吃吧 (僑建大廈) (已結業)

慢煮甜酒燴和牛面頰🐂$188-通過慢煮既方式，用甜酒烹調再熬煮🔪不費吹灰之力一切就切得開😋肉質超級軟稔，入口即融，不愧係和牛🐂薯蓉方面都煮得好出色，超級creamy，食到滿口奶油味，質感幼滑，綿密薯蓉配上甜酒做為主調既醬料，香甜迷醉🥔檸檬牛油煎比目魚柳配忌廉椰菜花飯🍋$168-比目魚外皮煎到無比香脆，肉質依然保持嫩滑！忌廉椰菜花飯內有煙肉碎🥓，一旁更配有酸忌廉，mix埋一齊食令整體口感更為豐富👍🏻墨西哥粟米片（牛肉）🌮$88-原味既粟米片香脆可口🌽，配上毫不吝嗇既香辣牛肉配料，再加上酸忌廉以及墨西哥超辣綠辣椒，食落惹味開胃，作為前菜的不二選擇👍🏻心太軟配是日雪糕🍦$58-心太軟黎講呢個size大為驚人😱可惜切落去唔算太過流心，但都有軟心既感覺🍫配搭cream、雪糕🍦以及士多啤梨🍓食落都唔會太heavy!Pauwel Kwak🍺$78-呢款比利時酒聞起來帶有濃郁麥香，飲落比較苦澀，有成8.4%既酒精🍺不得不讚係呢款專屬既酒杯，非常吸睛👀我城正在...閃耀🇭🇰$70-但願呢款酒日後不會成為禁酒😣 呢款黑啤，加左伯爵茶與裸麥釀製🌾，帶出到佛手柑的香氣與紅茶尾韻。呢款本地手工啤透過用啤酒作為媒

前排約左朋友傾計食飯，係旺角搵到呢間餐廳個小食拼盤好岩打卡，就一於去試下！🍡熱情果接骨木花茶 HK$56一嚟到俾佢嘅古裝花樽同埋花花吸引！飲落去熱情果味都幾香，但就唔係好飲得出接骨木嘅味道！以冰茶黎講唔算太甜！🍡斑蘭鮮奶咖啡 HK$58斑蘭味道比較淡，無我相像中咁突出！反而咖啡味重啲！🍡慢煮甜酒燴和牛面頰 HK$188牛面頰好淋身，好似溶係口腔入面！而且薯蓉處理得唔錯，好綿密，連我平時唔鍾意食薯蓉嘅人都覺得佢幾好食！🍡西班牙海鮮飯 HK$178海鮮飯蕃茄味唔算太酸，海鮮量多，但飯既濕潤度我個人比較鍾意乾身啲！🍡吃吧招牌拼盤 HK$138終於到左重頭戲既招牌拼盤！首先一打開就有凍煙噴出嚟！岩哂用黎打卡😍😍✨黑魚籽糖心蛋：鹹鹹地嘅魚子配埋烚蛋嘅組合我覺得個味道中和得啱啱好！✨火腿蜜瓜：蜜瓜好香甜，但略嫌個火腿鹹左少少！✨煙三文魚珍珠洋蔥：撻皮食落好似酥皮咁，而且脆卜卜，洋蔥味亦都唔會太搶，但可惜蕃茄酸味偏重！✨松露芝士煙燻芝士松露芝士好香松露味，而煙燻芝士都食到啲煙燻味，芝士份量好多，反而會覺得梳打餅好似少咗啲！✨米通蝦芒果莎莎米通好脆，帶有少少辣味！蝦好鮮，但個芒果醬汁有點過重，蓋過左蝦

千祈唔好入嚟試伏‼️千祈唔好入嚟試伏‼️千祈唔好入嚟試伏‼️千祈唔好入嚟試伏‼️一定唔會再去！！！黃店唔係大晒的其實食過咁多餐廳 都冇乜點打過負評但呢間真係太差👎🏻👎🏻👎🏻👎🏻首先 一入到餐廳啲侍應好似唔想理人咁 唔想做咁（仲要個陣間野係冇客的！）食到一半有個木口木面嘅男員工（其實呢度每個員工都西口西面）突然遞張單叫我哋立即埋單我哋指住張枱啲嘢食問：但仲有好多未食完都要走？🤯🤯🤯佢表示係 因為用餐時間就嚟到（但當時全場計埋我嗰枱 得3枱人）有一大半位係冇人坐的但佢都堅持要我哋埋單離開對於佢個回答 我哋真係呆咗🤯食過咁多年 咁多次餐廳 都冇試過有呢啲咁嘅對待😵😵仲要。。。。跟手呢位員工即時開大個冷氣 超大風吹到我哋勁凍😵😵😵我覺得真係好過份！！！！離開個陣啲員工當我哋透明咁 望都唔望 再見都唔會講成日圍埋一堆傾計 活係自己世界咁我唔知邊個係老闆啦但如果你睇到我呢個負評麻煩你幫啲員工上一上training或者教下佢哋基本禮貌🥴嗰個都黑口黑口唔想做咁叫佢哋 又懶懶閑咁行過嚟唔想做咪走囉！唔好要俾錢嘅食客睇你黑口黑面我以前都做過待應 但未試過咁對客人。。食物：性價比唔高以呢個價錢嚟講 呢個質素真係唔得

Friday必須酒🍻衝衝衝咁又做左成個禮拜野，星期五真係要好好relax下，捐窿捐罅搵正呢間樓上「吃吧」，叫個小食餸手工啤酒，為weekend假期揭開序幕😆————————————————💛吃吧招牌拼盤（$118）拼盤一共有5款，每款兩件咁多款我最鍾意蘋果肝醬酥，玉桂蘋果夾肝醬，少少酸酸甜甜又唔會好膩，餸酒一流液體麵包（$70）山楂啤（$70）今次叫嘅兩款手工啤🍻嘅包裝紙都好有親切感「方包」入口就苦d，「山楂餅」就入口較酸，真係有d山楂味！

同朋友小聚，餐廳環境唔錯！平日晚餐時段傾吓計又唔會急住要人走。有好多特色手工啤酒，可惜食緊中藥調理身體，無得試下。而食物方面，選擇唔算非常多，但樣樣都係誠意十足！真材實料！🔸慢煮甜酒燴和牛面頰大大舊，一刀切落去超軟熟。脂肪肥油少，食落好軟腍，配合薯蓉👍🏻🔸香草蕃茄辣肉腸薄餅餅底比較普通，但配料豐富。值得一題薄餅上嘅沙律菜新鮮爽口，加上少少黑醋調味，就算有滿滿芝士，都唔會好膩🔸火焰德國鹹豬手上台後服務員會點火，形成火焰鹹豬手！影相後就幫我地切件。豬手味道剛剛好，唔會好鹹。豬皮超級香脆！仲會有d膠質癡口👍🏻🔸熱熔芝士薯條又有上台服務！薯條上台後服務員先會慢慢淋上澎湃嘅熱熔芝士。熱辣辣食入口，芝士愛好士一定大愛！總括🔹食物品質中上，份量都足夠3-4人分享。幾適合傾偈、食飯！

呢間餐廳已經第二次嚟食，可以令我encore就真係好好食先會咁😋🦐🥚🐟吃吧招牌拼盤 $138呢個招牌拼盤新推出jo也是第一次食！木盒打開會有煙出好surprise!!!(拍唔切🥺）木盒有六格，每枱舖上石仔再放上食物，好有特色！🌟煙三文魚珍珠洋蔥：超有驚喜，煙燻嘅味道加上辣辣脆卜卜好有層次😋🌟米通蝦芒果莎莎：第一次呢個配搭米通芒果原來咁夾味！甜甜地好開胃🌟松露毛豆：好耐無食！食呢個就好懷念日本旅行🌟黑魚籽流心蛋：原來呢個配搭係咁好食！即刻想買盒魚籽醬番屋企整😂🌟松露、煙燻芝士，火腿蜜瓜配餅乾：幾有質素，芝士控一定大愛！🦀軟殼蟹肉醬千層麵 $148好大隻軟殼蟹！食落脆口得來好多汁，千層麵整得好好食，皮煙煙韌韌又多醬汁，滿足💕🥩慢煮甜酒燴和牛面頰 $188見個名好特別所以叫左，好濃牛味又滑又淋身，底下薯容細滑仲吸哂肉質好正，餐廳附上牛肉黑椒汁但jo覺得咩都唔點已經好好食😋🍫曲奇朱古力奶昔 $68真係同我想像中好唔同，碗上是滿滿的朱古力沙冰再配上Oreo和爆谷，沙冰好細滑超級好飲！唔會太甜一邊飲一邊食爆谷好爽，真係好有驚喜！☕️炭燒榛子咖啡$58叫了少甜，職員話榛子味會無咁濃，但jo飲落又幾ok

星期日約左好朋友傾計食lunch，佢揀咗呢間樓上Cafe，之前都見到唔少Foodie介紹過，而且Openrice book位又有優惠，一於就試吓啦！🔸西班牙海鮮飯 ($178)唔好睇落細細碟咁，海鮮嘅份量好多，有蝦、蜆、青口、魚肉等等，飯底好香蝦味，兩個人都好夠食。🔸蘋果木煙燻西班牙豬扒 ($188)幾鍾意呢個西班牙豬扒，原因係佢配左芒果醬，食落開胃清新。🔸吃吧招牌拼牌 ($138)估唔到呢個拼盤又係一打開個盒就有煙燻效果😍唔怪得咁多人叫呢個啦。佢嘅拼盤好有特色，食物種類比較少見，告別以往蝦餅雞翼串燒等等樓上Cafe見到嘅小食。佢有煙三文魚珍珠洋蔥、火腿蜜瓜、煙燻芝士、松露芝士、枝豆、墨魚籽糖心蛋。🔸陳皮啤 ($70)、Pauwel Kwak($75)估唔到呢到有好多特色啤酒，等我哋晏晝都可以Chill下。陳皮啤係本地手工啤之一，好有懷舊感覺，飲落陳皮味唔算話好重，不過好順滑好容易入口。Pauwel Kwak麥味好香，飲得出有果香味例如芒果味。

💛呢間係旺角嘅良心西餐係樓上鋪 都keep住見多人食 終於都去左🙂環境都舒服 枱同枱之間唔會太密 都啱gathering 去🍴大家成日會見到佢嘅火陷豬手 但除左火焰豬手 都仲有好多野推介💛吃吧招牌拼盤 $138上菜時係有蓋盒子 黎到一打開有一陣煙薰味同煙 都幾打卡able 有6款小食(煙三文魚珍珠洋蔥，米通蝦芒果莎莎，松露毛豆，松露芝士，煙燻芝士，火腿蜜瓜，黑魚子糖心蛋) 煙三文魚係酥黎 都好鬆脆 加左洋蔥好香米通蝦好有特式 個米通好脆 芒果蝦好清甜 作為前菜一流🍴餐廳有生酮飲食餐單 啱晒減肥或者想食得健康d嘅人檸檬牛油煎比目魚柳配忌廉椰菜花飯 $168❣️個椰菜花飯係我食過之中最好食 好creamy 比目魚柳個皮煎得好香 魚好厚身但都好滑我冇特別鍾意放旁邊嘅cream 大家可以自行選擇點唔點💛慢煮香草牛柳配松露泡沫大啡菇 $188牛柳因為慢煮所以肉質都保持到嫩 牛柳底下嘅薯蓉牛油味好濃 好滑 牛柳份量唔算大件 但食埋薯蓉都飽飽🍹焦糖蜂蜜奶昔 $68奶昔上面有滿滿嘅爆谷💕好靚奶昔係曲奇味 偏甜 但奶昔係要甜甜先好飲🙆🏻‍♀️💛炭燒榛子朱古力 $56呢個賣相就相對冇咁特別 但飲落好香濃朱古力

自從上次朋友帶我來吃過一次後覺得唔錯👍今日再來幫襯😋餐廳又轉左新menu啊📓今次加入了生酮元素(最適合想減肥瘦身嘅靚靚啊)🤭🥤先來2杯飲品水蜜桃🍑茘枝茶 $56哩個茶非常特別，成個花樽咁樣💐唔講真係以為我飲緊花樽水😆味道唔錯又好飲炭燒搸子朱古力(凍) $56香濃朱古力🍫又唔會太甜😋味道啱啱好吃吧招牌拼盤 $138一個大木盒分六隔，一打開好多煙😍好靚好特別(松露毛豆，松露芝士🧀煙燻芝士🧀火腿蜜瓜🍈煙三文魚珍珠洋蔥🧅米通蝦芒果莎莎🥭黑魚籽糖心蛋🥚)除了毛豆麻麻地🤭同埋不夠流心既糖心蛋🥚其它都好好好食😋🦐西班牙海鮮飯🍛 $178超级多海鮮😋又足料👍加上飯煮到啱啱好，醬汁味道夠香濃好啱我口味🤤温泉蛋煙肉芝士🧀闊條麵 $108店員送上闊條麵時，即時喺你面前將熱溶溶芝士淋喺上面，每條闊條麵都沾滿芝士🤤吃落好creamy👍每次來都有驚喜😋記得openrice網上訂枱有8折㗎👏高質食物價錢又合理👍每次來店員都好親切有禮🥰

為咗佢嘅招牌拼盤而嚟，當然其他小食，飲品，主食都聽聞好與別不同，一間餐廳嘅成功，都好取決於佢有冇個人特色，呢一間就完全做到啦！吃吧招牌拼盤用一個木盤上枱，睇得舒服食得精緻，拼盤有:煙三文魚珍珠洋蔥、米通蝦芒果莎莎、松露毛豆、松露芝士、煙燻芝士、火腿蜜瓜、黑魚籽糖心蛋。大部份都係一口size，價錢上有少少貴但係都係合理既！另外杯朱古力奶昔更加係打卡之選，餐廳利用椰子殼（其實超級環保），除咗有朱古力奶昔，仲有爆谷同Oreo 碎，味道唔算好甜。

Chiba位於油麻地中心位置，油麻地A2出口行3分鐘就到，好方便。舖頭裝修得好靚，啲枱擺得好疏落，岩哂同一班朋友去傾下心事。 *煙燻西班牙伊比利亞豬扒 $188*一打開個透明罩就煙霧四散，係好香既煙燻味呀。豬扒好易整得好乾，但呢個伊比利亞豬扒油脂豐富，肉質好淋好juice, 每一啖都食到煙燻既香味，真係齒頰留香*西班牙海鮮飯 $178*海鮮飯上面有隻大帶子，兩隻青口，啲蝦都算彈牙，仲有魚塊，不過就略嫌呢個飯似蕃茄飯多D，唔似我喺西班牙食到既西班牙海鮮飯既味道，不過佢濃濃蕃茄汁包裹住每一粒飯都唔錯既*墨西哥烤雞餅 $88*牛油果醬、蕃茄salsa加埋酸忌廉可以話係墨西哥烤餅既標配。入面有芝士味配埋啖啖雞絲，岩哂中意芝士既朋友。如果個餅可以烤得再香脆啲 就perfect啦*熱情果接骨木花茶 $56*Chiba每款野飲都present得好靚，岩哂同班朋友黎打卡。唔望真啲，真係以為店員拎左盆花過黎😂 熱情果配上花茶，唔會太甜，好fresh，傾左成晚計，最岩用黎解渴*陳皮啤酒 $70*Chiba有好多fusion既手工啤，例如山渣啤，麵包啤，連花露水啤都有。今次我地就試左陳皮啤。用左風乾15年以

朋友之前試過旺角呢間主打fusion菜嘅樓上餐廳，覺得幾有驚喜，特登帶我去試吓٩( ᐛ )۶.吃吧招牌拼盤 $118 🍱見到好多張枱都有叫呢個招牌拼盤，賣相幾吸晴。佢係以一個木盒裝住6款小食，一打開就散發煙燻香味，好有gimmick，味道亦各具特色。.煙三文魚珍珠洋蔥迷你酥盒 Parma ham蜜瓜 黑魚籽糖心蛋松露芝士.煙燻芝士米通蝦芒果莎莎松露毛豆.迷你酥盒鬆化帶牛油香，配上煙三文魚及洋蔥，口感及味道富層次。黑魚籽糖心蛋充滿鹹鮮。個人最鍾意呢兩款 (●'◡'●)ﾉ♥.西班牙海鮮飯 $168 🍲海鮮飯色香味俱全，海鮮有蜆、蝦、帶子及青口，肉質新鮮。飯粒分明口感煙韌，配上香濃蕃茄醬汁，非常開胃。.慢煮甜酒燴和牛面頰 $188 🐮和牛面頰肉質超級軟嫩，慢煮吸收晒甜酒精華，牛肉非常入味，每一啖都充滿酒香及濃郁牛味，搭配嘅薯蓉都好creamy。.水蜜桃荔枝茶 $56 🍑真係諗都無諗過飲品會用中式花瓶加上插花，造型啱晒打卡。茶味清新帶果香，甜度適中。.曲奇朱古力奶昔 $68 🥛奶昔賣相亦有驚喜，用咗椰子殼代替杯，朱古力奶昔幼滑香濃，面上鋪滿好多爆谷同Oreo碎，真係可以當甜品食。.總括而言：餐

好食的黃店不太多，好食的西餐黃店就更少，這間位於油麻地旺角的「吃吧」，絕能對是一個不錯的選擇👍🏻。💛吃吧招牌拼盤$138 👍🏻👍🏻👍🏻👍🏻/5一出場就非常奪目，拼盤像一個珠寶箱般，一打開一陣煙燻冒出，裡面裝住六款不同嘅小食，蜜瓜巴馬火腿、黑魚子溏心蛋、酥皮盒子、松露芝士、毛豆、米通蝦芒果莎莎，樣樣都精緻好味😋。💛慢煮甜酒燴和牛面頰$188 👍🏻👍🏻👍🏻👍🏻/5牛的面部肌肉運動量大，脂肪含量非常低，不像其他部位般肥膩。慢煮令肉質變得非常軟腍，牛味甚濃，骨膠原豐富，配薯蓉一齊吃，味道很夾。上碟用了番薯乾裝飾，打卡一流。💛軟殼蟹肉醬千層麵$148 👍🏻👍🏻👍🏻/5軟殼蟹原隻放在肉醬千層麵上，軟殼蟹脆身又不油膩。千層麵每層都夾著濃厚的肉醬跟番茄醬，飽肚感十足。💛焦糖蜂蜜奶昔$68 👍🏻👍🏻👍🏻/5奶昔上面加上焦糖爆谷，賣相滿分，甜度剛剛好，不會過甜。💛香橙荔枝氣泡茶$56 👍🏻👍🏻👍🏻/5香橙味蓋過了荔枝味，淡淡的茶香，夏天喝最解渴。整體而言，餐廳食物有質素，雖然餐廳地方不算很大，但檯與檯之間距離非常足夠，用餐放心又舒服，服務員細心態度又好，值得推介。

• 吃吧 •🐿🦦油麻地樓上Cafe 睇得出擺盤味道都花咗唔少心思有啲幾打卡既飲品 而且仲有特色啤酒添仲有間房仔俾一大班人 啱哂三五成群飲飲酒-🧀吃吧招牌拼盤 💰$138將小食分為六格 上枱時有煙霧效果 幾有視覺效果有煙三文魚珍珠洋蔥、米通蝦芒果莎莎、松露毛豆、松露芝士、煙燻芝士、火腿蜜瓜、黑魚籽糖心蛋比較特別既係米通蝦芒果莎莎 幾fresh同似泰式小食松露芝士既味道第一次試 都幾有驚喜 (⁎⁍̴̛ᴗ⁍̴̛⁎)-🍄露筍 • 煙三文魚 • 大啡菇意大利飯 💰$158用兩塊煙三文魚圍碟 中間加舊大啡菇意大利飯口感偏淋身 食得出有胡椒味成個飯都幾creamy ψ(｀∇´)ψ-🐂慢煮甜酒燴和牛面頰 💰$188推薦大家一定要叫!!味道酸酸甜甜 咬落非常淋身唔需要太用力切 都可以輕易分開啲肉下面墊住一大pat薯蓉 索哂牛汁 好味呢-🧉曲奇朱古力奶昔 💰$68好邪惡既奶昔 擠滿忌廉係奶昔上面仲要幾粒焦糖爆谷做裝飾 賣相好精緻飲落曲奇味會比較重 建議要盡快飲因為打得太耐卡 奶昔既口感就唔同左-🍺𝙺𝚆𝙰𝙺 💰$75因為隻杯好特別 所以嗌咗黎打卡(⁎⁍̴̛ᴗ⁍̴̛⁎)Menu就話係温和既果味配鳥結糖既甜味飲落同聞落的確比平

週末去咗旺角買嘢，行到攰想揀間餐廳食個晚餐！ 今次就揀咗個樓上cafe，佢有8折優惠，價錢合理之如，好評都幾多🙊 呢間「吃吧」位於僑建大廈，唔算難揾，同層就有另一間人氣貓cafe！👀入面裝修偏向工業風，一入去就會見到巨型Chiba 嘅logo，座位與座位之間相隔一段距離，寬敞舒適！餐廳盡頭就係一排落地玻璃，有一定嘅採光度，個景就對住彌敦道啲大廈🏬呢度嘅價錢都幾相宜，款式算多而且有啲菜式都幾特別😆 仲有生酮餐單，照顧到唔同客人嘅需要！👏🏻  另外呢度有唔少特色手工啤酒揀，可以同朋友過嚟暢飲🍻❤️ 吃吧招牌拼盤 $138我見隔離枱叫咗呢個，即刻問下侍應係咩嚟！細問之下原來呢個係佢哋招牌菜嚟，拼盤用木盒裝住，一打開會出哂煙咁，煙燻味撲鼻 😶‍🌫️ 打卡一流呀😚木盒一盒有六格，分別有：煙三文魚珍珠洋蔥迷你酥盒、米通蝦芒果莎莎、松露毛豆、松露芝士&煙燻芝士、火腿蜜瓜、黑魚籽溏心蛋！迷你酥盒做得唔錯，酥皮酥化有牛油香；米通蝦芒果莎莎個米通好薄脆，蝦肉爽口彈牙配埋芒果莎莎好清新🌱 火腿蜜瓜香甜解膩！ 黑魚籽溏心蛋充滿鹹鮮😋 另外有兩款芝士係配梳打餅，芝士分量都唔少，兩款芝士都好濃味，相較之下我鍾意食松露