吉勝吉列串揚專門店

营业中

休息中

同朋友一齊喺大角咀覓食，經過呢度，我見到餐廳名字又有「吉列」又有「串揚」，幾特別，「吉列」大家都知道係乜，「串揚」Kushiage (串揚げ) 或者叫 Kushikatsu (串カツ) ，據說起源於1921年 日本🇯🇵大阪一個叫「新世界」地區嘅一間小店，用竹籤穿過各種蔬菜、肉類或海鮮，於外層裹上麵衣，然後油炸，係平民食物；後來發展到東京同名古屋都有，亦都有高級版本，不過直到現在大部份提供「串揚げ」嘅餐廳都依然係比較大眾化，係 soul food 😆。講咗咁多，喺大角咀見到「串揚」，咁當然要入去試吓啦😆我哋叫咗好多食物 share 😋：- $58嘅「雜錦刺身」：有三文魚、油甘魚、帆立貝，全部都新鮮😋喺日本🇯🇵食「串揚げ」，每張枱（或者吧枱）都會有一大甖醬汁俾大家一齊用，醬汁僅限沾一次，不能回沾，如果唔係就唔衛生又唔禮貌😅。喺呢間餐廳，會有一碗秘製醬汁跟食物一齊上，所以超級乾淨😆- $18嘅「芝士（串）」：用 Brie cheese🧀, Brie 本身都已經係軟芝士，炸完之後熱辣辣就更加流心，又有鹹香😋- $12嘅「紅薑（串）」：紅薑 tempura 係關西地區 平民小食，睇吓「深宵食堂」

最近炸串喺香港非常流行，不過每次都要去到尖沙咀或銅鑼灣先有得食，而且炸串喺香港被視為高檔類食物，定價都比較貴！難得行過大角咀搵食，發現呢度新開咗間食炸串嘅餐廳，環境好企理，而且定價仲好親民，最平$10幾蚊就有一串，吸引我地入去試試！炸串嘅食法係先點少量酸醬汁，可以提升炸串嘅味道，串與串之間，仲可以邊食椰菜沙律解膩。！炸串心水推介：煙燻豚肉～食落有種煙燻嘅味道，感覺好似食緊厚身嘅煙肉咁好香。飛魚子昆布超驚喜，咬入去係粒粒脆脆嘅飛魚子，好特別！黑豚肉韮菜卷～餐廳選用日本韮菜，所以咬落無渣又爽脆！沙錐魚魚身好厚，炸起上黎好香脆，連魚尾都食得！其他清新又好味之選～黑豚肉蘆筍、日本南瓜、日本迷你甜薯，芝士。呢度嘅炸串一樣做得好好，無論味道、炸粉比例同喺外面食嘅幾乎一樣，但係價錢平最少一倍，性價比高。五品刺身（三文魚、帶子、油甘魚、牡丹蝦，吞拿魚腩）刺身新鮮甘甜，牡丹蝦爽彈，蝦頭食剩仲可以攞返入去炸，即炸真係超香脆，成個蝦頭連觸鬚都可以食埋落肚，不過小心被拮親！燒日本赤魚一夜干定食～定食包括沙律、味噌湯、定食同甜品。味噌湯好好飲，比平時多咗蔬菜，蒟蒻，味道亦好易入口。定食入面嘅魚身，顏色燒得好均勻

試業期間和朋友帶小孩午餐，食物質素高，環境舒適,清潔，服務生態度極好。小孩子很嘈吵，不但沒有嫌棄，還受到熱誠招呼🤣。吉列黑豚豬扒鬆脆，肉汁豐富😋魚生新鮮🍣期待日後更加多的菜式。適合一家大細👨‍👩‍👧‍👦，朋友歡聚👭🏻👫🏻🍢食串燒飲啤酒🍻

上個週末約咗姐妹們聚餐～嚟咗試呢間新店～ 幫襯嗰日見門口好多靚靚花牌～ 我諗老闆人緣都應該幾好～點咗隻刺生船同一個燒和牛set～ 啲刺生好新鮮～好甜～ 個燒和牛set好正～ 可以自己放塊和牛喺個石塊爐燒～ 我覺得自己燒得幾好架～ 燒到外脆內軟～我啲姐妹都話好味食完美味午餐set仲有焦糖布甸做甜品～ 超級開心～ 感謝老闆和老闆娘的美食～By the way, 嗰日食飯⋯對面枱仲有枱日本人嚟幫襯～ 見佢哋都食咗好多嘢～ 我諗係因為呢間店比較近似日本嗰邊嘅煮法啦～