名人私房菜

今晚和家人来到呢间尖沙咀的私房菜餐厅，每枱客人都有独立的房间，最啱和家人或朋友聚会。餐厅会因应客人数目而决定菜式，我地就相信厨师啦!花雕蛋白蒸鲍鱼鲍鱼大大只，蛋白酒味浓郁，将看似简单的家常菜变得不简单蒸海班鱼既新鲜又大条，很有家的味道鲜鱼汤什菌鱼汤香甜，配上娃娃菜和什菌，好fresh秘制猪手—推介!!猪皮脆卜卜的，调味有点像酒楼的蒸凤爪，但啖啖肉金银蒜粉丝蒸扇贝带子好大粒，调味刚好，可带出带子的鲜味芒果布甸一上菜—哇!好可爱呀!鲤鱼造型的布甸，设计很有心思，配上花奶，好正…查看更多

朋友生日，当然由她选择地方，佢话见食评唔错，想试，我当然唔会 say NO 啦。早一个星期打嚟订位，然后对方 WhatsApp 菜单比我，冇问题就落订，佢都跟得几好。当晚菜单：1. 花雕疍白蒸蟹唔错，啲蛋滑同埋够酒味 2. 黄金虾一般，冇乜惊喜，但又唔算差 3. 蒸海班呢碟唔得，好奀 4. 苹果咕噜肉呢个好食，正 5. 鲜鱼汤杂菌呢个最后嚟，刚好，因为够清，而且汤底唔错 6. 金银蒜粉丝蒸扇贝好好食，加上够热 7. 糯米鸡呢个好好食，只鸡好嫩，啲糯米饭正 ，不过要提一下，糯米饭要快食，唔好放太耐，因为放太耐会硬.8. 大白莱猪肺汤呢个又系唔错，啲大白菜正 9. 甜品芒果布丁，唔错，唔系太甜，够滑 奉送汽水一罐整体唔错，而且可能早订，所以有房，不过佢嘅地方唔大，如果想订房就要早啲 book.…查看更多

本来满心期待的上去，一开门就呆一呆，所谓大厅根本太细，放了两张大台，每张9人都很迫，有几位仲要坐圆櫈，而且冷气非常不足，未食已经一身汗，念住环境唔掂，食物好都可以弥补下，点知一样失望。最唔掂个大白菜猪肺汤，未够火喉，清淡得过份。:(…查看更多

前几日同朋友聚旧，就同佢哋拣左去呢间私房菜。咁我哋去食之前就打电话去预约，咁预约嘅时候就顺手落埋菜单，总共有一个汤、六个𩠌同一个甜品。萝卜煲猪肺汤个汤有浓郁嘅猪肺味，非常足料，加埋萝卜嘅清甜，完全将成个汤升华到另一个境界。顺带一提，个汤冇落味精，饮完完全唔觉口渴。鲜鲍鱼蒸蛋碟蒸蛋非常嫩滑，蛋味香浓，配以鲜鲍鱼嘅鲜味，令到成碟蛋不平凡。蒜蓉粉丝蒸带子带子非常新鲜，食落非常弹牙，配埋蒜蓉、豉油、粉丝，令到成碟菜式非常美味。重点系佢地啲带子唔同一般酒楼，佢哋啲带子肉系黐住个壳，证明系新鲜嘅，唔同酒楼咁重用个带子壳然后摆只急冻带子落去。真心推介！清蒸石斑鱼条鱼非常新鲜，啲肉很滑溜，配埋一堆葱同姜，令到成条鱼一啲腥味都冇。黑椒炒大虾大虾有好多虾膏，黑椒嘅份量恰到好处，啱啱好可以辟到腥味，同时又唔会盖过虾本身嘅鲜味！猪手猪手块皮炸到卜卜脆，但系啲肉好软林林，比起一般酒楼整嘅猪手好食一万赔！上汤浸时蔬啲菜系厨师拣嘅合时蔬菜，所以非常新鲜，用埋上汤去煮，完全系可以将啲菜嘅鲜味带出。两者简直系绝配！芒果布甸鱼个甜品就系芒果布甸，但系佢系非一般嘅芒果布甸，因为佢地将芒果布甸整成一条鱼咁，睇到嘅时候真系好似surprised！…查看更多

老友话约系呢度食私房菜，好啦既然吹到鸡，又讲到私房菜唔系成日有机会食，当然赏面啦。一黎先饮碗猪肺汤先，一饮就知道系老火汤，仲要系足料果只添，味道系相当甜又够晒润肺呀。第一道菜系糯米鸡呀，将原只鸡用荷叶蒸，糯米将原只鸡既精华吸收晒，所以相当入味。至于鸡肉够弹牙，糯米又够口感，唔错。再黎系水蟹蒸蛋白，蛋白蒸到相当嫩滑，口感滑到入喉咙，味道丰富，将水蟹果阵鲜味渗晒入去，仲有花雕酒既独特味道，令蛋白味道更鲜更好味。跟住碟海鲜系鼔汁蒸白鳝，白鳝相当肥美，令人爱不释手，白鳝肉质更加系劲嫩滑，表面既脂肪与肉质混合，更觉鲜味，当然份鼔汁相当惹味呀。南乳炸猪手系今晚最后既𩠌，炸猪手阵皮相当脆口，猪手肉炸完都好够滑溜，至于味道就充满南乳味道，仲系相当入味添，惹味之选呀。…查看更多