台風。R

营业中

休息中

🍜 台風R 🍺好食既拉麵要Encore （＾ω＾）好掛住呢個濃厚蟹蝦豚骨拉麵睇到塊叉燒係紅紅地我係唔會驚架因為佢地個豚肉係用真空低溫製法黎整所以係無問題的佢地仲好細心咁貼左張紙解釋添食落舊豚肉更加軟腍更加juicy湯底方面濃厚蟹蝦豚骨拉麵個湯底好鮮味同惹味呢到冇得揀拉麵嘅硬度不過我覺得硬度岩岩好旁邊仲有生蒜蓉同黑椒俾你加落去其實本身湯底已經好香濃不過食一陣又加啲啲生蒜蓉食一陣又加啲啲黑椒粒令成碗拉麵既味道更豐富另外成間舖都充滿住日本動漫氣息蒙臉男超級可愛無論係裝修音樂員工件衫都好日本令我好掛住日本呀下次夜晚再黎想試果枝拉麵專用嘅手工啤酒見佢英文寫Lemongrass IPA應該都會幾好飲(о´∀`о)地址：台風。R (灣仔)灣仔駱克道389號地下

沾麵未去日本未食過 但又未去得旅行 唯有一解鄉愁食食日本野🥳經過尼間台風•R 唔知仲以為食台灣野 仲要次次都好多人排隊 點知自己食左一次再番食 仲帶其他朋友 介紹好西比佢地 開心share😆我每次都係食沾麵 而沾麵既湯底都有2款 一個海蝦味噌 另一個魚介豚骨 我尤其偏愛海蝦味噌 岩哂種口味既我 入面仲要有勁多櫻花蝦🦐🦐好足料啊👏🏼👏🏼👏🏼味道濃郁（滿滿既海鮮蝦香味😋）麵條份量好足夠 包你一定食得飽😆沾麵都有好多配料 而配料仲可以因應唔同需要而改變👍🏻appreciate that!!仲有一個優惠 keep單 夠3張單下次可以換隻糖心蛋😍已換左黎食 happy~~🥰

自從食過荃灣嘅拉麵台風之後 一直對佢個拉麵念念不忘🤤荃灣又太遠 咁今次就試下灣仔間分店台風。R 門口一個紫色大招牌 非常吸睛😃成間拉麵店都有好多動漫主題🥳好似入左二次元世界咁😂自從上次食左雞白湯拉麵之後 我自己都係鍾意食豚骨/味噌湯底多D🤪呢個海蝦味噌沾麵汁味道極濃😍鹹味啱啱好👍 仲加左櫻花蝦🦐沾麵配有半熟蛋、荀乾、檸檬角建議可以唧幾滴落麵汁 有清新感覺☺️佢嘅叉燒竟然係經過低溫慢煮😳有別於一般拉麵店嘅叉燒🐷佢雖然無左個焦香味🔥但換來嘅係肉質無比嫩滑👍拉麵麵量亦都係偏多😲對於成日要加麵底嘅我表示一份都夠做👍麵質彈牙 呷一口沾麵汁 再沾麵食💯食完個麵仲有湯剩的話 可以叫店員加入魚上湯 成個湯底即刻唔同哂味 變得更鮮甜☺️飲完都唔覺有味精👍

入店內干淨，店員好sharp醒，充滿活力，覆單用日文，覺得自己返左日本🇯🇵🥰食物好新鮮，湯底夠濃，夠熱！店舖不大，需要中途轉位置坐，都好有禮貌！食完店員細心提點拎遮，服務態度一流👍值得讚賞！

濃厚蟹蝦豚骨拉麵 $88賣相好吸引，叉燒咁粉嫩認真少見，因為鋪頭以低溫煮，亦註明符合日本標準烹調。而湯底非常鮮甜，有好豐富既蝦味，食落唔係好慣。配料有半熟蛋、蔥、紫菜、荀，如果有配料唔食可以轉其他，相當照顧客人既鋪頭。*食到一半落埋辣椒油，換個口味更佳拉麵份量非常多，點餐紙註明拉麵麵量係一般拉麵店既1.5倍。最初我仲打算加麵底，好彩冇做呢個傻豬決定，唔係一定係唔晒。另外，店員同師傅以全日文溝通，唔係一般MK仔講果啲234，感覺係好敬業既日式拉麵店。

呢間拉麵沾麵店我本身食過好多次啦，今次就介紹埋比我身邊幾個朋友一齊食~~見到呢個好sharp ge紫色門面就係啦我地系平日7pm到ge等大約10-15mins就入到啦排隊期間已經可以點住菜先值得一讚係店員妹妹會記住曬每一位客人點ge麵，送菜時就會精準唔會送錯呢樣野幾細心啊~麵底同配料都可以加錢增量不過留意返呢間店的份量本身都比出面多~仲要不設加一所以好抵食~~！如果有配料唔鐘意食ge話仲可以轉其他配料添~！成間餐廳放滿模型擺設動漫迷黎呢度一定好開心~座位就分左兩排，一個人黎食都唔會尷尬🐟魚介豚骨沾麵推薦：⭐⭐⭐⭐⭐個湯底好重魚介味，好鮮味叫左大量醬汁，超濃味但又唔會太鹹🦐海蝦味噌沾麵推薦：⭐⭐⭐⭐⭐一上菜就見到麵上的蝦油，仲有少少櫻花蝦係入面，呢個食落比魚介豚骨沾麵更重口味同更加更加濃味！同行朋友平時食開清淡野就覺得太鹹，但本人反而更加鐘意呢個因為真系充滿住好濃好濃ge海蝦味道~~重口味人必點！仲唔夠重口味的話再可以加辣醬同大蒜添~另外要特別提一提佢地ge叉燒同一般拉麵店的叉燒唔一樣佢地ge叉燒係用真空低溫制法而成望落粉紅色，第一眼會以為未熟但食落會發覺柔軟得來又帶有d口感而呢個口感就

由台風喺荃灣開店以來我一直係忠實粉絲，雖然拉麵店越開越多，但一諗起想食拉麵都只會去台風拉麵。灣仔店提供三款拉麵同兩款沾麵，無分日夜全日供應。魚介豚骨拉麵嘅湯底同荃灣店嘅好相似，同樣魚介味突出非常濃厚。濃厚湯底配搭粗麵條好夾配料方面有半熟蛋半隻、切至幼身嘅筍、紫菜、白葱絲同埋灣仔店獨有嘅低溫慢煮叉燒。低溫慢煮叉燒喺香港屬少見，但其實喺日本拉麵界已經興咗好耐。叉燒切到好薄呈粉紅色，賣相好靚，睇樣都知好食。食落肉嫩無肉渣，豬肉味濃。浸一浸熱拉麵湯食個溫度就啱啱好魚介豚骨沾麵嘅沾湯都同荃灣店好相似，但就少咗另加嘅魚介粉，食落反而覺得湯底更加滑。沾湯同樣濃厚，但唔會過鹹。麵條煙韌而且掛湯力一流墨汁黑松露拉麵呢個配搭好新奇，墨汁意粉就好常見，墨汁拉麵真係第一次食。墨汁嘅鮮味同黑松露味好balance, 係個好配搭。墨汁包住晒麵條，食到成嘴都黑晒海蝦味噌沾麵嘅沾湯表面有層蝦油，有少量櫻花蝦。食落濃蝦味，但唔會過鹹或者過份油膩。沾麵配料有新鮮檸檬，可根據自己口味唧啲落沾湯，食落微酸就更加清新。我就習慣唧完檸檬汁之後將檸檬放埋落沾麵湯，因為檸檬香味喺檸檬皮度。呢間台風R嘅質素同荃灣店一樣高質，魚介豚骨拉

以前只食過荃灣台風，第一次食灣仔店！位置都算易搵同方便！今次叫左濃厚蟹蝦湯豚肉拉面，另外加左隻溏心蛋！ 同荃灣店完全無分別，好食！雖然知道是熟成豚肉，吾洗擔心，但都係忍不住塞落湯底過一過d粉紅色。😂海鮮油的香味濃配拉面真係極好食！整體係水準之作！ 面的份量真係吾少，大部份女仔都可以叫少面。室內冷氣足，食到中途湯開始變凍，請店家加上新的蟹湯繼續戰鬥！整體來說，就是高質拉麵飯堂，可以個個星期都黎！👍👍👍👍

好耐冇食拉麵嘅我最近去咗灣仔嘅呢間台風覺得真係幾唔錯同大家分享吓～..................我哋試咗濃厚蟹蝦豚骨拉麵同埋墨汁黑松露拉麵我自己好鍾意佢個豚骨拉麵真係超濃郁😍😍😍湯底亦都好香 另外配料都整得好好有叉燒有蛋有紫菜另外仲可以自己選擇醬汁多少好啱我口味💕另外黑松露拉麵就真係好重黑松露味同樣湯底都係好濃郁麵就係黑色的整體來講 我自己都食過好多拉麵呢間非常合我口味🤣🤣🤣價錢亦都唔貴推薦大家都可以去試吓～....................台風。R 地址:灣仔駱克道389號地下

平日附近做完身體檢查好想食拉麵，難得過咗海又見到呢間咁多好評又黃就過嚟試吓。十二點幾嚟到兩個仲有位就有得即刻入，佢拉麵係得幾款，冇餃子嗰啲小食，見好多人讚個蟹蝦湯拉麵，就叫呢個嚟試。本身已經包咗紫菜荀同蛋，價錢都唔算貴，如果唔鍾意仲可以換呢一款配料，都幾貼心。碗麵嚟到個樣都好吸引，試咗啖湯，味道ok但又唔算好驚喜，麵質係粗嘅麵，煮得幾好，唔會好淋，其他配料正常，但最失望係個叉燒。。。。湯本身唔多，個叉燒本身凍，要勉強浸佢落啲湯變返暖暖地，另外佢主打係低溫慢煮叉燒，慢煮係好，但問題啲叉燒切到好薄跟住就咁卷埋一齊，食落碎濕濕又成舊唔熱嘅嘢咁，個口感好差，成碗麵比個叉燒扣好多分。。。。服務好，又係有良心嘅餐廳，可惜真係唔係好啱我胃口，會揀返其他又有良心又啱我嘅拉麵店。

黃店拉麵🍜之前成日係荃灣經過都見到大排長龍，真係唔知點解🤣今次甘岩經其他分店發覺唔洗排隊🥳諗都唔諗直入左去啦❣️.🍜濃厚蟹蝦豚骨拉麵 $88湯底鮮味好夠🥳啲拉麵係粗麵黎❣️仲要比平日食既既大碗好多🤩唔洗怕唔夠飽😛最值得關注係啲叉燒😂佢用慢煮技術，所以入口都好嫩滑😍.🍜海蝦味噌沾麵 $88依碗既湯底味道較濃😃海底仲有好多櫻花蝦🍤如果中意海鮮味濃啲既話依碗岩晒.⚠️每張落單紙都有人手畫既公仔🧸不防細心留意一下

呢間拉麵店其實我一路都好鍾意食嘅，前晚同朋友食飯，嚟到灣仔唔知食咩好，我就帶埋佢一齊嚟食呢間拉麵啦。海蝦味增沾麵$88呢個就係我鍾意食呢間拉麵店嘅原因啦，我每次都係叫呢款嘅。因為佢嘅蝦味真係好濃，入面又有好多櫻花蝦，蝦味正到我次次都忍唔住飲埋啲湯。另一個我好鍾意呢間餐廳嘅地方係，佢本身碗沾麵會有筍、半熟蛋、紫菜同埋叉燒，如果有是但一樣唔食嘅話，可以選擇轉做其他材料，我就次次都會將筍轉走嘅，有時就轉做半熟蛋，會多半隻蛋，不過今次我就揀轉做叉燒啦。同埋特別一提嘅係，呢度嘅叉燒比較特別，佢係真空低溫烹煮，啲叉燒食落特別嫩滑，但又唔會好肥，好似冇乜點喺其他地方食到過呢種叉燒，好特別但好好食。食沾麵又點可以唔提佢個麵呢，佢個麵係比較粗身嘅麵，麵質彈牙，亦都非常掛湯。我揀咗凍嘅，咁個口感就再正啲啦。濃厚蟹蝦豚骨拉麵$88呢個係朋友食嘅，醬汁方面佢揀左少量，但佢都話好好味，佢好鍾意食。佢就冇走筍，所以啲叉燒就冇我咁多，但佢話啲筍好好食。每次食沾麵，我都係諗起呢間，可能永遠都唔會食厭。

好耐冇食拉麵同埋沾麵啦～今次同埋日本好友一齊嚟灣仔食拉麵店舖仲好有日本風情有好多唔同嘅動漫元素！呢一塊板寫咗好多客人留低嘅字句好可愛啊～入到嚟店員先用日文同我哋打招呼然後安排我哋坐係吧枱位置拉麵嘅口味可以除個人喜愛隨意調配唔鍾意食一樣配料可以換做另一樣～有好多唔同嘅動漫公仔擺設figure先來魚介拉麵額外加咗叉燒 唔鍾意食筍所以換做溏心蛋可以客制化就係正朋友不愛筍 換作紫菜由於拉麵份量較多係其他拉麵店嘅1.5倍！所以食量較少嘅朋友記得叫少麵啦

見朋友話晚晚發夢都去左日本🏯今日就同佢嚟到銅鑼灣既台風R🍜享受和風拉麵🍜舖頭真係有啲日本feel，店員大部份都講日文🇯🇵拉麵款式選擇唔多😂但感覺真正係貴精不貴多🤗而呢間拉麵最特色一定係叉燒🐷師傅為咗可以保持叉燒嘅蛋白質同埋鎖緊肉汁👍 佢地就用左日本真空低溫製叉燒🐷難怪食落口咁嫩滑☺️魚介豚骨沾麵 $83沾麵朋友比較鍾意熱食🤣幾欣賞呢度既醬汁唔會結塌塌👍每碗都有一片紫菜、半隻糖心蛋🥚真空低溫叉燒，荀乾😉沾汁本身吾算太油，味道也算濃郁但吾會過咸飲多兩啖都ok👌隻糖心蛋剛好😍叉燒一大舊仲帶粉紅色🤪一啲都唔鞋😋墨汁黑松露拉麵 $88嘩....成碗黑媽媽㗎🙈拎埋黎已經聞到好香嘅黑松露味🙌店員馬上問我需唔需要圍裙😂好貼心呀❤️每口拉麵都沾滿墨汁及黑松露🙌面條剛好唔會過淋☺️黑松露實在係齒頰留香🤪好好味呀😋

是日購物日😌😌因此心情好自然接男友收工去食左間黃店拉麵店🍜🍜話說係香港真的很少食沾麵感覺像去了轉日本似的🥰🥰魚介豚骨沾麵 （$83）個沾麵湯汁係好濃！不過可能我哋個位冷氣大 好快就凍咗🤣🤣不過我見到有提示牌 係可以用熱石加返熱嘅（我哋冇試）不過我哋食完之後有加魚湯飲一路食一路有點懷念 我們在日本的日子🤭🤭🤭加上店員講日文😚😚+$25 係增量叉燒啊 平時可能係幾塊呢間係超多超多超多🤣🤣我哋見到都嚇親🤭🤭🤭份量勁多 好抵食喎枱面有介紹 叉燒用真空低溫製法 為求保持蛋白質及肉汁 雖然見佢紅紅的！第一次見叉燒吾係燒個款（見識少）但放心係安全食用架😌😌（解釋俾我男友聽🤣🤣）濃厚蝦蟹豚骨拉麵 （$88）除咗湯底唔一樣 其他嘢都係同我食嗰個沾麵一樣😝😝😝台風。R (灣仔)灣仔駱克道389號地下