同撈同煲 (堅拿道西)

营业中

休息中

一直好想帶兩老去試試九龍城的同撈同煲火鍋，不過因為他們不想過海，所以一直未有機會吃到。但終於等到它正式進駐銅鑼灣了！餐廳以70年代風格作主題，有海鮮檔、牛肉佬、茶水部、戲院等等，好適合打卡，並主打自家秘製特色湯底的港色火鍋，有近百款配料選擇。當晚以年輕人來慶生具多，切餅時餐廳更會播放港式慶生歌贈興呢，氣氛不錯。*醬料 $15 每位*《芫茜皮蛋魚頭鍋 $148》湯底鮮甜可先飲用，很滋陰，之後作火鍋湯底亦不會愈食愈咸。《安格斯牛肉 細 $188》肉質好嫩，口感軟腍有溶化感，肉味帶脂香好吃。《花雕醉雞 $88》雞肉有酒香，嫩滑。《灌湯小籠包 $38》皮薄多湯，肉餡香甜。《脆鯇魚片 $78》鮮甜爽脆。《鴨血 $58》嫩滑不易散《滑豆腐 $28》火鍋必須有。蔬菜點了季節的《西洋菜 $38》，新嫩無渣。炒絲、烏冬吃得多，但《銀針粉 $38》作火鍋配料真的第一次吃到，很喜歡！ 《青島(大) $30》用戰爭碗作杯，更有氣氛及感覺。甜品有驚喜，《懷舊啫喱》配花奶再插上兒時回憶的紙傘，簡單好味；另外更有《鯉魚年糕(糖不甩)即製》特別在是以火鍋湯底煮腍，再剪件黏上黃豆粉，味道完全不會有火鍋湯味，軟綿香糯。有

一個有主題嘅火鍋，主題仲要係懷舊。周圍嘅牆身掛上好多印有60,70年代廣告宣傳海報。檯檯凳凳，甚至碗筷都有一種懷舊嘅感覺。侍應十分細心，見到湯底就快冇水，就好快加水，又幫忙隔走湯入面嘅油。湯底就揀咗一個清清地，冬甫美人鍋 $198湯底入面有半隻雞﹑一塊冬瓜﹑准山﹑仲有桃膠，湯底煲滾可以直接當老火湯飲，建議先落菜﹑之後先放肉，可以保持湯底原汁原味！等待湯底滾期間，可以叫小食食住先。煎午餐肉同麻辣糖心皮蛋。煎午餐肉一改我對午餐肉嘅油膩感覺，賣相好，煎到午餐肉好金黃，咬落又唔會成口油，十分香口，麻辣糖心皮蛋賣相唔係咁討喜，但果種辣好入味！叫咗好多唔同配料都好新鮮。蓮藕片﹑鮮腐竹﹑娃娃菜﹑銀針粉﹑水晶牛肉。特別在於水晶牛肉，同雞蛋一齊搞拌放入鍋，出鍋嘅時候，有一種食緊窩蛋牛肉嘅感覺，好味！本身係有甜品送，但太飽，所以冇要到！整體係唔錯！

呢排天氣凍凍地，最好梗係打個靚邊爐暖下啦。諗諗下不如今日試下d新開嘅邊爐！搵到呢間係時代廣場對面冠景樓嘅「同撈同煲」火鍋，係九龍城店嘅分店，去到冠景樓行兩層樓梯就到～餐廳外掛住一個懷舊霓虹燈「同撈同煲」招牌！入門口仲會見到個蝦缸，標榜火鍋用嘅蝦都係新鮮札札跳嘅！餐廳裝修主打懷舊風，背景音樂仲會播住我未出世已經熱唱嘅懷舊金曲，成件事match哂～ 湯底選擇好多，見到有個期間限定嘅胡椒豬肚少爺雞湯用無激素雞嘅，我同女朋友既鐘意胡椒豬肚又鐘意雞，一定要試！火鍋配料選擇都好豐富，淨係牛肉都好多種唔同嘅部位揀，仲有好多種手工餃、丸同滑，我地至鐘意食手工滑！============================== 我地叫左一枱野食好正～胡椒豬肚少爺雞湯 $238 本身以為d雞已經預先落左湯，原來少爺雞係我地面前先落落胡椒豬肚湯度，份量都好多！雞件食落好似食緊走地雞果種口感，好正！煲滾未打邊爐前飲啖胡椒豬肚湯，暖笠笠～ 鱔片 $98 脆鯇骨腩 $88 白鱔片夠哂新鮮，正！脆鯇骨腩夠爽口，只有一條大骨，怕骨嘅我都啱食！蟹籽蝦滑 $98手打蝦滑嘅蝦好彈牙而且非常足料！平時都好鐘意食蝦滑嘅我地幾乎想嗌

原來的九龍城名店開到銅鑼灣，今晚就約了住港島的朋友來一睹其風采環境相當地道的港式火鍋店，牆上畫滿港式漫畫，座位舒適，滿多空間的服務很貼心，周不時會為你去火鍋油，也很有禮貌！食物胡椒豬肚少爺雞湯$238非常濃郁的雞湯底配大量黑胡椒跟豬肚，口味微辛辣而開胃，雞+豬肚的味道濃而不膩，走地雞肉彈牙而不肥，充滿雞香味，很正！黃金炸魚皮$98不得了！新鮮炸起的鹹蛋黃炸魚皮，口感鬆脆， 鹹蛋黃份量夠多，完全無需放湯就這樣吃熱辣辣！完全是完美的邪惡食品！黑松露墨魚滑$98松露味濃，口感彈牙，不錯鳳城水餃$88外皮超薄，裏面肉跟菜的比例剛剛好， 入口味道濃郁而且不膩，很欣賞這個菜式牛骨髓$78就非常普通嘅牛骨髓，不過煮一煮很快就變軟稔， 加在濃厚的湯底中特別美味田園拼盤$78份量很多，有油麥菜，黃芽白，蕃茄，粟米，非常新鮮姐水份充足，出色！梅花黑豚肉$108肉質稔軟，口感不錯！沒有要挑剔的地方， $250. 一人吃得超飽，抵食度10分！

九龍城同撈同煲 地址: 銅鑼灣堅拿道西10號冠景樓2樓B號舖====================移民高峰潮殺到，兩年內已有十個以上朋友舉家離開香港食飯送別，心情矛盾及依依不捨, 以往熟悉的好友飯腳都換人了。胡椒豬肚湯，冬天飲會好暖肚，仲有雞件，滾起先飲湯，大大個豬骨筒。梅花黑豚肉 $108 薄切好快熟，好好味豬係我最愛。豬肉片肥瘦分明田園拼盤$78屬必點，對於女生多吃菜有益又唔怕肥墨魚滑呀，浮起食得好彈牙呢黃金炸魚皮，鹹蛋皇呀，沒有不吃的理由，脆卜卜。永遠懷念已飛到LONDON落地生根的好朋友, 有緣希望去英國旅行時再會。

天氣凍左，最好當然係打邊爐啦！打邊爐除左食物，氣氛都好重要。銅鑼灣同撈同煲，氣氛絕對撘夠，懷舊風十足，適合三五好友相約聚會的好地方！首先叫個靚湯底：冬莆美人鍋（$198），湯底有竹笙、魚肚、花膠、冬瓜、菜，仲有雞半隻，非常足料！呷一口湯，非常溫暖！打邊爐最重要係配靚肉，仲有即炸響鈴（$58），咬落脆身，輕輕浸湯又入味。特級手切牛肉（小/$308），質素好好，份量都夠2個人share。梅花黑豚肉（$108），黑豚肉砌成花朵型，原來份量好多，好襟食！飯後免費贈送的啫哩杯，繼續懷舊風。

之前去九龍城食野已經經過見到有間好懷舊feel的火鍋打算下次食，點知佢竟然係銅鑼灣開左，咁就轉去試港島店啦。一入到去真係淨係裝修已經好似返左去70-80年代，播的歌都係許冠傑，羅文，葉麗儀等等。一坐低店員會即時幫你用滾水洗餐具，亦會介紹有咩出名。限定胡椒豬肚少爺雞湯落雞之前店員建議先飲一碗湯，冬天飲胡椒湯好暖胃。雞係用無激素雞，雞皮薄，脂肪少，肉好滑。海鮮套餐 （6隻蝦，2隻鮑魚，2條蟶子，2隻帶子）全部都好新鮮，而且清潔得好乾淨，食落爽口彈牙。老友鬼鬼（黑松露墨魚滑）推推推🙌🏻🙌🏻🙌🏻新鮮炸，好脆！絕對唔似其他鋪頭油炸鬼會韌或者有油益味。配左喼汁好開胃，就咁當小食食勁快食晒，冇用黎打邊爐😂四寶餃（養顏美人餃，鳳城水餃，鮮蝦雲吞，韭菜餃）全部自己包架，一食就食得出，同平時出面食既餡料味道唔同。推介試養顏美人餃👍🏻👍🏻👍🏻，入面有椰菜同桃膠，既特別又好味。甜品有懷舊遮仔啫喱，一見到就好開心，好有童年回憶。最後的糖不甩真係驚喜位，店員首先將2條「錦鋰」放入個湯度煮，煮到咁上下就剪開細細舊放落碗花生碎度撈，再靚靚排返位上碟。新鮮熱焫，仲好味過平時糖水鋪食😍好滿足的一餐，氣氛好，店員服務細心，

終於有d凍凍地的感覺， 於是約左好朋友去打個邊爐， 銅鑼灣堅拿道天橋附近有一棟大廈好多火鍋店， 今次揀左九龍城同撈同煲。餐廳裝修以懷舊做主題， 背境音樂播緊呢期最hit的梅姐歌曲， 舊歌真係百聽不厭。朋友仔揀左冬甫美人鍋， 因為貪佢有冬瓜，打邊爐無咁燥， 美人鍋有大量蟲草花， 冬瓜， 雞，桃膠。店員叫我地飲湯先， 果然個湯甜到暈， 有雞香甜味， 冬瓜吸收哂湯的雞香味， 冬瓜呢個配菜變上菜。封門柳， 色澤較為深色， 以為麻麻地，點知原來滾一滾， 牛肉呈現粉紅色就食得， 牛肉好軟，牛味濃， 好食。海鮮點左店員推介， 有鮑魚， 大元貝，海蝦， 海鮮每樣都好新鮮，好有海鮮甜味， 由其海蝦， 非常彈牙爽口。最後， 甜品係糖不甩， 糯米整成金魚， 再放放入湯底去煮， 煮完後， 再放上大量花生碎， 入口有甜絲絲感覺。

今晚二人前食晚飯， 天氣涼涼地最啱打邊爐，餐廳位於堅拿道西10號2樓， 九龍城同撈同煲， 唔好攪錯九龍城果間呀。 餐廳裝修以懷舊為主題， 令客人可以懷念下往日的香港， 背景音樂播放廣東話舊歌， 如上海灘等等， 集體回憶返哂黎。入座後， 店員會用滾水喺食客面前，將食具消毒， 大家都食得安心d啦。 之後問下店員有邊個靚湯底介紹， 佢就介紹胡椒豬肚少爺雞湯，同冬甫美人鍋係推介湯底。 咁今日同美人食飯， 當然叫美人鍋啦。 另外， 佢地又做緊"賣魚勝推介"8頭鮑魚x4, 大元貝x2 或 聖子王x2, 海蝦x6, 價錢吸引。 於是又叫埋。二人晚餐冬甫美人鍋8頭鮑魚大元貝海蝦極級封門柳懷舊蝦多士鴛鴦滑 (黑松露墨魚滑， 蟹籽蝦滑)油麥菜紫背天葵冬甫美人鍋， 半隻大雞放喺鍋中間， 吸睛打卡一流，美人鍋材料有冬瓜，蟲草花，  桃膠，店員先叫我地試湯底， 湯底雞香味香濃, 當湯飲一流， 誠意推介。鮑魚煮約3分鐘， 已經可以食用， 鮑魚彈牙鮮味， 吸收哂美人鍋湯味， 非常入味。大大隻元貝同海蝦， 元貝煮約4分鐘， 一樣係鮮甜味濃， 海蝦隻隻彈牙爽口， 蝦頭重有蝦膏， CP值超抵極級封門柳， 牛味濃郁, 有

呢幾日轉涼打邊爐最啱！Openrice見到九龍城同撈同煲個名幾特別，呢晚試吓～餐廳走懷舊路線，綠白相間嘅街磚、綠色窗花，仲播住八、九十年代張國榮、林憶蓮嘅歌，營造舊香港嘅感覺，最啱帶外國朋友嚟食飯感受吓舊時香港。火鍋湯底以港式味道為主，火鍋料種類選擇都唔少，有全份或半份選擇，兩個人嚟唔怕份量太多，可以叫多啲品種，亦有懷舊小食同自家製涼茶。落order之後侍應姐姐送上醬料盤，有保鮮紙封好比較衞生，而且仲用熱水幫我地淥一淥餐具，幾周到。=========================🔹胡椒豬肚少爺雞湯 $238凍凍地叫胡椒豬肚少爺雞湯暖吓身～ 有胡椒香，少少辛辣，唔會太辣易接受😋豬肚腍滑入味，冇雪氣味。少爺雞雞皮薄脂肪少，而且雞味濃，雞肉結實有口感，鍾意食雞嘅朋友必試！值得一提，侍應姐姐會主動幫手「遍」走湯底面頭嘅泡泡，好細心。🔹極級封門柳 $248打邊爐必備牛肉！牛肉色澤紅潤新鮮，肉味濃，雖然脂肪唔多，但入口滑唔鞋，放入湯底淥十秒左右就食得🤤🔹黑柏葉 $68黑柏葉每一塊都完整、唔會碎濕濕，侍應姐姐好細心，同我哋講淥八秒就可以，果然爽口彈牙🔹蟹籽蝦滑 $98手工蝦滑彈牙，裏面蝦粒好大粒又

銅鑼灣得一間同撈同煲，店內裝潢好懷舊，而且播返80-90年代嘅歌，同裝潢好夾冬甫美人鍋 - 食野前，先試一試湯，唔差，而且都算足料。洛神花茶 - 唔太甜，係幾好飲嘅，可以一試薏米水 - 同其他地方飲嘅同，佢無咩薏米係入面豆腐 - 唔差嘅，每舊嘅大細都差唔多封門柳 - 呢碟最值得讚，好重牛味，切嘅大細啱啱好，正五香肉丁墨魚滑（左）芝士蝦滑 （右）- 五香肉丁墨魚滑比較有新鮮感，但五香肉丁蓋過墨魚滑。而芝士蝦滑，芝士同蝦滑比例就啱啱好賴尿牛丸 - 佢可唔可以當乒乓波打我就唔知，不過真係幾彈老友鬼鬼 - 就咁食都好好食炸芋頭 - 個皮脆卜卜，好好食咸蛋黃炸魚皮 - 蝦籽分佈唔平均，但上菜時，熱辣辣同脆卜卜，好好食懷舊啫喱 - 個杯同把遮好有懷舊感覺

美人鍋 個湯味道有層次，有藥材味，飲得出唔係味精湯。同行朋友唔太鐘意藥材味，我就好OK，覺得係真才實料同埋養生。啲雞睇落好鮮，食落好滑，真係有雞味。炸芋頭就咁食好似好油膩咁，放左落煲滾到淋食一流，好粉百葉豆腐好新鮮，正常發揮雙拼 (蝦滑、黑松露墨魚滑)蝦滑個口感好，起到膠，食得出無乜落調味，好鮮甜墨魚滑個松露味好出，夠特別封門柳牛味重，厚生有肉感炸響玲 HIGHLY RECOMMAND 就咁食都好食，係即炸的!!!!!夠晒脆啫喱呢個甜品係餐廳送的!!!打卡都一流，仲上埋花奶好有心思餐廳環境係VINTAGE復古，乾淨，如果帶另一伴打邊爐又唔想咁麻甩普通，呢間岩晒!

最近同朋友嚟呢間懷舊邊爐店一齊打邊爐，全部嘢食都好新鮮，所以我哋都食得好開心😍😍😍😍😍😍雞湯打邊爐超級滋補，湯底濃郁😊😊😊😊和牛賣相好靚，油脂分布剛剛好，打卡一流🤣🤣🤣🤣🤣炸嘅小食同樣出色，上枱時脆卜卜，熱辣辣😍😍😍😍😍貴妃蚌珊瑚蚌同樣爽口鮮甜，必叫之選❤️❤️❤️❤️❤️其他食材同樣精緻，仲有平時好少見嘅小籠包，鳳爪，拎嚟打邊爐，感覺都幾特別😘😘😘😘😘😘

一早聽過九龍城同撈同煲出名價錢貼地又真材實料，不過雖然有左真興奮但要約朋友黎九龍城都唔係咁方便，所以我地就揀左銅鑼灣店。店內走六七十年代嘅懷舊風格，幾乎每個角落都係打卡位，背景音樂係80年代大家都耳熟能詳嘅經典金曲，一唁聽真係會忍唔住想唱返兩咀呀！醬芥$15/位，價錢合理，醬料唔算特別多款，但基本嘅都有。花雕醉美人鍋($178) - 足有半隻醉雞，再加埋紅棗同杞子，夠晒滋補，滾起先飲一碗試下，好香花雕酒味，而哩度加湯都係用普通清湯，唔會越滾越鹹，食完返屋企都唔會覺得口渴。冬瓜薏米水 & 杞子圓肉菊米蜜($28/枝) - 除左啤酒汽水，哩度仲有自家製涼茶，佢地嘅涼茶都係少甜版，感覺健康。安格斯牛肉($268/大) - 大份夠四個人食，牛肉切得厚薄適中，快灼幾秒就食得，入口幾滑。醬爆瀨尿牛丸($48) - 牛丸真係好多汁，一咬開就爆汁，要小心，食落都好彈牙爽口。鴛鴦滑($108) - 鴛鴦滑可以喺三款滑之中任揀兩款，我地揀左黑松露墨魚滑同蟹籽蝦滑，兩款滑之中以蝦滑較為彈牙，不過墨魚滑黑松露味就幾突出。娃娃菜($38) - 哩度嘅蔬菜都比出面大份，一份都差唔多等於出面兩份，幾抵食。紅薯粉($