不可以貌取人呢。如果配上雞油飯，爽乾嚥韌香噴噴就更開心啦，當然價錢會相對地提高。…查看更多

由20幾年爸爸帶我去食13蚊大家樂早餐，到今時今日30幾蚊一份早餐，雖然餐既內容無任何轉變，但價錢又豈止翻一倍。無論係中環或者土瓜灣食份早餐要30蚊左右應該係常識啦，轉埋個出前一丁，30幾蚊落樓非常普遍估唔到，土瓜灣真係一個隱世寶藏，雖然係轉入巷，但環境，食物質素一啲唔差，最重要係價錢非常便宜HK$21一份炸雞扒雞蛋出前一丁麵，連一杯茶走小甜出前一丁麵係落ORDER先煮，熱辣辣，而且可以叫佢煮淋啲或者硬啲。雞扒係煎既，切開一塊塊上，整體SIZE算正常，比起平時大快活食既大啲，煎蛋...就係煎蛋囉當碗麵拎上枱，佢會附上一包麻油自己落，呢個動作係要證明佢真係出前一丁麵，但我覺得呢包油係碗麵既精髓，一個小小既碗相比一個大煲，呢包麻油唔會被冲淡左。我對都既軟硬唔多計較，但佢煮得口感幾好，唔會好淋。而且唔會普通茶餐廳咁成碗麵都係油，SERVE得都幾精緻。杯茶走雖然唔算好特別，但早餐飲完呢杯先算得上完美。茶既味道唔算濃，但因為煉奶關係，杯茶走好滑餐廳尚算企理，有5至6張枱，老闆娘禮貌亦都唔錯，而且早餐款式都幾多，介乎21至23蚊左右，非常便宜以21蚊價錢食到出面30蚊以上質素既早餐，仲要係出前一丁，加上環境，招呼，食物質素，我極力推薦呢個早餐之選…查看更多

今日因公到紅磡,那就順手找找有什麼好東西食的~剛來到這名門冰室是因為她門外的招牌海南雞飯,但進門後才知道只有3種東西食,明天才有海南雞飯...而3種東西都是辣的...所以也有不少人來了,又走了...好!我說回食物吧!咖哩味不過不失,但沒有什麼特別的。薯仔未算好入味,但算是可以接受的。牛腩感覺不錯,但真的有一點太肥的了!奶茶就偏淡,但白飯反是有點心思XD服務有禮,很熱心,但衛生情況似乎不太理想,碟邊還有點黑黑東西...…查看更多

經常行過睇到有生滾豬潤麵想黎試好耐架喇，但經常都滿座呢。雖然係度減緊磅，禁食粥粉麵飯中，不過今日破例啦。見個 menu 大部份都係速食野喎，即食麵、意粉、通粉、白飯、煎蛋炒蛋、餐肉、腸仔、火腿、雞翼、等等，依個類別乍喎，都幾純樸既。生滾豬潤出前一丁，終於都試到喇，了左件心事。個碗都幾特別，係個巨形匙羮囉，但發覺唔多就手食野呢。落得太多水喇，湯底實在太過啖口，麵浸太耐，腍得滯。忍無可忍喇，落辣椒油撈混倒落肚算，最敝連個辣椒油都不香不辣呢。豬潤一般啦，無咩驚喜，微滑微爽，唔乾唔鞋，合格既。菜爽甜好味，Good！…查看更多