合利粥品店

营业中

休息中

下班過來香港仔食粥，兩家併在一起，我一般選另外一家，不過今天休息一天，就過來合利了。這家之前跟媽媽有吃過，連我媽媽都讚賞，我媽媽煲粥很棒很好吃的，媽媽都覺得好吃，可想而知粥的質量是很不錯的。可惜今晚我自己再來吃，就差遠了，以前那種綿密順口好像不見了，是用米不同了還是換廚師了呢？想不明白怎麼差異這麽大。今晚點了七彩及第粥以及炒麵。🥢七彩及第粥配料是蠻多的，豬潤／豬心／豬肚／豬肉丸，都是比較新鮮的，豬潤爽脆，證明處理得很好，不過粥底真的比之前吃過的差遠了，何解呢？食粥對我來說，粥才是主角，配料只是點綴，亦可以話為粥底加上一重鮮味。不過今晚這碗真的就還好。🥢銀芽炒麵價錢很實惠，$13，味道正常，銀芽也新鮮爽脆，不過有點油。之前試過外賣分量比較多，不過堂食分量對我來食也是超多的。加上一碗粥，也是吃不完的。費解為甚麼差這麼多，希望加油，努力改進一下。不過價格的而且確是很實惠的。

牛肉大大塊，有約6件，好滑，粥好香，花生香脆，葱同薑份量啱啱好，正！其實冇太多嘢想講，不過系統要我打夠80字，唯有讚下門口落單個阿姐嘅服務，心水清，數口快，好掂！如果openrice 唔係同呢間店有仇，希望唔好再唔批准刊登。堂食$32，外賣$33。

一般粥品用料十足，生滾粥用料新鮮，油器脆口無油益味，炒麵炒米夠哂抵食，腸粉夠香夠滑，即叫即整，唔食蔥既嗌粥時記得要叫走蔥，唔係就會俾一大羹蔥俾你。堂食環境一般，坐位較迫，算係乾淨。某外賣動物平台買滿$100仲會有7折，抵過親自落order。

愛吃白粥，加上豬腸粉或油條，就是我小時候早餐的名字。長大點，驚覺白粥不划算，便改為吃及第粥，直到有一天，我知道及第粥一般最貴，頓悟！還是艇仔粥最抵。後來又有個男生告訴我：男生吃粥不飽肚…天呀！又錯。再後來，便漸漸和粥店絕緣，為了膽固醇改吃麥片。直到有一天，經過…合利未搬前，在舊址生意其實一般。現在則紅紅火火，其門若市；外賣又多，非常的人仰馬翻。我見價錢合理，決定加入大軍之中，看看性價比如何。是家毫無裝潢的小店，冷氣不足，全店加吹風扇，主打一項-粥。衛生條件明顯欠缺投資，地上有水漬，但枱面算是乾乾淨淨，餐具亦過關。我叫了碎牛粥（＄18）、炸兩（＄11）。幾乎是馬上，餐便送到。碎牛粥牛肉很多、粥底綿密、米花爆開；炸兩份量足、腸粉衣厚、中間的油條很飽肚，淋上大量海鮮醬、芝麻醬，很惹味，很療癒。服務的紋身哥哥超勤快，態度友善。埋單＄29，真是既好吃又經濟。如果你不介意小店的地痞，習慣如處身街市般的吆喝，一心一意想找些好料填肚的話，到合利吧！合利再來一碗 知足何妨吃粥。

香港仔中心附近有一間家庭式粥品舖頭，平時冬天，一定座無虛席，仲成日要等位，食完仲要立刻走，佢立刻收碗提你外面好多人等，但家庭式小店，街坊街里，大家習慣晒，無乜所謂。今日好熱，30度，但好想食佢嘅炸兩，見冇乜人，反正又有冷氣，吾趕時間，所以幫襯下。每次嚟幫襯，我一定會叫佢嘅炸兩，一流，腸粉皮唔太厚，入邊條油炸鬼最正，包完腸粉皮都仲係外脆內軟，唔硬，點埋麻甜醬最夾。可惜今日條炸兩有啲失色，一落完單即上，吾洗等，有古怪，條油炸鬼仲冇平時咁脹卜卜，淋晒扁扁地咁樣，食落亦唔脆，令人失望仲叫咗魚片粥，粥底好綿滑，稀稠度適中，唔似連鎖店果啲咁稀冧冧，但呢度始終差少少米香味。魚片足，配薑絲，好夾。無論如何，小店始終值得支持！

經過香港仔，突然想吃得清淡一點就毅然選擇了吃粥。這次我是透過Google地圖搜尋關於粥店的資料，結果讓我找到了這間傳統的粥店。我點了白粥和炸兩，炸兩外皮幼滑內裏有脆度，十分可口。而明火白粥煮得綿綿的，值得一試。

冇乜胃口，去咗合記粥品食咗艇仔粥，牛肉粥，炸兩同豆漿艇仔粥都OK，正正常常，但係牛肉粥就普通，佢啲牛肉好小，成碗粥淨係多炸米粉，好似食糊仔咁，個炸兩嘅油炸鬼比較油膩，豆漿得個甜字，冇乜豆味，不過4樣加埋都係$59，咁平...仲想點，都算抵食

相信依家要係香港食到新鮮即炸油炸都相當唔容易小妹一向對食粥有種情意結 即使係白粥 只要配上油炸鬼或牛利酥對我而言已經能成為世美味合利粥品係我屋企附近 基本上每星期必食一次佢地既粥品係非常綿密 每次我都一定係食的魚片粥或者生滾豬潤粥豬潤十分滑 滾落粥到相當美味魚片粥裏面有相當多姜絲 一啲都唔會有魚腥味當然再配佢上佢哋嘅油炸鬼 每次都會見到師傅一大喎咁樣炸啲油器 難怪令到我哋食嘅時候啲油器每一款都會係脆 佢哋嘅腸粉都係自己整 絕非工場交貨 所以非常新鮮而且滑嘟嘟

餐廳員工超笨。點了艇仔粥走牛肉，竟然給了牛肉粥！還要等了20分鐘（因為要等豬膶腸粉）再坐車20分鐘老遠拿到回家才發現！討厭！點餐時員工1不停告訴結帳的員工2説是艇仔粥，廚房就在裡面聽著。我澄清了2遍是走牛肉。員工2説知道了，我只有閉嘴！

而家喺香港舊式粥店買少見少，大多數都被新派粥店取代。但我特別鍾情舊式嘅粥店，因為喺嗰度我可以食到我喜愛嘅碎牛豬紅粥，因為新派嘅粥店好少有碎牛肉，取而代之則是完塊牛肉片。好彩喺香港仔比我仲可以搵到呢啲舊式粥店俾我懷舊一番。碎牛豬紅粥粥底感覺唔到那麼多味精味，只嚐到碎牛肉 滲出啲牛肉嘅鮮味，而豬紅尚算滑身，這些正是我想尋找的味道。炒麵簡簡單單的一碟豉油王炒麵，配上碎牛豬紅粥是絶配午餐。這份有昔日風味又食得飽嘅午餐,只需$29,是新派粥店沒有可能找到的！

中午經常要同個拍檔去食飯，由於佢係南區人，所以食乜一般交俾佢打骰。呢間粥麵舖都幾勁，中午好多人嚟食，有時甚至要等位等一陣，而且呢類民生小店，嚟食野嘅人多數都係當地附近嘅居民。佢主要以粥食為主，有好多配搭，價錢亦比較優惠，另外仲有生滾粥但會比較貴，而我未試過生滾粥。我一般都以一般粥 + 一個腸粉 當成一餐。今日我要咗個皮蛋瘦肉粥，另外要一個炸兩。佢個皮蛋瘦肉粥是的瘦肉不是一般會用的豬肉，佢是以咸雞肉做瘦肉，皮蛋量都幾多，感覺超過半個，炸兩就可以自己添加d甜醬，芝麻醬，辣醬。食兩份一個成年男士應該都足夠半日嘅能量，而且兩份只需要29蚊。佢呢度嘅落單方式亦很有特色，由侍應叫喊出嚟咁樣向廚房落單。我嘅皮蛋瘦肉粥叫做"下火"，我拍檔叫嘅係艇仔粥叫做"灣仔"。佢同樣另外食一個炸兩，佢個"灣仔"有d花生，浮皮，仲有一d魷魚。總括嚟講，呢間粥麵店嘅出品非常唔錯，難怪可以在呢度一直服務南區嘅市民。

跟LAM小姐食飯, 有時候真的需要吃一些比較清淡一點的。(雖然我是個重口味的。)但是位於香港仔的「合利」, 由舊舖轉到去新舖, 我都有幫襯。可以說是由細食到大。以前讀書, 住得近的同學都會幫手買早餐回學校! 想想, 也真的是要謝謝她! 這一天晚上, 我跟LAM小姐吃清淡一點的吧!「合利」的粥是比較稀, 但是絕對的綿! 而且好香滑! 我推介的是豬紅粥及艇仔粥, 是我最常吃的。以前我的麻麻, 都非常喜歡吃, 想想都令人懷念呀。豬紅如果新鮮, 是一咬即散的, 有時候煮太久的話表皮會變得好難咬開, 外皮有點過老。另外炒米粉也是必食的, 雖然他們家的炒米粉沒有什麼料, 但是都好好食, 因為味道偏淡, 多食都不覺膩。不過有好食的, 就有不好食的。我這一次是第一次食蘿白糕, 但是真心不好食...太粉了! 而且好似一PAT 野甘...而鼓油又好鹹! 下次不會再點這個了!

👉🏻油炸鬼👉🏻牛肉腸粉👉🏻炒麵(Total💲34)真心好平😹好開心好耐冇食中式早餐🤩久違嘅油炸鬼😽腸粉味道一般偏乾🙈可能係太少豉油 皮比較厚 牛肉多啲就好lu😗炒麵都麻麻🤔冇咩料🤣

街坊生意，食平dd，家下一餐冇四五十都落唔到樓，不如就清清地食番個粥，今次揀左合利粥，比同區店平1-2蚊，雖然唔多，但好過冇。先睇餐牌，價錢多數1字頭9字尾，其他店就多數2字頭，平左雞碎咁多，叫做好過冇。粥叫左「下火」，睇落平平冇奇，查實好多料下。即是皮蛋咸瘦肉粥。皮蛋正常出品，肉有咸香，叫得瘦肉，瘦瘦地，鞋鞋地，亦在所難免。粥底尚算綿滑，不過就唔係好大碗，唔大食都夠既。叫得粥就緊係搵野送下啦，炸兩出場。皮算滑，炸鬼就唔脆既，但係個人口味喜歡淋，貪佢唔熱氣又可以索下是油入味d。醬先係靈魂，呢度芝麻醬料類係枱面任落，唔駛就住就住。總結：成餐29蚊，真係唔算貴，清清地可以比街坊門多個選擇。

早前合利粥品結業，粥舖香港仔得返間海皇粥店，病咗想食碗靚粥都無。合理粥品重開後首次光顧，生滾粥保持水準。今次嗌咗生滾肉片粥，即係豬肉片粥。粥底非常綿滑，唔會粥、水分離。而肉片好大塊，厚薄適中，最緊要係咬落去有肉汁，爽滑，好好味。好多粥舖D肉都煲到似湯渣，呢間粥舖就唔會，肉片係比鮮肉片，仲落足料，一碗大大碗，大約有十片。另外嗌咗叉燒腸，腸粉好滑，但叉燒普通，而且無其他配料例如芫茜，味道一般。見其他客人多數食齋腸，覺得都岩，最好食都係層腸粉皮，不如就咁嗌齋腸。生滾肉片粥29蚊，叉燒腸16蚊，合共45蚊，碗粥係抵食既。