影片
港铁坚尼地城站 C 出口, 步行约3分钟
继续阅读
开饭介绍
餐厅细小有日本风格,师父用心制作,不定期关门赴日本严撰优质食材。
继续阅读
营业时间
星期一
全日休息
星期二至日
18:00 - 23:30
以上资料只供参考，请与餐厅确认详情
招牌菜
食记 (112)
已经听过吉利呢家日本餐厅好多次，但就一直都冇食过，今次趁佢就快结业就来试一次。星期六晚来到，唔算人多，可能因为比较早，六点几就来到。本身book左七点钟，都可以一入到去就有位了。第一次去到，有位非常有礼貌既姐姐serve我，坐底之后就好快开始介绍今日既餐牌。姐姐可以完全唔睇猫纸，非常流畅地背左当日餐牌上既所有菜式俾我听，仲要讲得出边啲海鲜系来自咩产地、口感、味道系如何，真系好专业。之后就点菜，点左海胆军舰、鱼子军舰、蟹膏军舰、豆腐军舰、温泉蛋军舰、鲍鱼、蚝、鳗鱼、半只冻蟹，最尾佢仲送左个鱼汤(食蟹之前饮)同埋最后食既甜品，紫薯雪糕。点完菜后，师傅就会即刻开始做。等既时间唔算耐，大概十五分钟就开始有军舰食了。系等既其间叫多左两杯梅酒，梅酒被溶化左既冰稀释左之后更好饮。之后每道菜都系逐一上的。可以慢慢食、品尝清楚食物既味道。海胆军舰: 非常鲜甜香口。我本身唔多食生野都非常容易入口。鱼籽军舰: 鱼籽系经师傅用酱油餣制过的，系出面一般一定唔会食到呢个味道，值得一试。蟹膏军舰: 蟹膏味道非常浓郁。简直好似系食紧鹅肝酱既感觉，不过系非常鲜甜既蟹膏味。豆腐军舰: 豆腐系师傅用黄豆自己磨，自己做既豆腐，味道比较清甜，口感似慕丝。温泉蛋军舰: 蛋黄可以做到非常平均地似花生酱既质感。另外仲配左梅味酱汁，酸酸甜甜，非常开胃。鳗鱼不是我地平日食果种蒲烧鳗鱼，而系师傅用盐餣好新鲜既鳗鱼再煎的。鳗鱼本身脂肪比较高，当然非常肥美，鱼皮煎到好脆口、鱼肉都好松化。配上日本非常浓味既小蕃茄，简直一绝！鲍鱼算系前菜: 师傅一早慢煮好，然后冻食。估计鲍鱼未切片前约有一个成年女性手掌咁大，但系就完全冇一part系被煮韧的。整只鲍鱼非常入味而且柔软。最惊喜既系另一小碟上上左鲍鱼既肝。从来都唔知道完来鲍鱼既内脏系可以食既，而且味道非常不错。将鲍鱼肝包涂系鲍片上面食更和味。食蟹之前， 师傅送左个鱼汤俾我地暖胃。鱼汤味道好鲜甜，入面仲有南瓜同莲藕。到左最期待既冻蟹，两个人叫半只就好够了。蟹系从日本即日空运过来再煮同雪冻的，所以一定要预订先有得食。蟹要从脚食起，再食到身。蟹脚既肉非常结实饱满多汁浓味，反而蟹膏唔算多，但就有蟹血，好似蛋白咁，非常鲜味。食完蟹之后就上左个汤蚝，汤非常鲜甜，蚝都有半个手掌咁大只。特别既地方系佢做到外热内冻，外熟内生，保留到蚝本身既鲜味，唔会收水。最后食既就系甜品，自家制既紫薯雪糕。紫薯味虽然唔算好重，但口感好帘口，似土耳其雪糕，几特别。食后感想: 虽然唔系平既一餐，但绝对值得一试。餐厅服务非常非常好，店员有礼貌，食物质素高。好有人情味、值得一试既餐厅。
继续阅读
响香港食过好多日本料理，大都冇嚟文味，所以以前返屋企日日都行过吉利，见只是小店一间，完全冇意欲要去一尝。直至几年前，居然几次见到一些重量级的名人（真系一线名人）从店内行出嚟，就谂，这间店都几坚，于是单人匹马去试菜。过到我第一关先再同乡亲父老嚟过。结果系唔止合格，而且超出我想像。今晚，阿妈生日，真系不敢怠慢，所以一早在吉利订好位，希望一家人开开心心食一餐生日饭，最后当然冇令大家失望！阿妈食嘢好挑剔，可能佢小时候住在海边，佢话以前啲邻居一早就划小艇出海打鱼，清晨还在睡梦中，就听到从海中传来「叮叮叮」渔民敲船赶鱼的声音，打上嚟嘅鱼冇腥味，佢形容系「一阵阵海水嘅香味」，可能她走过食到真味嘅岁月，所以佢唔多喜欢出街食饭。佢话而家出街食饭要讲平衡，唔一定要样样系绝味，因为已经唔系佢以前个年代。现今食到新鲜，口感舒服，味道不落俗套（这个最难做到），肠胃有好反应的就系好餐厅，而吉利就系一间这样的餐厅。注：1.吉利的餐具同食物一样讲究，手工十 分精致。2.他们的营业日也非常有个性，每年都会有几次不定时放大假，据说系店主去咗日本充电，同揾新食材。唔想扑空，去之前最好打个电话睇下有冇放假先。
继续阅读
记得第一次嚟呢间铺头系20年前嘅事。以前我就觉得个蟹膏寿司冇得顶！今次朋友又想试吓，咁就一于再嚟回味一番！估唔到今时今日嘅吉利除咗蟹膏寿司能够保持水准之外，其他食物系感觉到有心思又有创意。今次食完简直感觉回味无穷啊⋯⋯首先店员推介喜知次，本身呢种鱼系出边食都比较贵。师傅能够将鱼有技术香煎左表面，之后点一啲海盐食，新鲜嘅程度简直冇得顶。加上用咗金箔装饰，成件事简直系令食欲嘅感觉升华！剩下嘅鱼肉用嚟煮清汤，鲜甜得不得了。跟住就叫咗三款寿司，包括海胆寿司，豆腐寿司，蛋寿司！全部材料系北海道直送，用齿颊留香来形容绝对唔过态。寿司我哋仲再食多一转呢。其次就试吓一个蟹肉汤面，都非常鲜甜。顺带一提，条鱼嘅其他部份包括鱼肝亦都将佢烧成佐酒小食，食好嘢当然要叫翻个石榴酒饮下啦，果然感觉清新！成件事简直加晒分啦。最后梗系要食返个甜品，画返个完美嘅句号啦。甜品味道OK，相对主菜就当然唔系咁特别啦！
继续阅读
我生日一定去吉利！天然虎河豚料理- 虎河豚是河豚中顶级，鱼经过熟成处理，香味四溢，口感丰富，半滴淡酱油，肉味全引出了！ 鱼骨熟食鲜甜。厨师把烤过的鱼鳍放在清酒给我们品尝，配蒸熟的虎河豚皮，我以为食紧花胶！！ 再加上岩盐烧虎河豚白子，入口溶化，感觉好像在食香浓的忌廉一样！整套料理和我在「下関高级河豚料理店」是一样的。顺带一提，天然和养殖的味道的确是十万级分别！！当然还要师父经验的处理。渔师煮鲍鱼-大大话话在吉利食了八年，每次食这鲍鱼，真是幸福满泻！丹波豆腐寿司- 自家制，豆浓味美，服务员再三提醒勿点酱油。香烧蓝鳍吞拿鱼肝卷-我的至爱！超级正！京都白酱油煮松阪豚手-我连汁也喝清，一分钱 的确一分货，用心之作！九十九岛蚝-本人一直不太喜欢日本蚝，但每次来吉利，不知不觉一定点的，那自家制的梅汁，真的和蚝味恰到好处。烧山口县黑栢鸡-皮脆肉嫩，烧熟的程度无话可，低调而特显了那份心机。根室本鳕场蟹- 太多食评赞美，我也不多说，必食！🔷🔷P.S.用餐当日满座，相信要欣赏吉利这师父的心机真的要耐心等候，不过我可以告诉你，我也试过平日不是满座的时候来，等候时间也不会特别缩短，因为吉利这个师父只会慢慢用心做，那会理你満不満座！我亦深信好的东西是要等待的，来这里也是欣赏他的原因。想快而没有要求的话，应该去回转寿司店吧！一定快比你！
继续阅读
人类最脆弱的部分只有通过最原始的方式才能满足这就是食物的力量！ 夜光贝刺身：极有嚼劲的螺肉搭配起日本伊豆海盐的纯麻油这种味道真不可思议，让人不禁想一口接一囗。原来雌性螺肉才是这种口感，系日本都食不到这个味道，这里的厨师处理的很好！ 鹿儿岛琵琶虾刺身：咁样生食龙虾真的很豪迈呀，D肉卷得好靓，好似朵花咁，食落爽得来又清甜，非常新鲜！ 豆腐寿司：厨师用日本国产豆同盐𠧧自家制的，这可以话是我第一次食豆腐食到它自然朴实的味道，它不是你平时食开豆腐的感觉，很有趣值得尝试！ 季节性烧香鱼：原子笔咁大条啫，天然鱼就是不一样，烧到连鱼的内脏都可以食埋，甘香的，我知道如果养殖的就好大阵泥味！ 烧鳢鱼：淡淡金黄色若隐若现令人一看就有食欲，这必定要很有心机才能处理到外脆内松软，果然是名师出名物！ 白酱油煮豚手：原来是来自京都的白色酱油加上松阪产的黑毛猪手，热腾腾上枱，好滑好粘口，再吮埋D骨，好回味。最后碗里的汁冻咗凝固了，侍应提醒一定要食，这更是别有一番滋味，可想而知这是有多么丰富的胶质！山囗县黑柏鸡：烧得恰到好处，走地鸡的味道始终是不一样的。皮脆肉嫩多汁！焼虎河豚白子：和忌廉一样的香浓嫩滑！鳕场蟹：半只，2个人啱啱好，味道超乎想像⋯总之来到不食蟹是损失！也不得不佩服厨师的刀法，蟹盖好多钉，好硬，竟然切得如此漂亮。餐厅细而窝心，坐满也不超过20人，只有两个女侍应，连中途掉咗筷子她们也能立刻递上，非常细心！重点是这里唯一的一个厨师是香港人，他每出一道菜也明显精心铺排，食物同皿器形成一体，令到眼睛也在享受，我不敢相信今时今日能有这样工作态度的香港人。是香港人的骄傲！
继续阅读