吉列牛忌廉烏冬專門店 (百樂中心) (已結業)

係無預早訂位嘅情況下，早少少搏有位先！晚上六點半，人唔多，好快就安排好座位，店員安排入座嗰下講明得90分鐘用膳時間！好快就揀定，兩個吉列牛定食+罐裝汽水 ($316 +10%)好快就送上汽水同定食！準備開餐！驚時間唔夠，我地迅速將吉列牛放上個爐上面！一路煎一路食住前菜先！前菜都放得好精緻，不過睇真啲，蕃茄、椰菜絲同豆腐都係配麻醬，其實蕃茄同椰菜絲係可以放埋一齊，分開係等食客觀感豐富啲！吉列牛比起出面食嘅厚身，係唔十分熟嘅時間入口顯得特別juicy，配埋個沙律醬更開胃！不過個飯粉量都比較少，男士食係一定唔會夠，呢方面飽肚滿足感就差啲！

Went after seeing the creamy udon on social media and had to give it a go.Went and it was a super busy but we luckily got the last table available. By the time we left there were around 20 people waiting. We went for the katsu which you cook yourself on the hotstone- this was delicious. It came with some side dishes. The creamy udon was actually whipped cream on top. It did actually add to the taste.

周一腹愛咖哩，我愛烏冬，順理成章黎一試。嗰日放假專登早啲黎食lunch, 個胃都未瞓醒，所以點左咖哩忌廉雞同牛烏冬各一，費事眼寬肚窄浪費食物。食物黎到最期待就係夾起烏冬，穿越咖哩汁同忌廉嗰下，咖哩好香，沾上左忌廉就中和左咖哩嗰種辛味，烏冬唔知係咪用咖哩汁煮熟，麵身吸收左滿滿嘅咖哩味，但係我覺得烏冬偏淋，我鐘意彈牙烏冬，周一腹就話好好味，總之係咖哩就係好味。肉嘅份量好少，雞肉好似有四、五小粒，周一腹就無留意自己碗牛有幾多份量，不過我諗唔多，因為賣點不在肉，總括都係好味。

之前食過這間忌廉烏冬，好夠忌廉，但是烏冬本身就一般。今次試埋距招牌-吉列牛中午放飯時間，不算太多人，不需要等位。店面位置有點難揾每張臺都會有這個燒牛肉的石板，座位都還算寬鬆，但是抽煙系統一般，坐低就俾隔離d煙熏到……因為不算多人，所以就算一個staff都好快手。我地叫咗兩個午市套餐，一個係肥牛茶漬飯，另一個就係吉列牛啦。肥牛都幾好，小菜豆腐非常嫩滑，配搭就是正常茶漬飯。吉列牛呢個招牌的確不錯，雖然貴，但是幾好食。牛肉的質感保持得幾好，肉顏色鮮艷，不過配飯就比較乾，雖然有味增湯。

想試吉烈牛好耐所以約左朋友黎呢間吉烈牛專門店食返夠本🤩呢個蟹膏撈飯好好食！令我諗起韓國便利店既即食蟹膏🤣紫菜仲係脆既 唔錯😝忌廉牛肉烏冬超creamy!上面一層厚厚既忌廉下面係香濃既咖哩烏冬撈埋一齊食會冇咁漏 好味😋😋至於主角一定係吉烈牛啦！外層沾上麵包粉炸得香脆內層仲係鮮嫩既紅色放上鐵板上每邊燒15秒左右就食得可以按自己喜好控制生熟程度好玩又好食估唔到吉烈牛排食落又唔會太油膩外面既炸粉冇吸太多油非常推薦！

首先祝大家情人節快樂喔從唔主張2月14日正日去食昂貴情人節套餐既蕃茄小姐今次就跟埋蕃茄黎到呢間<吉列牛忌廉烏冬專門店>搵食 (睇下我幾幫你慳荷包)大約7點半多D到達，人龍唔算長，而且門口有幾張長木凳比食客邊坐邊等（加分！）等左１５分鐘就已經入得！座位唔算好寬敞，但都算坐得舒適，黑色牆身加埋加木檯，黑色鐵凳，銅色吊燈，裝飾帶點工業風！而且每張檯上面已經預先放左燒吉列牛用既爐黎到當然必點２款主打食物牛肉咖哩忌廉烏冬($78)就咁睇張相，以為係果Ｄ勁漏勁heavy既忌廉底食落口第一啖有種bling bling的感覺原來忌廉配咖哩係何其的夾，忌廉令烏冬更滑更彈牙又能帶出濃郁既咖哩味，咖哩不辣，大人細路個個岩食見到蕃茄先生食到 shu shu聲就知有幾好味吉列牛定食($148)基本上每檯食客必點既食物！呢個吉列牛用平時一般日式餐廳既食法有Ｄ唔同以為都係炸好唒全熟上檯，呢個吉列牛係原本沾了少少木槺粉再炸了一炸所以上檯時仲係呈生既狀態，樂趣之一就係利用檯上既爐自己慢慢燒熟為止＊本人覺得要燒到全熟先好食，因為初初燒左幾下，當佢牛扒５成熟咁食，會好un＊燒到全熟放入口就超juicy！每個

朋友ig上po好吃 就來試試看了 點完上次速度也很快 點了兩份烏冬麵 一份忌廉烏冬 一份蛋捲 推薦蛋捲 裡面好像有芝士還是什麼黃色的 軟軟的 烏冬也很推薦 攪拌一下忌廉的味道就沒有 吃到最後湯汁也很好吃 而且去的時候晚上也不用排隊

銅鑼灣耀華街百樂中心勁多食肆，其中一間我比較喜愛的就是吉列牛忌廉專門店，幾個月前來食過dinner, 一直念念不忙，所以今日和靚太F再來食lunch,無論lunch和dinner time都是坐滿客人，所以一定要預先book位呀！我和F都好喜愛食牛，所以決定叫一個set, 裏面包含2個吉列牛定食+2杯汽水$316吉列牛定食除了有吉列牛外，還有凍豆腐，麵豉湯， 日本蕃茄和一碗日本米飯每張桌上也有一個盛着鐵板的小火爐，用作弄熟吉列牛的用途特別喜愛凍豆腐和蕃茄的麻醬，酸酸甜甜，非常開胃，凍豆腐非常嫩滑，蕃茄也很鮮甜，還有粒粒飽滿分明的日本米飯，未食吉列牛已加分吉列牛的份量至少有八至九片，厚切，上桌前厨師先把牛柳沾上麵包糠炸至金黃色，但牛柳還是生的，呈漂亮的紅色再依個人的喜好把吉列牛用鐵板弄熟，要幾成熟完全可以掌握在自己手中，我喜愛半熟，大約每邊辣5至10秒便可這個做法確保肉汁完全鎖住，加上四邊均有吉列，完全可以做到外脆內juicy, 肉質腍而牛味濃，蘸酸忌廉醬更可解腻，非常非常美味Bitter Lemon唔係度度有得買，識揀緊係揀呢D

之前喺韓國食過吉列牛對佢念念不忘 今次有朋友介紹去到銅鑼灣呢間 吉列牛忌廉烏冬專門店 試下 差唔多成八點半先去到間店仲有好多人 如果唔想摸門釘可能要早少少打開book定枱就好啲啦我哋嗌咗個二人套餐 有一份吉列牛定食 同埋咖哩忌廉牛肉烏冬 仲有兩杯嘢飲吉列牛好大份 除咗牛肉之外,  配埋一大碗飯,  麻醬豆腐, 車厘茄, 同埋碗麵豉湯牛肉炸得非常鬆脆 等個爐熱咗之後就可以自行燒牛肉 想生啲定熟啲都可以自行決定 兩個朋友share嘅話就最適合啦牛肉juicy 我自己覺得唔點醬都已經好好食 同埋仲有外脆內軟嘅口感非常正個忌廉咖哩烏冬賣相同我喺韓國食嗰次一模一樣 忌廉溝埋咖哩非常creamy朋友唔食得辣都覺得好好味嘢飲方面 叫左柚子蜜同紅棗茶冬天飲好滋潤埋單兩個人唔使300蚊 好抵難怪夜一夜都咁多人嚟食啦

對上一次食烤吉列牛應該是半年前的事，但當中的口感仍然記憶猶新。朋友知道我對吉列牛的執著，決定帶我來這裡拜訪一下。店內的環境十分舒適，而每一張桌上會預先放置一個石板烤爐。在點餐前，看了一下網上的食評，多數人也推薦定食吉列牛和咖喱忌廉烏冬，但因為只有我和朋友兩人，大家也是為吉列牛而來，因此這次只好暫時放棄咖喱忌廉烏冬。定食很快便到，上菜速度比預期的快。店家在上桌前，會先把牛柳沾上麵包糠炸到金色大約3成熟，在按照個人的吉好，在石板上烤至自己喜愛的熟成度。因為石板傳熱快，溫度高，所以每邊烤了很短時間便可以。除了點了定食吉列牛，我們還點了一個滋味單骨雞翼，味道一流，十分惹味。如果有啤酒的話，簡直是絕配。最後以一碗咸淡適中的味噌湯作為這餐飯的結尾，十分滿足。

一早已經有留意呢間餐廳，佢岩岩開果陣仲訂左枱諗住食，但因為打風的關係沒有去到，跟住一直未有時間黎，今晚終於都黎試下啦!餐廳位於百樂中心，今次8點左右去到，未見有人龍要排隊搭𨋢。餐廳走工業風，以黑色及柔和燈光為主。一入餐廳已經見到燒吉列牛的爐放左係每張枱的枱上。跟友人看過餐牌後，點了這間店出名的吉列牛及忌廉烏冬，兩款飲品及小食。Rose Garden($38)，呢款飲品以粉紅色為主，好有少女感覺。飲品面有幾朵小玫瑰，飲品有淡淡的玫瑰味，少少甜。Citrus Ocean($38)，呢款飲品以藍色為主，感覺很海洋。飲品底部有柚子，所以飲落很清新及消滯，酸酸甜甜的。吉列牛定食($148)，這個定食除了有吉列牛之外，還有麵豉湯、凍豆腐、車厘茄同飯。還附有酸忌廉俾你點牛食。牛肉需要燒一定的時間才會咬落鬆軟多汁，燒得唔夠熟的話會好韌。這款吉列牛沒有我想像中咁油膩，可以食多幾舊，加上有酸忌廉，更加帶出牛的味道。雞肉咖哩忌廉烏冬($78)，起初我以為咁多cream係面一定會好漏，點知原來一D都唔漏，仲好好味添!Cream 既下面就係咖哩烏冬，只有一點點辣，烏冬還有西蘭花及洋蔥，烏冬軟硬剛剛好，雞肉嫩滑，

今日一個人食lunch，喉嚨有啲痛痛地，要食啲唔刺激唔煎炸嘅嘢，我就諗起食日本菜，漫無目的走去伯樂中心睇吓個水牌睇下有乜嘢好食，卒之揀咗呢間---吉列牛忌廉烏冬專門店！上到去餐廳，舒適唔再講，侍應亦好親切！望吓個Menu，食物種類好多，本人來講好鍾意食鰻魚，就叫咗個鰻魚飯。過咗冇幾耐，個飯就到咗，過返下底有一個爐仔為慶住個飯，依個天氣咁凍，一路食個飯都唔會變凍。而且個鰻魚好好食，又夠大條，果然無揀錯呢間餐廳！下次要再嚟試多次。

餐廳位於銅鑼灣百樂中心，係呢區嘅美食大廈！放工約朋友超方便，都有留意呢間餐廳介紹，一於試吓🥳Passion Punch $38, Rose Grander $38食燒肉，點可能唔配一杯冰凍飲品！分別嗌咗熱情果同玫瑰梳打，比較鍾意酸甜熱情果，可以一解油膩。吉列牛定食 $148係餐廳主打嘅吉列牛定食，由東京興起帶到香港，點都要試吓~ 牛柳沾上麵包糠炸到金色大約3成熟，再放上石板燒至兩邊焦香，剛剛熟鎖住肉汁，定食仲有飯、沙律同麵豉湯，第一次試都唔錯！香辣忌廉雞肉炒麵 $78店員提醒炒麵有譚仔中辣咁辣，睇嚟譚仔已經成為麻辣食物嘅度量衡😂 炒麵比起圖片大碗好多喔，面層係輕形忌廉，筷子夾落就係香辣炒麵同雞肉，辣度好惹味啱哂share一齊食！另外，餐廳嘅忌廉烏冬都好多食客人讚賞喔~吉列牛忌廉烏冬專門店星期一至四、日: 12:00-22:30星期五至六: 12:00-23:00地址: 銅鑼灣耀華街3號百樂中心22樓電話: 34278822分店: 旺角平均消費: $117/位

好耐無黎銅鑼灣，今日朋友話想食呢間忌廉咖哩烏冬，就行左黎聰嫂呢邊搵食好日都唔見，一見就食d重口野。上到去發現係韓國野黎，我本身以為係日本 🇯🇵哈哈 去到只有半邊比人坐左，每人枱上都有個石爐比人煮吉列牛，但朋友不吃牛，所以就無叫了。但要注意，呢到空氣不太流通，燒烤味重。🔸咖哩忌廉雞烏冬 $78一心黎試，上枱見到有咁多cream有d怕膩，點知出乎預料的配合得好好同咖哩。每條烏冬都掛上醬汁，微辣加d cream的味一齊，味蕾受到沖擊如果可以再辣一點就更好麵質方面，爽口彈牙，樣貌似普通烏冬，食落似稻庭烏冬，讚🔸南瓜薯餅 $38本來想叫咸蛋薯條🍟可惜今日售罄 轉叫本來都想食的南瓜薯餅 $38 兩塊切四件 起初覺得都幾貴 但同友人食左一啖兩個人互望 yum~ 超值 南瓜比例超多 咬落扎實 南瓜蓉打得幼滑帶點南瓜皮和碎粒 多種口感 👍🏻👍🏻✨必點之選🔸枝豆 $32每次去日本居酒屋必點枝豆，估唔到呢到都有上枱熱辣辣，用適當鹽調味，枝豆粒粒飽滿，咬落爽口，有杯啤酒就完美🔸韓式甜辣單骨雞翼$65甜度適中，食落後勁帶出淡淡辣味，單骨雞翼很貼心，啖啖肉🔸秘製蛋卷$68芝士蛋捲 每次食韓國野必叫 做得好吃都不簡

朋友介紹呢間食烏冬食燒牛係超級好食所以決定帶外國黎既朋友試一試👱🏻‍♂👩🏻‍🦰👨🏻‍🦰👱🏻‍♀🧔🏻今次叫左好幾樣特式推薦既食物，Set 3（吉列牛定食🐮+ 咖喱忌廉牛肉烏冬🍜+ 牛𥚃脊肉蓋飯🍚+ 汽水x3🥤)三樣都令我地食得好滿足，吉列牛定食🐮：成個後都比吉列先包圍然後可以跟據自己想要既熟度去燒，入口即溶，好新鮮架咖喱忌廉烏冬🍜：一個好特別既製法，咖哩烏冬上面有忌廉遮蓋，睇落好似一盤打左泡既奶，然後咖哩烏冬撈埋一齊食口感好滑牛𥚃脊肉蓋飯🍚：我咁耐以後食過覺得最好食既飯，有汁撈過既紅米飯，再拼埋上面既𥚃牛脊肉，絕對係絕配，唔係誇張👍🏻誠意推薦比各位❤