吉利餐室 (已結業)

Lunch唔一定要食飯，食麵，港式小食都係一個另類選擇。之前見食評既腸粉相片幾靚，今日就去買左 腸粉＋陳皮魚蛋。腸粉：＄15陳皮魚蛋：＄10／10粒腸粉有醬，要求唔高既，已經可以接受。本人並無鍾情 “陳皮魚蛋“，只係好奇一試。。。。唔太鍾情個口感＋味道。

小店經營，大多數賣港式小食，午飯。獨獨另賣一款“泰式雞飯“＄45蚊，包例湯。雞飯劃龍點精處在 “醬汁“，無左“醬汁“ 就平淡無奇，例湯係 冬瓜湯，明顯有胡椒粉調味，味道清淡。整體黎講，可以一試，飯量一般，只岩細食女士。

今日lunch就同大家講吓吉利餐室位於上環嘅吉利餐室，其實佢唔係一間餐室，佢只係尊做外賣嘅店舖，但佢既早餐和午餐都做到非常出色，次次都排長龍！今次要講下佢嗰招牌水門雞飯，佢個醬汁真係好好味，油飯本身夠味得黎又唔太油！$54可以揀雞髀或者雞胸跟一個小既冬瓜雞湯！如果你想轉大碗無味精住家湯(日日不同）嘅話,可以選擇加$10就係轉大湯剛好今日嘅住家湯係蘿蔔胡椒雞腳湯，胡椒味重，蘿蔔甜！5⭐️是滿分：價錢:⭐️⭐️⭐️味道:⭐️⭐️⭐️⭐️⭐️位置:⭐️⭐️⭐️推薦: ⭐️⭐️⭐️⭐️⭐️CP: ⭐️⭐️⭐️⭐️吉利餐室 (上環)上環東來里2號地舖（上環地鐵站B出口，步行約4分鐘）

呢間一向都有幫襯開，主要嚟買早餐食，食物出品唔錯，今次試下個沙嗲牛麵！講真，好有驚喜，牛肉份量不單止多（有10塊左右，喺其他地方食過得兩、三塊都試過，食到尾勁無癮！！），而且有咬口，無話用化學野嗱到死晒嗰隻，個沙嗲汁亦都夠香濃，有好重嘅沙嗲同花生味，唔錯，關鍵係咁樣單買一個麵只係賣$25蚊，喺上環區算係好平，我跟餐加杯凍飲加$7（熱飲加$5），合共$32，同埋要講下杯野飲，個糖水係另上自己加嗰隻，咁做法成本應該唔平，但係就客人鐘意加幾多都得，自己可以話事，我就好like，不過我同事就話麻煩，見仁見智啦，順帶一提，呢間係外賣店，無得堂食，有心嚟試就要留意。。。

由珍姐到吉利換咗一批年輕人做💪🏻#香港加油 由我幫襯嘅D-1起已經喺度以前買開雞飯有大有細 個人覺得佢哋調個汁好正有少少重口味咁啦仲要係油飯🤤細就$30 大就$40細唔可以揀部位 大嘅就可以細嘅男士可能唔夠食 大就真係有啲太多😂次次雞飯條隊都好長今次因為個大太陽🌞我就試少人叫啲嘅頭抽撈飯$40就揀兩個餸 之後每個餸加$10豬扒同雞扒都係熱門頭抽撈飯-香煎豬扒+原切午餐肉 $40 🙆🏿‍♀️(係我影到有啲頹 sor)我就揀咗豬扒同午餐肉餸會翻熱咗先上碟豬扒仲會幫你切埋 起埋骨而且夠稔又唔太榎唔太乾👍🏿午餐肉就講明有三塊梅林牌厚切So crazy下次想try try沙嗲牛肉麵😋另外有樣嘢要讚呢間店真係好有人情味！！！對客有120分信任但都要小心啲呀 有啲人特登走數咁點算呀😥雖然我估你哋會話少少錢 幫到人就好上環呢區呢間真係算平靚正但唔知係咪因為太多人買 (一個人買幾份)略嫌手腳慢咗啲無論係lunch得嗰一粒鐘趕頭趕命嘅打工仔抑或頂住個大太陽排隊嘅悠閑一族都等得好苦呀～🥵

新年後，我經過西港城附近，見到有間外賣店由 <珍姐餐室> 改為 <吉利餐室>！ 新名更易記！以前，我每個月都會幫襯 <珍姐餐室>，對店員們尚有些印象；似乎現時已轉手，售賣的港式美食款式又差不多！平日中午，依然大排長龍！多數見到店內有兩男兩女共 4位店員，各有各自負責的崗位，合作無間！所以，都好快手！最令我 confused 的是當我每次幫襯，總會有兩條隊，通常我排左邊較長條隊實無錯，最怕被人誤會打尖啊！沙嗲牛肉麵 $23近西港城轉名間小店嘅沙嗲牛肉麵啲麵未熟透，勝在醬汁香甜帶辣啱口味，雪藏牛肉算多，$23 合理價位！腸粉 $15/ 5 條質素差不多！小店選用石磨腸粉，熱辣辣、軟熟又滑溜！就算蒸熱及切開後仍不鬆散！加上香滑的花生醬、惹味不死鹹的豉油及甜醬及炒過的芝麻，醬汁很多！以環保外賣盒盛載，可保暖及保留醬汁，多汁不欺客！ 坊間多數用紙盛載，外賣返去相對醬汁會被紙吸收而顯得杰身，影響質感！陳皮魚蛋 $10/ 10 粒魚蛋 size 中等，混合健脾胃的陳皮，散發陣陣幽香，陳皮味突出，口味獨特帶甘，並非只得粉糰，質感密度高，真材實料！口感爽彈

某日行經西港城見有啲餓，正想搵啲小食食下就見到呢間小食檔出現喺面前。門面裝修好eye catching，好順眼........本人真係好中意食腸粉，就order一份啦$15 for 5條 （好似冇記錯，呢個地方、呢個份量，好ok啦.........叫店員哥哥多醬，啲醬嘅份量啱啱好，唔會太多鼓油搞到稀哂，麻醬係超！級！香！ 唔似係出面食開嗰種.......腸粉都係好少食到嗰種滑身🤩腸粉關注組人士應該一試🤩如果我喺呢度返工就發達兼發福啦

佢地同上一手賣既野差唔多，都係小食，炸肉類飯（menu寫頭抽撈飯），試過但實在太heavy，雖然頭抽香既但真係太多肉有d吃不消。不過最最最吸引都係海南雞飯，一到lunch time就排哂隊，除左因為價錢太平民（上環有40蚊而且食到飽既飯盒），仲要幾好味😛雞唔會太重味，淡d撈埋豉油食岩岩好，另外飯都唔會太濕，絕對唔會因為價錢平而求其！重點係個豉油可以揀辣同唔辣，撈飯食好惹味😋跟進送既雞湯都唔錯，香得黎都唔會太淡🤪

食物雖然簡單，但食落真係唔簡單，因為有份農厚人情味，價錢公道唔太貴，可以直得再幫親，支持你香港人要有既精精，如果有埋自創狗仔粉就完美，因為好好食，但又唔係周圍都食到，

西環吉利座落西港城附近外賣店新出秘製沙嗲醬，濃濃沙嗲醬加入蒜蓉慢火細炒配搭滋味嫩牛，一酌熱熱沙牛放在乾麵餅上再加入濃郁雞湯用熱力慢慢浸泡在沙牛汁內。初時還感疑惑味道會否太淡，誰知一開蓋那道濃郁沙嗲味直衝味覺，再一翻濃濃的麵汁已經掛到麵條上，麵條還留有爽口煙韌 (幸好只是10分鐘路程)，一試難忘就知道店家從選料到烹調都下了不少功夫。比好多茶餐廳還要好真係值得一試。腸粉燒賣，腸粉夠熱芝麻夠香但醬油麻醬一般；燒賣麵粉跟魚肉份量1：1，有60分

冇錯同標題無關，一間叫餐室但其實是外賣店，為上環既人提供至抵的早午茶餐，每個海味街附近工作的朋友一定認識，雖然已轉手，但味道依舊，良心依然。無講你是任何燒賣關注組，腸粉關注組， 沙爹牛關注組，也要支持香港的口味。認真態度，抵食的滋味。.頭抽撈飯 （蔥油頭抽飯）👍 超抵食 任選2件小食 包括酥炸豬扒 雞扒 蛋 腸 厚切午餐肉等👍豬扒唔厚粉 生炸夠香口唔干仲有肉汁👍爆過既蔥油好香 配上米飯好好食推介指數: ⭐⭐⭐⭐/5.除了頭抽撈飯，港式小食，沙爹牛，餐蛋麵，更有海南雞飯等等。都好好食！👍