吉利日本美食 (已結業)

I went there again last night - new decoration! n' food maintains its quality =)I agree w/ those who said that it might take a long(er) time to wait for the food - but it deserves some time to wait for tasty foodthose salmon... be they raw or semi-grilled, are so delicious that orders could be made again n' again~by the way, I don't think the staff provided bad service-- they're rather nice n' kind-hearted, even taught me the way to get there by taxi! thank you~~once again, highly recommend! ^_

上星期四晚去食, 等位等左1/2個鐘(唔係因為好多人排隊, 而係因為間舖得3個人手, 所以個個食客ORDER 左食物都要等好耐) 食物算係唔錯, 不過服務就好差, 要茶無茶(唯有自己來), 2個女侍應態度不甚好. 等野食又要等好耐, 差唔多ORDER後30分鐘先慢慢開始有野上....... 肚餓千祈要諗清楚.

估唔到西環這條偏僻的橫街會有間咁有水準的日本料理. 這店雖然超細,全店坐滿都不足二十人,但食物的選擇不少於大型的日本菜館,味道亦非常好,很有驚喜!主要試左手卷同壽司,手卷d紫菜勁脆,不是很多日本菜館有這質素. 餡料亦有很多選擇而且很新鮮. 醋青魚,海膽,松葉蟹腳,帶子,黃金魷魚,八爪魚,甜蝦....等等都很好味. 最正係松葉蟹膏,蟹味很濃,只係三十幾蚊,真係很抵. 還有冷烏冬,很彈牙,配埋醬汁,真係十分好味. 聽講豬骨湯麵都好好味,留番下次再試.提醒大家呢道很少位,想食記住要訂位.

一向都好少食日本菜，因為質素好的價錢又貴，價錢低的質素又太一般，點知上星期五幫一個住旺角的同事farewell，主人家提議到西環爹核士街食日本菜，即刻想講「唔係嘛！去咁遠！」，但為左禮貌，都要遠行一次。一行五人去花園街（賣衫個邊）海王粥店門口搭小巴，居然唔洗二十分鐘就到左西環！店舖的位置較偏僻（泓都上面條街），真係識搵食d人先知道。 我地叫左一般都會食野。三文魚好肥美，而且溫度控制得好好，有少少冰涼，唔會好似擺左好耐咁，爽爽！醋青魚好甘香，有醋味，又有一陣陳魚油的甘香，超正！ 仲有手卷，出面d食店多數d紫菜都好難咬開，所以我好少再食，但呢度d紫菜是脆的，加上酸酸地的壽司飯，就算唔食餡，味道都一流，當然d餡都係新鮮又好味。還有蟹羔，又濃又香，三十幾元食到咁高質素蟹羔，環顧全港都好難搵到。其他如海膽、松葉蟹腳、安康魚肝都好有水準。 骨湯湯底香濃，豬軟骨質又稔又入味，怪不得都有叫。強烈推介呢度個冷烏冬，質質極高，又滑又彈牙，食完真係要拍手掌。 可惜呢度座位較少，去之前最好訂定位。

上次忘記評分。今趟再光顧，試了豬骨湯底日式叉燒拉麵($35)，又一驚喜!湯底非常鮮甜，不鹹;麵算彈牙;叉燒亦很入味，而且嫩。平日一向對此食物都不是十分喜歡的我都食到讚不絕口。

店子雖小，而且地點較偏，但水準真的一流。另據店員(或店主)所講，他(們)定期親自到日本搜羅特色食物。1. 北海道松葉蟹蟹膏(熟)壽司$38/2件: 店員(或店主)說是自家製的，蟹膏確實鮮甜無比，大力推介!2. 海膽(日本空運)壽司$30/2件: 鮮甜，沒有苦澀味。3. 劍魚腩壽司$25/2件: 可以，但不夠肥美。4. 北海道松葉蟹腳(熟)壽司$20/2件:蟹腳肉算大件，而且很新鮮。5. 松板牛肉汁飯: 原本想叫店員不要下太多汁，但店員表示白飯與牛肉的份量均等是此日本飯的特色，故希望推持汁的份量。既然她這麼說，即管一試。碗內的確一邊是白飯，另一邊全是牛肉和汁。汁的味道不會過鹹，牛肉(應該是肥牛)嫩滑，整體不錯。此店的壽司飯亦達水準，不會散"收收"。以此價錢而有那麼高水準的食物，怪不得平日晚上來也要等位。

嗰晚個朋友帶我去西環呢間新開嘅壽司舖食壽司......佢話好好食所以帶我哋地試吓......我哋叫咗d壽司,手卷,刺身, 佢d手卷勁脆連我喺日本食過嘅鮟鱇魚肝都有得食,d刺身好新鮮又大件,而且佢哋d嘢又唔係貴喎(1個5色刺身都係$138有成30件)......4個人食埋單每人都$100度已經可以食到好飽都幾抵食......但佢哋地方都幾細得幾張枱.