合益泰小食

营业中

休息中

逛遊深水埗的人，若選擇小食來醫肚，「合益泰」的腸粉應是其中所選。我對上一次幫襯「合益泰」，是去年 12 月上旬的事！我幫襯過「坤記腸粉」(大圍) 及 已結業的「四眼仔腸粉」(粉嶺)，始終還是鍾情於「合益泰」的腸粉。箇中原因是......？排隊約兩分鐘便有得吃了！6 元 4 條，夠經濟又可飽肚！看雜誌介紹，這裡的腸粉不是加入石膏粉以助凝固，而是改用澄麵。入口你便知很爽、很滑溜，還帶丁點米香。很好吃啊！喜歡便是喜歡，然而定必有箇中原因！你喜歡嗎？

今次同女朋友去搵野食，平時習慣晨咁早由深水埗行返去學校上堂。突然女朋友興起想食個早餐，惟有去OPENRICE睇下有咩好食啦之後，發現左呢間。不得了既。合益泰小食!!!平民價食品，鄰近地鐵站，無需等待，一叫即有!!C2深水埗地鐵站出口，一出馬上見到合益泰小食由於在早上，所以不算多人!!步行進店內與女友一同堂食!!內裡有不少座位和檯子，所以可以坐下來叫堂食!為了填飽我與女友的大胃，所以叫了6粒燒賣，6粒魚蛋，一個中腸粉，一個炒麵，兩杯豆漿。加上，自助任用既汁醬，自由添加，要幾多用幾多，唔好折墮先至最好!!!中腸粉，8蚊6條，如果兩個人加上小食，中腸粉就剛剛好啦!!口感上，「幼」，此店的腸粉比外面的更幼 ; 「緊」，粉皮與粉皮更緊密。「滑」，順滑易入口，「彈」，軟而有彈性。所以，腸粉好有咬口，而且唔易散開一塊塊，沾上有淡淡香味的麻醬和其他醬料，真係好好食!!燒賣，3粒9蚊，不太值得一食。不算具有特色，只是豬肉兼有冬菇的燒賣，沒有豬肉味，跟普通燒賣一樣。魚蛋，6粒6蚊，值得一食。6粒6蚊，價格公道，相比外面魚蛋，更大更有彈性，算是不錯!!!炒麵，1碟9蚊，大大碟，食飽之選!!大大碟，食完超級飽

2日休假,想到深水埗買點攝影器材,約了好兄弟同行…突然想到想要吃腸粉,雖然是心血來潮,反正到的都是深水埗,友人就相約在C2出口見了!C2行1分鐘左右就到了,友人住在深水埗,和我說起了有關合益泰的小故事…原來以前的合益泰是間批發店,只是推著一架車仔在店門賣腸粉,跟著好幾年前店子改成了食店,除最基本和受歡迎的腸粉外,也加上了各種小食,變得更多元化!而其腸粉,也令這個店成為深水埗區的人氣小店! 到達時有一條十多人的長龍呢,不用說店中也當然坐滿了人,有不少人也會在冷巷中”立決”買好的腸粉呢!豆漿也是只助式,$5杯自己來再付錢就行了!人龍雖長不過其實等的時間不長,都是幾分鐘時間吧,一個人吃就來$6/4條就成吧! 當然不要希望服務會好好或其他,阿姐只會問你一聲”O係度食定係拎走”,如閣下有特別要求我想最好儘早提出,畢竟阿姐手起剪落,不早說最後會被鬧也不定呢! 加上了芝麻醬,甜醬,醬油,接著才灑上芝麻粒就可以吃…我也決定立決那碟腸粉,看起來合益泰的腸粉比起一般吃的幼細一點,未開始吃就嗅到芝麻醬的香味,比一般吃的都香,不過是醬汁比較稀身, 腸粉吃下很滑溜,沾上混醬來吃十分滋味,新鮮熱辣,不夠5分鐘腸粉

星期一,又係開始辛勞的一天, 工作前要享受好早餐先有精神工作由於星期一係深水埗工作, 見到有間小食店, 就入去食碟豬腸粉做早餐呢一間的豬腸粉真係一流, 又香又滑, 比起係其他地方的好食好多不過真係回味無窮, 越唔健康的就越好食, 呢個係真理腸粉來的時候已經落好麻醬, 不過豉油, 甜醬, 芝麻同辣醬要自己加我見係度食的人都實叫豬腸粉食, 無一例外我呢碟係大的 $11/9條 , 中的就$8/6條, 小的就$6/4條我另外加左隻粉果, 都幾好食, 不過對比豬腸粉就沒咁出色雖然沒食佢的粥品, 不過見到隔離枱碗粥都幾正幾吸引, 下次可以一試招牌豬腸粉外觀 : 8分 - 賣相不俗味度 : 9分 - 因加了豬油, 香味十足, 醬汁自行加上, 一定合自己口味口感 : 8分 - 尚算軟滑, 腸粉皮不厚, 有彈性份量 : 9分 - 我食大碟, $11有9條, 十分抵食粉果外觀 : 5分 - 一般沒有特別, 味度 : 7分 - 都算唔錯, 不過不失口感 : 6分 - 材料太碎, 大粒返一點會好的份量 : 7分 - 不太細隻

上星期6一早就要拎野俾朋友,之後就自己黎左呢度食左串燒賣劍要左碟8蚊既腸粉.腸粉算係中規中矩啦,食落麻醬味夠晒香,不過d醬就過浠啦,所以之後自己落左好多甜醬同芝麻!! 燒賣9蚊3粒價錢就ok啦,但食落就非一般囉!!涵過粉外面皮就又爛又粉,唔掂!!水準俾以前差左.

知道合益泰的腸粉好食, 吃完蛋牛治後就立刻走到對面馬路...唔想堂食, 冷巷位擺咗幾張椅子可以坐低慢慢食, 好細心啊~ 阿姐剪腸粉、撈腸粉的手勢純熟, 快到誇啦啦座無虛席...見到多數客人都有叫豬皮蘿蔔, 若果不是有下一檔, 會嗌嚟試門囗一入就是粥粉廚房部點了大份腸粉 $11 九條, 豬油麻醬是阿姐落的, 質地稀稀, 聞落有輕輕的芝麻及豬油益味檯面放了一枝甜醬、辣醬、豉油及一大罐「冷霜」罐改造成的芝麻罐, 罐面鑽洞洞方便shake芝麻, 幾得意亦環保撈醬後......好好味呀 腸粉既滑且軟, 米味香, 甜辣鹹油---好純粹的味道, 簡直是pure無添加, 食完無囗渴 有種80年代, 當腸粉還未演變到公仔點心的年代, 就是那份純真的真摯, 好懷念呀$9 三粒貴價「豬肉(粉)燒賣」粉多過肉, 質地糊糊, 不過燒賣皮滑及有少許冬菇碎吊味那麼令人懷念的味道, 逢有過去的人都必要嚐嚐

放工後來了深水埗這裡吃點東西才回家，想起了很久沒有光顧的合益泰，於是便來了這裡。步入店內剛好有客人離座，坐下來後便點了一份中腸粉和一串燒賣。中腸粉有六條，只售八元，算是十分抵吃的了。腸粉上檯後，食客可自行加上甜辣醬和芝麻調味。今次吃起來的腸粉只是一般，沒有之前吃的滑，而且吃來米香也不太明顯，但這裡的腸粉夠”索汁”，拌著麻醬，甜醬及豉油來吃，味道也不錯，只是覺得麻醬中的豬油香不及以前吃到的。燒賣一串三粒比起中的腸粉還要貴，售九元。入口原來是豬肉燒賣來的，不過這個燒賣的豬肉含量並不多，而且加入了大量的粉來混和豬肉，吃來的口感像吃帶點豬肉味的粉團，沒有豬肉的咬口和肉香，也沒有冬菇的香味，所以吃來並不好吃。下次來還是剩吃腸粉好了。

今天的午餐在合益泰，平時除了出面外賣腸粉要排隊外，堂食都要等位。但今天很幸運地俾我揾到位，唔使等。 今餐點了腸粉、咖喱魚蛋及艇仔粥。腸粉仍然是咁好味，幼滑的感覺加上香濃的芝麻醬，令人食上癮，而窄身的腸粉又很容易送入口，女仔要保持儀態嘛。艇仔粥亦是推介之一，雖然我叫走魷魚，但仍然加回了很多的豬皮，綿綿的粥底裏，每一口粥，匙中都滿是滿滿的粥料，非常低食。食咖喱魚蛋以汁係最僅要，合益泰嘅咖喱魚蛋祇是平平無奇，沒有咖喱味，又唔辣，而咖喱汁加了豆粉水，有啲杰；沒有陳記咁香濃好食，下次可以唔使點。

我每次上到O記，都會無意中發現有這間食肆在O記出現，再細看它的資料，原來它就在我自己居住的地區－深水埗，而且還是非常接近每隔一個星期日，我必會"例行巡視"看手機的鴨寮街。而它的招牌美食－齋腸粉，更是這裡的網友們津津樂道，它在這裡所獲得的好評，更是超過200個之多！話雖如此，可是每次我逛鴨寮街時，卻在有意無意之間，把它遺忘得一乾二淨，以致一次又一次地，錯失了在自己居住的地方，品嚐廣獲好評的招牌美食的機會。到了上星期日，我再次"例行巡視"鴨寮街，終於立起心腸，決定要到那裡，一嚐該處的齋腸粉的滋味。只是剛剛來到門口，就已經見到有人龍在外面排隊，購買齋腸粉來吃。再看看外面寫著"爽滑腸粉 6元4條"的招牌，就更讓我感到詫異：現在通脹那麼厲害，為甚麼還會有如此便宜得叫人難以置信的美食呢？雖然它的齋腸粉，吸引了不少顧客到來光顧，但是我覺得站立起來，用手拿著用紙袋盛載著的齋腸粉來吃，既不方便又不環保，曾經一度生打退堂鼓的念頭，此時卻見到原來它內裡，是有座位及檯子，供顧客們坐下來吃的，而坐在內裡的顧客們，吃齋腸粉又吃得津津有味，我於是走進內坐下，並叫了一碟齋腸粉。不一會，齋腸粉終於端上來了。我看見碟內

現今香港百物騰貴, 就連現在工業區一帶吃個炒公仔面都要上40多元, 貴得驚人.不過其實大家如果細心找, 還是有不少良心小店, 寧願賺少一點也可以令一眾街坊嘗到平, 靚, 正的美食.今天來到深水埗, 聽聞這區有不少隱世正店, 好奇之下便來探個究竟. 走出了地鐵站不遠處, 就來到了第一站好評如潮的馳名腸粉店 - 合益泰小食.中午來到, 店內人坐滿了7.8成, 店子除了腸粉也有其他如魚蛋豬皮等小食, 而腸粉就開了在店旁一角. 眼看不少人就這樣拿著膠碟站在橫巷內吃得津津有味, 感覺風味一絕, 好! 我也決定不坐店內, 也試試站著吃吧!由於人還不算多所以只需排了2,3個就到我了. 看到一條條幼長的腸粉白雪雪地放在鐵蒸籠內熱氣騰騰的, 馬上要了4條.阿姐手起刀落不用三兩秒便剪好腸粉, 加個麻醬甜醬和芝麻就完成了!我比較喜歡麻醬所以要求阿姐多給了一點4條腸粉剪出來份量又幾多! 腸粉不是自製而是來自潘記粉廠, 店旁就堆滿了一盤盤交來的腸粉. 不過是不是自家製其實不重要, 最主要還是看店怎樣做出來的味道才是最重要! 腸粉外皮白雪雪, 皮薄但卷得實, 不會一邊吃一邊散出來, 入口果然好滑好軟又彈牙!!不過

是日要出深水埗搵嘢, 知道呢間腸粉好出名, 一早問定朋友點去, 佢仲話果度好多人架, 最好唔好lunch時間去, 但我頂唔到, 所以出到去十二點幾都要食咗先, 好彩去到啱啱仲有1-2個單人位, 咁我攝咗入其中一張近門口的枱, 因為唔想再行入去, 就算行入去, 都係好迫咁6-7個人迫埋一張枱坐, 橫掂冇乜分別, 咁不如求其坐低, 拿拿臨食完走人...........明明臨行之前, 上網search過呢間食評, 仲係講緊5蚊4條腸粉, 但去到果陣原來已經加咗價去到6蚊, 不過一場嚟到, 唔會差果一蚊而唔食, 所以叫咗六蚊腸粉+1份魚旦...............每張枱都放滿醬料, 等你地自己落, 我見個個都係一路食再一路不停添, 食醬多過食腸粉, 難得呢度仲放响度任人落, 對我呢d醬王真係抵呀~~落單冇耐, 亞姐已經送上食物, 雖然人多, 但上菜速度一d都唔慢, 而且呢度流量好大亦好快, d亞姐做到冇停手, d食客不停進進出出, 有人起身就即刻有人攝入嚟坐, 真係旺場................... 腸粉係就係好香好滑, 但我响其他地方都食到, 未至於至專登走嚟同人迫而食, 但勝在

Since my last visit I was craving for more food from Sham Shui Po, the rice rolls and the liver noodles.This was my first stop.Last time the sauces made the rice rolls a bit too soggy so this time I asked for it plain.★☆★☆★☆★☆★☆★☆★☆★☆★☆★☆★☆★Rice rolls:The rice rolls still tasted as delicious as the first visit and after eating the preserved egg, I used that plate as a sauce plate and dip the rice rolls there.Their soy sauce is quite strong, so you only need a little bit.For me I liked my rice r

聽呢間最出名腸粉的合益泰已久,無奈的遲遲也末到場一試.今次終於一試.遠遠已見到6元4條腸粉呢幾個大字.賣腸粉亞姐手腳好快.我一路等一路望店內有無位.下午3點店內竟然坐滿.我只是吃腸粉,企冷巷食也是風味.6元4條腸粉已混醬,放芝麻.雪白的腸粉本身是沒有味道.全靠調味.呢間店出品腸粉是實心的.不會一拮即散.但我完全不覺滑.只是覺得米漿味較坊間的腸粉重.豬油香味也不突出.只有米漿香味重是最大的賣點.相比之下我屋企樓下間腸粉店.腸粉比呢間名店散,欠米漿味.但豬油香味更重,更好食..更有罪惡感.但當然比呢間名店貴.6元4條.....其實飽肚都真材實料的.不過要我下次再來,要緣份.

其實平時都有睇OPEN RICE既習慣獲好評又有興趣既食店都會想去試下今日同個BEST FRIEND放學我地都勁餓我提議去深水步試下一直想試既腸粉腸粉由細食到大真係好想試呢個咁好評既美食$6/4條我覺得佢既滑度,厚度OK因為我食過仲滑D既,不過呢個都算唔錯架啦..我返而覺得個豬油混醬唔算特別上面個圖係未自己加醬時影既可能本身期望真係好大所以都有少少失望架$5最令我意想不到既竟然係杯豆漿我要比個GOOD佢我自己本身都鐘意飲豆漿架我覺得合益呢杯好清甜,好FRESH既感覺而且無咩渣(呢個都幾重要)飲完好涼快食完呢間之後,我地就去試下一間啦

來到星期五的黃昏，剛剛在長沙灣見完客，有感難得可以到這區，便順道往深水埗掃街。在下素知這區有不少本土小食店，於是在下不拘小節，就在這裡吃個大家擁有的味道。縱使在下今日午飯在堅尼地城吃過，下班後仍然要到這區吃街頭小食。當在下進入這店舖，就覺得店舖細小，而且食客很多，幾乎坐滿，內裡只有一個位。本來在下想站在店外食，可是店內的女店員笑說坐啦，於是就在唯一的坐位坐下。今日揀選的街頭小食，就是豬腸粉加魚蛋再加一杯豆漿。這是在下頗豐富的傍晚下午茶。其實在下搜尋過其他小食，但是卻被這間小食店深深地吸引了在下，在下實在不得不試吓這小食店的小。由於在下先點了腸粉，所以先來了。放下後先落芝麻後影相，拍照時甜醬還未加添，拍照後再加添以後才進食。一吃之後不得了，腸粉很滑很熱，麻醬又夠味，加上甜醬的調味，實在有要多碟的衝動。吃過腸粉隔了一會，再來一個魚蛋。原本想吃辣的但是卻又驚太燥，所以吃個原味。雖然這魚蛋不辣，勝在靠原味。當吃下第粒魚蛋時，就發覺很彈牙，又有魚味，不像上次在華記吃過的魚蛋般粉，這裡的魚蛋完全不粉，很有魚味和彈牙。至於在下的豆漿很香和很有豆味，非常好飲，也沒有加水溝稀，是一杯很好的飲品。店舖雖然