只 (已結業)

第一次泥，無睇食評所以中左伏，激氣到要第一次寫食評環境佈置ok, 但因為有枱七個女仔慶生所以超嘈，呢個唔算關歺廳所以就公平d 唔入佢數喇2人點左牛肋肉，黑松露意粉，兩杯綠茶飲品，餐湯。飲品正常，但單點就貴既。牛肋肉味道ok, 但唔熱既，三份一都咬唔開，我已經唔想曬野狂趙，仲咬到硬野最終放棄。-_-牛筋呢d我都算喇，當我唔好彩，最正係意粉等左半個中都未到，其他比我地遲泥既人點既食物都泥左，我終於忍唔住問，結果態度冷淡，一句唔好意思都無，之後話宜家煮，問我要唔要取消？？因為我餓佢話五分中，我就ok左你以為等30分中好耐咩？原來仲有更耐！有兩名女子自拍完一輪發現自己等左九個字碟意粉都未到！我地一路等時仲無人收碟意粉係幾好食既，但d店員態度差到無朋友，好似我泥消費仲欠左佢咁，要睇佢面色，受佢氣，完全角色調轉左，仲要收加一？加喺。。。你拎碟食物俾我呢個動作？你要我等都等得有道理d, 但佢地好似唔知咩叫priority。食品質素又一般，本身已無乜好大吸引力，加埋店員x口x面，完全係唔會翻轉頭！

一向很喜歡去咖啡店，無論午餐還是晚餐，感覺只要在咖啡店享用，整個人都會感到很放鬆，連食物也變得更美味！ 今晚去了試這間位於尖沙咀的樓上咖啡店，店子很小，坐位略為迫挾，但佈置用心，感覺都算舒適。 看了餐牌後，我們決定加$35轉成晚市套餐。套餐包了餐包和餐湯，但我們都加了$2 改為蒜蓉包。蒜蓉包塗了大量蒜蓉牛油，法包烘到很脆，再配上蒜蓉牛油，很美味，這$2 值得加！ 餐湯是煙三文魚忌廉湯，第一次喝三文魚忌廉湯，這個湯有很濃郁的忌廉味，而且會嚐到煙三文魚的煙燻味，感覺特別。匈牙利燴牛肋肉配燒薯角 $86 牛肋肉炆得夠"淋",不會乾，而且醬汁味道濃郁，連甘筍也充分吸收了醬汁的味道，變得很惹味。 燒薯角也不能錯過，薯仔切半再煎到表面微焦，內裏又粉又綿，很好吃！ 鹽燒蟹柳白菌明太子意粉 $84意粉質感彈牙有白酒香，但明太子味道不夠突出，醬汁分量足夠，每條意粉也沾到醬汁，整體OK。 套餐本身配$40 以下飲品，超出的金額需補回差價。焦糖燉蛋抺茶Cappuccino (左）& 玫瑰抺茶拿鐵兩杯飲品均用上丸久小山園抺茶粉沖製，抺茶味很香濃！ 玫瑰味和焦糖味都很巧妙地融合於抺茶中，不會喧賓奪主，但又充分發

呢間cafe既入口非常隱蔽，真係經過左都唔知，大家行到藥房格離會見到個好似住宅咁既入口，仲要保安開門既，我地行左好耐先搵到。星期五晚冇book到台full晒，得番出面個露台位，我地因爲太餓既關係就照坐啦。室內有重好warm既感覺，但出面個陽台就有d淒涼😂，好彩我地坐左一陣入面有人食完走，唔洗係出面吹風食塵。叫左兩個set有餐湯、包同野飲跟埋。野菌黑松露闊條麵，呢個好食呀，黑松露味好香，食完一啖又一啖，同埋佢係用闊意粉，咁樣配個醬就冇咁膩。而另一個就叫左，鹽燒蟹棒白明太子意粉架個個三文魚花花。呢個味道都唔錯，忌廉味濃，但食多幾啖有d溜，不過加左三文魚花花味道會好d，味道冇咁單一。不過我都係覺得黑松露個個好食d小食就叫左個車打芝士焗脆片，我就唔鐘意食呢個。似食緊薯片，脆片偏醎而且同個醬又唔太夾，我地格硬食先食到一半，呢個唔食都冇所謂。野飲叫左一杯泡抹鮮奶抹茶，可能我唔係抹茶控，所以配野對我黎講唔吸引，而且我覺得味道偏淡，擺耐一陣d冰溶左d之後個味淡到好水。另一杯就叫左蜂蜜柚子梳打，呢個就幾好飲，因為我地食既都比較膩，飲呢個就可以清下個口，又唔會太甜，非常好！總括黎講，呢到既麵質素幾好，試左

同友人好耐冇見，目的都係想搵間好hea同埋舒服的CAFE。上網一SEARCH尖沙咀的CAFE推介有2間，一間出名食牛油果，另一間就係呢間本身已經上左去牛油果cafe，但可惜冇位，而且留左電話，等左1個鐘都冇打番俾我地於是就上左只ZI即刻有位坐一入到去就覺得環境好舒服!ORDER食物由於同友人都唔餓既關係，我地只係叫左個甜品同堆野飲其實佢每款窩夫都差唔多只係個TOPPINGS有少少唔同窩夫普通，有點乾另外，叫左個ROSE GREEN TEA LATTE拉花好靚！ green tee味濃

去食tea記住預早12點好到喇，如果唔係下午茶變dinner。最激氣係咩？第一次追單：因為仲有好多單落得早過你。已經整緊，唔cut 得喇wor（***P.S.已經等左一個鐘，隔離遲來都已經食到中間）第二次追單：（已餓住苦等1.5小時）因為要等埋下一張先一齊煮，所以要等耐d （嘩，好創新呀！）留意番：由頭到尾一個唔好意思/ sorry都冇架！你黎食野，等1個半鐘，是常識吧?

餐廳不太大，但勝在可與好友hea一下的好地方。平日愛抺茶食品的我，覺得她們的Matcha Latte帶有回甘味，抺茶味濃，份量亦都大杯。至於小食方面選擇反而不多，不是太特別。但勝在抺茶飲品及抺茶甜品，十分好，有機會都會再試😋😋

朋友不知係邊度搵到呢間cafe，看到網上評論不錯就覺得不妨一試。一點左右去到樓下，大廈入門超級隱蔽，需要security開門。402，難道係商用住宅?！anyway，上到去真係好細間。靠窗位置裝修算不錯，不過靠近廚房門口的位置就一般。由於我地冇訂位，被安排做係門口位置。I don't know係唔係full booking。不過到我地食完走人中間有三張檯係吉lortotal就得七八張檯。。。食物選擇唔多，上菜速度有d慢。比較適合慢慢傾計噶地方~maybe。不過收碟的速度反而好快。兩個人兩個set lunch+芝士年糕泡菜，set包咗法包，餐湯and一杯40一下野飲。老實講，野飲偏貴，冇咩特色，樓上cafe黎講算係價格偏高。估唔到飲品竟然最先上~蜂蜜柚子紅茶，我覺得就算係熱茶食到個餐湯都唔熱啦。冇咩紅茶味，反而因柚子蜜太甜。餐湯配一塊法包，我比較中意個雜菜湯有紅腰豆。味道啱好，唔會太酸。法包鬆脆，能配多個牛油就好啦。跟住上年糕，外脆內暖，熱熱的配上泡菜，新鮮搭配味道不錯。終於等到明太子意粉，分量其實唔多，而且塊蟹柳係凍噶都幾多明太子，不過芝士粉唔夠多，味道算啱好。最後等到個黑鬆露蘑菇闊面

去睇叱咤前搵好嘢食，5點幾黎到唔駛book嘅，座位闊落。4個人叫左成枱嘢食，有蒜蓉包，芝士年糕泡菜，芝士焗脆片，雞翼，蕃茄水牛沙律，草莓醬窩夫配雪榚，蜆肉炒意粉同薯條。我地一致推介脆片，雞翼個點醬，窩夫同薯條，我地係搶住食，好快食哂。其他就一般，都可以食。呢個環境都幾好坐，可以hea幾耐。啲嘢食都幾飽肚，我本身有啲病病地，決定叫左個檸檬草橘茶，每次食嘢，飲一啖，個口都清新啲，個胃都舒服啲，呢個都幾驚喜。

這間CAFE無論是食物或是服務都實在讓我十分驚喜上OPENRICE看看，評論不算十分多我其實多年沒在OPENRICE寫食評了，連原本的Account都忘了怎樣登入但為了給它一篇好評，決定開個新account 回歸OPENRICE ！當日我們兩人叫了一個野菌黑松露闊條麵、芝士年糕、一壺玫瑰花茶，還有綠茶甜品拼盤（忘了名字）食物平均來說比我想像中水準高，價錢非常合理，個人認為是物超所值的而且服務態度十分好，我們當天從1點半坐到5點，店員都不斷主動為我們的花茶添加熱水

同朋友諗住搵個坐得耐既地方可以傾下一月旅行既行程，見openrice有人話呢道可以hea好耐，於是就book左五點半去呢間cafe食得野plan下。朋友準時五點半入到去，我就大約六點三先到。一入到去見到朋友就坐正係門口張檯，雖然當時全部沙發位都係空既，但聽店員講話全部都俾人book晒。咁其實我都有book丫，但唔知點解就係得個勁差既位同張無pang既凳咁不過都算啦，我去一去個洗手間出黎，朋友就同我講話店員話我地要七點半交檯。我地兩個都o左咀，唔好話唔夠時間傾行程，就連慢慢食下野影下相都無時間。完全唔明點解我下午訂座既時候會唔講聲先，even連朋友準時入座既時候都無講聲。跟住即刻諗番六點既時間朋友wtsapp我話店員提議我地不如叫野食先，驚一陣多人，重以為佢地好貼心啦，原來係因為想我地快d走等佢地可以做多幾輪生意所以最後決定咩野食都唔叫，求其見兩杯野飲走人就算。玫瑰花茶，60幾蚊，岩岩好沖到兩杯。其實味道都唔錯，蜜糖味唔會搶左玫瑰味，加上出面又凍又大雨，飲杯熱茶真係岩岩好。可惜俾店員激一激真係無乜心情再歎落去。朋友叫左杯咩抹茶綿花糖奶茶，好似真係有粒綿花糖係入面，都幾得意既。不過訂座安排

很久不見，和你上次見面，大概是半年前吧。原來相約吃個飯是這麼的難。我選了只是因為它没有一般餐廳的擁擠，反而有一種小店的閒適，大家都不是要求吃大魚大肉的人，簡簡單單吃個意粉，喝杯咖啡，談談天，這裏是最好不過。為了避開人潮，所以相約晚上6時半。一如既往，你還是遲到。所以我只好自己先去餐廳。想不到，6點半，餐廳都坐滿了人，幸好角落裏還有一張枱，可以讓我靜靜的玩著手機等你。餐廳不大，但木枱木凳的設計頗簡潔，牆邊的條子木架放有不少瓶瓶罐罐作擺設。情侶、三五知己自成一角談笑風生，但沒有很嘈吵。不久，在我低頭玩著手機時，一個人影坐在眼前，我就知道你也到了。你說這家小店頗別緻，感覺很舒服，雖然門口不顯眼，但原來別有洞天。我笑笑。是的，這裏是由幾位年輕人開的，雖没有外面餐廳五光十色的選擇，但是一間用心的小店，來過一次，希望讓你也來支持一下。我們點了2個意粉1個小食和2杯飲品，不多也不少，份量剛剛好。套餐的麵包和餐湯先上。我喜歡這裏的餐湯，清得來味道剛好，麵包也烤得香脆。鹽燒蟹捧白菌明太子意粉先上，紅色的蟹捧一枝獨秀坐在碟中央，下面有紫菜，煙肉意粉上又灑有芝士粉。你說這裏的櫻花蝦比外面見過的都大，我笑說，

之前去左只zi度食dinner😍鹽燒蟹棒白菌明太子意粉 $76匈牙利燴牛肋肉 $86套餐+$25(配40以下飲品)去cafe吾是飲咖啡是常識吧? 依個隱世樓上cafe係我既to eat list入面好耐，今次終於有機會一嘗。意想不到係有我最愛既明太子意粉🍝，配既係蟹棒，鹽燒過後幾香口，淋既質感配住意粉岩岩好。明太子量雖吾多，但成個意粉都有明太子味。岩晒女朋友逼吾鐘意食明太子既男朋友食，味道無甘重。匈牙利燴牛肋肉配rosemary薯角🐂 肉係主角之餘，薯角同燴過既蘿蔔都好合我胃口。牛肋肉質感係介乎淋與硬中間，有嚼口，但略嫌個汁比較重口。個人鐘意意粉多啲，但佢既薯角係全隻小薯仔甘焗，又有啲rosemary香氣，薯仔焗到岩岩好，激正。而蘿蔔燴到淋一淋，吸晒個汁既味😍餐湯青豆湯🍃，無運氣遇上佢既紫薯湯，因為每日都吾一樣架。但青豆湯都好飲！餐包配蒜蓉包加2蚊，好夠蒜蓉味但比較咸🙈飲品揀左玫瑰抹茶🍵同埋燒棉花糖朱古力☕。跟餐加20蚊同埋18蚊。依杯朱古力好飲在吾會起痰👍！好耐無遇到依種朱古力 而玫瑰抹茶極推介，濃濃抹茶味配上芳香玫瑰味。玫瑰味係有既，吾似出面既甘虛。同埋原本個拉花明顯啲架，係擺耐左

今天的天氣都不錯，我們都難得放假想食得悠閒一點，咁啱今天要經過尖沙咀，就決定去我最想試既Zi，地點近住利時個邊，都幾隱秘，搭𨋢上到去4樓，一出𨋢，地下有水滲漏，右邊就係「只」啦。店員有兩至三位年輕人，地方不大，大玻璃射進陽光，令店內很光猛，1:00開已有四、五枱客人陸續入坐，音樂播著台灣歌，聲量過大，少少嘈，先看餐牌，本來一心想食肉丸意粉，可是已經冇左啦，唯有揀過另一樣意粉-櫻花蝦海鮮蒜蓉炒意粉&日式醬燒小貝柱意粉兩個都跟飲品，叫左燒棉花糖朱古力同埋玫瑰鮮奶抹茶飲品先到，簡直係靚！朱古力個杯上面白色下面係濃濃朱古力，顏色漸變架！仲有兩粒已燒過的棉花糖！賣相已經值頗高分數！未攪混先飲一口，隻朱古力不是死甜，係好苦苦地既又不太漏既朱古力！攪混全部再飲剛好味道，不過甜，奶味同朱古力味份量調配得宜至於我杯玫瑰鮮奶抹茶一樣都冇得輸，極豐富的奶泡在上層，深青色的，好似好抹茶咁，嚐一囗，回甘味很好，抹茶濃郁，奶泡好厚好滑，不太甜，仲有陣淡淡玫瑰花味，好好飲櫻花蝦意粉黎啦，份量極多的櫻花蝦，冇腥味，蒜味好濃，意粉炒得剛好，每條意粉都充滿著蒜香，所謂既海鮮以為有幾款，但原來只有幾隻蜆，份量看似好少，但都

地段方便易搵，環境都好滿意，細細間具設計簡約又舒服，可惜冇影到相，有機會再去就會留倩影。。Menu選擇唔多，但都好好果，不過份量實在太小，大胃女王嘅我，就覺得不符合經濟原則啦。。Appetising 就叫左個煙3文魚嘅salad,面包粒太硬，菜都新鮮嘅。。煙3文魚都不過不失。。Main course 就有黑松露闊條麵，all day breadfast, 明太子意粉。。個闊條麵麵質lum左少少，不過黑松露夠多，又多汁所以入口唔錯👍All day breadfast 個炒蛋皮入黑松露一齊炒，喊左dd，但都好味，唔會太老。。以前唔中意食黑松露嘅我，都覺得好味😋明太子意粉，我就最中意，但就汁唔夠多，多返啲會再好食啲，冇咁乾身。。另外仲嗌左份雞翼，個樣睇落唔吸引，可以炸得太黑，或者指過啲油好啲，不過咬落啲肉都滑嘅，佢個汁做到好好，同雞翼好match，下次一定再encore！！飲品都好吸引，叫左泡沫鮮奶抹茶，飲落唔會太甜又有好香抹茶味😍😍仲有杯雪糕鮮奶古古力，好欣賞佢係用唂咕沖嘅(我覺得)，出邊好少有得飲，如果行過想抖下，一定要叫一杯試試佢，正正子！最後就更係切蛋糕，依間冇收切餅費咖，慶生絕對推

呢間位於尖尖嘅樓上cafe，成日full booking，上年walk in過lunch唔錯，今年又睇下有無退步到先～之前坐位比較少，空間感大啲。Green Tea Latte賣相不俗，入口有甘香嘅綠茶味，好濃郁，較一般Green Tea Latte厚身，綠茶份量比奶多，鐘意綠茶嘅朋友實屬不容錯過。雞翼皮脆肉滑，味道正常，不算太有特色。仲叫左一飯一麵share食，意大利飯一般，相對意粉較好食。上枱有陣日式炒麵香氣，意粉彈牙煙韌，每條沾上日式炒麵醬汁，炒得乾身香口。整體感覺唔錯，悠悠閒閒，所以又泥encore下。再上泥見到枱凳唔同晒，睇落坐位多左，佈置都依舊係簡約文青風。手寫轉左電腦印製嘅餐牌，少左份親切感。我地叫左兩個小食，兩個意粉，兩個主食都加40蚊轉餐，多左餐湯、小法包同飲品。餐湯係蘑菇湯，同之前的差不多，每啖湯都食到好多蘑菇粒粒。煙三文魚Caesar Salad賣相幾靚，啲三文魚捲到成朵花咁，有好多又青綠又爽脆嘅沙律菜配襯住，不過調味偏咸，蓋過菜嘅甜味。芝士焗薯條香脆熱辣，份量都唔少，如果可以加啲芥末醬味道更佳～櫻花蝦蜆肉炒意粉，有牛油香氣，洋蔥軟淋香甜，意粉彈牙好味，係略嫌炒得