吉列牛忌廉烏冬專門店 (百樂中心) (已結業)

家人很愛吃這裡的石燒牛，有得玩又有得食，自己控制生熟度，正～吉列牛定食～牛肉的脂肪分佈均勻，放上石鍋上燒，在等待期間邊聽著燒牛肉的吱吱喳喳聲，食指已開始大動～牛肉外面包裹著一層吉列炸皮，輕輕前後燒一燒，只需廿多秒就已可煮好，令整件牛肉變得外脆內軟～牛舌雞肉串～雞肉串外有燒得焦香的味道，而肉串內還有一粒一粒的牛舌混合，更有質感～韓式炒牛肉茶漬飯（蔬菜鰹魚湯）～定食內都會包括豆腐，番茄仔做前菜，炒牛肉是平日吃到的肥牛片，加上茶壺裝的鰹魚湯伴飯，飯變得很吸引清香～

🌎吉列牛忌廉烏冬專門店 (銅鑼灣)從未食過忌廉烏冬，原來咁過癮咁夾，今次叫左個set 黎食 牛肉自己燒 燒到自己理想熟度 唔錯 Set：吉列牛定食+咖喱忌廉牛肉烏冬+汽水*2 $246▫️吉列牛定食牛扒切開一片片擺得井井有條，因應自己食幾多成熟，再放上石板試煎，本人建議大概燒至八九成熟，仲有少少汁，識落一啲都唔韌而且牛肉味重亦算腍滑。▫️咖喱忌廉牛肉烏冬賣相非常之吸引，白色嘅忌廉鋪滿全碗，再攪勻食，忌廉與咖喱嘅味道融為一體好creamy! 烏冬睇落去黃黃地 因為已索曬咖哩汁 非常入味 ▫️雞軟骨餃子$38餡料豐富，食落唔會太乾，而且外皮煎得十分香脆！💵人均消費：156✨環境衛生：7/10🙋🏻‍♀️推介指數：7.1/10📍銅鑼灣耀華街3號百樂中心22樓

來吉列牛忌廉烏冬專門店，一定要食招牌菜吉列牛和忌廉烏冬。叫了一個吉列牛定食。定食除又大又厚令人垂涎欲滴的吉列牛外，還有飯，湯，沙律和芝麻醬豆腐。吉列牛外表香脆，略炸的吉列牛已切成一片片，裏面的肉鮮明。將牛肉放在熱爐上稍為加熱到你喜歡的熟成度，點些醬油或wasabi沙律醬，便可慢慢品嘗。牛肉肉質幼嫩，入口溶化。牛肉有肉味，不點醬也很可口。小蕃茄和豆腐清新。湯夠熱，飯有咬口。吃完好滿足。咖喱忌廉雞肉烏冬都好好味。白色忌廉下面是咖喱雞肉烏冬，還有鮮菇片。將忌廉混合咖喱烏冬，味道很夾，又香又好味，不辣。烏冬滑，雞肉結實，鮮菇甜。雞軟骨餃子一碟4隻，味道不錯，外脆內軟，加了雞軟骨增加口感和風味，值得一試。凍蜂蜜菊花蜜大大杯，微甜幾好飲。Passion Punch 酸甜有熱情果香，好味。兩個人吃得又滿足又飽，每人祗花了$175元左右，在銅鑼灣算性價比高。

吉列牛定食💰148吉列牛的份量給的算多，而且是厚切牛排，可以放烤爐上烤到自己喜歡的熟度，定食有不同的小菜、烤肉醬和芥末醬（不吃辣人士都可以接受的辣）咖喱忌廉烏東💰78招牌烏東，爽口順滑，透過表層忌廉夾咖喱烏東，顏值和味道都值得一試！牛油蜜糖單骨雞翅💰65推薦！甜甜的雞翅你值得擁有！貼心的準備是單骨，女生也可以吃的優雅些，而且味道也是非常美味，每塊雞翅都被蜜糖包裹著，甜食愛好者推薦🥰韓國柚子蜜💰28柚子蜜搭配吉列牛，淡淡的柚子蜜，很爽口。蜂蜜菊花蜜💰28淡淡的菊花味，清新甜口。

之前同朋友去食過旺角嘅依一間分店，一試難忘，味道好，而且價錢勁平，今次過嚟銅鑼灣試吓食呢間，估唔到都發揮到高嘅水準，超級好味，性價比極高🤩👍🏻頭先我哋叫咗兩杯嘢飲Rose GardenRose Punch杯都好好飲，超級清涼，而且唔會太甜，我特別鍾意rose garden，裏面有清甜嘅玫瑰味，啱晒女仔口味😆吉列牛定食超級推介！成個餐都好豐富，裡面有麵豉湯、飯（配飯料）、仲有好多舊吉列牛，吉列牛有埋個鐵板，可以自己燒幾成熟都得，而且肉質勁鮮嫩多汁😋咖喱忌廉烏冬10粒星推薦！上層有好香濃既忌廉，估唔到撈埋咖喱烏冬係咁好味，勁有口感！雞軟骨餃子🥟都係另一樣必食推介，日式嘅美道👍🏻

成日聽friend 講呢間吉列牛同忌廉烏冬好好味，今日唔知係咪黑雨關係，人少少終於可以試吓。兩個人Order 左一份吉列牛定食套餐，套餐包埋一個咖喱雞肉忌廉烏冬， 滿足晒兩個願望。見menu 牛舌雞肉串買相都幾吸引，都叫左一份。 吉列牛外脆內嫩，用陶瓷燒爐燒一燒後， 肉汁鎖起，食落相當滿足。醬汁有日式甜豉油同芥末沙律醬，兩者都襯托出牛味。而咖喱雞肉忌廉烏冬， 香濃厚忌廉覆蓋成碗咖喱烏冬，混合後既咖喱變得甜d 同有奶油味，估唔到咁夾，好有新鮮感。我自己最鐘意就係份小食，牛舌雞肉串係將牛舌碎、雞肉、雞軟骨混合而成既肉棒，相當Juicy, 加上七味粉，味道辣辣地，十合開胃。最後加左杯黑穀燒酌梳打，完美既一天。

We came back to this place again after a while longing for the great meal we had last time. This time we decided to try something different and it did not disappoint!We were lucky as we were early so there weren't a lot of people. We ordered the set for 2 this time which includes the kobekyu katsu (stone cooked beef) with the creamy curry udon (must have) and 2 drinks. The set comes with some starters and a bowl of rice too which is nice, and we ordered a side chicken soft bone dumplings to try

出面食吉列牛都起碼都過百 接受二百先食到！ 呢度$98就食到！ 景觀好開揚😍吉列牛定食 + 咖喱忌廉烏冬 + 汽水 x2 - $246 吉列牛定食 + 咖喱忌廉烏冬 + 汽水 x2 - $246主角吉列牛！ 無我失望😍牛扒用咗炸粉炸咗外層先 基本上係9成生 然後食之前喺石板上邊燒到自己鍾意嘅成熟 炸粉好香 唔會好厚 亦都唔會已經炸熟咗塊牛扒😍 忌廉咖喱烏冬🤤 上碟時滿滿嘅忌廉鋪喺面 然後撈一路下邊就係充滿咗咖喱汁嘅烏冬 入邊仲要有好多料 有雜菜同埋應該係咖喱牛肉 超足料 啲忌廉望落好似好多但係撈埋又唔會好膩！ 反而令到烏冬好creamy😍 +8 汽水轉韓國蜂蜜紅棗茶+18 汽水轉特色嘢飲 pension punch重右左個小食 雞軟骨餃子（4隻） -$38特色又好好食😍 d雞軟骨切到好細粒 好易入口 份量又岩岩好！

父親節既午餐，帶左偉大既父親黎百樂中心既吉列牛忌廉烏冬專門店食招牌菜式！百樂中心係時代廣場附近，好容易找。下午一點半黎到，仲係勁多人，等左二十分鐘左右先有位。呢度餐牌有釜飯，Shabu-Shabu，冷麵，炒飯，韓式牛肉飯，小食，亦都有午餐，主食，套餐，同各樣飲品。招牌菜式就肯定係吉列牛同忌廉烏冬。都有美式頂級牛里脊套餐，大板燒等等。例牌叫個招牌套餐先。吉列牛定食 + 咖哩忌廉烏冬(小辣) 或香辣忌廉雞肉炒麵（辣）+ 2汽水價錢$246另加一。吉列牛一客九件，外皮香脆而入面嘅牛肉三成熟左右，等你自己喺個爐仔上面烤到自己鍾意嘅熟度先入口。跟吉列牛有蒜蓉mayo同甜酸燒肉汁等你點，仲有wasabi，不過個人覺得齌食唔洗點都已經好味道。伴碟有少量胡麻醬梛菜絲沙律。定食仲有兩款前菜，分別係一粒車厘茄切開兩半加左胡麻醬同一細磚加左胡麻醬嘅豆腐。定食仲跟一碗白飯，上面撒滿飯素，同一碗味噌湯。咖哩忌廉烏冬我哋梗係揀招牌咖哩忌廉烏冬。大碗烏冬上面滿佈白色忌廉同少少蔥花。碗烏冬好熱，放耐左先食都仲熱。餐牌寫明小辣，但係我覺得基本上完全唔辣，咖哩加忌廉好滑又唔太膩。烏冬係粗身而有少少嚼勁同勁滑，好好味。其他

之前網上睇見有吉列牛可以自己燒，蠢蠢欲動想試，今晚終於帶埋 bf 黎食。鋪頭電子落單，效率高好多，店員都幾有禮貌，好快手幫火爐點多次火同飲品加冰。Set 2: 吉列牛定食 + 咖哩忌廉烏冬 $246🐂吉列牛定食一上碟已有酥脆既吉列外皮，內裡既牛肉仲係鮮紅色。自己燒既好處就係可以享受燒野食之餘 ，仲可以自己控制生熟既程度，我就鐘意熟啲，我男朋友就鐘意生啲既牛肉。定食仲有白飯，麵鼓湯，麻醬豆腐同小沙律伴碟🥘咖哩忌廉烏冬cream鋪到厚厚一層 , 一撥開就見熱氣騰騰既咖哩烏冬，裡面仲有唔少雞肉同蔬菜。第一次食咖哩加忌廉，幾鐘意依個配搭，忌廉令口感更滑，同埋個烏冬係我鐘意有啲咬口又彈牙既麵質。🥟雞軟骨餃子 $38煎得幾香脆，內裡有切碎左既雞軟骨同小小菜脯，口感幾豐富🍹Passion Punch $38酸甜開胃🌼凍蜂蜜菊花蜜 $33估唔到菊花味都幾重幾香我地好早六點半黎，本來客人不多，估唔到咁快坐滿人了～

上個月忙於工作，沒有時間周圍飲飲食食，所以都少左寫食評🤦🏻‍♂️-今次要向大家介紹這間位於銅鑼灣的吉列牛餐廳，食物款式很特別，而且吸引，很適合大家試下😋-1️⃣美式頂級牛里脊配大啡菇 $178這個美式頂級牛里脊套餐，會有一個大啡菇，但這個配搭真的很少見，應該會幾飽肚😂一上菜，與圖中相片如出一轍，有一大塊牛里脊，啡菇上有很多半溶狀芝士，旁邊有些半生熟洋蔥🧅牛里脊還是處於很生的狀態，要切開一塊塊放上熱石爐上燒，適合所有朋友自己選擇熟成度。我和朋友喜歡食生少少，因為肉質會較軟腍😍而這個牛味的確很重，配上半生熟的甜洋蔥，好好食😋大啡菇則有點失色，因為本身底部有點燶，食起來會有苦味😖整體菇和芝士好夾，會令人想食更多😂-2️⃣咖哩牛肉忌廉烏冬 $78朋友就想試試這裏的忌廉烏冬，賣相令人摸不着頭腦🤭始終覺得忌廉應該係配甜食，但這個食完都幾喜歡🥰因為忌廉令整個咖喱味道變得更柔和，聞起來咖喱味好香，白雪雪的顏色也非常吸引😍-3️⃣咸蛋薯條 $38鹹蛋薯條也不錯，基本上每條薯條都沾上鹹蛋，炸得外脆內軟，個人喜歡蘸黑松露醬，有減低油膩感的作用☺️

今次第二次黎食吉列牛忌廉烏冬，再試都依然好食！必點呢吉列牛份量適中，可以根據個人喜好喺石板上燒到啱口味嘅熟度。即使燒到10成熟，肉都一樣鮮嫩，入口即化。外皮酥脆香口，內裡啖啖肉，非常滿足。第二樣必點係忌廉烏冬，忌廉超多但唔會滯，攬勻食啱啱好，咖哩味唔被搶之餘仲令咖哩多左奶香同質地更滑，烏冬煙韌，一流。至於鹹蛋黃薯條，熱辣辣超香脆，亦有一粒粒鹹蛋黃碎喺上面，可惜鹹左啲，配其他嘢食一齊食先可以平衡番。

去到門口已經黑口黑面，完全冇笑容，好似前世得罪咗佢甘。坐低想叫佢拎杯唔熱嘅水，一句話冇就擰轉身走咗。成間鋪啲石版牛好大浸油煙味，想坐入少少，都係一句話唔可以就黑面走咗，一句都冇解釋。嘢食聽講味道OK，但係嘢食未到已經想走。嘢食終於嚟到，個牛舌嚟到食已經凍咗😐雞軟骨餃子味道還好。個咖喱忌廉烏冬啊真係唔係太識欣賞，咖喱冇咖喱味，忌廉冇忌廉味，雞肉好似成碗得四舊。唔知點解咁多人都會排隊，我一定唔會再幫襯。

食物⭐️⭐️⭐️⭐️ （五粒⭐️滿分）服務質素⭐️環境⭐️⭐️⭐️食物質素唔錯 👍💖咖喱忌廉鳥冬好creamy 不過$78略嫌少少貴 但係勝在好味吉列牛定食 吾錯 $148飲品就普通質素🤥冇話有咩特別但係重點黎啦 服務態度好差 我哋晏晝三點左右黎到 成個埸剩係得兩台客 計埋我哋三台客 完全唔忙 然後兩個女仔服務員係我哋食嘅期間我地一直見到佢地坐喺度玩手機 唔知係咪放飯時間啦 不過有客到嘅時候佢哋都會起身serve😂我哋一開始坐低嘅時候其中一個女服務員淨係同我哋講過用手機落單冇同我哋講過有任何用餐時限 然後去到四點幾嗰陣我哋另一位朋友都到咗坐低咗之後再落過單 然後突然之間其中一位女服務員拎住張單然後抌喺枱面用比較西嘅語氣同我哋講話「你哋要埋單啦」完全冇解釋過任何野淨係無啦啦抌張單過嚟叫我哋埋單 完全一頭霧水 跟住俾咗錢之後繼續都係枕返張單同埋錢係枱面 然後同另一位女服務員嘻嘻哈哈 完全感覺唔到有任何尊重 好嬲吖！唔會有下次！服務質素真係有待改善 咁嘅價錢配啲咁嘅服務質素完全唔值得 所以唔推介大家黎😊

企咗喺門口好耐都見唔到一個侍應，應該係岩岩落完場， 好寧靜一個客都冇（包場）仲可以坐喺窗邊位睇見menu既相咁吸引，唸住蠔一蠔佢拉，價錢合理熟蠔有4隻，蟹子都唔小，不過急凍蠔本身就冇咩味，麵條就更加冇味拉，單靠個蟹子同小許既sauce，只能講一般，提唔起蠔應有既味道蛋捲煮到岩岩好，蛋身仲有D 蛋汁，正旁邊有個沙拉醬，點唔點都冇所謂，蛋捲已經夠哂味其實見到佢依個擺陣都知，係要用紫菜包住舊飯再點蟹膏黎食，但點解依個陣擺到成隻貓掌咁蟹膏帶有D腥味，紫菜亦唔夠脆