影片
更多
2020-02-13
2705 浏览
之前呀媽呻哂話新年好多嘢搞，團年又要煮開年飯又要煮喎😫。為咗等佢無咁辛苦，我就上網睇吓啲盆菜，好多地方都有得賣，例如酒樓、快餐店同工廈啲舖仔，本身以為工廈嗰啲會平啲，但原來唔係！同時，我買盆菜有一個要求，就係要細Size的，因為我哋得四個人食嘛。除咗大集團嘅廣告外，我又上Instagram搵吓，搵搵吓期間見到古琴雅苑嘅盆菜幾符合我條件喎，因為係六人份量。我就打電話去餐廳問吓詳情，個姐姐幾有禮貌，解釋我聽一定要最少五日前親身去門市俾錢落訂，而預早訂就有酒、炒飯／炒年糕同優惠卷送。即係成個Set夾埋都只係承惠$788，其實都幾抵喎，一嚟係六人份量有飯有酒，二嚟就係大XX嗰類連鎖集團嘅盆菜雖然平百幾二百蚊，但感覺無咁好食😛。年三十晚我放工三點半去到灣仔分店自取，雖然餐廳已經落咗場，但佢都可以安排我呢個時段拎。之前店員仲溫馨提示我盆菜都大袋㗎，又重，叫我最好兩個人嚟拎，幾細心😊。餐廳將盆菜放一袋，第二袋就係兩盒盆菜嘅湯汁同盒炒飯，另外再加一支酒，確係幾重。店員提示我要先整熱兩盒湯，其後將熱咗嘅湯倒入個盆菜到，再以慢火滾熱全部食材，最後加熱15-20分鐘就食得🍲。不過呀媽滾下滾下都搞咗一個鐘！題
48 浏览
0 赞好
0 留言
年三十晚我放工三點半去到灣仔分店自取，雖然餐廳已經落咗場，但佢都可以安排我呢個時段拎。之前店員仲溫馨提示我盆菜都大袋㗎，又重，叫我最好兩個人嚟拎，幾細心😊。餐廳將盆菜放一袋，第二袋就係兩盒盆菜嘅湯汁同盒炒飯，另外再加一支酒，確係幾重。
店員提示我要先整熱兩盒湯，其後將熱咗嘅湯倒入個盆菜到，再以慢火滾熱全部食材，最後加熱15-20分鐘就食得🍲。不過呀媽滾下滾下都搞咗一個鐘！題外話，個鍋係唔可以用電子爐加熱的。
古琴風味燒鴨海鮮盆菜
$788
37 浏览
0 赞好
0 留言
古琴風味燒鴨海鮮盆菜，賣相非常吸引，連呀媽都有讚👍。食材包括鮑魚、海參、帶子、鮮蝦、烤鴨件、花雕醉雞、豬手、冬菇、蠔豉、豬肉丸、芋頭、蘿蔔、津白同西蘭花。
古琴風味燒鴨海鮮盆菜
$788
34 浏览
0 赞好
0 留言
上述嘅食材真係無多無少，而且每一樣餸都足起碼六件，唔使爭食。同時，餐廳亦無將大量蔬菜🥬塞喺盆菜底，墊高去，全部真材實料👏。鮑魚有逐隻界花紋，口感唔韌，亦都尚算大隻。好多盆菜平啲啲就係因為無鮑魚，如果你要就逐隻加，所以而家真係抵！另外，海參、帶子同🦐蝦都富有鮮味同彈牙。至於鴨同雞就無乜特別，雞嘅花雕味唔算突出，啱唔好酒味嘅人。我哋唔食🐷豬手，呀爸一條友食哂六嚿，佢話好好食同忟得夠淋。最後就係啲蔬菜，芋頭幾香、津白蘿蔔索味、唯獨係啲西蘭花🥦太淋！盆菜個汁亦都好正，夠味，如果送🍚白飯就一流！
古琴鴨肉炒飯
46 浏览
0 赞好
0 留言
預早訂盆菜可加送一份上海炒年糕或者古琴鴨肉炒飯，我哋要咗炒飯，但見到個實物就幾失望😦！因為個份量超少，一人量都嫌少，個盒細之餘，仲要裝唔滿😡，餐廳仲聲稱盒飯價值$134...。味道方面就正正常常啦，炒得夠乾身，不過無乜鴨肉。
另外，預早訂仲有一枝餐酒送🍾，又幾好喎😍。
最後，就係兩張$50現金券，可以堂食時使用。不過條款係食滿$250先用得，同埋二月尾到期，即係作用不大。
古琴風味燒鴨海鮮盆菜
$788
37 浏览
0 赞好
0 留言
张贴
