影片
以上资料只供参考，请与餐厅确认详情
食家推介
过开香港去上环一定谂起呢一间「吉利餐厅🍴」上次试过佢啲鸡饭觉得足料好味😋价钱仲好抵添👍🏻所以今日过嚟买鸡饭之余，再试埋上次试唔到嘅两𩠌午餐饭🥰泰式鸡饭配油饭配上秘制酱料香味浓郁，鸡味十足，鸡肉嫩滑，肉嫩不柴。生炸香酥鸡扒配煎蛋饭美味，香酥，可口鸡扒😋我相信冇人唔钟意食煎炸嘢，连个煎双蛋都非常之够镬气，同埋煎得好靓嘅云朵太阳蛋。鱼蓉烧卖粒粒胀卜卜，皮薄，烟韧弹牙。上次食完先醒起唔记得影相，今次终于记得啦，影咗相先🤣🤣🤣🤣
继续阅读
有质素街头小食，未到食饭时间门口已经有不少人点餐，看来是非常可靠的食店，决定注足自肥，细看介绍看起来是海南鸡专家，不过前几日已经吃过了，决定转战炸鸡皮炸猪扒，店员打脚超快，两三下起菜入盒，果然需要甘上下手势才能处理这种吞吐量。生炸鸡扒 $20.00/一块炸鸡扒揸得脆身可口，有鸡肉汁，细心店员已经帮我切件，由于是外卖🥡所以通常我都会回家重新焗一焗，从燃那一种新鲜的味道，不错。不会因为返焗而变成黑炭。自行煮好白饭又是一餐。黄金猪扒 $20.00/一块今日最推肉食，秘制酱料腌制得入味，即叫即热原块切好入盒，店家会放入一张厨房纸吸走倒汗水💦，倒汗水唔会影响猪排🥩味道，欣赏这一些小心思。鱼蓉烧卖一份 $10.00/一份必食香港小食之一，单是食他的质感和他们自家准备的鼓油就知道留人不留，这一间鱼蓉烧卖弹牙可口，木薯粉、猪肉、鱼肉比例好好，人手一串。陈皮鱼蛋一份 $10.00/一份都是必食香港小食之一，不同舖家鱼蛋个性不一，例如长洲要吃大鱼蛋，这一间鱼蛋细细粒外表看下去不是光光滑滑而是有点皱皮，口感弹牙而结实。喜欢这口实的可以点一份以示支持，不喜欢都可以选择其他。宜家加专业还送5粒烧卖，免费烧卖不容错过。
继续阅读
上环一带集中咗好多写字楼，到了午市时间， 餐厅都必定坐无虚席。呢一间位于西港城后面东来里嘅外卖店《吉利餐室》，食正打工仔「平、靓、正」心态， 推出左几款50蚊有找嘅午餐饭盒。比较多人叫嘅有泰式鸡饭， 同埋金牌午餐。 两者包埋野饮都只系45蚊，今时今日都算系超值。泰式鸡饭跟油饭，仲连个老火鸡汤。老火汤有冬瓜降火，带有少少白胡椒味，唔太咸。海南鸡几滑，又可以拣鸡胸鸡脾，最啱钟意啖啖肉朋友。点埋秘制甜豉油，一流。油饭粒粒分明，够晒香。另外金牌午餐，可选2𩠌，拣咗猪排，同莲藕饼。藕饼用料丰富，食出粒粒爽口藕粒，好有口感。加上半熟荷包蛋𩠌饭好味。跟餐嘅蜜糖水甜道啱啱好，够滋润。100蚊，2盒饭连饮品，d𩠌又多，真心抵食。
继续阅读
鱼蛋烧卖呢啲地道小食好多地方都有但绝对唔系间间都啱我胃口😗另外想讲讲呢度嘅”醒神早餐“竟然系全日供应有5款嘅食物都只需要$30就食到 绝对嘅良心价！🥢椒盐烧卖 $20一份有12粒 即叫即炸烧卖外脆肉质烟韧软糯带点鱼香味又完全唔会腥好钟意佢表面撒咗啲椒盐 更加惹味🐟肠粉+陈皮鱼蛋 $30一份有10粒 同平时食开嘅大鱼蛋相比口感更扎实食到淡淡嘅陈皮甘香肠粉预先蒸好 放咗喺个大蒸笼里面放入盒后加入甜酱麻酱豉油同埋芝麻酱汁浓稠度啱啱好而且味道都够香浓🐔泰式鸡饭 $45部位可以拣鸡髀/鸡胸 鸡髀都唔需要加钱拣嘅鸡脾皮薄油脂感唔会太过份鸡脾肉肉质嫩滑另上嘅酱油虽然好深色但唔会过咸或者死咸点完反而令鸡味更上一层楼油饭食到鸡油同埋姜嘅香味香而不腻
继续阅读
🌟泰式鸡饭餐（HKD 45）：完全估唔到咁嘅价钱，有咁好质素，鸡肉可选择鸡胸或者鸡脾（转脾都唔使加钱）👍我选择鸡胸（我减肥中😂)胸肉好滑又有鸡味，配上特制酱汁，甜甜地，咸咸地仲有好香香茅的味道，配上油饭，个饭食到底都唔觉得油，非常好食，最后饮埋个胡椒萝卜汤，台风天饮特别舒服😌。⭐️黄金松脆猪扒和食神蜜汁叉烧两𩠌饭🍚（HKD 45）：超级大块猪扒，块扒大过个饭盒都算啦，仲搭多几旧叉烧，再配个葱油汁，非常香，连我食肉兽老公都话咁多肉😂在配杯越来越少见的西洋菜蜜，非常抵食，正啊！👍套餐➕3蚊可以转汽水。特色陈皮鱼丸10粒（HKD 10）：鱼蛋好结实弹牙，淡淡的陈皮味，微微辣，好好食😋
继续阅读