同仁四季音樂主題餐廳 (已結業)

識我嘅人都知我勁鐘意打邊爐，大學個時係晚晚都打。而我最鐘意嘅邊爐就係椰子雞，因為椰子係清熱，感覺上無咁熱氣，罪疚感少啲，仲覺得自己好養生哈哈。不過我次次都會去深圳廣州食，因為香港個啲真係無得比。當我知道同仁四季由大陸開左黎香港，我即刻拉朋友黎食！一入到去就覺得好有大陸火鍋嘅feel,如果你食過海底撈你就明。店員好熱情，仲教我地要點食。坐得都幾逼，而且live band都幾大聲，如果想同朋友聚舊傾計就唔適合。生態原味椰子雞鍋 (半份) $188文昌雞好鮮嫩，兩個人share份量剛好。湯底好清甜，有淡淡椰子香，唔會好假，每人飲左三碗。另外有椰子肉好嫩滑,唔係平時煲湯個隻。手打鮮蝦丸(半份) $58好彈牙，好有鮮味，唔洗點豉油都得頂級手切安格斯肥牛(小)HK$198有成21塊，好抵食，脂肪分佈均勻,口感唔錯，不過無咩肉味。手打生拆蟹皇丸(半份)＄88食完鮮蝦丸再食蟹皇丸會明白佢貴得有道理，味道濃郁，真係必點！另外叫左唐生菜同炸響鈴，最後兩個人食到好飽好滿足。價錢雖然比大陸貴，但我一定會再來！

荃灣商場愈開愈多餐廳，又一家新餐廳。面前放滿花籃，是吃椰子雞鍋的音樂主題餐廳。食物種類也算多，一般魚類、貝殼類、蝦蟹類、丸類、自家制餃類、肉類、豆類、 蔬菜類也有。想不到連燒烤類也有啊我們點了一個半隻椰子雞鍋，賣相排得整整齊齊店員姐姐幫我們逐件雞放進鍋裡然後等漏斗漏到另一邊就可以吃了先嚐一口湯，椰子湯十分清甜雖然帶有雞油，但喝下去都不會感覺油膩。至於雞件就相對不夠滑，雞翼部分會比較好。我和友人都愛吃牛舌就點了這個牛舌串燒一份有兩串，調味夠口感也不錯，如果厚切的話會更好啊接下來一定要吃這個自家制的黑松露蝦餃，有全份或半份，我們二人就點了個半份，半份有4粒。餃子有濃濃的黑松露味，超香的。而蝦是大大粒的，吃下去啖啖肉，好吃。必點頂級手切安格斯肥牛，很不錯呢，濃濃的牛味而且肉與亦很嫩，不錯第一次吃冰菜，好新奇的感覺，菜上面有像沾了冰一樣。想不到又真的不錯啊，菜帶點爽的感覺，有它獨有的味道一路吃還有現場band show聽，真令人享受呢

餐廳環境係非常之好，好過大陸，但是本人多次在大陸的同仁四季吃過無數次，食材，服務和氣氛不及大陸，始終我覺得大陸嘅品牌來香港是沒有發展的空間（員工問題），最簡單的東西是，註場歌手唱完歌，我覺得員工應該要帶動全場的氣氛啪手掌，用餐服務上，機本是自助，你唔叫服務員，佢地不會主動地幫你，食材太普通！最中伏係燒烤（牛舌$68 4小片）太薄冇口感，$68仲衰過魚蛋檔嘅魚蛋，請認真檢討！如果要比咁既價錢得到咁嘅服務、我永遠都不會回來！

聽朋友話這間椰子雞湯係深圳好出名，好多人冒名而去食既，咁見到黎香港開就去試下。未講食物前，尋晚去前就打電話去，諗住book枱。店員聽到後話唔需要，過黎就可以了，前面有四張枱。咁我就唔理了。就三四個字就去舖面。同個reception 講我地幾位。跟住她話暫時無位，要等一個鐘左右。而家好多人下??????點攪呀？跟住我同她講電話既對話，她話無可能囉跟住我問她有無飛仔？咁去要睇下自已排幾多號。她又話無，如果有位會打我。如是者，八點左右返到去，睇下有無未啦？同時間，有位book了位既客人黎到又問到？reception 姐姐手忙腳亂，咁少問題都攪到咁，最後隔多十分鐘先入到去。講返野食，主打椰子雞煲，得我同媽咪就試半隻。半隻雞，嘩，得咁少既🙈。成188元。同埋，味道偏淡，可能希望越大，真係有啲失望。唯有，叫啲牛肉，丸呀，埋單成七百幾。真係有啲貴

今日去左荃灣行新開既IKEA, 行完咁岩見到有間係音樂主題既火鍋餐廳覺得好得意, 就入去左試下.. 一入到去, 原來係有LIVE BAND既火鍋店~~ 真係未見過哩個組合..入到去就聞到好香既椰子味, 好多人都食緊"椰子雞鍋", 因為得2個人食所以就叫左份細既, 但係實在太後悔冇叫份大咖啦.. 因為隻雞真係好嫩好好食呀.. 加埋個湯底係勁甜, 係椰青水既湯底.. 真係食多D都唔會覺得熱氣呀!!當然打邊爐又點可以少得肥牛, MENU上都有好多唔同級數既牛肉可以揀, 我就食左手切既"安格斯肥牛", 一D都唔"鞋"口呀~~ 8成熟就最好食.. 有牛肉就緊係叫埋豬啦, 同樣都係有好多唔同種類有得揀, "西班牙豬"..另外仲有叫左幾款唔同既丸同餃, "日本芝士魚蛋"口感好得意, 好似1粒融左既糯米糍, 但係一咬落去入面又充滿芝士~~

收到傳單說有新店開張，於是帶老公去試試⋯ 宣傳單張上寫是一家音樂餐廳，名稱叫同仁四季，應該就是個「四」字吧以為是一家台灣過江龍，上網搜索一下，才知是在國內火火的一家餐廳。餐廳正中真的有一個小舞台給晚上表演用。我們剛好在試業期間來試食，有一個第二份午餐半價的優惠。午餐的選擇足夠⋯ 我和老公各點了一份，另外再加了一個小食。在來食物前都有提供熱茶；我點的柑桔檸檬蜜超級酸，沒有蜜糖甜味。反倒我老公的冬瓜露較好；另點的鹽酥雞，外面的粉雖比較厚⋯ 但內裏的肉質很嫩很juicy...而老公的青㗎喱雞則超香，椰汁味濃⋯ 辣味剛剛好；整體味道好好反而我的瑞士汁炒河，沒什麼瑞士汁的味道。不是不好吃，牛肉份量足夠，用石窩也很熱。只空有「瑞士汁」的名字而已。相信會是可以回頭的一家食店

最近雜誌介紹了一間火鍋店，其實有什麼好介紹呢！特別在於有liveband表演，一邊烚下烚下，一邊聽著音樂，真正享受。踏入餐廳己聞到好香的椰子味，原來人氣湯底是椰子雞鍋，一於點番一鍋咪執輸。店員好細心講解食法，原來不是把湯料放入鍋內翻滾咁簡單，先把椰子水煲滾後，雞件，椰子肉繼一放入鍋內，待滾了後熄火，再用漏斗計時6分鐘左右，水溫慢慢變成七十度左右，這個做法雞件就會變得嫰滑。建議先嚐湯底，嘩啦！好清甜，椰子香氣飄溢，我連飲兩碗。飲過湯底食過雞件，店員注入滾水，當一切準備就緒就可以打邊爐啦。牛肉點了安格斯肥牛和手切肥牛。安格斯肥牛雪花均勻，肉質鮮嫩有脂香。而手切肥牛肉質比較實一點，味道重牛味，仍然有吸引之處。養生醉雞丸做得不錯，爽彈有質感，味道偏濃，惹味。曰本芝士魚蛋比較一般魚蛋不同，質感是軟腍沒有彈性，喜歡與否見仁見智。自家製豆腐是外皮炸過的，內裡仍然保留滑溜口感。菜類選了冰菜和生菜，份量不算大份，勝在夠翠綠新鮮。聽講這間餐廳是由大陸引進，香港真係要加把勁想多些創意餐廳噢！

今日同屋企人去愉景新城行街，發現隔離開左個新商場8咪半！個名幾得意，入面有唔少餐廳。其中一間好特別，係一間以為音樂主題嘅火鍋店，有live music聽，一於試一試！叫左侍應極力推介嘅椰子雞鍋湯底！跟漏斗六分鐘就先食雞件同埋椰子肉，果然保持嫩滑唔老。湯底好香甜，飲左好多碗。我地叫左多款火鍋配料，以下詳細講幾款：本地手切新鮮肥牛肉味濃，脂肪唔多，啱曬我呢啲抗拒脂肪嘅人。安格斯肥牛脂肪分佈均勻。養生藥膳醉雞丸口感彈牙，口味特別，有微微嘅酒味！自家製滑豆腐係炸過嘅所以漉多陣都唔會散開，入面好滑。歌唱表演由7點開始，歌手唱左陀飛輪、陪著你走、做佳位置、payphone等等，唔同風格都有！幾好聽，食住聽係一大享受！總括黎講，餐廳食物質素唔錯，侍應服務用心，餐廳嘅座位幾闊落，有歌聽氣氛唔錯。讚！

平時Live Band大多出現於西式酒吧，不過位於荃灣、剛新開張不久的同仁四季音樂主題餐廳卻破格地將中式打邊爐與音樂連在一起！極高樓底充滿遼闊空間感，環境寬敞舒適，採用新潮的裝修風格，注入摩登時尚氣息，可能因為是內地過江龍品牌，似乎也有很多客人慕名而來，過了七時後都座無虛席了。每晚七時半開始，有歌手現場演繹多首耳熟能詳的廣東金曲，令人陶醉於浪漫的氛圍中，享受音樂與美食的完美結合。食物價位略高，但除了環境氣氛一流之外，服務亦是十分有效率，侍應經常會巡視，自動自覺為火鍋鍋爐加湯。每枱奉上一壺玄米茶，茶色黃綠明亮，既保持著茶葉的香氣，又增添了炒米的芳香，也可中和打邊爐的滯膩感。生態原味椰子雞鍋 (半份) $188等到湯頭煲滾後，侍應就會將預先切好的雞件放到鍋中。然後會以漏斗計時，剛好三分鐘就可揭起鍋蓋，雞件就已變成全熟。湯底是天然的椰青水，加上片片椰皇肉，入口份外清甜。這裡選用海南文昌雞，皮薄、油脂少，肉質略為結實，未算很嫩滑，隱約滲出椰香。將秘制的醬料混合辣椒、沙姜和青桔，更能提起雞肉的鮮味。雖然文昌雞本身油份不重，湯底不會出現厚厚的雞油，不過店員也會細心地為客人撇油，食完雞後就可開始打邊

偶經此地, 見到''音樂主題餐廳'' 有些好奇,  只從接待處角度, 以為是一間小小的食肆, 原來裏面十分大,  樓底十分高, 。侍應服務態度很好, 中午不用service charges, good good good。香煎流心芝士肉餅飯, 調味十分理想, 是屬於輕怡版但豉油的份量適中,  亦沒有加入味精, 並非其他食肆重手的豉油醃法, 又有馬蹄, 唯一可惜,就是略為份量細, 建議加25 percent的肉飯，裏面的芝士很少, 亦睇不到流心效果, 是頗失望, 飯很足夠, 相信除非特別大食的男士亦夠。

剛剛新開的店，見到打邊爐竟然有live band聽，當然黎試試，一入店內已經睇到中間個舞台，有人準備中點了招牌的原生椰子雞鍋，黎到見到好粉嫩的新鮮文昌雞，聽店員講每日新鮮運送黎鋪頭，當椰子水，滾之黎落雞，熄火浸熟雞，咁食落就岩岩好，唔會煮到太老手切安格斯肥牛，一睇個樣就知新鮮，放開滾一滾就可以食得，牛膻味好濃，但我個人都係鍾意碟西班牙杜洛克豬豚肉，因佢佢同椰子雞湯底好配，除左豬肉味，更食到甜甜的椰子味，即是令豬豚肉變得香甜另外燕液鵝肝蝦丸都值得一試，當食到一半的時候，椰子雞的威力就開始發揮，椰子的香甜甜到糖水一樣，依個時間落淮山麵黎煮，每啖麵條都好甜，如果食粉絲的話，索湯汁索得仲勁，應該會好正，因為最後食的冰菜就好甜一路食一路有歌聽，感覺食火鍋都高級了

一位熱愛音樂既朋友相約我今晚出來一齊食dinner聚一聚, 就連餐廳都book好, 咁有誠意當然要應邀出席。原來朋友安排了一間位於荃灣新開業不久的音樂主題餐廳, 這裡不是唱K地方, 更不是酒吧, 而是有LIVE BAND的主打火鍋餐廳, 可以一邊打邊爐, 一邊聽歌~雖然餐廳只開業兩星期, 卻吸引了不少食客前去用餐~ 餐廳內環境開揚, 樓底高不會令人有壓迫感。歌曲大多是80,90年代的老歌, 歌路大多都是優和音樂, 不會太吵, 而且不得不讚那些live band歌手, 幾乎好聽得比原唱者唱得更要好!這裡除了主打火鍋, 更提供數款熟食小炒...【避風塘炸皇子鴿】HK$48本意為"避風塘"煮法是有炸蒜蓉等配料, 怎料上檯時才知道只是一隻燒乳鴿BB, 細細隻, 炸得比較乾身, 沒有太多肉汁, 表皮不太香脆~ 至於火鍋方面最為吸引, 十款湯底選擇, 餐廳門外熱推椰子雞鍋, 於是我地就ORDER左呢款比較清既【生態原味椰子雞鍋】HK$188整個煲上檯再滾一下, 侍應將雞件放入湯底中, 餐廳介紹這裡的雞都是綵用走地雞, 肉質較嫩, 而且掛起再風乾, 令本身雞味更濃。落左雞後再滾數分鐘, 以沙漏計算再

天氣凍冰冰最岩打邊爐暖下胃，但又怕熱氣。朋友提議話中染新城開左間新音樂主題餐廳有出色的椰子煲雞後，暖笠笠之餘又滋潤於是決定一試。雖然是新開張，但7pm左右已幾乎滿座，人氣爆燈！主菜是生態原味椰子雞鍋，椰子湯和雞件分開上，鍋剛上枱時已聞到陣陣椰香，果然真材實料。侍應先將鍋加熱至沸騰，加入雞件和椰肉等配料，然後合上鍋蓋和倒轉沙漏計時。先嚐一口湯，有鮮甜的椰子味同雞肉鮮味，非常配搭。侍應說湯底是以椰清水為主配上新鮮椰肉，而雞肉不宜煮太久，沙漏一完約6min時趁熱食口感最佳。雞件比平常吃的精瘦，吃下去很有肉味而且肉質有咬口。餐廳提供了醬油作調味料，配以新鮮擠出的金桔汁，沙薑和辣椒，比光吃原味的雞件更能帶出鮮味。叫得音樂主題餐廳當然唔少得樂隊表演。餐廳正中有表演舞台，在用膳其間有歌手於台上演唱，美食配上動聽的即場演出，一次過滿足到耳朵和味蕾。吃完雞肉後可用湯底叫配料打邊爐。頂級手切安格斯肥牛絕對物超所值，手切牛厚薄得宜脂肪分佈平均，放到湯裹涮兩涮即可食，牛味濃郁而且分量亦不少。手打生拆蟹皇丸和鮮蝦丸亦值得一讚。除了爽滑彈牙外更鮮味十足，而且咬落有蟹肉同蝦肉，絕無偷工減料。蔬菜方面的選擇亦十分多，

今晚決定近近地係荃灣食見到呢間同仁四季音樂新開無耐決定一試除左打邊爐仲有live音樂聽架聽講每晚都有兩場🎶店內座無虛想食既話最好book定位呀店內既設計都幾靚先黎椰子雞鍋（半隻雞）等椰子水滾黎就可以加入雞然後再滾6分鐘之後先飲湯後食雞個湯真係好好好清甜好重既椰子味飲足幾碗都得呀之後食雞雞好嫩滑食完雞就可以加水打邊爐珊瑚蚌好爽同彈牙帶鮮味手打鮮蝦丸（半份）口感彈牙黑松露鮮蝦餃（半份）呢個真係極力推介十分香既黑松露味而且入面仲有一大粒鮮蝦就算滾耐左餃子皮都無穿手打安格斯肥牛粒肥瘦分配平均而且有牛味唔會韌田園併盤有粟米 南瓜 各種菜估唔到仲有冰菜食好驚喜平時好少會食到冰菜食物都幾高質仲有音樂聽值得一試

Book 左6點半但係6點9到坐底已經見有人食緊啦！因為兩個人所以點左半隻雞，好好味！湯底好清甜，雞肉好新鮮，唔係普通肥雞可以連皮食！點左半份安格斯牛肉好好食，唔好煮太耐，有牛味！點左鮮蝦雲吞，唯一缺點係雲吞皮太厚，但係勝在餡料新鮮，好多蝦，好吃😋做緊優惠扇貝，一人一隻好鮮甜，價錢就時價！牛筋丸黑椒味好重，掩蓋左牛味，食唔出係牛筋丸都好彈牙！總結一句，一定會再去