吉豚屋吉列豬扒專門店

营业中

休息中

今日同朋友食依間吉列炸豬扒店，等左五分鐘就好快有位，入到去即刻睇menu,比我想像中多選擇，定食裡面亦有得配飯同烏冬。而最都體貼既地方係分左梅/竹/松三個份量（即係細/中/大size),大家可以按唔同既食量去選擇。食依d炸物類既野，最好緊係配返杯冰凍既野飲啦，平時出去食日本野，如果要叫杯特式野飲都要三四十蚊，而依度只要叫任何定食，只要加8蚊-10蚊就可以叫一杯。而咩都想試既我，就叫左碗和風汁吉列三重奏飯，個飯入面分別有炸蝦/炸豬柳/黃金豚肉餅，個飯黎到既時候，賣相同menu既相一樣，第一啖食隻蝦，好鬆脆同一d都唔乾。我亦急不及待食埋個豬柳，好有肉汁同一d都唔硬。而相比之下，豚肉餅就好似失色左少少，但其實都好味既，只係我比較鍾意食豬柳多d。而我朋友就叫左個滑蛋豬扒飯,碗飯一放低，已經忍唔住夾左塊滑蛋豬扒食，豬扒同滑蛋個味道非常夾，唔會太咸，味道剛剛好。豬扒亦唔會太乾。飲品方面我就叫左杯西柚綠茶特飲，味道都幾適合夏天野，酸酸甜甜。最尾埋單，總數都係只不過係HKD145蚊，真心抵食。

金魚街附近見到有間主打吉列豬扒既店舖，咁當然又要黎試一試佢啦。鐵板咖哩吉列豬扒定食 - 日式咖喱味略帶甜，而汁量較多，就最咁鐘意以汁餸飯既我啦，真係想叫多個白飯添呀，生蛋又可以另到豬扒更加滑，容易入口。正！豚肉山壽喜燒鍋 - 單睇外表已經比佢吸引住，好少出街食，會有啲咁立體既菜式，我諗都有6-7吋高既豚肉山的確有視覺得震撼。鍋入面還有雞肉、泡菜、娃娃菜，可能就係啲泡菜，日式鍋突然變成韓式鍋，不過唔緊要啦，最緊要好食咋嗎。

Mong Kok is always a great place to find quick dinner. Tonight me and my friend were in a rush so we randomly went into this Japanese pork cutlet restaurant. The food arrives quickly. I got the kimchi pork cutlet on slizzing plate. The pork cutlet was a bit dry but tasted alright. The kimchi was spicy and I didn't like it warm. I don't think they should put the mayonnaise on the hot slizzing plate because it just turn weird. The soup was alright with lots of radish, carrots and pork stripes. My

夜晚放工自己一個人，今晚要食自己啊！經過旺角的金魚街發現一間日式吉列店，未食過入去試試吧！一入店內，環境裝修很日本風，而且人數不多，幾乎全部都是剛放工的單身族，此刻感覺很像身處日本的毒男飯堂呢！😆😆店內主打都是吉列炸物啦，主要都是豬或雞！而且可視乎自己喜好選擇滑蛋、咖哩、鐵板等等⋯⋯另加八元還可配一隻炸大蝦啊，數量不限！定食是不包括飲品的，另加八元亦有很多飲品選擇，一般奶茶咖啡檸茶汽水都有，但既然吉列是熱氣之物，就點了柑桔檸檬潤潤喉嚨吧！😃😃眼花繚亂之下點了餐廳招牌主打，吉列豬扒定食！一上菜賣相很吸引呢！大大塊豬扒不在話下，而且飯和湯亦很大碗抵吃！豬扒的炸粉不多，但出奇地炸得香軟鬆脆，而且豬扒彈牙有咬口，炸前應該俾人「揼到一身散」吧😆😆 吃完吉列覺得熱氣的話，可再吃配菜的椰菜絲，點上芝麻醬吃更加開胃好味食慾大增！最難我驚喜的是豚肉湯呢！起初還以為是普通的味精湯，細飲之下配料十足，又有蘿蔔又有豚肉，而且味道香濃，絕對合我口味，很想飲多幾碗呢！

今日LUNCH出左去旺角食~老公做司機，我享受XD 我地去食日本野，我之前食過一次架啦，不過嗰次係九龍灣，SEARCH到原來旺角都有分店就帶老公去試下啦~ 我迫老公揀左個滑蛋吉烈豬扒飯(竹)，呢個份量應該夠老公食~(因為我自己上次試左好食，所以就叫老公食)，味道同份量都同上次一樣，有成6件豬扒，件件都好大件，要再讚既係真係粉少肉多，啖啖肉無骨，炸皮都係好香口，另一樣要讚就係D洋蔥，滑蛋豬扒飯一般都有少少汁送下飯既，D洋蔥吸收晒D汁，又煮得好林，好好味!我自己今次就食左鐵板吉烈豬扒定食(跟白飯+野菜豚肉湯)，豬扒同個豬扒飯都係一樣咁出色，可能因為我係鐵板，所以KEEP到豬扒既溫度，件件拎上黎都係熱熱的! 另外我就覺得個汁好濃味，又係撈埋洋蔥再撈飯十分正，可惜無乜汁，唔知可唔可以叫佢架呢?野菜豚肉湯第一次飲，平時通常都係飲麵豉湯，但係飲落其實都係麵豉味XD，不過料就真係多，見到有豚肉絲﹑蘿白﹑洋蔥等，全部都好林身，直頭唔使點咬添!不過大家都係豬扒飯，加多$10有個湯都值既!

今日返學之前走去食豚肉，就行入去呢間。當時3點幾，有下午茶餐都叫個下午茶餐食啦。咁就叫左吉列豚肉定食:由點餐到上菜用左5分鐘左鐘左右。唔算等得耐!個定食豚肉炸得金黃色，食落去啲炸粉好脆;豚肉好淋，沾上豚肉汁，酸酸甜甜。正! 豚肉係同平常的豬扒一樣咁厚! 豚肉唔沾豬扒汁個陣無咩豬味。豚肉算係大塊。 白飯就當屋企飯咁大碗(相信係珍珠米，因為珍珠米比較圓比較細粒) ，食的時候唔覺得爛，但又夠軟熟;證明佢的飯有用飯煲焗過一陣，而且啲米係靚米。豚肉野菜係上盛的，內有洋葱﹑蘿蔔同豚肉;正常出面日式的湯會係味噌湯，會比較咸;但呢個湯比較清;飲落去有少少味噌味。所有餸都比較淋;但仍然保留食物本身味道。

挑吃的兔兔讓我要特別地走往動物街一趟，希望今趟搜購的食物會讓兔兔愛吃。忙完牠的，終於輪到安撫我的肚皮，沿動物街逛過，心水食肆已定出來。決定走去吃塊吉列豬扒吧！下午茶款式有多種，價格由三十多至五十元不等，額外再加五元可以加配指定飲品（有基本奶茶咖啡，亦有數款特飲。）吃吉列豬扒怎能缺少它的好拍檔……燒烤汁，另外這兒無需要磨芝麻，因為他們有日式芝麻醬供應。下午茶……吉列豬扒定食 $45, 另加$8換購一隻吉列蝦及$5要了一杯乳酸。 定食裏的吉列豬扒已設定為80克，跟日本珍珠飯及雜菜豬肉湯各一碗。吉列豬扒的外層鬆化，要比的話雖然並非最鬆脆，但都叫做偏向好的方面; 豬扒肉質爽身帶腍，咬落有肉汁，邊位筋部少肥但有膠質。 伴吃的椰菜絲是不能加添，份量偏少（不過我見到有多枱客人都是把椰菜絲剩下）。珍珠白飯好煙韌，而那碗雜菜豬肉湯的麵豉味重，雜菜煲出來既濃又甜呢！

過年前出旺角取年糕時又乘機可以一個人的浪漫,愛吃豬扒的我勁想食勝博殿可惜旺角冇分店,不過有吉豚屋吉列豬扒專門店也可幫我止止癮啦!!下午茶{吉列豬扒定食}$45內有80g吉列豬扒跟野菜豚肉湯如白飯一碗巧抵食呢~另外加$5可享飲品一杯,質素不過不失啦~野菜豚肉湯味道幾濃香帶點點麵豉味而且飲完又沒口喝不錯呀~吉列豬扒到啦~新鮮炸起外層酥脆而不乾這價錢收貨有餘啦^0^,不過呢道椰菜絲唔係任食架加入胡麻醬好好味真係有D唔夠喉囉~吉豚屋嘅白飯係來自日本軟熟可口,真的令人好有幸福的感覺架^0^

剛過去不久的聖誕節，曾到日本東京小住數天，雖然已經回到香港一個月有多，有時候仍會回味在東京吃過的美食。近日香港天氣又再轉冷，令人不禁想多吃點東西暖暖胃。這個早上，來到旺角覓食的我，又再經過這間曾經吃過數次日式早餐的地方，見店外易拉架中有一款「鐵鍋和風豬肉粥配吉列炸雞定食」，正合在寒冬中享用，而且價錢只是 $29，比不少港式茶餐廳千篇一律的早餐還要便宜，又不收加一，便入內幫襯。可能大部分香港人都比較傳統，愛吃中式、西式或港式早餐多些吧，所以店內的顧客不多，我與三數檯的客人坐在頗有日式風情的店子中享用早餐，店中的氣氛竟令自己有點仍然身在東京中的錯覺呢！「鐵鍋和風豬肉粥配吉列炸雞定食」很快便送來。那暖暖的「鐵鍋和風豬肉粥」自己蠻滿意的，豬肉片、紅蘿蔔片、白蘿蔔片、一條條長身的紫菜條和白飯，浸泡在麵鼓湯中，成為了一碗似泡飯多於似粥的「鐵鍋和風豬肉粥」。麵豉湯底一向是自己所愛，這豬肉粥的麵豉湯底不是太鹹，味道恰可，我喜歡。把這粥暖暖的送進嘴裡，感覺溫暖、受用。「吉列炸雞」就不太好了。炸雞明顯地不夠熱，是早已炸定的，完全失去了新鮮炸起的炸雞熱辣香脆的優點，而且也沒有甚麼味道，要不是店中有吃吉列豬排

一丁友又入嚟呢度食下午茶啦~幾鍾意食呢度既日式咖哩飯, 幾香 又唔會好辣~ 撈飯食好好食~ 最好就係佢每次都夠晒多汁~ 咁就每一粒飯都有汁痴住 通常在其他餐廳食呢類型既吉列炸物都會幾貴, 成百蚊一個SET, 但呢度既下午茶三十蚊就食到~ 我覺得真係幾抵呀! 塊吉列雞扒都熱辣辣 幾鬆脆~ 當然同成百蚊一個SET 就冇得比啦~ 但都食得過的~ 服務都OK, 起碼你想叫野食唔洗點等, 好快就會有人埋黎~ 地方整潔 不過好多次食緊時候都有蚊滋飛黎飛去~ 同埋呢度MENU定期會加D 新款式~ 有D新鮮感! 今日見到佢原來出左個泡菜烏冬鍋, 搵日又要試試先~

This time tried the chicken bowl which was quite nice because of the sauce and not the chicken.The coating was light and crispy with no weird old oil smell and taste.There was finely shredded cabbage which made the rice and chicken very appetizng.

話說有一日既下午茶時間我經過深水埗，之後行左入間日本炸豬扒店。跟住我驚見29蚊既滑蛋豬扒飯下午茶餐，食完之後我不禁講左一句，這店幾年後一定旺過吉野家！豚肉山壽喜燒煱烏冬$69濃郁既濃湯上有一座豚肉建成既豚肉山，加上鍋肉既雞肉，大量既黃牙白，仲有生蛋一隻。你唔好以為平佢就比d垃圾豬肉你食，事實上佢既豬肉比你去咩佳買既更有豬肉味，實在無得彈。原來佢既豬肉係美國進口，而雞蛋亦都係日本產，實在難以想像佢個價點計出尼。吉列豬扒黃金餅定食$75黃金餅用較肥既豬肉碎整成豬肉餅，肉質特別林同juicy 。吉列豬扒炸得非常鬆化，豬肉味豐富。佢既豬扒汁同芝麻汁亦調較得很合適。定食附送既麵豉湯亦都非常足料，有豬肉同蘿蔔，很有誠意。我唔算食過太多炸豬扒店，但係我可以講這裡的豬扒絕對在平時百幾蚊一個人既炸豬扒店之上。絕對值得特登去試！

唔經唔學又到禮拜，今日個FD叫陪距嚟太子摞嘢，見都無乜事又悶悶哋，一於出街行下啦！嚟到太子都有D晏啦，行過見到吉豚屋，我哋不約而同話：不如。。。。哈哈哈，一陣下午茶啦。拿拿淋去拿左嘢先再行返轉頭嚟過。原來條友D嘢好重，怪唔得叫埋我買嚟啦，不過就呢理由，咁就比我癡到餐下午茶啦時間啱好啦，唔使等有位坐落，呢度環境都幾好啊，一睇就好乾淨，店員都幾熱情。呢間吉豚屋，時不時都會推也D新嘢比大家轉下口味，不過轉嚟轉去都系吉死炸嘢先系距個招牌，可以搭定食又可以搭烏冬或三文治等等吉列豬扒定食（配飯+野菜豚肉湯）：FD話點距只系想飲個湯，白飯食D醫下個肚得了，個湯好濃，一睇就知足料煮出嚟啦。豬扒肉質好彈牙又覺好松化，外脆內嫩，系炸出嚟既，但系食落一D都唔覺得距油膩。好正！吉列豬扒三文治：呢個夾住既豬扒，同我FD個定食系一樣咁好味，但我覺得同三文治互夾，一起入口，比起配飯更好食。三文治稔稔哋正好搭配住豬扒的外脆，嚼起嚟好香！

出街做野，忙到無時間食lunch，唯有下午茶一餐頂兩餐。不過其實仲好，下午茶通常都平過lunch。去到金魚街諗住食冰室，但又怕特餐唔夠飽，於是就過對面ｋａｔｓｕｙａ食豬扒飯。記得上次去北角果間時，唔知佢用啲咩油，有一陣怪味，希望今次唔好啦。間舖好深，我諗有５０個位，但員工得1個，見佢走黎走去又抹枱又要入客真係慘。不過個待應都好快手。講番野食，咁我就叫左個炸豬扒定食同埋加多一隻蝦（真係驚唔夠飽）。等左十分鐘左右就有得食。炸豬扒有８０ｇ，切開黎都有５－６件。肉質都ｏｋ，但最遺憾係始終有果陣怪油味（＞＜）。椰菜絲唔掂，好厚同硬。豚汁唔錯，好多料。飯應該係係中國製日本米，但都好好食。炸假正正常常，唔算太細隻，以8蚊黎講算好抵食，日本起碼要２００－２５０ｙｅｎ，呢度計落就只要１４０ｙｅｎ就得。埋單連加一＄５８，中高檔茶仔價錢，味道算不俗，但個怪油味，可唔可以攪攪佢呢？

每次行過金魚街，都見到呢間吉列店，每次都只係講句……下次一定要食，今日……終於食到喇~~鐵板咖哩吉列豬扒定食 - 咖哩味香，豬扒夠淋，再加埋個豬扒汁大少食得好開心豚肉野菜湯 - 呢個係定食會跟嘅湯，我就覺得唔錯，大少話唔夠味，入面有好多蔥……紅蘿蔔、白蘿蔔、煙肉、豬肉，飲落去都有少少似味噌湯，但係就味道唔會太濃而走咗豬肉香鐵板吉列雞扒定食 - 雞扒好淋，雖然都好多洋蔥，但係洋蔥嘅甜味可以帶到個汁好甜，由於係吉列關係，個吉列皮可以好盡情咁吸收啲汁，嗯……我都係覺得雞扒比豬扒好味~