吉列牛忌廉烏冬專門店 (彌敦道) (已結業)

韓國吉列牛過江龍到左香港一段時間，一開已經勁多人排隊，終於放假有時間去試下呢個韓國一出都已經爆受歡迎既牛牛。今次有得坐旁邊可以望住旺角景色食飯，座位都係一般餐廳擺設唔算太迫，一入門口就見到KOREA FOOD就知係韓國既過江龍。一黎到就先奉上熱茶同爐，太多數都會叫吉列牛，話哂都係招牌，個爐都好精緻。當然一定要叫《吉列牛定食》($148)，成個定食咁上，有麻醬豆腐同埋麻醬車喱茄，點上麻醬好清新。加上有兩款點吉列牛既醬。牛肉先用左上左一層薄粉炸起，中間依舊嫩紅大約應該有兩三成熟，放上去燒就可以自己決定幾生幾熟就食。放上爐火都幾猛，一放上去就吱吱聲，爐上煎一煎啲牛脂出哂黎，牛肉唔會好靭牛味都算濃，飯上加上細個最鍾意既飯素更好味。另一個招牌《咖喱忌廉牛肉烏冬》($78)，面頭舖满左一層忌廉，同咖喱撈埋更加幼滑，烏冬索哂咖喱微辣超惹味。店名：吉列牛忌廉烏冬專門店地址：旺角彌敦道726號17樓即刻入去Like & Share埋我地既其他頻道喇餐牌:

同好姊妹相聚, 大家都有唔同提議, 但不約而同地都提議左呢間吉烈牛, 因為見都幾多人食過, 我地又一於試試佢。雖然係平日夜晚7點黎, 但已經滿座同埋人頭湧湧, 要等幾張枱先有位, 人氣確係不少喔, 好彩都算等得快就有得入座。餐牌比較簡約, 選餐唔算話好多, 見全場都一面倒叫最出名既兩個皇牌, 吉烈牛同埋系烏冬, 我地決定一次過試哂佢, 套餐同單點分別在於多左兩罐汽水, 但我地都唔飲汽水, 所以單點較為化算~好快就上枱既忌廉咖哩烏冬, 比想像中大盤, 見到咁多忌廉都幾怕會好漏, 相機食完之後, 從底部一夾起烏冬依然冒煙(原來忌廉既保温作用咁大XD) , 第一啖就食到濃郁既咖哩味, 最初係覺得普通日式咖哩既味道, 但後來居上既香辣味慢慢滲出, 辣得黎唔到過度, 完來真係唔會食得出忌廉味, 同埋忌廉係令咖哩變得好creamy既原因, 所以啲烏冬好滑溜, 而且本身烏冬都頗為彈牙, 整體算係唔錯, 幾有特式同埋抵食。吉烈牛都係好快就上枱, 本身爐已經放置左係餐枱, 店員幫我地點火, 好快就feel到好熱可以開始燒~~每片牛都切得平均厚度, 令煎既時間容易掌握, 好快就聽到吱吱聲, 大概兩三分鐘就

旺角與太子新地標 726多左好多餐廳 大家可以去試下今次去左吉列牛忌廉烏冬專門店2個人叫個Set two 都夠🤤首先我係好期待佢個忌廉烏冬果然夠creamy 加上入面小辣嘅咖哩烏冬成件事係幾特別幾好食嘅👍🏼至於主打當然係吉列牛啦呢個牛牛比我想像中細舊燒兩下就好快熟 但牛味係夠嘅點沙律醬食係正嘅😋_________________________裝修環境：✨✨✨✨服務態度：✨✨✨✨食物質素：✨✨✨✨(5個✨為滿分)價錢：$246________________________唔信我嘅可以自己去試試😂地址：旺角彌敦道726號17樓

今天早上與同事出去旺角見客,做完野差唔多LUNCH TIME, 所以順便食埋晏先返公司啦~同事係個"韓瘋", 推薦呢間韓式烏冬專門店, 一於奉陪吧!- 咖哩忌廉牛肉烏冬 (HK$78)說是烏冬專門店, 當然不可錯過招牌菜。一眼見到咁多忌廉, 我仲以為係蛋糕, 真係睇個樣都覺得有趣。忌廉份量真係好多，同下層的咖哩汁攪勻食，口感非常ＣＲＥＡＭＹ，而且唔太辣，易入口，烏冬也很彈牙。雖然牛肉份量不算多，但因為好多忌廉的關係，非常飽肚！- 吉列牛定食 (HK$148)呢份定食很豐富，包括前菜豆腐、蕃茄、一碟吉列牛、白飯、味噌湯，仲有兩款唔同的醬可以沾牛肉。比烏冬的牛肉份量多很多，有成十幾塊，非常足料。不要看見有炸漿就以為Ｄ牛熟左，其實係生牛肉來，客人要自行將牛肉放在瓷爐上烤熟。個人鍾意食生少少，五成熟左右就夠，所以我太約每邊烤十秒左右。個人鍾意烤完之後點芥辣，覺得呢個配搭最好味。食個lunch都可以自己烤牛肉食，真係開心！- Kobekyu秘製蛋卷 (HK$68)次次去韓國餐廳都會點蛋卷，因為多數都好食。蛋皮很滑，而且加入左香口紫菜同埋邪惡芝士，食過返尋味。我覺得就咁食已經好夠味，但如果鍾意重味

近期香港開了幾間專吃吉列牛的餐廳，我還未吃過吉列牛所以是晚跟男朋友去嚐嚐。晚上七時多已經幾乎坐滿人，我們點了最受歡迎的吉列牛定食及忌廉咖喱牛肉烏冬。先來咖喱烏冬，面頭滿佈雪白忌廉，一夾起烏冬就霧氣騰騰，剎是吸引！烏冬口感煙韌，掛汁力十足，每一條都被濃稠的咖喱汁包裹著。咖喱味道香濃，入口微辣，中間夾雜著一些牛肉和雜菜，整體令人滿意，只是加上忌廉有點膩滯......吉列牛定食頗豐富，除了有主角牛肉，還有麵豉湯、飯、前菜。店員幫我們加熱火爐，客人可按個人喜好決定吉列牛的生熟程度。把牛肉放在爐上，大約十多秒後反轉另一面，肉已由紅色變成淺啡色。醬汁有燒汁和wasabi蛋黃醬，個人比較喜歡後者，蘸一點可減低膩感。吉列牛炸得外層香脆，肉質軟腍但肉味偏淡，蘸醬能豐富食味。

呢度嘅忌廉烏冬真係無得輸，其實我都係第一次食。本身見到人哋韓國嗰啲忌廉烏冬咁出名，都諗唔明點解會有人食嘅。忌廉硬係覺得係用嚟整甜品，點知我依家一食就真係上癮。忌廉嘅清香牛奶味，加上底下嘅咖喱，混合一齊食原來真係幾夾，咖喱嘅味道會有牛奶香味中和返，加埋煙銀口感嘅烏冬，真係冇得頂！

事先聲明：我比4粒星呢個忌廉咖哩牛肉烏冬係因為我預期佢會有怪味/超難食，但居然唔係前排instagram比呢個忌廉咖哩牛肉烏冬洗哂版，但我個人認為忌廉同咖哩同烏冬呢3樣野實在太唔夾，所以遲遲都冇黎試。但今次我朋友話好想試，咁就黎試下啦。餐廳位於一棟旺角商業大廈既17樓，坐窗口位可俯瞰旺角舊樓景。我地兩個都叫左最出名既忌廉咖哩牛肉烏冬($78)。雖然話最出名，但佢地既lunch sets係冇烏冬架，所以唯有散叫啦🤷🏼‍♀️忌廉鋪滿成個烏冬，見到都覺得有少少漏。而且啲忌廉溶得好快，上枱一分鐘已經冇哂啲圈圈，變左一pat野😂再黎個近鏡：忌廉下係咖哩烏冬，聞落都比一般既日式咖哩香同濃。食既時候會將成碗既忌廉同咖哩撈勻，變成一碗賣相更加驚人既製成品(為免影響大家食慾我冇影到出黎😂 )令我驚喜既係，食落忌廉唔太膩，而咖哩係真係香濃同比想像中辣。忌廉同咖哩撈埋亦冇我想像中既怪味，反而有啲夾，係意想不到地幾好味😂總括而言，呢個忌廉咖哩牛肉烏冬比想像中好食好多，但個賣相就真係不敢恭維喇😂

今日食既呢間餐廳係位於旺角既係鬧市既隔離, 主要D人黎都係食吉列牛不過我之前食過了所以今次就食D唔同既野 日式牛里隻炒飯配流心蛋呢個飯我睇圖已經睇到流哂口水又有牛粒又有流心蛋超岩我口味 首先係要將隻流心蛋吉爆然後將佢D蛋汁撈落去碗炒飯度個口感同層次即昇華哂特別係D蛋汁真係好好味 牛里隻既味道好正, 嫩滑得黎好重牛味食下又一粒食下又一粒好彩材料都幾足下, 唔會一碗得幾粒日式炒飯係甜甜地的不過同牛里隻既味道又幾夾既!!

吉列牛基本上每次去日本/韓國都必食, 因為個製法實在太特別好難係香港食到, 所以係外地又有既話一定食到回本先走估唔到而家開到黎香港 吉列牛定食相信每個人黎呢度都係為左食呢個吉列牛, 我都唔例外好正宗既食法見到D生熟既吉列牛就已經口水都流埋出黎 食法好簡單, 只需要將吉列牛放上個熱PAN上等到佢熟左就得呢度既吉列牛本身就已經好夠味外面香脆, 入面啖啖牛香, 肉質嫩滑!!超正!! 價錢其實同外國食差唔多, 可以一試

吉列牛忌廉烏冬專門店居然香港都有得食!!!!!之前係韓國試過一次,一直念念不忘,估唔到今次有松會係hk食到!!地址係樓上鋪,我地坐卡位，非常舒適,,但係都算多人,滿座咁濟,食lunch,價錢都好合理我地2人一共叫左2個餐,分別係香辣忌廉雞肉炒麵同埋吉列豬扒烏冬(豚骨湯底)~~~香辣忌廉雞肉炒麵,表面有一層厚厚的忌廉,口感creamy,味道濃郁,好正,不過個人黎講都覺得有少少辣....同埋比較多洋蔥,所以唔食辣既人千其唔好叫~~吉列豬扒,外酥脆肉鮮嫩滑,熱騰騰食好味道,係穩陣之選!!!

咖哩忌廉牛烏冬 $78.今日黎到旺角哩間韓式食店lunch lunchtime不算太多人 環境不錯幾光猛 仲安排左窗口位睇風景😊😊至我就終於可以一嘗佢個咖哩烏冬.烏冬價值$78 相等於食拉麵咁既價格 野食唔需要等太耐 好快就送晒上台 我地都唔客氣去食嚕😝.烏冬賣相好特別 厚厚既忌廉鋪滿係碗麵度 用筷子撩下先可以見到有咖哩汁 讚歧烏冬同牛肉😛烏冬好彈牙 沾滿左小辣既咖哩汁同忌廉好特別既味道🤔咖哩唔係日式個隻甜辣 係咸咸地個隻 感覺不錯呢😁食法係撈云d忌廉同咖哩 所以忌廉令咖哩入口更香滑 而烏冬既煙靭口感同個汁頗夾呢.可能係share食 所以唔會覺得太溜 份量都算好呢 一個女仔應該食唔晒 建議哩道菜要share食吉列牛定食set $148黎食哩間餐廳除左俾烏冬吸引之外 其實仲有吉列牛😛😛😛.Lunch唔使加一 $148 有得玩住燒好正呀😎個set有飯 有兩塊吉列牛 有車厘茄 有麵鼓湯 有豆腐 有兩個醬點吉列牛 好豐富呢🤤首先係車厘茄同豆腐都係有麻醬 個感覺好日本feel 但係好食既 個飯上面灑滿左咸咸地類似椒鹽咁既物體 令碗飯好味左睇落又冇咁單調 不錯😊😛😊個重點就係個吉列牛 份量較我相像

之前係社交平台，見到有朋友洗版式 post「吉列牛忌廉烏冬專門店」嘅忌廉咖哩牛肉烏冬，賣相極之吸引，所以一直都好想試。今日放工，終於可以試到。呢度環境唔算大，一眼望得晒，但有落地玻璃窗，透光度好足，令人好舒服。咖哩忌廉牛肉烏冬 $78望到已經好興奮，烏冬賣相好邪惡，面層鋪滿咗厚厚嘅忌廉。先試咗啖忌廉，好幼滑。再將忌廉同咖哩烏冬撈勻，食落口感超正，好 creamy。咖喱好香好濃，辣度適中，牛肉唔靭，果然無令我失望。湯底有3款選 : 清香抹茶湯、蔬菜鰹魚湯、豚骨湯。韓式炒牛肉茶漬飯 $58 定食有兩款前菜，有麻醬豆腐同小蕃茄。今次揀左清香抹茶湯。湯底用茶壺裝住成壺上，客人可按自己口味加幾多湯。抹茶湯味道清淡，飯上面撒有蛋同飯素，加入湯撈埋，味道就出晒黎，估唔到咁好食~ 再配埋炒得好入味既燒汁牛肉，更加好食。可樂 +$5跟餐就只有可樂選擇，如果多幾款會更加好。Passion Punch $38三款特飲顏色都好吸引，呢杯檸檬味，感覺清新。

又同肥雞脾太太去旺角覓食，今次試試韓國野加上最近有同事去完韓國，推介忌廉烏冬好彩早左黎，大把位，但係侍應指定要加住隔離果枱坐，咁多位隔幾行都得掛我哎左一個咖哩忌廉烏冬將忌廉撈埋熱辣辣既烏冬同咖哩，都幾滑幾香都幾特別，食左咁多忌廉有D罪惡感肥雞脾太太哎左個蟹蓋飯團，蟹膏好香幾惹味，夾埋飯團食又不錯食哂飯團仲有D蟹膏剩，肥雞脾太太自私淨食，邪惡怕唔夠食哎多碟炸雞，韓國烤雞幾好，會有D醬汁係面，無咁漏，自己呃自己無咁熱氣甜甜地幾好食又一邪惡美食今餐都唔錯，野食幾好，哩一服務態度一般，可以再黎

上次一人到這吃忌廉鳥冬時,不停被鄰座的燒牛肉香攻擊....於是這次有機會,決定覆桌,把這些香物放到我的肚子內好了兩人點了一個二人餐....選了吉列牛跟忌廉炒麵吃牛前,我正跟友人在討論為什麼要特地把牛炸了呀,如果是高質素的牛肉,用不著要吉列化,浪費掉呀畢竟高質素的牛肉,已經有很重的牛肉味,不需額外調味結果吃下去就明白了跟上次的忌廉烏冬不同,這次的吉列牛吃下去完全沒有牛肉味,有點小失望,雖然質感很軟,也有少許肥肉的充盈感,但牛肉味這點實在太扣分了默默吃完全部就算了....至於那個忌廉炒麵,果然是小辣~~十分有挑戰性不過相對我會比較喜歡忌廉鳥冬啦....因為辣得吃不到其他味道了XD同場加影門神啤酒....朱古力味跟咖啡味不知怎樣喝下去好像差不多XD不過清清涼涼解辣跟下火就剛剛好~

喺公司附近嘅Kobekyu已經食過三次了，每次都係食lunch，因為比較近公司，方便啲，而且我地食飯時間已經等於人地食下午茶時間，呢度客人唔會太多。今日就同埋個同事過黎試下，因為佢話未喺香港食過吉列牛。於是我地點左一份吉列牛定食同一份茶漬飯作為午餐。咁除左呢兩野，佢地仲有供應鰻魚炒飯、小食、沙律、蛋卷、鍋物、忌廉烏冬、炒麵等，選擇以吉列牛店黎講，都算幾多吉列牛定食 148：吉列牛大約都有十幾塊，雖然係細細塊，不過煎完幾香口，幾好下飯。同事就話佢之前喺日本食過，就覺得比較韌啲，因為上枱時已經煮熟左。咁呢度嘅牛上枱最多都係三成熟，再加上自己煎一煎，放上鐵板幾秒已經食得，唔會太韌太老，有牛味得黎都幾腍身，個人認為比上次黎食感覺好食左套餐包括湯、凍豆腐，價錢黎講，全日吉列牛定食劃一收費，晚上黎食都係百零蚊，都幾ok蒲燒鰻魚茶漬飯 78：我地揀左清香抹茶湯，抹茶味本身就比較淡，唔會好重口味，茶漬飯面頭仲有炒蛋，幾嫩滑，而且有少少炸蒜，都香口。鰻魚四件，唔腥，亦都冇骨，燒汁可以再啲呢度人均消費百零蚊，lunch唔食吉列牛都仲有幾款口味嘅茶漬飯，例如韓式炒牛肉、吉列豬扒、照燒雞扒、燒鯖魚等，價錢 $