吉列牛忌廉烏冬專門店 (百樂中心) (已結業)

係無預早訂位嘅情況下，早少少搏有位先！晚上六點半，人唔多，好快就安排好座位，店員安排入座嗰下講明得90分鐘用膳時間！好快就揀定，兩個吉列牛定食+罐裝汽水 ($316 +10%)好快就送上汽水同定食！準備開餐！驚時間唔夠，我地迅速將吉列牛放上個爐上面！一路煎一路食住前菜先！前菜都放得好精緻，不過睇真啲，蕃茄、椰菜絲同豆腐都係配麻醬，其實蕃茄同椰菜絲係可以放埋一齊，分開係等食客觀感豐富啲！吉列牛比起出面食嘅厚身，係唔十分熟嘅時間入口顯得特別juicy，配埋個沙律醬更開胃！不過個飯粉量都比較少，男士食係一定唔會夠，呢方面飽肚滿足感就差啲！