經常行過睇到有生滾豬潤麵想黎試好耐架喇，但經常都滿座呢。雖然係度減緊磅，禁食粥粉麵飯中，不過今日破例啦。見個 menu 大部份都係速食野喎，即食麵、意粉、通粉、白飯、煎蛋炒蛋、餐肉、腸仔、火腿、雞翼、等等，依個類別乍喎，都幾純樸既。
生滾豬潤出前一丁，終於都試到喇，了左件心事。個碗都幾特別，係個巨形匙羮囉，但發覺唔多就手食野呢。
落得太多水喇，湯底實在太過啖口，麵浸太耐，腍得滯。忍無可忍喇，落辣椒油撈混倒落肚算，最敝連個辣椒油都不香不辣呢。豬潤一般啦，無咩驚喜，微滑微爽，唔乾唔鞋，合格既。菜爽甜好味，Good！
