名家韓國餐廳 (已結業)

叫左個『辣湯牛肉八爪魚鍋』 ~ 個湯夠辣 啱晒我口味 另外叫 咗個『多春魚』同埋『泡菜煎餅』~ 唔錯﹗都幾好味不過 … 如果比我揀 ~ 我都係鍾意《金羅寶》多 d

So disappointed:-- it is net, not traditional BBQ style. If I like 網燒, I can go to the restaurant next to Myung Ga.-the food is expensive however the quality is not worth, I have ordered the beef, it cost around $98 but I think I can get better beef in the market which might cost $30-40.- the beef is in small piece, it is very difficult to cook it in the net.-the service is not good, you have to wait and wait., during the meal, i hardly ordered a glass of hot tea.-I have ordered 韓式炒粉絲, the qua

食友作東的生日飯局，揀了世貿中心13樓的名家。世貿翻新後，名家就由4樓搬上靚靚海景的位置，是日陽光普照，看著維港漫駛著的帆船，悠閒寫意。做著地道韓國料理，從前不常來，搬新舖後第二次幫襯，冷氣大了，吃起來也不至大汗淋漓。幾位麻甩先來，接過專兄的生日禮物，一件祖雲達斯的球衣～就開始點菜。十年如一日的午市定食，石頭鍋飯、牛肋骨煲已成指定動作，再加個烤牛肋骨定食，盡試牛肋骨兩種風味。前菜先來，都是見慣見熟的甜番薯、泡大白菜、麻油銀芽/菠菜，最特別又好味的是蛋漿包著瓜片之物，軟熟又帶著蛋香，四人一人一件，吃得不夠過癮，最失望是自己最喜歡的甜番薯，番薯煮熟後淋上甜醬汁，感覺很抽離。前菜還未清理好，石頭鍋飯、牛肋骨煲打著來，牛肋骨炆得入味，肉質鬆腍美味，配菜蘿蔔、紅蘿白亦甜美，美中不中是味道不夠濃郁，說到底最出色的炆牛肋骨還是幾街之隔的莊園，那邊濃稠的醬汁來拌飯吃，也可當一餐了。石頭窩飯熱辣辣，配料都是大路的甘筍、銀芽、烤牛肉絲．．．份量十足，飯焗得夠香，伴著配菜吃起來味道也很豐富，惟水下得多了，再乾爽一點會更好。喝碗蘿蔔湯，帶清甜帶牛鮮，不錯，當然，能換上海帶湯就更好啦！烤的牛肋骨，在麻甩面前當然

心神彷彿的我，　噤來噤去都噤唔到個ＬＩＦＴ。出咗個ＬＩＦＴ，　儍儍吓行咗另一邊，如果唔係薯片小姐叫我，分分鐘去咗隔離。環境唔錯,我們坐在窗傍, 望住迷濛的海景，傾吓工作近況. 不經不覺認識咗薯片小姐已經4年, 因為佢的逼迫 (和信任), 令我的小宇宙得到發揮. 呢幾年成長咗好多.　我哋每人叫左一個set　去ＳＨＡＲＥ。　薯片小姐鍾意食辣，叫咗個海鮮辣麵。我就叫個石頭窩飯。每人４小碟前菜。前菜有粉絲，芽菜，kimchi,同埋萍菓。我係第一次食萍菓前菜，　好似唔多正宗，不過幾健康。薯片小姐就好欣賞個ＫＩＭＣＨＩ。　　.石頭飯和海鮮辣麵五顏六色, 非常吸引. 石頭飯上放滿芽菜絲, 紅蘿蔔絲, 白蘿蔔絲, 冬菇絲, 菠菜絲, 青瓜絲, 牛肉絲, 薯片小姐唔鐘意佢咁少牛肉, 我反而幾鐘意, 覺得幾健康. 海鮮辣麵都一樣咁好食. 餐飲係 咖啡或玉桂茶,我好怕玉桂果陣味, 叫咗咖啡, 都唔錯. !WAITRESS 都加咗幾次茶, 禮貌都不錯. 不過呢度似乎唔多夠人, 上菜慢咗少少, 尤其係臨尾杯咖啡. 記住早少少 埋單, 勁慢！ 仲加上出面果部勁慢的ＬＩＦＴ, 返工好易遲到。

公式應酬，對方喜歡吃韓國菜，選址這裡，貪個靚景而食物亦很有水準。年前來過，與食友吃韓式炆牛肋骨煲，感覺是不錯，然而愈吃愈熱，冷氣問題是當時的弊病，搬上13樓後，感覺更舒適企理，落地大玻璃下的維港亦是這裡的增值位，印象中是香港最高的韓國海景餐廳。在餐牌上發現鰻魚飯，有趣，就點來試試。幾碟韓式前菜，最喜歡當然是甜甜的薯仔，是屬於腍嫩的類型，下點煮過的蜜糖，很美味，而漬西芹亦很好吃，以蒜提味，更能顯出清爽獨特的芹香，不錯不錯，肯用新鮮的貨色就是好。別看經理口黑面黑，聊他說話，談了兩句海帶湯，他就當你是朋友，原來他個人很喜歡此品，偶說日本人聰明，能以昆布（海帶）提鮮，是和食不可少的素材，他說韓國人亦有他們的智慧，用蜆、海帶及蒜粒煲的湯，很鮮很精彩．．．是個大好人，但長氣了一點。說回鐵板鰻魚飯配海帶湯，海帶湯鮮甜至極，下了蒜粒帶起蜆湯之鮮，好喝得緊，吞下不少纖維豐富海帶，很健康。鰻魚（鱔），韓國人也喜歡吃，其油脂絕對能補充體力，聽說有進補之效，味道行先，這方面難得考究了。鐵板也見不著熱氣沸騰，純粹加強視覺效果，試想「烏卒卒」的鰻魚放在大碟上，多難看？鱔瘦而薄，烤後油脂去了七分，再蒸，感覺是輕盈得

六月廿四日(星期二)同老公同同事黎呢度食lunch之前book左檯,但係去到個貼左張紙話1:30先開,不過好彩有得食jei!我地每人叫左一個set!而我食左個石頭窩飯!老公食左個人蔘雞set lunch!佢地冇7小碟!得3碟好一般既小菜!有kimchi,粉絲同埋芽菜....kimchi ok啦!其他就一般喇!而石頭飯就冇mud料!冇mud牛肉!........個醬就幾好(其實係我地食既甜醬)而老公個人蔘雞真係唔好食,冇人蔘味加上雞冇肉!!好彩lunch食,晚上食仲貴好多tim!有野飲,不過得咖啡同埋玉桂茶,兩樣都唔好飲呀!呢度真係得個境好,其他好一般,甚至差wor>.<

星期日晚同左治療師的家人都名家開飯，可能都係熟客關係，所以七個人佢都開左間有無敵維港景的房我地，正！點了以下的食物︰豬肉 x 4份牛肋骨 x 2份燒鰻魚 x 2份石頭飯鮮牛肉卷新鮮牛柳鐵板豆腐蛋煎蝦鮮牛肉湯鍋麵(應該無漏卦，因為真係太多野食)我就覺得幾多食，特別是d 牛(冒住皮膚敏感發作都要食，抵死！)，至於個豬肉，我都治療師都覺得佢醃得太勁，個色係橙色，似足去燒烤大王買果d 叉燒醬肉排去燒烤咁！但整體黎講都算好味~~ 比較特別的是牛肉湯鍋麵，係等你燒晒所有野食，然後至拎個大湯鍋係個爐頭度煮，係你面前逐樣配料落去個湯度煮，個味道都好好丫~~~唯一美中不足的就是，可能坐左入房0既關係，再加上果日超旺場，d 待應反應其慢，叫佢都好似唔知我地叫佢咁~~真係有點那個！小插曲︰話說我地訂左枱七點，我地準時到達，但此時有一對夫婦（情侶？）氣沖沖咁行番出黎，好大聲講︰唔會招呼我地呢ｄ「窮人」，唔訂枱就無得食，真係巴閉！我就覺得，星期日晚話晒都係端午節，咁要訂位食飯都係人之常情啫，又唔洗咁大火氣

上次食完唔足一個月又嚟啦, 今次3個人可以要多啲款式, 由於我地早一日訂位, 可以坐落地大玻璃前的卡位, 一面食一面欣賞無敵海景, 超值!今次我地叫左3個set ~ 烤牛肋骨, 人蔘雞, 黃花魚配泡飯焦, 再加一個好好味既蛋拌生牛肉, 前菜有八款, 泡菜, 菠菜, 芽菜, 粉絲, 豆腐, 翠玉瓜, 薯仔沙拉, 酸菜同甜薯, 啲前菜新鮮好味, 不消一會就已經食哂, 咁我地又再加左最好味既豆腐同甜薯( 因為只可以免費加兩碟), 到主菜上場, 烤牛肋骨好香好入味, 人蔘雞有半隻雞, 蔘味夠, 不過淡左啲, 所以佢有塩俾你自己落, 黃花魚煎得幾香, 唔腥, 泡飯焦真係用水浸住啲飯焦, 好特別, 蛋拌生牛肉應該係主菜前嚟既, 遅左, 個waitress不斷say sorry, 冇所謂啦, 好食就得啦, 新鮮嫩滑既牛肉俾啲蛋汁包住, 再配埋清甜既水梨絲同蒜絲一齊食, 好鮮甜, 嫩滑, 呢個菜我地每次嚟都食, 食左咁多次都唔厭, 最後上埋蘋果同咖啡, 好豐富的一餐.

搬了之後，星期四的晚飯幾靜．但服務明顯差．我們叫了牛肋骨餐，有骨有煎魚等，昨晚的牛肋骨明顯唔夠新鮮，與以前大大分別．好彩用新地卡付脹有九折．

第一次去名家, list d 差同好差:1服務態度奇差2食物份量奇少3價錢偏貴4有少少歧視我尼d低下一族好:1牛肉好食2辣鍋有水准3kimchi唔錯$190個大洋下次要諗過先來

好耐冇去’名家, 好掛念佢既炆牛肋骨, 冷麵, 辣海鮮鍋, 蛋拌生牛肉 …. 之前每次都係晚飯時間, 今次就lunch時間去, 12點多啲去到, 唔係好多人, 好快就有位啦, 自從佢搬咗上十三樓都未去過, 呢度地方較大, 又有無敵海景, 感覺舒適好多呢度既lunch定食有20款, 有飯, 冷麵, 湯麵, 炒飯, 人蔘雞, 牛肋骨, 燒烤, 湯鍋…, 有辣有唔辣, 可謂式式俱備, 價錢$69-$99, 當然唔喜歡定食既仲可以散叫啦, 我地兩個人就要左炆牛肋骨定食同雜錦烤肉定食, 定食包括前菜, 蘿蔔湯同飯, 餐後仲有蘋果同凍玉桂茶 / 咖啡, 等食既時侯, 見隔離兩個韓國人叫左個辣螺肉拌麵, 好似好好味咁, 下次都試吓先, 埋單既時侯, waitress話有優惠, 不設加一, 太好啦, 下次一定要再幫襯！炆牛肋骨定食 ~ 配料有年糕, 白蘿蔔, 紅蘿蔔, 韓式粉絲, 大蔥, 蛋絲, 牛肋骨炆得很腍很入味, 醬汁甜甜地, 蘿蔔吸收哂啲醬汁, 仲有一定要用啲醬汁撈飯, 超好食前菜 ~ 有泡菜, 菠菜, 芽菜, 同甜薯, 好新鮮, 所以全部都食哂, 湯 ~ 係蘿蔔湯, 味道濃郁, 仲有

先說這裡的服務態度，明顯跟這裡人手不足有關係。其中經理Jon更是服務最差的一員，黑口黑面的。我當中最早來的一個朋友，他告訴經理已訂位，但是經理竟著他等一下，然後先招呼之後來同樣有訂位的客人先入座，而人數同是五人！當朋友一再問能否入座時，經理黑面語氣一點也不客氣的著他再等一下，未入座先谷氣！！這裡又是那種四圍都是玻璃間隔的新式裝修，聲音在環境中反彈，聊天相當辛苦，更辛苦的是那幾位服務員，暗角太多，很難照顧周全。服務員中有純正韓國人，懂聽廣東話，但是要溝通需用廣東話夾雜英語，又是令客人落單時非常辛苦。添茶上菜都有夠慢。開胃的Kimchi數量很少，來了八款，我們想要多一點Kimchi卻只能多叫兩小客，再加需再收費。各款食物味道只是中等。以每位$190又其實吃得不飽，服務又不好的話，單在銅鑼灣我已寧選區內有兩間分店的那家韓燒餐廳，這一家別叫我再幫襯！

聞名已久,好朋友又總推薦說很好吃,她常常去吃,還看了阿So介紹,於是就去了試試,到世貿中心一看原來搬了去13樓烤肉點了牛肋骨和牛肉,然後叫了牛肉鍋麵,全部包括前菜都很好吃,比我上次試過的銅鑼灣某間新開的韓國菜館好一些,價錢也比我想像中便宜,不過那兒好像人手不太夠的樣子埋單時又知道有蘋果送和現在有九折,真好!

相隔差不多一年再度光顧, 店子原來已搬到十三樓了, 幸好仍是在世貿廣場, 否則可能已經撲個空了.裝修來個煥然一新, 落地的大玻璃, 已經是一大賣點, 再配以無敵海景, 要顧慮的只恐怕是顧得眼前的美景, 忽略了美食當前.午餐仍提供定食, 而且價錢在這百物騰貴的日子中沒有漲價多少, 實屬難得.我和太太分別點了一客人蔘雞定食和一客辣牛肉湯定食. 等了差不多二十分鐘食物才端上檯, 前菜中的泡菜叫人失望, 不酸不辣. 人蔘雞鍋足有半隻雞, 份量十足, 不過似乎欠缺一點火喉, 蔘味沒有滲到雞及粥之中, 而咬一口人蔘也只有淡淡的蔘味. 辣牛肉湯味道中規中舉, 有點奇怪不是韓式的辛辣, 材料方面以牛肉輔以大量蔬菜, 當中以大蔥為主, 不過牛肉相當新鮮而且肉味濃郁, 值得一讚!星期日中午的銅鑼灣人多車多, 難得有一處坐得舒服又有靚景的地方, 縱然食物只是普通, 也絕對有其吸引我再來的地方.埋單不收加一, $99 + $79.

若大家食開百零蚊位的自助餐韓燒,強烈建議可以三餐當一餐,試試名家的正宗韓燒水準一定要試的是五花腩肉,雖然看見那半塊肥肉已怕膽固醇過高,但煎好後的味道絕對不是一般肥肉可媲美除此,正宗韓式鍋亦是這裡的主打所在,海鮮鍋一般但牛肉鍋卻味美非常,大量的蔬菜令湯底愈煮愈甜(當然本身是泡菜湯底),牛肉份量不多,但吃配料亦十分足夠,記緊要白飯撈湯,兩三碗飯輕易完成也小食除了大家推薦的牛肋骨外,喜歡吃煎餅的朋友可試試泡菜煎餅,然而此菜的水準不甚穩定,要撞手神清淡一點可試試海帶年糕湯,味清而且絕無多餘調味,作為韓燒前的暖胃熱身菜十分恰當