吉豚屋吉列豬扒專門店

营业中

休息中

今日返學之前走去食豚肉，就行入去呢間。當時3點幾，有下午茶餐都叫個下午茶餐食啦。咁就叫左吉列豚肉定食:由點餐到上菜用左5分鐘左鐘左右。唔算等得耐!個定食豚肉炸得金黃色，食落去啲炸粉好脆;豚肉好淋，沾上豚肉汁，酸酸甜甜。正! 豚肉係同平常的豬扒一樣咁厚! 豚肉唔沾豬扒汁個陣無咩豬味。豚肉算係大塊。 白飯就當屋企飯咁大碗(相信係珍珠米，因為珍珠米比較圓比較細粒) ，食的時候唔覺得爛，但又夠軟熟;證明佢的飯有用飯煲焗過一陣，而且啲米係靚米。豚肉野菜係上盛的，內有洋葱﹑蘿蔔同豚肉;正常出面日式的湯會係味噌湯，會比較咸;但呢個湯比較清;飲落去有少少味噌味。所有餸都比較淋;但仍然保留食物本身味道。