合興粉麵家 (已結業)

觀塘的重建，令很多舊事物都消失了。以前在裕民坊巴士總站的多間粉麵店已全拆毁，也不知道去向。這天，在朋友的帶領下知道原來其中一間在觀塘的另一角落開舖，當然要幫襯下啦。不用想太多，想吃的就是經典牛筋河。全是牛筋，沒有其它。煮得超軟，勁易入口，更是很入味。是味道的回憶，很正。

晚上九點多突然想食牛腩,是但找間粉麵店 一坐低拿拿臨叫左牛腩河 今次d腩唔得牛腩大概有五六塊,有點老 只有少少邊位係肥,唉! 口感又乾又鞋 味道亦不是想像中那麼好 湯底味精都幾重(個人認為).飲完十分口渴27蚊一碗好貴呀

觀塘變天, 許多小店也關的關, 搬的搬.  合興重開良久, 但位置一點也不順路.  今天早點下班, 為的是去光顧一下.其實位置也很好找, 店前的兩級階梯令我想起巴士站側的舊店, 枱子數目好像較以前少, 但整體感覺衞生點. 一坐下當然要點 金牌牛雜米, 另加 炸魚皮牛雜米的餸不少, 牛膀. 腸, 肺. 肚, 樣樣齊. 非常入味, 咸鮮, 而且很煮得很軟.  米粉很爽, 水準中規中矩. 湯頭也很鮮味, 喝多了也不會口渴, 那味整晚仍流在口腔. 令人回味       炸魚皮也是令一佳作, 鬆脆可口, 沒有裹著厚粉, 不腥也不油膩. 也不會跟一些食肆般連魚骨也當魚皮賣.        另這店會備有魚露供客人調味, 加在粉麵可提鮮, 實是細心     吃過這餐, 以前就算如何不順路, 也會定時前來光顧!     

本身諗住叫牛腩河算，但見墨魚鬚括住新產品，咁岩隔離台有個人又叫碗淨鬚所以我就雙拼試試啦，先講湯底，無想要個種腩汁味，再黎河粉一般般唔會話滑，最後就牛腩肉質同味都係一般但勝在切得正正常常唔會似車仔麵個d一忽忽，而驚喜反而係鬚，不過鬚唔係最正，係食到有d係卷狀個d墨魚先會爽一爽，味就都幾入味 

今次多得觀塘地膽帶我見識40年老字號的正牛腩！一直以為觀塘除左apm都無咩好食，原來仲有好多有心小店！合興粉麵家2012年因觀塘重建由原址裕民坊遷至現址，晚飯時間眼見都係街坊多，店面清潔。食過好幾間以牛腩為主打的麵店，大利、華姐等等，真心覺得合興的出品令人喜出望外！近期已開始戒牛，但無後悔將僅有的quota留比合興，order左牛腩墨魚河：湯底清、非常牛肉鮮味、賣相已令人垂涎；牛腩好入味但不會過軟，肥瘦適中，保持牛肉質感，而鮮墨魚好鮮味，仲小小脆口！呢度既辣油又係出名架，又破例食小小，wow，原來簡單一碗牛腩河係可以咁好食！ 

好耐之前未搬新舖已經食過聽朋友講先知原來搬左新舖咪嚟試下地方唔大但都算乾淨同坐得舒服叫左碗牛雜麵 無乜鹼水味 牛雜夠香又唔係太咸 麵口感啱啱好26蚊一餐算係ok 價錢經濟又好食值得推介

$25, 五香牛腩來的牛腩夠大件, 而且唔攝牙味道唔太濃, 我鐘意5香腩多過清湯腩軟硬適中反而河粉少左D平時叫河粉最大份, 呢次中伏呢度好似俾人迫遷過來, 唉...希望唔會執喇, 愈來愈少呢種小店

合興好好食, 好乾淨, 同埋我對佢地既出品非常有信心!之前去過其他粉麵店, D伙計食飯會走去第間食@口@ 但係合興就唔同, 都係食返舖頭野, 同埋事頭一家都會o係舖入面食, 呢點就令我非常相信佢地既出品!上次食左牛腩魚蛋等, 都係好味, 但係重點係佢地每枱一罐既辣椒油!!!!!!!!!!!!!!!!!!! 中意食辣既我真係食到停唔到口! 拿, 講明先, 係真係好辣架! 但係十分之香, 所以食到出晒汗都一定要繼續食!!!!!! D辣椒油係佢地自己炒既, 好食到一個程度係, 聽老闆娘講, 會有食客偷偷地搵個罐裝走D辣油! 我就好彩, 新張期內挨到老闆娘送左罐俾我 <3 平時唔賣架!

在觀塘這個地方，這家麵店由舊址搬來這裡，迄今已經很多年了，証明有實力可以長青的．叫了，膀肺米。不是很多地方可以叫這個組合的．牛肺洗得乾淨，沒有牛燥味，入口爽。而牛膀是粉粉的，非常香，米粉也不會過軟，軟硬適中！

裕民坊清拆重建, 居民商戶人去樓空.當中, 很多商戶因沒辦法承受租金瘋狂上升而無法繼續經營, 被逼結業. 小部分商戶選擇另覓新鋪, 抵受日增的鋪租開支, 咬緊牙關地經營下去, 其中, 合興粉麵家就是其中一間勇敢向前的商戶 (另一間是東記, 下次會寫東記的食評)它是裕民坊休憩公園側的三家粉麵店的其中一家, 經常到這裡用膳的,現在搬了新址, 環境比以前好了點, 起碼冷氣比以前強勁.合興最有名的是牛雜, 但受不了內臟味的我惟有叫了一碗牛腩米粉(25元)加菜心(要另加5元).牛腩味濃, 有點藥材味道, 有o趙頭但又有點過火, 稍韌了一點,(同事叫我下次叫坑腩, 佢地話好食好)菜心份量適中, 新鮮, 米粉份量亦適中, 湯底腩汁足濃味整體上不過不失, 沒有驚喜.但看到一間老鋪辛苦抵受大商戶壟斷及加租的壓力, 奮勇地繼續經營, 感到相當欣慰, 怎能不繼續支持?

補一個月前食評成個官塘區近幾年市政重建由裕民坊一帶至崇仁街數條街很多懷舊老店都隨著重建而結業在該區有不少食肆從小曾經多次幫襯合興牛什粉麵歷史四十多年亦搬到街市側面當日放假一個人到街市發現呢間店剛剛新開張，就走入去試叫了碗牛什河兩分鐘即到，牛什份量都多腸粉十分軟淋，多油膏牛膀亦一樣咁軟淋且入味牛肺入味亦有咬口河粉吸了牛什湯精華十分惹味，成碗連湯食哂環境新靜，裝潢普通粉麵檔服務亦普通

自從巴士站那邊被市建局回收後，以經很久沒有食合興了，那天經過街市見到有個招牌寫住合興咪八卦走過去𥄫吓！嘩！原來合覺响度開返^_^，真開心，又可以食返新鮮牛腩嘞！味道一樣，真係開心！即刻叫返碗，掂！以後唔洗週圍走！親切感返曬嚟！