台蔡滷肉飯

营业中

休息中

平時好少喺香港食台式野，總覺得性價比唔高，味道亦唔及台灣好。偶然睇到餐廳一段訪問片，得知老闆係台灣人外，仲見唔少在港嘅台灣居民大讚鹽酥雞正宗、好味，而且定價唔算太貴，所以記住左小店。星期六食完正餐後，打算快閃嚟餐廳食個小食，點知門口有條人龍😢…..結果排左近9個字先入到，變左食下午茶🤣人氣-----鹽酥雞 $38粉漿好薄而且炸到好脆，雞肉多汁又滑，調味粉甜甜地又唔會過鹹，個人覺得比台灣夜市果D又硬又介口嘅鹽酥雞更好味😋。份量同質素都對得起個價錢，難怪機乎每枱都點😏。炸甜不辣 $28切到粗條拎去炸，望落好似薯條；食落煙韌，味道似魚蛋但又無魚蛋咁夠牙、比較軟糯，係一款可以止口痕嘅小食。珍珠大紅袍奶茶(少甜) $25可能我自己飲開港式奶茶，所以覺得呢杯野，奶同茶都唔夠香，飲落有奶水Feel😅 不過珍珠幾有韌度，而且有黑糖香。小店大概有26個座位，其實唔算少，出餐亦唔算慢。到我地半個鐘後離座，出面條隊依然維持一樣嘅長度😂，大家嚟嘅話，記得要有排隊嘅心理準備。

大隻仔今次覓食嘅店舖就係💥 台蔡滷肉飯 💥 荃灣呢間旺舖，上一手係長期排隊人氣西餐廳，而家一樣都係長龍店，就係人氣台灣餐廳 「台蔡滷肉飯」。餐廳老闆係台灣人，味道比較正宗。今日平日，餐廳已經坐滿人，大隻仔6:00pm 到餐廳，已經有10個人排緊隊。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 鹽酥雞滷肉飯套餐 $70鹽酥雞份量好多，炸得好酥脆，而且仲有肉汁，十分好食。鹽酥雞唔係用現成來貨，係用上雞扒切件拍上木薯粉即炸，質素好高。配滷肉飯：份量大碗，而且味道不錯。配前菜：有少量海帶、荀、雲耳，味道甜甜地，少少黑胡椒味。🔥 藥膳排骨滷肉飯套餐 $82排骨好冧，骨肉分離，但藥膳湯底唔算好濃烈，而且湯飲到尾會有少少苦。一樣配滷肉飯、前菜。🔥 （跟餐）百香果芒果冰茶 +$15比較普通，有少少似藥水味道😂😂。🔥 （跟餐）珍珠茉香奶茶 +$15正常味道，冇好驚訝感覺，珍珠夠Q彈。溫馨提示：顧客多必須排隊。座位比較擠迫必須搭枱。味道好食

📍荃灣天橋底下有間由🇹🇼台灣人經營的台式小店長期排長龍👯‍♀️, 每次經過都見到排到去天橋轉彎位十分誇張😵‍💫終於搵到日平日2點幾, 較少人嘅時間去試試～😛🔸鹽酥雞套餐 $70 7/10即叫即炸🛎️內面的雞肉十分Juicy😋炸粉不厚, 啖啖肉😻冇油膩感～🍚細滷肉飯, 滷肉大小肥瘦適中🥳🔸紅燒牛肉麵套餐 $74 7/10湯底🐮牛肉味濃郁, 帶微辣🌶️牛肉約有3大塊🔸肉鬆起司蛋餅 $38 6/10份量十分大份😳超大件~🫣🧀芝士有微微拉絲 但份量唔多🥺餅皮偏厚身同乾身😣個人都係偏好返軟q那種蛋餅多啲🙈🔸🥤百香果綠茶 +$15

之前行過見到呢間野咁多人排隊，於是入去試下有咩咁特別，lunch時間排左10分鐘左右就入得一入到黎就坐左係門口附近位置，時正中午，真係曬到傻…🔅爆蔥滷肉飯🍚 $58真係爆多蔥，每一啖都食到滿滿蔥味，食落冇咁油膩感，滷肉少少肥，可以接受🔅台味滷肉飯🍚$52普普通通，有兩條白菜仔，鍾意啖味少少嘅人應該揀呢款比較好🔅肉鬆滷肉飯🍚 $58肉鬆鋪滿成碗飯，食落味道較濃，三款入面呢款最好食🔅九層塔鹽酥雞🌿$ 38鹽酥雞炸得唔夠脆，比較油，欠缺九層塔香氣🔅白桃烏龍茶🍑 跟餐+$15正常發揮，最靚係個杯，印左張圖落去，加分🔅大紅袍仙草奶茶🧋跟餐 +$15想問餐廳係咪對奶茶有咩誤解🤣全杯都係奶嘅顏色，無乜茶味，奶味幾重同朋友都一致認為味道一般般，又唔夠正宗，唔明點解會排晒隊，應該唔會再黎🤣

之前睇youtube片介紹已經好try!今次去到係夜晚九點幾 都要排隊🫣好彩早少少到 差啲截龍食唔到！九層塔鹽酥雞 $70鹽酥雞炸得十分香脆 咬落去好juicy肉好嫩 皮唔厚 炸粉厚度適中～好有台灣夜市食既味道😗百香果冬瓜茶 $25/跟餐+$15百香果粒好有咬口 超qq 推薦！冬瓜茶建議少少甜 少甜都好甜🫣解喝一流🫶🏻肉鬆起司蛋餅 $38好大塊🫣肉鬆好香好多～咬落去芝士流出來 好正😚個表面煎得好金香 咬落去好脆😆裝修好靚~成間店好有台灣既感覺🧡

📍台蔡滷肉飯荃灣海壩街99號地舖好好味呀😋😋 從Youtube得知呢間餐廳由一個台灣人主理，當中介紹了一些地道美食，因此一定要去試下呢。🟠餐廳分兩段營業時間，想食晚餐，所以5:30pm第二輪就即來，但餐廳已坐滿食客要在外面排隊等位，幸好我哋排第一😁眨吓眼後面已經好多人排隊。叫了兩個套餐，分別鹽酥雞滷肉飯套餐($70-HKD)，鹽水雞滷肉飯套餐($74-HKD)。套餐加$15-HKD就有一杯台式飲品。分別order了少甜走冰白桃烏龍茶同少甜走冰冬瓜茶。🐔鹽酥雞雞肉幼嫩，炸得好鬆化，好惹味，配埋九層塔食好正呀。🤤 而滷肉飯啲醬汁教得相當合適，不太甜或咸。🐔而鹽水雞好香，有陣陣麻油味，配上青瓜同甘筍味道相當清新。🫔又叫了一份起司蛋餅($34-HKD)，又係好好味呀🤤蛋餅味道有抓餅嘅味道，正🤤🟠店舖座位有限，地方較狹窄，因此坐得唔係太舒適。但相信只要食物保持水準，老闆不久將來定必可以開更大更舒適嘅餐廳招待客人💪🏼🤩

我果日黎食，都排咗半個鐘先有得食，坐底咗，就可以用手機點餐，好方便。嘢食都上得算快，我地一行二人嗌咗鹽酥雞、紅燒牛肉麵、麻油雞套餐（包肉燥飯同小菜）紅燒牛肉麵湯底幾特別，牛肉冧，麵夠煙靭。麻油雞個湯底係藥材味重果隻，去果日啱啱涼涼地，啱哂！不過我覺得唔係個個受得，而雞都OK，唔算話好滑，但就好味。我比較對個小菜有驚喜，類似一啲筍同麵筋嘅嘢？冇問，但好入味。至於個肉燥飯，我太飽，只係食咗兩啖，感覺雖然見到腩肉，但食落唔係好膩。最為期待嘅係鹽酥雞，我係為咗鹽酥雞黎！係香港，真係好難搵到好食嘅鹽酥雞，一係就勁咸，一係就唔脆，一係就勁乾。依間聽講好好食，果然明不虛傳！冇令我失望！佢嘅炸粉係有落過心機，唔知係咪加咗麵包糠，冇乜粉感，味道啱啱好，唔會過咸，本身上台覺得佢比較深色以為係炸濃咗，食落就唔覺，我見隔離枱都係咁，可能特色黎。整體而言，值得再試，不過唔洗排隊就更好！

台蔡滷肉飯｜荃灣睇MM 片後想試下，來過三次都好多人排隊，今次決定買外賣回家食😚老闆係台灣人，親自煮打理，店面都有5位員工，生意很好！爆蔥滷肉飯+溏心蛋🥚真係超多蔥🍃溏心蛋煮得剛好，不會過熟，滷肉好淋好入味🐽肉鬆滷肉飯+溫泉蛋🥚好多肉鬆，好香好好食，撈飯一流👍🏻 滷肉都係一樣咁好食，我覺得呢個最好食藥燉排骨湯🥣這個就份量太少，我覺得湯可以比多少少😆飲兩三啖就飲完，藥膳味好重，好補身。湯內有排骨，還可以不算好淋滷肉飯的確係好食，但堂食要排好耐🥹

之前因為網媒介紹搞到一陣熱潮，今日下午終於冇mut人排隊去試吓。叫左鹽酥雞套餐，有鹽酥雞，滷肉飯同埋一杯大紅袍珍珠奶茶。等左差唔多10分鐘有得食鹽酥雞：真心好食，皮脆，熱，有肉汁，唔乾，應該係香港數一數二最好食嘅鹽酥雞滷肉飯：失色，滷肉本身調味一般，分量亦都好少，酸菜嘅分量可能仲多個滷肉。大紅袍珍珠奶茶：唔得，好多奶，冇茶味。成個套餐85元。價錢唔係平，我覺得性價比一般，如果去食都只係會外賣鹽酥雞。

-{荃灣人龍台灣菜🍜}🤤 藥燉排骨 🤤 ($56)好重藥味😳愈飲愈濃味 有少少苦不過有啲肉味😂啲排骨一咬就甩骨😋不過就好乾🤔👖褲評: 7/10🤤 鹽酥雞套餐 🤤 ($70)九層塔雞好香脆🤩嚿肉大粒多汁😎而滷肉半肥瘦肉好香口🥳係啲飯粒癡埋一嚿太濕🥲而配菜係甜甜地嘅有啲海藻咁💁‍♀️👖褲評: 8.3/10🤤 爆蔥滷肉飯 🤤 ($73)同上面嘅滷肉飯差不多 不過飯粒冇上面嘅問題😉而且撈温泉蛋同蔥花都好正正子🥰係另一種濕潤同香口👍👖褲評: 8/10首先多謝朋友早左半個鐘排隊🫡加左15蚊嘅寒天冬瓜菜都好飲😍台灣菜黎講真係幾出色😋不過份量唔多 服務就算咁多人都好好😙會想encore性價比: 8/10服務: 8/10環境: 8.5/10🚩 台蔡滷肉飯 🚩地址: 荃灣海壩街99號地舖#fuudjai #fuudjai台灣菜 #fuudjai荃灣

舊啡店退場後由台灣人香港夫婦接手.台蔡滷肉飯聽聞由台灣大廚主理.主打各款滷肉飯.有麻辣滷肉飯及爆蔥滷肉飯等款式.少有地加入打溏心蛋/溫泉蛋.飽肚之餘.流心程度更加打卡滷肉飯以外更有供應花雕麻油雞湯及藥膳排骨湯~小食既九層塔鹽酥雞.蛋餅.大腸包小腸都超吸引😍可惜胃口都要留落之後行程➿爆蔥滷肉飯小妹 都十分期待.試左爆蔥滷肉飯配溫泉蛋~蔥Fans一定好開心.滷肉無想像中咁肥.肉粒都偏大粒有口感塊.感覺台灣食到偏甜既口味.而台蔡既就鹹甜適中.如果爆葱款式可以加入麻辣更加惹味🤤➿玉米起司蛋餅見到每一台都點嘅蛋餅.餡料都塞得滿滿.拉絲之餘外表香脆.可惜燶左少少.醬汁偏鹹中午12點去到已經要排一陣.店員都超友善的講解☺️.建議開門前10分鐘可以去食到第一輪.如果下次再去如果唔洗排太耐可以試埋其他款式同小食🤓.(.❛ ᴗ ❛.) foodiepoison 👩‍🍳  整體味道: 7/10  💸  性價比: 8/10  📸  打卡指數: 7/10  🤵🏼  環境服務: 8/10   🤔  推薦指數: 8/10

終於去咗超人氣台式料理台蔡滷肉飯，睇到網上有讚有彈所以都只係平常心，冇話抱好大期待去朝聖咁，畢竟作為台式料理愛好者我真係會要求比較高少少🤭到店近一點，都要係幾步遠嘅天橋下排隊等位，前邊有十幾個人。不過都算快，排咗差唔多半個鐘就可以入去，店內播緊周杰倫林俊傑五月天，坐低聽到店員嘅台灣腔國語都幾親切🥹落單係自助掃碼，愛蔥之人（我）梗係點爆蔥滷肉飯啦😍蛋可以揀溫泉蛋/溏心蛋，覺得蛋汁可能會影響滷肉飯個味道同口感我就揀咗溏心蛋，另加起司肉鬆蛋餅，飲白桃烏龍少甜（冇得走甜）加寒天😋爆蔥滷肉飯上到果然係滿滿一層蔥🤣撥開啲蔥花見到滷肉係肥瘦相間嘅肉粒，撈勻試下，滷肉個味道有啲似曾相識，但我又一時唔記得係邊食過類似嗰味（因為我食過嘅台式料理真係太多啦😂）好似有啲菇香？本身只係撈飯應該唔錯，但因為有超～多～蔥所以味道就淡咗，變食到生蔥味多於滷肉味😅酸菜我幾鍾意，味正少少辣都幾開胃😋溏心蛋個樣雖然比較casual不過都夠入味，米口感唔錯，睇餐牌話係台灣頂級蓬萊米🍚因為減肥我只係食咗三分一飯，但覺得個滷肉汁應該唔係好夠撈勻整碗飯🤭起司肉鬆蛋餅賣相都好吸引，好大份😍餅皮係手工蔥抓餅，咬落的確係酥脆，肉鬆同蛋都

排台蔡條人龍真係不容忽視，第一次經過見到，即刻掉轉頭唔排，成日見身邊啲朋友都話台蔡鹽酥雞好好味，攪到我忍唔住跟大家一齊排隊，好野係要排既，要付出下啲汗水。排左大約1個鐘左右，終於到我地入去，小店位置唔多，但環境乾淨裝修幾有特色。坐底見到有蛋餅，即刻叫番一個芝士蛋餅，份量都幾大份，3-4個人share食都得，咬落偏硬但幾香口。另外叫左兩個套餐，一個藥膳雞配小碗魯肉飯，一個鹽酥雞碗配小碗魯肉飯，兩個set都再跟左兩樣小菜，終於試到傳說中既鹽酥雞，果然無得頂，炸粉簿好香口，雞肉好嫩yummy 其他食物正常，整體不錯，仲未去到台灣旅行就可以過嚟台蔡止止痕先

星期五放假特登去試下，跟佢話荃灣exit D出，可惜我大鄉里唔識路，一出exit D好迷惘，要上番一層去上面大堂先有路去天橋過對面😓1330左右去到，都要等到14點左右先入得，勁好生意！叫咗兩個滷肉飯套餐，麻油雞同埋鹽酥雞，麻油雞正常，鹽酥雞比我想像中大份同埋隻雞炸到好Juice，好正！值得一試😋叫咗兩杯餐飲，百香果鳳梨同大紅袍珍珠奶茶，兩杯都好飲，但我地覺得百香果正啲😌如果無野做係值得一試，食完出到嚟15點左右條隊都係有好多人😎

星期五晚1915hrs到餐廳，等左大概45分鐘。🌟🌟🌟⭐️/5左大腸包小腸，台灣腸好食！ 然後個糯米腸係有輕輕煎過嘅，所以多左少少口感。🌟🌟🌟🌟/5爆蔥滷肉飯，建議揀温泉蛋。如果揀左溏心蛋，雖然都應該夠味但會少乾。🌱🌟🌟🌟/5芝士肉鬆蛋餅，因為唔係一上枱就食，所以有少少涼左，芝士冇得拉絲。同埋建議個醬油膏可以做得甜少少/唔好咁咸，然後塗多少少會冇咁乾。（大腸包小腸其實都係同款醬油膏，但台灣腸甜甜地所以救返）。  叫左2杯野飲+寒天鳳梨好飲過芒果，芒果有少少化學味寒天口味幾好btw  餐廳中間嗰堆枱真係少逼，郁郁下都會掂到人地手臂😹😹扣左少少分🤏