同仁四季音樂主題餐廳 (已結業)

之前係深圳食過椰子雞，一試難忘知道荃灣都開左間之後就緊係要試下！以後唔洗去深圳咁遠嚕叫左個生態原味椰子雞鍋，餐墊上仲有教你點樣煮，煮幾耐啲雞先係最好食！一打開陣陣椰子香即刻湧出來😋啲雞煮得岩岩好，好滑好清甜～湯底好飲到我地每人飲左兩碗🤩配料分別嗌咗豬同埋牛，本身對配料冇咩期待但係佢啲肉都幾好食喎！雖然啲牛未到入口即溶，但係都差不多😆我哋食完一碟仲追加多咗一碟添！呢個醉雞丸，貪得意未試過所以嗌左，但係冇乜特別可以唔嗌呢個椰奶燉蛋十級推薦！！！濃濃嘅奶香再加上滑溜嘅口感，正👍Live music啲歌都幾好聽，令餐廳氣氛提升🎶

友人成日返大陸食椰子雞鍋，講到幾甘好食..唔喜歡返大陸既我，知道「同仁四季」黎香港開分店，一早卜定枱試一試。Live band 係佢其中一個賣點，當日分別有各一男女現唱，歌唱得不錯，可是場地不大，變相音樂太大聲，傾計..甚至侍應說話都聽唔到。另一個賣點，一定係招牌菜椰子雞。本身鋪頭有特定既方式整雞，表示會岩岩好，雞會好滑。可惜當日遇到大部分都係新人，連招牌椰子雞都唔識整，直接滾左好耐...雞肉很‘鞋’，像煲湯豬肉一樣....最後才告知不能這樣滾。可能佢請返大陸人關係，新人應該冇培訓，大多不知自己做緊咩，好似發緊夢，人手不足，服務其差。椰子雞（一份）$328湯好甜，好似飲緊椰皇甘...雞好‘鞋’藥膳雞丸（半份）$68半份只有四粒，肉質一般，有香濃花雕味炸響鈴$48沒特別，比平常吃的細件田園拼盆$68竟然有冰菜，有營粟米不算貴手切肥牛（小）$208牛肉好味，好薄入口溶，但分量很小三人食左差不多一千...整體偏貴，食物一般，我不會再去..

位於荃灣中染新城一樓的同仁四季音樂主題餐廳，主打火鍋。餐廳旁便是愉景新城，食客可以購物完再來吃個火鍋。而且中染新城有天橋直達荃灣地鐵站，位置方便。這火鍋餐廳的賣點是可一邊吃火鍋，一邊聽Live Band。門口的海報寫著：每天都是演唱會，這口號頗為有趣。用餐當晚為星期三晚上，入座率也有八成。餐廳的面積廣闊，其中一面則是舞台。點了生態原味椰子雞鍋 （半份）。如果二人來吃半份也頗為足夠。下單後侍應送來了湯鍋和半隻生雞。用了餐廳建議的方法去煮椰子雞。首先侍椰青水煮沸，再將雞肉放進沸騰的椰青水中，再煮沸後，合蓋熄火焗6分鐘。桌面上更有一個小型沙漏，可讓食客放在鍋頂計時六分鐘。用餐當晚歌手約於八時至九時表演，唱了一些流行歌曲如小幸運、囍帖街等，唱得頗動聽，氣氛也相當不錯。今次安排在近舞台的位置，音量會較大。片刻後，椰子雞煮好可以吃了。湯底是椰青水，味道十分清甜，一開蓋陣陣椰香撲鼻而來。湯底和雞肉同煮後，更有了肉的鮮味。雞的用料頗為新鮮，所以質感頗滑。而且雞隻的肉質實淨及飽滿，雞皮也不會好韌。去了皮的椰子肉也值得一試，口感清新而爽口。吃了一兩件雞後，可吃一件椰子肉平衡一下。剛入座時店員為我們倒上了豉

有同事喺荃灣嗰頭返工就話發現左最近開咗一間新嘅火鍋店，用音樂來做主題，約咗我去食晚飯。裏面環境顏色配搭都有少少浪漫，仲有現場樂隊即時唱歌，就算無人唱歌嘅時間都會播一啲其他地方嘅現場樂隊嘅音樂同埋短片。雖然用音樂來做主題，但係嘢食嘅種類一樣非常之多，座位亦是非常舒適。濃湯鹹豬骨窩＄188首先試一口湯，個湯味非常濃郁，有好多豬骨喺裏面仲黐住好多肉，裏面仲有啲菜可以提升個味道。西班牙杜洛克豬豚肉＄198細份朋友本身話想食牛肉，但係見到呢個豬肉咁正，個名好特別，就試一試。估唔到豬肉都可以咁正，味道真係唔錯，同平時食啲豬好唔同，真係要來試吓。豬紅＄38總共有九粒，冇咩特別味道，但係打邊爐就係要食下佢，質素OK !蟹粉包心丸＄38裏面個口感好似蟹子，真係唔錯。日本芝士魚蛋＄48芝士魚蛋同平時我哋食嘅包心丸有啲唔同，佢個口感係比較林，而且裏面嘅芝士味道好香濃但係會比較水，勁得意。黑椒牛筋丸＄38如果鍾意黑椒味一定要叫黑椒牛筋丸，平時食嘅黑椒牛筋丸都冇咁濃味，呢個直情有好多合照係牛筋丸裏面，唔係淨係好細粒嘅黑椒粉，係真是真材實料。不過都要提提大家有茶界同埋醬料，每位＄20 ,有得飲蕎麥茶，不過個茶壺就

係內地知名度高既音樂餐廳，依家黎左香港開分店，朋友推薦之下就去左試一試~環境氣氛好既餐廳，現場有樂隊表演，非常熱鬧，好似去左演唱會咁，十分適合與朋友聚會~餐前會有各種調味料for自制醬汁，種類多~椰香雞湯底，煮滾既時候椰子味飄曬出黎，入邊仲有一絲絲既椰肉，食落都非常甜~分開上既雞件，冇乜肥膏，仲好爽滑~手打墨丸，超級彈牙~仲有呢到推薦既蟹皇丸，非常鮮甜，絕對要一試~當然唔小得響鈴，索曬d椰子湯勁好味~

平時好少去荃灣食野，今次朋友book左呢間係愉景新城隔離嘅同仁四季音樂餐廳，話係大陸好出名，叫我地一齊去試下。原本以為都好偏僻，但係其實係地鐵站行過去都好快好方便，唔難搵。店舖好大間，d位好寬，我地6個人比左張圓枱我地。中間有個台，隔一陣就會有band上去唱live,都係d 年輕人鍾意嘅歌，都唱得幾好聽🎤講番食物，呢間最出名就係椰子雞，我地就叫左兩個鍋，半分椰子雞，半份養生淮山黑杞子雞鍋，試下唔同味。 一上椰子鍋入面只係得椰子，生雞半隻另上，心諗咩都冇有冇味ga🤔之後職員過黎放左隻雞入去，話到滾左之後，細火焗多6分鐘，有個漏斗仔幫我地計時間。佢仲話d 雞係新鮮直送，朝早送到即剖，叫我地食嘅時候一啖湯一啖雞。佢真係冇講錯，第一啖湯一放入口，未飲過咁清甜嘅湯，好甜好好味。雞肉的確好嫩滑。另外佢有比辣椒，生薑同埋青檸，按個人口味加入豉油到，用黎點雞食。而另外個淮山黑杞子雞鍋味道比較濃，湯冇椰子雞咁清甜，但係雞肉相對比較入甜，唔洗點豉油都得。打邊爐我地叫左兩款肥牛，一個安格斯肥牛，一個本地手切鮮肥牛。本地個款貴d 以為好食d,佢肉味係濃d,不過口厚有d 硬，可能真係涮幾秒就要食。所以我比較鍾意

去完中染行街後，book了枱來同仁四季打邊爐，見開飯的介紹文咁正，梗係同屋企人黎試下啦，好彩有book枱咋，是晚全場爆滿，walk-in有排等。六點多一開門便來到，店內已有數枱客人打緊啦，店很大，裝修時尚，超高樓底呀！唔講得少係有live band嘅，無諗過打邊爐都可以咁潮呢～點了湯底後店員送上調味品，辣椒，南薑，青檸，呢幾樣同椰子雞湯底最夾，不過如果要重口味，都可以要求full set的調味格。餐具好靚呀，又乾淨。生態原味椰子雞鍋（半份）（$188）等左一陣湯底就到了，點了椰子雞湯，一黎介紹文中似乎呢樣最正，二黎呢個湯底價錢較相宜。半份雞件也真不算少，店員教路煲滾後再焗就食得，咁樣啲雞唔會老哂，枱上個漏斗就係咁用的。唔講得少，湯底十分清甜，純椰子水的清雞湯，雖然都有少少油，但飲落完全不膩，湯好飲，雞好食，幾乎想叫個白飯做泡飯。太好味，飲哂啲湯先開始打邊爐。白鱔片（$88）弄成一圈一圈形狀的，賣相美觀。鱔片厚身彈牙，非常鮮嫩，全完無腥味，是近期食過最正的鱔片。秘制手工魚腐（半份）（$58）好大粒，豆腐同魚肉混成，入口軟腍，沒過多調味幾好食。鮮冬菇（$38）好大隻厚肉，食落爽口。糯玉米（

近排真係有好多中國過江龍啊！呢一間聽聞都係主店在中國呢！係咁多間火鍋店裡面，得夠突圍而出係因為呢間竟然有live band! 火鍋加live band呢個combination 我都係第一次嘗試咋。我同朋友二人係前一日訂位，然後今日就來了。我地7點半去到差唔多已經有8成座滿了，台上亦有live band表演緊。我地叫左呢到既signature, 心態原味椰子雞鍋作我地今晚既鍋底，聽聞之所以係signature, 係因為除左椰子雞同一片片既椰子之外，個湯底係 椰 子 水 黎架！餐廳建議先煮好雞，食晒d雞先加其他野食，就好似食雞煲咁。我地兩個人叫左半份雞，雞真心好滑好滑，再加上被椰子水既洗禮之後，雞肉好入味，仲帶著椰子水既清甜。之後我地就食左一系列既配料啦！率先要食既當然係「西班牙杜洛克豬頸肉」同埋 「頂級手切安格斯肥牛」，肥牛加埋個椰子雞湯真係不得了，除左戈肥牛肉味重之外，有一陣甜味湧出來，我同朋友都讚不絕口！另外，我地仲叫左手打墨魚丸、稻庭烏冬、芋絲，個鍋愈滾 d野食愈清甜☺️

呢排天氣凍凍地一定係選擇打邊爐，但係打邊爐要就要有啲特色。呢間係荃灣中染大廈新開嘅音樂主題餐廳有少少似內地嘅音樂吧，幾有氣氛。食嘢嘅過程中仲有兩對Live Band現場演出，氣氛熱鬧。濃湯鹹豬骨窩＄188個味道都真係幾香濃，而且有好多豬骨同埋菜喺裏面，材料非常豐富，絕不欺場。頂級手切安格斯肥牛＄198細份見到佢個花紋已經心花怒放，感覺好踏實，脂肪同埋肉質嘅分布平均，而且顏色好靚，好新鮮，溫度亦都係適合直接用作打邊爐之用。的確食起上嚟口感好鬆軟，有淡淡的牛香味。極品生拆蟹皇丸＄88半份睇表面冇咩特別，係一個橙色黃色嘅肉丸，但係食起上嚟裏面真係有好多蟹肉，鮮味十足！黑松露鮮蝦餃＄68半份黑松露鮮蝦餃嘅黑松露味未算非常突出，反而鮮蝦口感就比較出眾，裏面亦都有大大舊肉大件夾抵食。另外外皮較薄，食起上嚟也比較滑身。新竹米粉＄38怕唔夠飽叫咗個煮食新竹米粉，比平時食嘅新竹米粉好似冇咁有彈性，可能各出產地方質感都唔同，就比較爽口少少，同其他新竹米粉一樣熟後呈透明顏色。茶就係蕎麥茶，除咗豉油之外仲有辣椒、青檸等等嘅配料，每位茶界及醬料費總共是＄20。

天氣凍冰冰，最啱圍埋係邊爐隔離一路食一路取暖。記得早前行過愉景新城發現呢度啱啱開張，可惜未有時間黎會一會佢。今晚終於約到朋友品嚐一下呢間椰子雞究竟點樣好食法。一入黎覺得呢度似Ｋ房多過餐廳，因為現場樂隊唱住歌，配合埋個環境好有FELL。咁啱今晚嘅歌曲大部分都係陳奕迅嘅歌，好似天下無雙／陀飛輪／歲月如歌等，我地都邊食邊跟住唱。期間仲有林俊杰／田馥甄等台灣歌曲，主音都唱得幾唔錯，為我地呢餐生色不少。椰子雞之前都係旺角食過，覺得清清地嘅椰水湯底幾啱近排咁乾燥嘅天氣食，可以滋潤一下身體。椰子雞鍋點左半隻，再點多幾樣火鍋配料，兩個人食啱啱好亦都唔會造成浪費。由火鍋上枱到湯水滾起落雞肉，店員都全程幫我地睇實，確保我地食到最嫩滑嘅雞肉。其實有左呢個藍色漏斗計時，我地都知幾時可以食的了但店員嘅貼心真係加分不少。椰子鍋好了之後店員更先為我地隔去多餘雞油，等我地可以先試清甜嘅椰水。因為個湯底全用上椰青水做成，飲落清甜回甘，浸泡雞肉後湯汁更多了一層肉香嘅醇厚，絕對值得飲返碗湯先開始食。因為雞肉其實係浸熟嘅關係，所以肉質保持嫩滑就算係雞胸位都唔會鞋口，同埋係採用新鮮文昌雞嘅關係，肉味比較香，加上由辣椒／南薑調配

去完Ikea就去打邊爐，睇過網評同仁四季相當有特色，內地有十幾間分店，有好的明星幫襯，又有live band，好有gimmick。裝修好modern，樓底夠高，坐位舒適，正中位有個stage 表演。生態原味椰子雞鍋/半份 ($188)自家農場養鷄，飼料係米糠和椰子餅等，好健康咁。先等椰子水煲滾，關火，再放鷄肉焗幾分鐘，然後可以開動。湯底4個椰青水1個椰皇水煲，滋潤不燥熱。先食鷄喝湯再火煱是常識吧，唔止咁，店員建議食一啖鷄肉，再喝一啖湯，仲要先食鷄胸肉開始，咁就可以食到最嫩的鷄肉！雞肉唔肥，肉質結實，鷄味濃郁。椰子肉都好嫩，個湯又好清甜，未食火煱已經飲左幾碗湯。醬汁有特色，醬油加上金桔、沙薑、泰椒，令到個sauce很清新。(醬料$20/位)田園拼盤 ($68)冰菜、南瓜、玉米、娃娃菜、唐生菜和皇帝菜，蔬菜種類特別，而且切得很好，非常乾淨。先食蔬菜，可以延續清甜的椰子水帶到蔬菜裡。西班牙伊比利亞黑毛豬豚肉 小份 ($198)粉紅色的肉片很新鮮，切得很薄，有質素的肉可以半熟食。長腳蟹肉小水餃 半份 ($68)，水餃不只有蟹肉，仲有蝦肉，混合豬肉一齊包，很扎實，餃皮用雲吞皮很薄，美味。養生藥膳

如題！本來以為只是gimmick，但意想不到氣氛好好，而且食物和服務我都很滿意，定價不便宜但物有所值就是了。餐廳開業不久，地方很新很整潔，用具都美～由於有liveband唱歌，我覺得如果想和朋友聊天就有點難，但聽到有共鳴的歌可以一齊唱～（笑）首推椰子雞湯底！！餐廳不用任何味精，真材實料。先放入椰子肉到椰子水湯底中，待水滾，再放入雞肉，關掉電爐，以水的熱烈「蒸」熟雞肉。以沙漏計時，大概「蒸」三分鐘才可以吃。其間傳出陣陣椰子香味～其實我本來覺得很奇怪，雞肉竟然不用猛火煮？店員解釋這樣雞肉不會過熟，更鮮嫩。強烈建議在打邊爐之前一定要喝湯，一定要！超級超級香甜，無味精的感覺真好！椰子水清甜，帶點雞味，椰子肉煙煙韌韌的，這樣吃我是第一次，一試愛上，回味無窮！無味精之下，雞肉也沒調味，這個形式去煮果然肉質較彈牙！本來我也怕煮不熟，但同仁四季用的電爐「火力」十足，溫度控制得超好！點了一盤本地手切牛，貴是貴一點，但無論是脂肪還是牛味都非常出色，果然是一分錢一分貨，好味的東西貴精不貴多。看得出餐廳在擺盤很軟心，走精緻的中式打邊爐路線。手打魚腐，真材實料吃得出來，適量胡椒粉調味，不嗆喉但無魚腥味，口感又如

今天與女兒往愉景新城行下，買新衣服過年，回程時經過中染新城，見一店門口放滿花牌，店名為同仁四季音樂主題餐廳，應該是新店開張，有新嘢，當然要試試啦！火鍋店佔地都好大，座位宽敞舒適，最驚喜的是店中有歌手唱歌的舞台，設有樂器，應該有Live Show睇，可能時間吾岩，我們在的時候只是播放歌手唱歌的影片，不過螢光幕都好大，音響設備完善，食客邊食邊聽，十分投入。生態原味椰子雞鍋(半隻)：在門口見到好大牌廣告牌推介椰子雞鍋，所以我們就點了這雞鍋試試。首先侍應將雞放在已滾的椰子鍋裏，椰子湯是用椰青水和椰子水調教，清香鮮甜。依照侍應提示和枱上的指示牌煮，就會有一鍋又鮮甜又嫩滑的雞，清甜的椰子湯非常可口，我們幾乎把整鍋湯飲清，要勞煩侍應為我們加湯食火鍋！手打蝦丸：味道鮮美，但口感不夠彈牙。桂花蚌(上圖)：只需灼一灼，不可灼太耐，十分爽口。鮮蝦雲吞(下圖)：即叫即包，皮滑餡鮮，新鮮美味！白鱔片：擺設精緻，鮮甜爽口又無骨，正！鮮炸響鈴：放入椰子雞湯裏灼數秒，響鈴吸了收了湯的精華，味香甜帶口感，很好味！皇帝菜：蔬菜類中我最喜歡的。又嫩又香。

見到雜誌介紹8咪半新開既四季同仁火鍋有live band 同椰子湯底，一直都好想試下今日終於有機會餐廳環境不錯，服務周到，加埋有live band感覺好relax今日遇到兩枱客人生日，歌手即場唱生日歌，全場拍掌恭賀，好有氣氛食物方面，為左椰子雞慕名而來，一定要點半份椰子湯鍋！半份有半隻雞，都好夠食湯底好清！椰子做湯底感覺好清新，一啲都唔會熱氣店員幫手放埋啲雞入鍋，然後有一個漏斗計時，六分鐘後就食到最嫩既雞啦飲左一啖湯底，真係好清甜！忍唔住飲多幾啖配料方面叫左呢個珊瑚蚌，$98覺得都算抵食，好爽口養生藥膳醉雞丸，真係有醉雞既味道，鐘意醉雞既必點呢個豆腐真係值得推介自家制滑豆腐，真係好滑！有啲似玉子豆腐但更重豆味朋友話想試冰菜，好似好多水珠係面咁，食落好爽口好得意叫左隻細既手切安格斯肥牛！雪花分佈均勻，入口即溶整體用餐既感覺良好，食物質素不錯，環境乾淨，live band 氣氛很好，值得一試

一入舖頭， 已經聞到椰子香味。 單點一個特色椰子雞鍋。 煮法很特別 ，先滾湯底，放入雞， 熄火，再用沙漏計時。 結果雞肉恰到好處， 湯底既鮮且甜。 食完雞， 飲碗湯後， 正式火鍋。 黃牙白很鮮甜。 再焯片本地肥牛， 牛味比美國肥牛濃，但又沒有羶味。 要介紹的還有牛白肉。 其實不是真的牛肉。 而是牛的軟骨組織。 一焯即起。 咬落有點煙韌， 有點脆， 十分特別。 還要推介手打墨魚丸。現在很難找到如此爽口彈牙的墨丸， 尋回兒時味道， 必食之選。 結尾來個椰皇燉蛋。奶味夠，很滑。 但要早點叫店員留貨， 因為限量發行。現場有 Live band, 也有點水準， 而且不是太吵。音量可接受。但桌子之間太迫， 差點可以夾人家的鍋來吃。