影片
更多
2016-09-09
2203 浏览
呢間位於尖尖嘅樓上cafe，成日full booking，上年walk in過lunch唔錯，今年又睇下有無退步到先～之前坐位比較少，空間感大啲。Green Tea Latte賣相不俗，入口有甘香嘅綠茶味，好濃郁，較一般Green Tea Latte厚身，綠茶份量比奶多，鐘意綠茶嘅朋友實屬不容錯過。雞翼皮脆肉滑，味道正常，不算太有特色。仲叫左一飯一麵share食，意大利飯一般，相對意粉較好食。上枱有陣日式炒麵香氣，意粉彈牙煙韌，每條沾上日式炒麵醬汁，炒得乾身香口。整體感覺唔錯，悠悠閒閒，所以又泥encore下。再上泥見到枱凳唔同晒，睇落坐位多左，佈置都依舊係簡約文青風。手寫轉左電腦印製嘅餐牌，少左份親切感。我地叫左兩個小食，兩個意粉，兩個主食都加40蚊轉餐，多左餐湯、小法包同飲品。餐湯係蘑菇湯，同之前的差不多，每啖湯都食到好多蘑菇粒粒。煙三文魚Caesar Salad賣相幾靚，啲三文魚捲到成朵花咁，有好多又青綠又爽脆嘅沙律菜配襯住，不過調味偏咸，蓋過菜嘅甜味。芝士焗薯條香脆熱辣，份量都唔少，如果可以加啲芥末醬味道更佳～櫻花蝦蜆肉炒意粉，有牛油香氣，洋蔥軟淋香甜，意粉彈牙好味，係略嫌炒得
之前坐位比較少，空間感大啲。
Green Tea Latte賣相不俗，入口有甘香嘅綠茶味，好濃郁，較一般Green Tea Latte厚身，綠茶份量比奶多，鐘意綠茶嘅朋友實屬不容錯過。雞翼皮脆肉滑，味道正常，不算太有特色。
仲叫左一飯一麵share食，意大利飯一般，相對意粉較好食。上枱有陣日式炒麵香氣，意粉彈牙煙韌，每條沾上日式炒麵醬汁，炒得乾身香口。
整體感覺唔錯，悠悠閒閒，所以又泥encore下。再上泥見到枱凳唔同晒，睇落坐位多左，佈置都依舊係簡約文青風。
手寫轉左電腦印製嘅餐牌，少左份親切感。
我地叫左兩個小食，兩個意粉，兩個主食都加40蚊轉餐，多左餐湯、小法包同飲品。餐湯係蘑菇湯，同之前的差不多，每啖湯都食到好多蘑菇粒粒。
煙三文魚Caesar Salad賣相幾靚，啲三文魚捲到成朵花咁，有好多又青綠又爽脆嘅沙律菜配襯住，不過調味偏咸，蓋過菜嘅甜味。
芝士焗薯條香脆熱辣，份量都唔少，如果可以加啲芥末醬味道更佳～
櫻花蝦蜆肉炒意粉，有牛油香氣，洋蔥軟淋香甜，意粉彈牙好味，係略嫌炒得唔夠乾身，牛油醬汁有啲多。個人覺得淨係蜆肉都夠～櫻花蝦好睇唔好食。
另一個野菌黑松露闊條麵，creamy嘅忌廉汁沾滿麵條，加埋入晒味嘅野菌一齊食，忍唔住一啖又一啖～最後泥番杯Green Tea Latte做結尾，好似甜過之前少少，不過綠茶味一樣香濃～
總結呢間樓上文青cafe，服務幾好，食物ok，意粉較出色，整體環境唔錯，得閒泥食下傾下影下文青相係唔錯嘅選擇～ P.S. 都係覺得第一次泥感覺較好🙈
张贴
