一黎先飲碗豬肺湯先，一飲就知道係老火湯，仲要係足料果隻添，味道係相當甜又夠晒潤肺呀。
第一道菜係糯米雞呀，將原隻雞用荷葉蒸，糯米將原隻雞既精華吸收晒，所以相當入味。至於雞肉夠彈牙，糯米又夠口感，唔錯。
再黎係水蟹蒸蛋白，蛋白蒸到相當嫩滑，口感滑到入喉嚨，味道豐富，將水蟹果陣鮮味滲晒入去，仲有花鵰酒既獨特味道，令蛋白味道更鮮更好味。
跟住碟海鮮係鼔汁蒸白鱔，白鱔相當肥美，令人愛不釋手，白鱔肉質更加係勁嫩滑，表面既脂肪與肉質混合，更覺鮮味，當然份鼔汁相當惹味呀。
南乳炸豬手係今晚最後既餸，炸豬手陣皮相當脆口，豬手肉炸完都好夠滑溜，至於味道就充滿南乳味道，仲係相當入味添，惹味之選呀。
